العقول المسيئه للظن
دائماً لا تستوعب النية الحسنه. 🍁
فلا فائده من تبرير افعالك تجاههم ،
لذلك لا تعتذر ابدا. 👌
نجي لاحمد وكيف سيواجه اهله بحقيقه لم يتوقعوها
احمد : طبعا اني كلش محتار شون رح افاتحهم بالموضوع وشنو رح يصير باجر من يجون ياترى اكيد رح يسوون فضايح اهلها ناس ميتفاهمون الضاهر اوووف ربي شورطني اني بس يلا كل شي علمودها يهون وخل اكل لهلي اريدها بالحلال ويصير خير
رجع احمد من الدوام لكه امه وابوه كاعدين يشربون جاي ساع ٩ من ليل كعد يمهم
احمد : سلام عليكم
الاب : هلا ابني وعليكم السلام
الام : هلا وليدي تعال اكعد
احمد : بويه شخبارك صحتك
الاب : على الله الحمد والشكر
احمد : والنعم بالله
احمد : يمه يمكن كومين اريد احجي وي ابوي
الام والاب : خير ابني اكو شي
احمد : يمه تدرين بسالفه انتي
الام : هاا وليدي ع راحتك
بقه احمد وي ابوه
الاب : اي وليدي كول شبلاك
احمد : بويه ماعرف شون اكلك وشون كون رده فعلك
الاب : ابني اني ابوك وانشالله اتفهمك كول
احمد : اني حبيت بنيه على نت وصارت بينه رسائل. فقط ولا غير شي والبنيه اني احبه ومشايفها ولاملتقي وياها من اهل البصره واهلها لكفو حهازها ودور بسالفه وباجر يجون هينه ويردون مشاكل
الاب : وليدي من كل عقلك صدك تحجي اني انسان محترم والي مكانتي بالشارع شيكولون العالم باجر ضال تتمعشك وي بنات ناس وهسه شتريد شسوي ع هل مصيبه
احمد : بويه اريد اريد البنيه ازوجها اخطبها الي من يجون على سنه الله ورسوله وبيها الخير اني احبها
الاب : ليش هو اكو غير هذه الحل الله كريم شنو من مصيبه تنتضرنا باجر
احمد : بويه حاجي عمي انتي وكعدو يمهم وكلهم مسوو شي غلط واني حاضر الكل شي
الاب : والله شكول مادامك تحبها يصير خير واتمنى كلامك صح
احمد : بويه اني ابنك وماجذب معندي شي وياها بس رسائل
الاب : الله كريم اروح نام وباجر اكل العمك ويصير خير
احمد : تصبح على خير نشالله وحبيت راسه
احمد بينه وبين نفسه معقوله تنحل وتصير زوجتي رغم مشايفها بس تعجبني سوالفها وهي الوحيده التفهمني وارتاح من احاجيها معقوله هيج اني حبيتها بس بنفس الوقت كلبي نار عليها ياترى شنو حالتها وشنو اخبارها اتمنى محد يضربها وهي مريضه يارب ساعدها وكون بعونها وقاطعني التفكير اخوي مزوج وعمره ٣٥ عنده ولد وبنيه
كيان : اشوفك صافن وايدك على الخد اضنك عاشك وبالك وحده
احمد : هاااا
كيان : صدك السمعته
احمد : شنو سمعت
كيان : حجيك انت وبابا
احمد : اي صح
كيان : امممم طلعت عاشك وماندري عمي والله خوش زايد على خوك
احمد : علساس محبيت بلكيله حضرتك
كيان : اي اني غير شايف البنيه انت لا وميت بيها شحال لو شايفها معاشرها
احمد : والله اخي القلب ومايهوى
كيان : وماهذه القلب الي يعشك مشايفها شني من بنيه هاي
احمد : خايف من رده فعل اهلها باجر
كيان : ماكو شي لاتخاف كل شي بيد الله روح ادعي وانشالله تصيرلك
احمد : انشالله
رحت نمت مليت من تفكير هوي لحد منمت
( احمد لايعرف ماذا ينتضره ضنه انه ستحل المشكله وضنه انه حبيبته صادقه ماذا ينتضره غدا من صاعقه لم يتوقعها من جهه كذبها وحيلها فهل يفهمها ام سيسيئ ضنها )
