" رأيتها بالعيون الزرق ترمقني فاغرقتني و ما للبحر شطئان
ملاك :
انا: اطلق اطلقني... انا ما نسحقش واحد يحب واحدوخرة ...مانسحقش نقعد مع واحد موشم اسم مرا واحدوخرا.... مانسحقش واحد كيما نتا.... يا انا ما نحتاجكش ما نحتاجكش كامل في حياتي
هو(دربة واحدة و بل عياطو ) بصح انا نحتاجك... نحتاجك في حياتي و ما نسحق حتى مراة من غيرك
عينيه كانو قريب يخرجو و شا دلي يدي بقوة ما تتصوروش شحال و تالمون كان معصب عينيه كانو خارجين.....
اما بنسبة ليا انا كنت مشوكية فرحانة زعفامة ما علباليش واش راني حاسة من لداخل... بصح كان عندي سؤال في راسي... واش معناتو كي قالي هكا ؟؟؟؟ يحبني!!
و لتما قعد يغزر فيا.... و ما زاد حتى كلمة... و بدا يرجع خطواتو للور و يبعد عليا.. لانو بدا يتكاكا على واش قال و بدا يبعد عليا بشوية حتى راح و خلاني هو مشوكي و انا كثر منو............
بعد ساعات :
كنت فل بيت وحدي ساعات نضحك و ساعات نبكي... نضحك لانه و اخيرا سي جهاد قالي جملة مفيدة بعد عناء طويل و نبكي لانه ما علباليش واش راح يصرا اومبعد... ما نقدروش نكونو انا و جهاد كيف كيف حتى ولو قالي بعضمة لسانو انو يحبني.... بسبة واش صرا هديك ليلة.... مستحيل نقعد معاه .... كنت قاعدة نخمم حتى تدخل عليا عائشة
هي: سي جهاد قالك وجدي روحك
انا: علاش؟
هي: ما علباليش مي بصح عيط لدار و قالنا قولو لعروسة توجد روحها....
انا: خلاص روحي دورك نجي
و هي غير خرجت انا درت عرس و قاعدة نتشقلب فل بونك و ميتة بسعادة.... حتى ضربني جن و قالي حبسي علاش راكي فرحانة؟؟؟؟؟ علاش قلبك راه ميت بسعادة؟؟؟ ....اوووف علاش فرحتي ما دومش... قعدت هكاك حتى زدمت عليا ملاك
هي(ميتة بسعاذة كثر مني و جات عنقتني)
انا: خييبير واش كاين واشنو هو سر هاد سعادة؟
هي: واش راح تلبسي قولي؟
انا: ااا شكون قالك
هي: لقصر كامل راهو سامع بلي نتي و جهاد راكو خارجين و ما راحش جوزو ليلة هنا
انا كي قالتلي ليلةما راحش نجوزوها هنا تخمامي راح لبعيد و لبعيد تا ع لبعيد
انا: كيفاش ما راحش نجوزو ليلة هنا
هي: علبالي وين راح تخمامك و حتى انا راح تخمامي لتماك 😏
و راحت تجري لخزانة تحوسلي على حوايج
انا: بطلت ما نروحش نقعد هنا
هي: واشنو؟ هبلتي؟ راكي حابة جهاد يجي لهنا يديك بسيف؟ و اعرفي كي يجي يديك بسيف اعرفي شي لي يجي موراها راح يكون بل قوة
انا: خلاص ما تكمليش فهمت
هي: مليح و راحت لخزانة و قاعدة تحوس ....حتى خرجتلي واحد لبسة ماتنشافش
انا: هبلتي نلبس هدا.....
هي: واشنو راكي مع راجلك نورمال
انا: بعدي بعدي
و لتما خيرت استر لبسة فكامل لبسات لي يرقدو بيهم نسا (نظن فهمتو بلي نويزات)
انا: هادي مليحة
لتما هي غزرت فيا من لفوق للتحت و نحاتهالي
هي:شوفي نموت و ما نبعتكش عند خويا كيما علجية بنت لبلاد... هادي لبسة..... لازم تكوني داربة حاطة من لفوق للتحت واش بيكي
انا: سماك راح تبعتيني نبريي عندو
هي: باينة.... ديجا نتي تعتبري لمحضوظة ف كامل نسا تاع لعشيرة
انا: قولي والله... علاش؟؟
هي: لانه خويا هو راجلك
انا😑😑😑😑😑😑 بعدي بعدي.....
و قعدنا هكاك انا وياها و بسيف باش خيرنا وحدة
هي: هادي!!
و قاعدة تديرها عليا باش تشوف كيفاه خرجت
هي: والله و طفرتها ياخويا يا خويا
انا: ..ماشي بزاف قصير
هي: بلاكي تقوليلي مانديهاش... خرج عليك و خرج مع عينيك... والله خويا ليومة يهبل و هاني قتلك احححح الا قعدتي هكا قريب يولي عندنا بيبي فدار و هانا عند بعضانا 😏
انا: ملااااك !!
