ကော်ကျစ်ရိန်ဟာ ကျောက်လင်ဖုန်းကို ဒေါက်တာကြုံတွေ့ခဲ့ရတဲ့အခြေအနေတွေကို အကျဉ်းချုံးပြောပြလိုက်တယ်။ ကော်ကျစ်ရိန်ရဲ့စကားအဆုံးမှာ အရပ်ခြောက်ပေကျော်လူကောင်ကြီးရဲ့မျက်လုံးတွေဟာ ငိုတော့မလိုနီရဲလာတယ်။ ကျောက်လင်ဖုန်းရဲ့နှုတ်ခမ်းတွေဟာ တဆတ်ဆတ်တုန်ယင်နေပြီး ပါးစပ်ကနေလဲ တောင်းပန်တဲ့စကားတွေကို အဆီအငေါ်မတည့်စွာရေရွတ်နေတယ်။ ကားပေါ်မှာပါလာတဲ့စစ်သားတွေက ကျောက်လင်ဖုန်းရဲ့အမူအရာကို အထူးအဆန်းလိုစိုက်ကြည့်နေကြပြီး တချို့ဆို ပါးစပ်အုပ်ပြီး ရီနေတဲ့လူတွေတောင်ရှိတယ်။
ပိုင်မော့ဟန်ကြုံတွေ့ခဲ့ရတဲ့အခြေအနေမျိုးဆိုတာ ကပ်ဘေးထဲမှာ ဖြစ်နေကျအကြောင်းအရာပဲ။ အဲ့ဒါကို ဒီလူက ဘယ်လိုဖြစ်လို့ လောလောလတ်လတ် အဖေသေသွားတဲ့လူလိုဖြစ်နေရတာလဲ??
ကျောက်လင်ဖုန်းရဲ့ခံစားချက်ကို လိန်ချွမ်းတစ်ယောက်ပဲ နားလည်နိုင်လိမ့်မယ်။ သူတို့နှစ်ယောက်လုံးဟာ ဒေါက်တာ ရက်ရက်စက်စက်အသတ်ခံလိုက်ရတဲ့အတိတ်ဆိုးထဲကနေ မရုန်းထွက်နိုင်သေးဘူး။ အဲ့ဒီတုန်းကခံစားခဲ့ရတဲ့ နာကျင်မှုတွေ၊ အကူအညီမဲ့မှုတွေဟာ သူတို့ဝိဥာဉ်ရဲ့ အနက်ရှိုင်းဆုံးနေရာအထိ ငြိတွယ်နေပြီ။ အဲ့ဒီခံစားချက်ကို ဘယ်တော့မှမေ့နိုင်ကြတော့မှာမဟုတ်ဘူး။ အခုအချိန်အထိ လိန်ချွမ်းအနေနဲ့ မျက်လုံးမှိတ်လိုက်မိတိုင်းမှာ ဒေါက်တာ သွေးအိုင်ထဲမှာမျက်စိမှိတ်လျှက်သားလဲကျနေတဲ့မြင်ကွင်းက အထင်းသားပေါ်လာနေတုန်းပဲ။
ဒေါက်တာ သူ့ဘေးနားမှာ နီးနီးကပ်ကပ်ရှိမနေရင် သူ့ရင်ထဲမှာ ဘယ်လိုမှမအေးချမ်းနိုင်ဘူး။
လောလောဆယ်မှာတော့ ဒေါက်တာက သူ့ဘေးမှာထိုင်နေပြီး အကောင်းအတိုင်းရှိနေသေးတယ်။ ဒေါက်တာ့ခန္ဓာကိုယ်က နွေးထွေးနေသေးပြီး ဒေါက်တာရဲ့နှလုံးခုန်သံက ပုံမှန်အတိုင်း စည်းချက်ကျကျထွက်ပေါ်နေဆဲပဲ။ လိန်ချွမ်းရဲ့ ကယောင်ချောက်ချားအတွေးတွေဟာ အခုမှသက်သာရာရသွားတော့တယ်။ လိန်ချွမ်းဟာ ဒေါက်တာ့ကိုထိခိုက်မိသွားမှာစိုးတာကြောင့် ပိုင်မော့ဟန်ရဲ့လက်မောင်းကို တင်းတင်းကြပ်ကြပ်ဆုပ်ကိုင်ထားရာကနေ လွှတ်ပေးလိုက်တယ်။
