احببته بطيبتي فبادلني بقسوته 💔

الفصل الثالث والثلاثون والاخير"هتوحشيني"💙

كيفَ لا يُعنيك رحيلي ! وقد رأيتُ ملامحكَ تشكّلت على هيّئة طفلٍ باكي يُلوح بِوداع لِوالدته ..
_____________________________________

ف اليوم اللي بعده
ملك صحت الصبح وقررت تبدأ من جديد بعد ما خلصت من خالد قرررت تنتظم ف صلاتها وتغير من نفسهاا
- ملك غيرت هدومها وادت فريضتها ونزلت راحت الشركه
عند ادم
ادم كان تقريبا مرتاح لان جزء من همه خلص واخد حق اخته وخلصها من اللي كانت فيه

ف شركه ادم
ملك وصلت وراحت مكتبهاا وفضلت تشتغل وادم بيتابعها من بعيد وهو حاسس بتغييرها وكان مبسوط بس فرحته مكنتش كامله لانه عرف ان صباا هتسافر
بس مش قادر يواجهها ولا يمنعها فقرر يسيبها تعيش حياتها اللي حرمها منها وتحاول تبنيها من اول وجديد

قاطع تفكيره دخول يزيد
ادم : يزيد...انت مش كنت هنا امبارح مش عوايدك يعني ده انا كنت بتحايل عليك تيجي
يزيد : عادي..وحشتني فجأه
ادم بعدم اقتناع : وانت كمان وحشتني
يزيد : الا قولي روحت فين كده امبارح كلمتك كتير
ادم : مفيش...كان في مشكله تخص ملك وكنت بحلها
يزيد بفضول : خير...مالها
ادم : كانت بتتطلق
يزيد بصدمه : وهي كانت متجوزه!!
ادم : ااه
يزيد : امتاا وفيين....ومقولتليش لي
ادم : لا هي معملتش فرح كان كتب كتاب بس وحصلت مشاكل واتطلقوو
يزيد بفرحه : اهاا طب كويس
ادم بإستغراب ؛ هو اي اللي كويس
يزيد : احمممم اقصد ييعني انهم اتطلقوو قبل ما المشاكل تكبر
ادم بصله بصه يزيد مفهمهاش ورجع بص ف الورق اللي ف ايده تاني
يزيد : يلا انا همشي بقااا......اه صحيح عامل اي مع صباا
ادم بضيق ؛ سابتني
يزيد : سابتك ازاي
ادم : لا دي محتاجه قاعده ابقاا عدي علياا
يزيد : ماشي هعدي عليك بليل..

خرج يزيد وهو ماشي جت ف باله ملك ضحك وقرر يروحلها المكتب
يزيد سأل ع مكتبها وراحلهاا وخبط
ملك : اتفضل
يزيد دخل واول ما شافها ضحك
ملك ابتسمت : اهلا اتفضل
يزيد قعد ؛ ازيك
ملك : احمم الحمد الله
يزيد : انا كنت خارج وبعدين قولت اعدي اباركلك ع الشغل الجديد
ملك : الله يبارك فيك..ميرسي
يزيد بتوتر ؛ اي رأيك...نخررج نتغدي مع بعض
ملك بضيق : لاا طبعاا اي اللي انت بتقوله ده
يزيد : اناا اسف انا مش قصدي حاجه انا كنت هستأذن طبعاا من ادم....عن اذنك
خرج يزيد وهو مضايق
ملك لنفسهاا : اي اللي انا عملته ده ازااي احرجه كده هو مكنش قصده حااجه.....بس لااا انا لازم اتعلم من غلطي...مستحيل ارجع احب تاني
_______________________________
عند صباا
صباا لسا راجعه من براا وكان باين ع وشها التعب
امينه : ها يا بنتي عملتي اي
صباا بحزن ؛ قالولي ان الاجراءات هتاخد شويه وقت...
امينه : ولا يهمك يا بنتي ما انتي منوراني اهوو وانا بصراحه ملحقتش اشبع منك
صباا : رربنا يخليكي ليا...انا كنت عايزه اتكلم معاكي ف موضوع اي رأيك تسافري معايا
امينه ؛ اسافر اي بس يا بنتي انا مقدرش ابعد عن بيتي انا عايزه اموت ف فرشتي واللي جاي مش قد اللي راح روحي انتي يا بنتي وابدأي من جديد وربناا يوفقك ف حياتك الجديده
صباا بحزن ؛ بعد الشر عنك...بس ف اي وقت حبيتي تجيلي تكلميني ع طوول
وانا هسأل عنك دايماا
امينه حست ان صباا مضايقه فسألتها
امينه ؛ هو لسا مسألش
صباا ضحكت بوجع : هووو...هو نساني خلاص خلص مني
خلاص حقق اللي هو عايزه انا بقاا جرالي اي مش مشكلته لو كان عايزني كان جابني زي ما عمل قبل كده ومفيش حاجه تقدر تمنعه
هوو..عمره ما حبني عمري ما شفت ف عنيه نظره حب كان دايما في كره
بس خلاص اللعبه خلصت وهو اللي كسب
....انا هدخل ارتاح شويه
امينه بحزن : ادخلي يا بنتي ربنا يجازي اللي كان السبب انا هحضرلك الاكل عشان تاكلي