حتى نسمعو صوت طبطيب فل باب و انا حكمت هديك نويزات خبيتها مورايا...
ملاك: ادخل
عائشة : لالة ملاك طارق هاو يسنى فلعروسة باش يديها
هي: قوليلو دورك جي....
خليت عائشة راحت باش قلتلها ل ملاك
انا: وجدي روحك جي معايا
هي: علاش ؟؟
انا: باش كي تحطوني تقعدو نتي و طارق وحدكم هايليك علاش
هي:بصح...
انا: ني بصح ني سيدي زكري يسموك جاية معاية
ايا اجري
رحت لبست هكا.....
و هديك لعفسة درتها فصاك.. مي حتى ولو لبستها نلبسها باش نهبلو و ما يشوف والو 😈😈😈
*******
بعد ما هبطنا و لقانا طارق ...و قعد يغزر فملاك و حبس فبلاصتو
انا: طارق ملاك جي معانا دورك و مور ما تحطوني اديها باش تفري شغلها ياك
هو: ايه... ايه
و ركبنا فطنوبيل مع سكوت تام...... حتى انا بديت نهدر
انا: طارق كاين كاش وحدة في حياتك (علبالي ما نحشمش)
هو: (ملخلعة تلفتلو لهدرة) ك ..ككك كيفاش
انا:يعني... كاش وحدة راك معول تخطبها ولا تتزوجها...
ملاك (بهمس و بلعقل) واش راكي ديري هبلتي
انا: راني ناڢيڨيلك فل عريس
هو: لالا مزال
انا: الا ماكاش اني دبرتلك عروسة
ملاك لتما غزرت فيا و بلڨت عينيها
هو: هههههه واش دورتيها خطابة
انا: بععع لحباب برك هههه
هو: وشكون هادي؟؟ كاش طليانية 😏😏
انا: 213٪ دزرية
ملااك بين شواربها) اسرار 😡😡
انا: ما نطولش عليك لعروسة هاي قدامك
هو: انا عمباتلي صح ظهر حبيتي تزوجيني ببڨرة
لتما انا غزرت فيه حليت فمي و ملاك طلعلها لغاز و بدات تعيط
هي: انا بڨرة علاه راك تشوف فيا لباب ما يفوتنيش
انا: ملاك كالمي روحك
هي: واش نكالمي واش... تاع وجهو يتزوجني
هو: بصح هي قالت قدامك و قدامي كاين صح بڨرة
هي: مزالك تقولها مزالك تهدرها
هو: نتي راكي مورايا...... و هايليك لبڨرة..... قدامي
و لتما غزرنا لقدام... و كانت صح بڨرة تمشي قدامنا..... انا طرطڨت بضحك و ملاك حمارت كان لقات لارض تنحل و تبلعها.....
انا: ههههههه والله تليقو لبعضاكم نتوما.... والله طنيجرة ولقات غطاها
طارق: (اول مرة نشوفو حشمان) هو ماكنتش نقصد عليك مستحيل نقول هاد شي ليك...
انا: احم احم... ايه كي فهمت واش رايك فل عروسة ما عندك ما تقول عليها
هو: اااا... انا وصلنا...
انا: 😑 بففف اهرب اهرب.. بصح وين راه صاحبك
هو: ما علباليش
انا: ايه راه يلعب معايا لغميضة.... و هبطت و لتما قلتلها لملاك
انا: ملاك اتهالاي.... 😏😏😉😉😉
و ما غزرتش كامل فيا قاعدة مهبطة راسها هما قلعو و انا غزرت فل بلاصة.....
كان علبالي بلي راح يجيبني لهنا.. (وين جوزنا ليلة عرسنا) بصح وين راح نلقاه بففففف دخلت داخل دار و قاعدة نحوس عليه بصح مكاش
بفففف حتى تليفون كي ناس ما عنديش..... خرجت من دار و رحت لاسطبل بلاك راه لتم.... و كيما كان لحال غير دخلت شفتو قاعد يوكل فل عود... انا قاعدة هكاك نغزر فيه و غايسة كامل. و قاعدة غير نبتسم حتى نسمعو ..