ကျိုးယွင်ရှန့်ဟာ ကျောက်လင်ဖုန်းရဲ့မျက်ရည်တွေကို တကယ်ခံနိုင်ရည်မရှိတော့ဘူး။ သူဟာ အနောက်ကိုလှည့်ကြည့်လိုက်ပြီး ကျောက်လင်ဖုန်းကို နှစ်သိမ့်ရင်း ဒဏ်ရာရ၊ မရမေးလိုက်တယ်။ ဒါပေမယ့် ဒီအပြုအမူက လိန်ချွမ်းရင်ထဲကမကျေမနပ်မှုတွေကို ပိုပြီးလောင်စာထည့်ပေးလိုက်သလိုပဲ။ လိန်ချွမ်းဟာ နှာခေါင်းရှုံ့လိုက်ရင်း ပြောလိုက်တယ်။ "သူက သတ္တုစွမ်းအားရှင်ပါ။ သူ့ခန္ဓာကိုယ်က စတီးထက်တောင် မာသေးတယ်။ နဲနဲလောက်အထိုးခံရရုံနဲ့ ဘာဖြစ်သွားမှာမို့လို့လဲ??" (T/N : နိ အားကြီးနဲ့ အနိုင်ကျင့်တာကျတော့ ထည့်ပြောဦးလေ)
ကျောက်လင်ဖုန်းတစ်ယောက်ကတော့ ဒေါက်တာရှေ့မှာ အရူးဖြစ်မခံချင်လို့သာ၊ သူ့ခင်ဗျာ လည်ချောင်းထဲပြည့်လျှံလာတဲ့သွေးတွေကို အန်မထုတ်မိအောင်ပဲ မနည်းအားတင်းနေရတယ်။ သူဟာ လက်ကိုဝေ့ရမ်းလိုက်ပြီး အဆင်ပြေကြောင်းပြောလိုက်တယ်။
ကားတစ်စီးလုံး ရုတ်တရက်ငြိမ်ကျသွားတယ်။
လိမ်ချွမ်းဟာထိုင်ခုံအောက်ဖက်က အိတ်ကိုဆွဲထုတ်လိုက်ပြီး သန့်ရှင်းတဲ့အဝတ်တစ်စုံကိုထုတ်ယူလိုက်ကာ ပေါင်ပေါ်ကိုတင်လိုက်တယ်။ အဲ့ဒီနောက် ဒေါက်တာ့အင်္ကျီကကြယ်သီးတွေကို စဖြုတ်တော့တယ်။
"ဘာလုပ်မလို့လဲ??" ကျိုးယွင်ရှန့်ဟာ မျက်တောင်ပုတ်ခတ်ပုတ်ခတ်နဲ့ မေးလိုက်တယ်။
"ဒီအင်္ကျီတွေက သွေးစွန်းနေပြီလေ။ ချွတ်ပြီးတော့ မလွှတ်ပစ်ရင် Zombie တွေလိုက်လာကြလိမ့်မယ်" လိန်ချွမ်းဟာ ရှင်းပြနေရင်းနဲ့ ကြယ်သီးတွေကို ဆက်ဖြုတ်နေလိုက်တယ်။ သူ့ရဲ့လေသံဟာ ကလေးတစ်ယောက်ကို ချော့မော့နေတဲ့အတိုင်းပဲ။ "လက်မြှောက်လိုက်။ အရှေ့နည်းနည်းလောက်တိုး။ မင်း ဒီအင်္ကျီတွေကိုဝတ်ထားတာကြာနေပြီ။ ညစ်ပတ်လွန်းလို့ နဂိုက ဘာအရောင်ဆိုတာတောင် မသိတော့ဘူးမဟုတ်လား"
