#سم_بجرعات_لذيذة
#للكاتبة_ايناس
البارت 8
عندما كنا نصارح بعضنا بالحب الدفين
جاءت رماح الغدر واصابتنا بنبالها
انت تسير أمام ناظري للموت
وانا أشلاء قلبي تمزقت بمكنوناتها
قولي لي يا دنيا هل لنا لقاء
مع الحبيب وتجتمع بالهوى اعيننا
ام على رحال العمر نترك الحب
وطريقنا بالأشواك قد زرعا
الماضي
من صارحت زهراء أحمد بحبها ديريد يعترف بحبه الها بس ما لحك لأنه بهالأثناء اجه فهد للمستشفى وابو زهراء وحماية ودورية وياه (فهد المسموم بعد ما طلع من البيت راح لأبو زهراء وفهمه أنه لكة زهراء ويه أحمد بمنظر غير لائق ومستعد انه يتزوجها رغم هذا الشي وأنه ابو علي دافع عن زهراء وطرد فهد من البيت وأحمد تعارك وياه وخلال العركة ابو علي وكع وانضرب براسة)
طبعا الردهة فرغوها بحكم رتبة ابو زهراء ولا أحد غريب دخلوه بس المرضى بالغرف مالتهم
ابو زهراء : لج تعالي يا عار يا تعب سنيني يا حقيرة وديسحب زهراء من ايديها وزهراء متأذية ودتبجي أحمد ما تحمل لزم ايد ابو زهراء : لا تأذيها ما الها اي علاقة إذا تريد تقتل أو تأذي أحد فأني هو المسؤول وزهراء ورة أحمد والحماية من شافو أحمد لزم ابو زهراء أجو عليه وكامو يضربون بيه وفهد أولهم
وزهراء تصرخ وتتوسل بأبوها يعوفه
وفهد أخذ أحمد للسجن وزهراء وكعت وكامت تنزف من خشمها وأخذها ابوها
نرجع للحاضر.......
قاعة الحفلات
مليانة القاعة عالم وناس لأنه اليوم عرس زهراء ونهى
زهراء تحجي وية نهى
نهى اني اسفة ورطتج وياية
نهى : لا تعتذرين زهراء لأنه حتى لو انتي ما حبيتي أحمد ومصار إلي صار فأكيد هو مصيري واحد اتزوج من هالمجتمع الطايح حظة ما بأيدي شي
زهراء : انتي حبيتي أحمد؟؟
نهى : ههههههههه لج بابا كل الي حجيتة من حبي لأحمد كنت أريدج تعترفين بحبج انتي لأحمد ردت أشعل نار الغيرة بكلبج وتصارحيني بحبج وتعيشين حتى لو يومين حلوة بعيد عن هالحياة القذرة وتجربين شنو معنى الحب بس ما لحكتي حتى تسمعين كلمة أحبج
زهراء : وداعتج نهاوي حسمعها
نهى : شنووووو؟؟؟
انتي ع شنو ناوية ولج احجي؟؟
زهراء : حكولج
.
.
.
بيت ابو علي
أحمد كاعد وديحضر ملابسة وفجأة سمع عياط الحجية ام علي ركض أحمد خاف لا أبو علي صار بي شي وكانت المفاجأة انه زهراء كبالة وبفستان العرس
ركضت زهراء ع أحمد وحضنته
زهراء : أحمد فدوة اروحلك خلينا نروح لأي بلد حضرت كل شي ساعدني واحد نطيتة كووومة فلوس وسوالنا جوازات مزورة امشي دنروح وتجر بأيد أحمد بس أحمد واكف ما تحرك
زهراء : احمد ليش واكف
أحمد : زهراء روحي لأنه اني........ اني......
زهراء : انت شنو أحمد
أحمد : اني ما أحبج انتي بنيتي آمال ع لا شيء
زهراء : بس اني.....