هو: دورك يدخلك دبان في فمك
انا بديت نفطن و ما لقيت ما نقو و لهدرة تلفت... حتى نشوفو جاي لعندي وقعد يغزر فيا من لفوق للتحت و ابتسامة عريضة على وجهو ....لدرجة.انه شكيت كاش ما عندي خنونة في وجهي و لا راني لابسة حوايجي مقلوبي..... كي وصل لعندي قالي
هو: هدا كامل على جالي
انا: سيفوني.... سينو والله ما تشوفها وربعت يدي و دورت وجهي
هو: كدابة
وحكملي وجهي دورو باش نقابل وجهو و طابس ليا و قعد يغزر فعينيا ما حبش يحبس
هو: (بهمس) عينيك يقتلوني
و حط نيفو فوق نيفي
هو: كان نقعد نغزر فيهم منا لغدوة ما نكرهش
موراها هبط عينيه لفمي و عاود غزر ف عينيا كي شغل راه يدوموندي ادا يقدر يبوسني و لا لالا.... و انا لتما غمضت عينيا حتى يقولي
هو: بصح قبل هادي لازم نوريلك عفسة
انا لتما فتحت عينيا و غزرت فيه
انا: كيفاه
هو حكملي يدي و واسالي تبعيني.... و كيما كان لحال.... حتى وصلنا جيهة لعود ديالو و كي غزرت مليح لقيت كاين 2 عواد واحد بيض واحد كحل
جهاد: واش رايك فل كادو
انا: كادو!! ليا!! انا!!
هو واسالي براسو ايه
انا قاعدة نسوطي فبلاصتي و مانيش مأمنة بلي ولا عندي عود
انا: جبتهولي بيض
هو: جبتها بيضا
انا:بييي بزاف شابة و رحت ليها قاعدة نلعب بشعرها
هو: و واش تسميها!!!
انا: اممممم اسرار عليا انا 😁😁..مي دورك لازم تاعك تاني يولي عندو اسم .......😏😏😏😏 جهاد مثلا....
هو: شكون قلك ما عندوش اسم!!
انا: اااممم واسمو!!
هو: اصلان......
انا:بصح كنت متمنية يكون اسمو جهاد كيما نتا
هو: اي خلاصت لهدرة
حكم كاسك و دارو فوق راسي و موراها رفدني و حطني فوق لعودة ديالي 😊😊
انا: جهاد واش راح دير
هو: ندير تير
و ركب فوق اصلان و شد بلانكا من لخيط ديالها و قعد يمشي فينا و انا ميتة بل خلعة و خايفة
انا: جهههاااااد اني خايفة.... كان درنا كيما هديك لخطرة ماشي خير !!!
هو: عمرك ما تخافي كي نكون انا معاك.......
انا لتما غزرت فيه و لقيتو يغزر قدامو و ما كاين حتى علامة على وجهو
انا: يعني تحميني من كلشي من كلشي.... حتى ولو كان ثمن حياتك...
هو: ....حتى ولو كان ثمن حياتي....... ولتما حبس لعواد لانو وصلنا لهديك لبلاصة وين كاين قبر بابا و يما
انا: ااا جينا لهنا
و لتما جا ليا حكمني من خصري و هبطني بصح قعد رافدني و يغزر ف عينا
هو: هادي لبلاصة لوحيدة لي نكونو فيها بعيدة على لغاشي و ما يوصلها حتى واحد
و انا كي قال هكا بدا تخمامي يروح لبعيد تاع لبعيد.... 😲
هو: ...اممم ايوى لي راكي تخمي فيه هو لي راح يصرا 😈
و هبطني و حطني فلارض..
انا: كيفاش؟؟
هو: او يقولي راسي نديرو... و قعد يغزر فيا هديك لغزر تاع لي خارجين طريق... كي شغل حاب ياكلني...
انا: بعععع ما تكملش ما نسمعش خليني نروح لدار و جيت رايحة عكس لاتجاه تاعو
حتى يجي هو من مورايا و يحكمني من خصري و يرفدني
انا: جهاد حبس.... جهاد اطلقني
هو: بعد ما حكمتك و الله ما راني طالقك
و قعد رافدني حتى وصلنا لقدام شجرة باش حطني و حاصرني معاها و لصق وجهو في وجهي
هو: هنا نكملو وين كنا
انا: بصح جه....
و ما خلانيش نكمل و باسني....... مع لاول كنت خايفة و مشوكية ...اومبعد جاوبت معاه حتى نفس تقطعلي 😳😳
و مور ما بعد عليا حكم وجهي بين يديه و قالي
هو: لازم نصارحك بحاجة
انا كي قالي هكا بتاسمت لا اراديا.... و قلت دورك يعترفلي بانو يحبني و لا يعود يعرض عليا زواج كيما يديرو فل افلام......حتى نشوف واحد موجه سلاح على جهاد
انا : جهاااد
و دورتو باش نبعدو... حتى نسمع صوت رصاص و حاجة سخونة دخلت فيا...... موراها ما وليت نحس بوالو و ظلامت ما بين عينيا
**********
Slm lbnat nchlh tkunu labes 7abit n9olkum mrc 3la l 1000 vu mrc mn 9lbı w mrc lkml lbnat lı rahum yoncorajıw fıya w yhabunı w meme ana n7abkum 😘😘😘 w nmut 3lıkum
W tanı 7abit n9olkum blı dart 2 partıe hnaya drba wahda lıanu redwa ma rahch n9Dr npublıyı 3labıha jm3thum
W ntmanalkum 9ıra2a jayıda
Hah w ma b9ach 9D lı fat w ila 9drnı rabı 9bl october nkml lhkaya nchlh