ဒေါက်တာပိုင်အတွက် အခုလိုပဲနေလာတာ အကျင့်ဖြစ်နေပြီ။ အခုကျိုးယွင်ရှန့်ရောပဲ။ အခုအချိန်မှာ သူ့အသက်အတွက် အာမခံချက်လဲရှိနေပြီဆိုတော့ ထပ်ပြီးခုခံနေစရာမလိုတော့ဘူး။ ကျိုးယွင်ရှန့်ဟာ လိန်ချွမ်းအမိန့်ပေးတဲ့အတိုင်း တစ်သွေမသိမ်းလိုက်လုပ်လိုက်တယ်။ အရှေ့တိုးတယ်၊ဘယ်လက်ကိုမြှောက်တယ်၊ ညာလက်ကိုမြှောက်တယ်...လိမ်လိမ်မာမာနဲ့ပဲ အင်္ကျီအလဲခံလိုက်တယ်။
ဒေါက်တာ့ရဲ့ ကျိုးကြေလုနီးနီး ပိန်ကပ်နေတဲ့ခန္ဓာကိုယ်ကိုမြင်လိုက်ရတဲ့အချိန်မှာ လိန်ချွမ်းဟာ အနည်းငယ်အသက်အောင့်လိုက်မိတယ်။ ရင်ဘတ်ထဲကဆိုးဆိုးဝါးဝါးနာကျင်လာမှုဟာ ခန္ဓာကိုယ်တစ်ခုလုံးထိပျံ့နှံ့သွားသလိုပဲ။ ဒေါက်တာ့ရဲ့ခန္ဓာကိုယ်က အရင်ဘဝနဲ့ ဘာမှမခြားဘူး။ ကိုယ့်ကိုကိုယ်လဲ ဘယ်တုန်းကမှဂရုမစိုက်ဘူး။ သူ့ခေါင်းထဲမှာထဲမှာ ကာကွယ်ဆေးဖော်ဖို့ဆိုတဲ့ အသိတစ်ခုပဲရှိတယ်။ ဒေါက်တာဟာ ယုံကြည်ရာတစ်ခုအတွက် အရာအားလုံးကိုစွန့်လွှတ်ထားတဲ့ အသေခံစစ်သားတစ်ယောက်လိုပဲ။
အဲ့ဒီလူဟာ စမ်းသပ်ခံလူတွေအပေါ်မှာရက်စက်တယ်။ ဒါပေမယ့် သူ့ကိုယ်သူ ပိုပြီးတော့တောင်ရက်စက်တယ်။ လူတွေက သူ့ကို မကောင်းဆိုးဝါးလို့ ခေါင်းစဉ်တပ်ကြပေမယ့် ထိုသူ့ရဲ့နှလုံးသားထဲမှာ သန့်စင်ပြီး လှပတဲ့ကမ္ဘာတစ်ခုကိုသိုဝှက်ထားမှန်း လိန်ချွမ်းသိတယ်။ ထိုသူက ကမ္ဘာကြီးကို သွေးနဲ့ဆေးကြောတယ်။ ပြီးရင် အတွေးပုံရိပ်ယောင်တွေကို အမှန်တကယ်ဖြစ်လာအောင်ဖန်တီးပေးပြီး လူသားအားလုံးကို မျှော်လင့်ချက်တွေ ယူဆောင်လာပေးတယ်။
ဒေါက်တာ့ရဲ့ အေးစက်စက်မျက်နှာဖုံးအောက်က ဖြူစင်တဲ့နှလုံးသားကိုသာမြင်နိုင်ကြမယ်ဆိုရင် ပိုင်မော့ဟန်ဆိုတာကို ဘယ်သူကမှ မုန်းနိုင်ကြတော့မှာမဟုတ်ဘူး။ အဲ့ဒီအစား ရူးသွပ်စွာ ကိုးကွယ်ကြလိမ့်မယ်။ ချီးကျူးကြလိမ့်မယ်။ ဓာတ်ခွဲခန်းထဲက လုပ်ဖော်ကိုင်ဖက်တွေလို၊ ကျောက်လင်ဖုန်းနဲ့ သူ့နောက်လိုက်တွေလို၊ နောက်ဆုံး စမ်းသပ်ခံတစ်ယောက်ဖြစ်ခဲ့တဲ့ လိန်ချွမ်းလိုလူတွေတောင် ဒေါက်တာ့အနောက်ကိုပဲ ဝမ်းသာအားရ လိုက်လာကြလိမ့်မယ်။