قاطعها أحمد : انتي شنو اني وكفتلج وكفة رجال وما خليت فهد يأذيج أو ابوج بس الظاهر انتي تصورتي غير شي واني اسف اذا حسيتي انه اني احبج
زهراء : بس انت تحبني واني واثقة من هالشي
أحمد : بس اني هذه حبيبتي وأخذ أحمد زهراء للمطبخ وشافت وحدة حلوة (وهي وسن زوجة ادهم)
زهراء : منو هذه؟؟؟؟ وعيونها تصب دمع
أحمد : هذه حبيبتي واسف اذا حسستج بشي
زهراء بس تباوع ع أحمد وتبجي وطلعت من البيت وقبل لا تطلع من البيت اندارت ع أحمد:
أحمد حلوة البنية ذوقك روعة بس ذوقي اني احلى
أحمد وكلبه ديتقطع من الوجع :
منو تقصدين فهد
زهراء : لا انت.... لأنه انت الي حزوجه اليوم فهد ملكني جسد بس روحي وكلبي تزوجوك انت بس كلمة وحدة اكولها ومن كل كلبي الله يوفقك بكل خطوة تمشيها
وانت راح تبقى عايش بدمي
وراحت زهراء
..........
.........
.........
دك صدرك وكولي وياك...... ما اعوفك ولا ليلة
وإذا همك كبر لا تخاف......... عندك كلب إلي يشيلة
ابجيلك غيوم سماي........... وانزل دمعي كل حيلة
وال يزعلك اجرم بيه......... مني ويلة يا ويلة
احلفلي ماكو ألنه فراك....... سوية الموت نمشيلة
بعد شفتي حرام تبوس....... فدوة لشفتك الهيلة
أريدك تحمي ظهري بيوم...... تجيني من البشر عيلة
فوكي خيمة كون الكاك......... بهاي الدنيا ال طويلة
يل غيرك بعد ما أريد........ ولا أكتب واغنيلة
سدت الباب زهراء
وأحمد ولأول مرة في حياته تنزل دموعة ولأول مرة يعرف الدمع وحركتة وكعد بالكاع وابو علي وأدهم&وسن&ام علي يباعون عليه ويبجون وصار هدوووء وصرخ أحمد بعالي الصوت ويبجي ويدك ع كلبه حيل ركض عليه أدهم وحضنه حيل ويصبر عليه
أحمد : ولك أدهم شسويت اني بحياتي ليش ما مكتوب إلي اعيش ولك أدهم الحكلي راح اموت ولك هذا (ويدك ع كلبه) راح ينشلع من مكانه ولك أدهم احبهااااا وبصوت عالي كام يصرخ ليش يا ربي شسويت اني ما فد يوم كفرت بيك ولا اعترضت ع حياتي ليش من دك كلبي دك بمكان مو أله يا ربي أخذ روحي وخلصني يا ربي وداعت العزاز(أمه وابوه) ما اكدر اعيش بعد ولكم (يحاجي أمه وابوه) اخذوني يمكم اريدج يا يمه وداعتج تعبت وكعد احمد ع الكاع وأدهم حاضنة ويبجي
أحمد كافي وداعت قمر شلعت كلبي
..
.
.أبو علي : ليش ما رحت وياها بابا ليش هيج سويت وهي تحبك وانت تموت عليها ويبجي ابو علي ويحجي
أحمد : شلون وانتو؟؟؟ اني اذا أخذها واروح ماكو واحد بيكم يبقى عايش شنو ذنب أدهم لأنه صديقي شنو ذنبك انت عمو شنو ذنب الحجية ام علي وشنو ذنب قمر ووسن وعمامي وخوالي يمكن اني أخذها واروح بس ما ارتاح لأنه عوائل راح تتذبح ورايه خلوني بس اني انذبح هو اني اصلا انذبحت (ويبجي أحمد بصوت عالي) ولكم يا عالم حتى المذبوح احسن مني اني شلت سجينتي بأيدي وذبحت روحي
...........
...........
............
