واحدة كتبت بتقول
“I feel as useless as a white crayon”
(أنا حاسة أني ماليش لازمة زي قلم الألوان الأبيض)
ف واحد رد عليها وقالها
“you just gotta find someone who prefers black paper”
(أنتي بس محتاجة تلاقي حد بيحب يرسم على ورق أسود)
-الجملة دي لو وقفنا عندها ، هنشوف إن قد ايه انت ممكن يبقي مالكش لازمة "وسط كل الالوان" عند ناس كتير .. و إنك ممكن تبقي "اللون" الوحيد لشخص مش عاوز غيرك ، و رغم كونه جرب كل الالوان ع الورق الابيض ، الا انه فضَّل الورقة السودة عشان يختارك انت ..
ف هتكتشف .. إن اختلافك هو الدافع الوحيد اللي هيوديك للشخص اللي هيقدرك ..
و ان ممكن وجودك في المكان الغلط ال بيحسسك قد ايه إنك وحش و مالكش لازمة و ان كل الدنيا احسن منك هيخليك تبدأ تدور على مكان "الورقة السودة" عشان تلاقى نفسك
الفكرة فكرة اختيار مش اكتر ..
و لو فضلت تدور ع اللي شبهك هتفضل ناقص سواء انت أو هو ..
بس لو دورت ع اللي يكملك، هتلاقي نفسك ..
و اعرف إنك قطعة فى puzzle ف دوَّر علي القطع ال تكمل الصورة ..