အခုလို ပိန်ပါးလွန်းတဲ့ဒေါက်တာ့ကိုမြင်ရတာ လိန်ချွမ်းကိုယ်၌လဲ နာကျင်ရတယ်။
လိန်ချွမ်းရဲ့မျက်လုံးတွေဟာ ခါးသက်မှုကြောင့် မဲမှောင်သွားတယ်။ သူဟာ ဒေါက်တာ့ကိုသန့်ရှင်းတဲ့အဝတ်တစ်ထည်ကို ဖြေဖြေးချင်း ဂရုတစိုက်ဝတ်ဆင်ပေးလိုက်တယ်။ အဲ့ဒီနောက် သွေးစွန်းနေတဲ့အဝတ်တွေကို ကားမှန်ပြတင်းပေါက်ကနေတဆင့် အပြင်ကိုလွှင့်ပစ်လိုက်တယ်။ လိန်ချွမ်းဟာ အသံဩဩနဲ့ပြောလိုက်တယ်။ "ဒေါက်တာ ထပ်ပိန်သွားပြန်ပြီ။ နောက်ဆို အစားများများစားသင့်တယ်" လိန်ချွမ်းဟာ အစောပိုင်းကအိတ်ကိုပဲ ထပ်ဆွဲထုတ်လိုက်ပြီးတော့ အသားဘူးတချို့ထုတ်ယူလိုက်တယ်။ အဲ့ဒီနောက် အသားဘူးတွေကို လက်ဝါးပေါ်တင်လိုက်ပြီး စွမ်းအားကိုအသုံးပြုကာ အသားဘူးတွေကို အပူပေးလိုက်တယ်။
အသားဘူးတွေကိုဖွင့်လိုက်တာနဲ့ ကားတစ်စီးလုံး အမွှေးနံ့တွေလှိုင်လှိုင်ထသွားတယ်။ ကျိုးယွင်ရှန့်ဟာ တံတွေးကို ခက်ခက်ခဲခဲမျိုချလိုက်တယ်။ သူ့အနေနဲ့ အစားမစားခဲ့ရတာတောင် ရက်အတော်ကြာခဲ့ပြီ။
"လင်ဖုန်းကိုပဲ အရင်ပေးစားလိုက်ပါ။ ကျုပ်ပြီးမှ ကျန်တာစားလိုက်မယ်" ကျိုးယွင်ရှန့်ဟာ ကိုယ့်ကိုကိုယ်ထိမ်းသိမ်းလိုက်ပြီး အနောက်ခုံမှာထိုင်နေတဲ့ သစ္စာရှိခွေးကြီးကို အသားဘူးတွေလှမ်းပေးလိုက်တယ်။
"ဒေါက်တာစားပါ။ ကျွန်တော်မဆာသေးဘူး" ကျောက်လင်ဖုန်းဟာ နောက်တစ်ခါမျက်ရည်လည်ရပြန်တယ်။ ခန္ဓာကိုယ်ထဲက ကလီစာတွေကြေမွပြီး သွေးစက်စက်ကျနေရင်တောင် အဲ့လောက်နာကျင်ရမယ်မထင်ဘူး။
"လောကကြီးမှာ အကြောင်းမရှိပဲ ဖြစ်လာတာ ဘာမှမရှိဘူး။ ဒါပေမယ့် ကိုယ်ပဲ အလျှော့ပေးလိုက်ပါ့မယ်။ သူနောက်တစ်ခါ မင်းကို တိတ်တိတ်လေးခေါ်ထုတ်သွားရဲရင် ကိုယ်သူ့လည်ပင်းကို လိမ်ချိုးပစ်မယ်" လိန်ချွမ်းဟာ။ နောက်ထပ်အသားဘူးတစ်ဘူးကိုထပ်ဆွဲထုတ်လိုက်ပြီး အနောက်ခုံဆီကို ပစ်စလတ်ခတ် ပစ်ပေးလိုက်တယ်။