متابعين القصة (،منو مثلي؟؟؟ اني اكتب وابجي) يعني قصة احمد تقطع الكلب
فهد وابو زهراء ديجوون ع ابو علي وناوين يشلعون صفحة كل أحد الة علاقة بأحمد لأنه ملكو زهراء بالغرفة
والصدمة انه لكو زهراء كبالهم قبل لا يطلعون
بعد مرور 5 سنوات
ابو علي على فراش الموت وكل الي طلبه شوفة أحمد اجة ابنه علي وتوسل بيه يسامحه بس ابوه ما سامحه ابد أما ام علي فاصلا ما قبلت تشوف ابنها وكالت انه ابنها مات من زمان وبقى بس أحمد ابنها
أحمد دخل لابو علي وهو بأنفاسة الأخيرة
ابو علي : حمودي وينك عني مشتاقلك تعال اشمك
أحمد : عمو لا دكول هيج عمرك أطول من عمري وينك حجي يلة كوم دناكل بسبوسة جايبلك شلون بسبوسة تخبل مثلي ههههههههه
ابو علي : سامحني حمودي واشكرك هواية اني
أحمد : حجي شتحجي انت فدوة لعمرك لا تموتني يلة كوم
ابو علي : اريد منك طلب واحد بس
أحمد : عيوني إلك
ابو علي : أريدك ترجع هنا الحجية ما ألها أحد بعد بس الله وانت
أحمد : ابو علاوي وانت خيمتنة لا دكول هيج
أبو علي : وأريد منك حمودي قبل لا اموت دكولي بابا ومعزتك عندي احس اني الي ربيتك
أحمد : وانت يا يابة سندي بهالدنيا شعندي غيرك اني
وبعد لحظات لفظ ابو علي الشهادتان ومات
وكانت هذه أصعب ايام عاشها أحمد وام علي
ام علي : حمودي ارجعلي ما عندي بعد غيرك اني
أحمد : أكيد اني شعندي غيرج
أحمد صار من رجال الأعمال الكبار ويملك ثروة هائلة هذه الثروة حصل عليها من ابو علي
ابو علي كان يشتغل بالخارج رجل أعمال مشهور جدا لكن والده راد يورط ابو علي بأعمال العائلة المشبوهة كان يطلب من ابو علي بحكم شغلة يصير ستار لغسيل الاموال مالتهم بأسم ابو علي بس ابو علي مقبل هالشي وبنفس الوقت ميكدر ع ابوه يعني جبره يشتغل وياهم بس ابو علي رجع للعراق وهو أيد ورة وأيد كدام وفهم أهله انه خسر كل املاكه بالخارج وحتى إسمه لكن ثروته ما خسرها خلاها بأسم أم علي الي كانت زوجته بس محد يعرف بيها ولذلك طرده ابوه وحرمه من الثروة
وبقى يدير أعماله عن طريق صديقه الأمين وصاحب عمره (عبدالله)
لكن أحمد بعد ما قرر يسافر بيوم زواج زهراء ابو علي صارحه بكل شي وطلع مسجل كل شي بأسم أحمد وأحمد شمر روحه ع الشغل في سبيل ينسى جرحه وبعد سنة سحب أدهم وصار ايده اليمنى
والعبرة إلي أخذها أحمد من هالحياة انه رب العالمين ما ينسى عبده حاشاه جكد انحرم أحمد من هالدنيا بس عوضه رب العالمين بأب حنون وأم أحن عوضه بتعب سنين عمره وهو يشتغل وعمرة 8 سنوات بثروة ماتخطر ع بال أحد
أحمد رجع للعراق وكل شهر يسافر يدير أعماله ويرجع أما أدهم فأستقر بالخارج لأنه أحمد ميأمن بأحد غير أدهم
أحمد راد يفتح مول في العراق ومنه يقضي وقت فراغه بالعراق لأنه مثل ما تعرفون شغل أحمد كوليته برة وكاعد هنا يم الحجية
اتفق أحمد يقابل فريق المهندسين لعمل المول اجه أحمد وهنا............ أحمد دمعت عينه
بعد كل هذه السنوات قلبي لم تنسى...........
وللحكاية بقية.........