نرجع لريتاج
طبعا اني حيل خايفه من باجر يارب ماريد يجي باجر عساني اموت ولا يجي شون بيه خف يسوون شي لاحمد مستحيل لا لا ميصير شي انشالله خير ويفهم الي كذبته وميسيئ ضني
نرجع لاهلها
الاب : يله خل نام باجر وراي سفر
الام : بس ميصير هيج اعرف السالفه من بنتك
العم : اي صح حنه شون نروح للوادم وماعدنه دليل
الاب : اشتقصد
العم : اخذ جهازك وسجل صوتها وعترافاتها
الاب : بس حسب مايكول الولد مابينهم شي همه
العم : باع انت تريد فلوس من العالم لو لا
الاب : اي ليش اني علمود شنو رايح غير اجيب فصل وانطيهم البنيه واخلص من السالفه
الام : انت شتحجي يعني تروح تبيع بتك الهم
الاب : لا هاي مو بنتي الي تسوي هيج مو بنتي
الام : شسويت بروحج يمه ريتاج ساعه السوده ودك وطلطم
الاب : انتي كومي منا كومي
راحت الاب وبدا نقاش حاد بين الاب والعم
الاب : مفهمت قصدك شون اخذ فلوس واني شوج معندي دليل
العم : روح سجل صوتها مثل مكتلك استفزها شتكلك اضربها وكلها مامصدكج وضل على هل حاله لحد ماتعترف اي عشكته ومن هل سوالف تمل من الحقيقه واكيد رح تكذب عليك
الاب :هاي خوش فكره والله خل اروحلها
العم : اي وضم جهاز ومن تسجل صوت اني اقطعه واحذف الحقيقه واخلي الكذب
الاب : لعد صاعد
ريتاج اني كاعده ابجي محسيت غير نفتح الباب واجه ابوي كبالي
الاب : بنتي كولي الحقيقه اريد اعرف منج
ريتاج : بابا والله مسويت شي بس محادثه لاصوت ولاصوره
الاب : جذابه انتي اكبر جذابه ماصدكج مااثق بيج بعد كولي الصدك ووو طراااخ
ريتاج : وداعتك مو جذب هاي الحقيقه ليش ماصدكوني
الاب : جذابه وضل يضرب بيه
ريتاج : كافي مسويت شي ليش تضربني مشايفني هوه والله والله
الاب : انتي وحده صاقطه فاهمه ماصدكج كليلي اذا صدك شايفج علمود ازوجكم صدكيني والله ازوجكم بس كولي الصدك
هنا ريتاج مجانت تدري بنواياهم مجانت تدري بحقيقه الي يصير كانت مفكره ابوها رح يوكف وياها وتندم على فعلته فرحت وكالت خل اجذب وكبر السالفه وهيج اصير نصيب احمد يربي ممصدكه
ريتاج :اي بابا احمد شايفني لتقينا مرتين بالسوك اجه وبحينا ودايما نحجي فديو وصووت اني وياه
الاب : ها يعني علاقه قويه وقديمه
ريتاج : اي بابا اني وياه علاقتنا متطوره كلش وهو واعدني بالزواج
الاب ماشي بنتي يصير خير
طلع ابوها فرحان بانتصاره مع انه يدري بنته محاجيه صوت لان ماتطلع من البيت حته يشوفهه وجانت خطته نجحت وفرحان بتسجيل راح اخذه لعمها وقطعو التسجيل نصه وجعلو تسجيل الاعتراف الكذابي.
من جهه ريتاج جانت فرحانه انو ابوها وكف وياها ورح يزوجها حبيبها احمد صح ماتحبه بس هو طيب واكيد مارح يعاملها بسيئه
احمد نايم وميدري شصاير حواليه ومايدري شنو من مصيبه تنضره باجر من يطلع كذاب بعيون عمه وابوه ومن يخسر ثقه الكل هل سيبقى يحبها ام يتحول لكراهيه
جانت هذي اطول ليله للكل محد يدري بمصير باجر ريتاج الي فرحانه من جهه ابوها يغدرها ورح يبيعها لو احمد الي رح يكشف الكذب ويخسر ثقه اهله او الفضايح الي رح تصير للعائلتين