ပြန်လည်မွေးဖွားလာတဲ့လိန်ချွမ်းရဲ့နှလုံးသားဟာ အမှောင်တွေဖုံးလွှမ်းနေမှန်း ကျိုးယွင်ရှန့်သိတယ်။ သူဟာ ကျောက်လင်ဖုန်းကို အဓိပ္ပာယ်ပါပါတစ်ချက်လှမ်းကြည့်လိုက်ပြီး အသားဘူးတွေကိုကောက်ယူလိုက်ကာ ဖြည်းဖြည်းချင်းစစားလိုက်တယ်။ ဒေါက်တာ့ရဲ့ ပလုပ်ပလောင်းပါးပြင်နှစ်ဖက်ကိုစိုက်ကြည့်နေရင်း လိန်ချွမ်းရင်ထဲမှာ ကျေနပ်ပီတိဖြစ်မှုတွေ ပြည့်လျှံလာသလိုခံစားရတယ်။ ဒါက သူ့ဒေါက်တာပဲ။ ဒေါက်တာက မကျန်းမာပေမယ့် အသက်ရှင်နေသေးတယ်။ ဒီတစ်ခါတော့ ဒေါက်တာ့ကို သူ့ဘေးကနေ ဘယ်သူကမှခေါ်ထုတ်သွားခွင့်မပေးနိုင်ဘူး။
ကားပေါ်မှာပါလာတဲ့စစ်သားတွေဆိုတာ လိန်ချွမ်းအယုံကြည်ရဆုံးလူတွေချည်းပဲ။ သူတို့တွေရဲ့စွမ်းရည်တွေကလဲ ပြိုင်ဘက်ကင်းကြတယ်။ ကော်ကျစ်ရိန်ဘေးမှာထိုင်နေတဲ့စစ်သားတစ်ယောက်က ဒေါက်တာစားလို့ပြီးသွားတဲ့အထိစောင့်နေပြီးမှ လက်သည်းခွံအရွယ်သတ္တုခလုပ်ကလေးကိုထုတ်လာပြီး မေးလိုက်တယ်။ "ဒေါက်တာပိုင်၊ ဒီဟာက ခင်ဗျားတီထွင်လိုက်တဲ့ဟာလား?? ဒါလေးတွေ ကားအင်ဂျင်ထဲဘယ်လိုရောက်နေတာလဲ?? ဒေါက်တာ ကားတွေကိုတစ်ခုခုလုပ်နေတာလဲ မမြင်မိပါဘူး"
ကားဆယ့်ခြောက်စီးလုံးရဲ့အင်ဂျင်ထဲမှာ သတ္တုခလုပ်ကလေးတွေတစ်ခုစီရောက်နေခဲ့တယ်။ ဒီလိုဖြစ်အောင်စီစဉ်နိုင်ဖို့ဆိုတာ တော်ရုံမဖြစ်နိုင်ဘူး။ နောက်ပြီး ယာဉ်တန်းကိုလဲ နေ့တိုင်း အစောင့်တွေအပြည့်ချထားတာ၊ ဒေါက်တာ့ကို ကားတွေနားမှာမြင်လိုက်တယ်လို့ သတင်းလာပို့တာလဲမကြားမိပါဘူး။ သူတို့တွေဘယ်လိုပဲတွေးတွေး အဖြေမရဘူးဖြစ်နေကြတယ်။
ကျိုးယွင်ရှန့်ဟာ ထိုစစ်သားကိုအဖြေပြန်မပေးပဲ PSP ကိုထုတ်ယူလိုက်ပြီး Start ခလုပ်ကို နှိပ်လိုက်တယ်။
သတ္တုခလုပ်ကနေ သေးငယ်တဲ့ခြေချောင်းလေးတွေ ရှစ်ချောင်းထွက်လာပြီး လွတ်လွတ်လပ်လပ်ရွေ့လျှားနေတယ်။ ထိုအရာလေးဟာ စစ်သားရဲ့လက်ပေါ်ကနေခုန်ဆင်းလိုက်ပြီး ကားရဲ့ Dashboard ပေါ်ထိ ဖြေးဖြေးချင်းတက်သွားလိုက်တယ်။ ထို့နောက် သေးငယ်တဲ့ခြေချောင်းလေးတွေကို ဖြေးဖြေးချင်းစမ်းသပ်ရင်း ခန္ဓာကိုယ်ဝင်လို့ရမယ့်နေရာရှိမရှိကို စမ်းသပ်နေတာတွေ့ရတယ်။ ထိုစစ်သားဟာ ရုတ်တရက်ကြောင်အ,သွားတယ်။ နောက်တော့ ဒေါက်တာ့လက်ထဲက PSP ကို မျက်လုံးရွဲကြီးတွေနဲ့စိုက်ကြည့်နေပြီး သူ့ပုံစံဟာ ချက်ချင်းခုန်တက်လာပြီး PSP နဲ့ ကစားချင်နေတဲ့အတိုင်းပဲ။ ဒေါက်တာပိုင်က တိုင်းပြည်ရဲ့အတော်ဆုံးသိပ္ပံပညာရှင်ဆိုတာ ဖြစ်သင့်ပါတယ်။ အခုလိုသတ္တုပင့်ကူသေးသေးတွေကိုတောင် ဒီလောက်အသုံးကျအောင် တီထွင်နိုင်တယ်။ ဒါ့ကြောင့်လဲ B-Base က စစ်တပ်တစ်တပ်လုံးလွှတ်ပြီးတော့တောင် ဒေါက်တာ့ကိုကာကွယ်စောင့်ရှောက်ခိုင်းခဲ့တာပဲ။ ဘယ်လိုတောင် လေးစားဖို့ကောင်းတဲ့ ပညာရှင်ပါလိမ့်!!
"ဒေါက်တာ၊ ကျွန်တော် အဲ့ဒါနဲ့ဆော့လို့ရမလား?? " စစ်သားဟာ ရှက်ရှက်နဲ့ပြုံးလိုက်တယ်။
ကျိုးယွင်ရှန့်ဟာ ထိုလူ့ကိုအဖက်မလုပ်ဘူး။ သူဟာ သတ္တုခလုပ်ကိုထိန်းချုပ်ပြီး လိန်ချွမ်းလက်ပေါ်ကိုခုန်တက်စေလိုက်တယ်။ အဲ့ဒီနောက် ခလုပ်တစ်ခုကိုနှိပ်လိုက်တာနဲ့ သတ္တုခလုပ်ထဲကနေ အပ်တစ်ချောင်းထွက်လာပြီး လိန်ချွမ်းရဲ့အသားထဲကို ခပ်မြန်မြန်ထိုးစိုက်ချလိုက်တယ်။ ဒါပေမယ့် သတ္တုချင်းရိုက်ခတ်မိတဲ့အသံသာထွက်ပေါ်လာပြီး ပင့်ကူသေးသေးလေးဟာ ကြမ်းပြင်ပေါ်ပြုတ်ကျပြီး နှစ်ပိုင်းကျိုးသွားတော့တယ်။
ကျိုးယွင်ရှန့်ဟာ ရလဒ်ကို အံ့ဩဟန်မပြပဲ သတ္တုခလုပ်ကလေးကိုကောက်ယူလိုက်ကာ ပြန်လည်ပြုပြင်လိုက်တယ်။ အဲ့ဒီနောက် PSP ကို စစ်သားကို လှမ်းပေးလိုက်တယ်။ ထိုစစ်သားဟာ PSP ရလျှင်ရချင်းပဲ ချက်ချင်းဝမ်းသာအားရကစားနေတော့တယ်။
ကျိုးယွင်ရှန့်အနေနဲ့ ဒီသတ္တုပင့်ကူလေးတွေကိုတီထွင်ခဲ့တယ်ဆိုတာက ကားတွေကိုအနှောင့်အယှက်ပေးဖို့ရော၊ လိန်ချွမ်းဆီက သွေးနမူနာရနိုင်ဖို့အတွက်ပါဖြစ်တယ်။ အပ်တွေရဲ့ထိပ်ဖျားမှာ ထုံဆေးပါပြီးသားဖြစ်တဲ့အတွက် အထိုးခံရရင်တောင် ထိုလူအနေနဲ့သတိပြုမိမှာမဟုတ်ဘူး။ ဒါပေမယ့် လိန်ချွမ်းက သူထင်ထားတာထက် အများကြီးအစွမ်းထက်နေခဲ့တယ်။ ထိုလူရဲ့စွမ်းအား Level ဟာ ကိုယ့်ကိုကိုယ် မသိစိတ်ကနေ အချိန်ပြည့်ကာကွယ်ထားနိုင်တဲ့အဆင့်အထိ ရောက်နေခဲ့ပြီ။ ထိုသူ့ရဲ့အသားကို ကျည်ဆံတွေတောင် တိုးမပေါက်နိုင်တာ၊ အပ်လောက်ကတော့ ပြောနေစရာတောင်မလိုတော့ဘူး။
ကံကောင်းစွာနဲ့ တချို့ကိစ္စတွေမှာ အပြောင်းအလဲဖြစ်သွားလို့။မဟုတ်ရင် သူ့အနေနဲ့ လိန်ချွမ်းဆီကသွေးကိုရဖို့ ဆက်စဉ်းစားနေရဦးမယ်။
လိန်ချွမ်းလဲ အခုမှ သတ္တုခလုပ်တွေရဲ့ရည်ရွယ်ချက်အမှန်ကို မှန်းဆမိတော့တယ်။ ဒေါက်တာဟာ သူ့မှာထူးခြားတဲ့ Healing အစွမ်းရှိတယ်ဆိုတာကို သေချာမသိတာသေးတာတောင်မှ သူ့ရဲ့သွေးကိုရဖို့ ကြိုးစားနေတယ်?? အဲ့ဒါဆို ဒေါက်တာလဲ ပြန်လည်မွေးဖွားလာခဲ့တာလား?? သူတို့သုံးယောက်လုံးက တစ်ချိန်ထဲနီးပါး အတူတူသေခဲ့ကြတာ၊ သူနဲ့ ကျောက်လင်ဖုန်းပဲ ပြန်ဝင်စားလာတယ်ဆိုတာ မဖြစ်နိုင်ဘူး။
အစောပိုင်းတုန်းကရှိနေခဲ့တဲ့ သူ့နှလုံးသားထဲက ဝမ်းသာပီတိဖြစ်မှုတွေဟာ ချက်ချင်းခါးသက်သွားပြီး လိန်ချွမ်းရဲ့မျက်လုံးတွေမှာ အမှောင်ရိပ်တချို့ဖြတ်ပြေးသွားတယ်။ ဒေါက်တာ ပြန်လည်မွေးဖွားလာတော့ရော ဘာများပြောင်းလဲသွားမှာမို့လို့လဲ?? ဒေါက်တာ့မှတ်ဥာဏ်တွေထဲမှာ ကျောက်လင်ဖုန်းတစ်ယောက်ပဲရှိနေပြီး သူမှမရှိတာ။ သူဆိုတာ မမြင်ရတဲ့ သရဲတစ်ကောင်သက်သက်ပဲကို။
ဒါပေမယ့် အဲ့လိုဆို အဲ့ဒီအချိန်တုန်းက ဒေါက်တာက ဘာဖြစ်လို့ သူ့ခန္ဓာကိုယ်ကို အနမ်းပေးခဲ့တာလဲ?? ဒေါက်တာ့ရင်ထဲမှာ သူကထူးခြားတဲ့အဓိပ္ပာယ်ရှိနေခဲ့လို့ပေါ့။ မဟုတ်ဘူးလား??
လိန်ချွမ်းဟာ အတွေးတွေထဲမှာနစ်မြုပ်နေပြီး သူ့မျက်နှာအမူအရာဟာ ဝမ်းနည်းသွားလိုက်၊ ပျော်သွားလိုက်၊ ခဏနေ မနာလိုမှုကြောင့် ရှုံ့တွသွားလိုက်နဲ့ အမျိုးမျိုးပြောင်းနေတော့တယ်။