بعد ما وصلوا
ركنوا عند كافيا
ليالي / انزلوا نفطر علشان انا جعانه اووي اووي
لوجي / وانا كمان هموت من الجوع و عصافير بطني بتصوصو من الجوع
ميريهان / طيب يلا ننزل
شذي / طيب
بعد ما نزلوا لقوا الولاد كمان نزلوا علشان يفطروا
زين للوجي / ايه رايكوا نفطر مع بعض
لوجي / ليه انتوا مين في البلد علشان نفطر معاكوا
زين / بت انتي احترمي نفسك
لوجي / نهارك ازرق انت بتقول اني مش محترمه
زين / انا مقولتش كدا
شذي / بسسسس اسكتوا بقا وحياه ابوكوا انا عندي صداع
ليالي / انتي كويسه
ميريهان / تعالوا نطلع علي المستشفي
شذي / ما تخفوش دا صداع خفيف بس لو فضلوا يتخنقوا هيبقا صداع جامد خلصوا علشان انا تعبت
لوجي / خلاص علشان خاطر شوشو بس اقعدوا معانا
بعد ما قعدوا
ليالي / هتطلبوا ايه
لوجي / انتي الي عزمنا ؟؟
ليالي / بتسالي ليه
لوجي / علشان لو انتي الي عزمنا هطلب برحتي
ليالي / ماشي يا ختي علشان شذي بس
ميريهان / ربنا يخليكي لينا يا لوله
ليالي / يخليني انا ولا يخلي محفظتي
شذي / لا محفظتك طبعا
ليالي / تصدقي بالله انا غلطانه اني هعزمكوا علي حاجه
لوجي / مش مهم تكوني غلطانه المهم انك تدفعي
وفجأه سمعوا صوت ضحك بصوا لقوا الولاد عماله تضحك
لوجي / ايه الي بيضحكوا كدا يا خويا انت وهو
زين / لا مفيش حاجه هههههه
ميريهان / واضح اوي يا خويا ان مفيش حاجه
عمر / عادي يعني اصل بصراحه شكلكوا وانتوا بتتخنقوا تحفه
شذي / ليه ياخويا ماله شكلنا
باسل / هو قصده ان الطريقه الي بتتخانقوا بيها بضحك
ليالي / ومين قالك اننا كنا بنتخانق
ادهم / امال دا ايه
لوجي / هزار هو انت مبتهزرش يا رمضان ولا ايه
هنا رن موبايل لوجي
لوجي / الو يا زفت الطين
محمد / ما تحترمي نفسك يا بت انتي مش ملحظه اني اخوكي الكبير ولا ايه يا جزمه
لوجي / الجزمه دي الي هتضرب بيها لما اشوفك
محمد / جتك الارف في اللفاظك انتي مش بتشوفي ميريهان بتكلم اخوها ازاي
لوجي / اكلمك زيها لما تكون واحد محترم زيه يا خويا
محمد / نهارك ازرق يا حيوانه قصدك ان انا مش محترم
لوجي / ايوه مش محترم عايزني اكدب عليك يعني ولا اغشك وبعدين حيوانه لما تعضك اخلص يالا علشان عايز ايه
محمد / مفيش اصلي قاعد علي البحر فحبيت اغيظك
لوجي / ولو قلتلك بقا اني في اسكندريه
محمد / فين ياختي وازاي متقوليليش وهتقعدوا فين بقا ان شاء الله واحنا قاعدين في الشاليه بتاعنا انا ومصطفي ونادر
لوجي / هنقعد في الشاليه بتاع شذي
محمد / هنقعد انتي معاكي حد
لوجي / اه البنات معايا
محمد / طيب انتي فين دلوقتي
لوجي / وانت مالك
محمد / اخلصي يا بت
لوجي / طيب احنا في كافيا........
محمد / عارفه اوعي تتحركي من مكانك لحد ما اجي
لوجي / طيب يا خويا مستنياك سلام
ميريهان / دا محمد
لوجي / اه
شذي / وانتي بتكلميه كدا ليه
لوجي / عايزني اكلمه زي يعني
شذي / يعني احترميه شويه دا اكبر منك علي الاقل
لوجي / انا لو احترمته هيقول عليا عيانه
ليالي / عندك حق والله
لوجي مخدتش بلها من العيون التي كانت تراقبها وتنظر لها بغيظ وغيره
بعد ماكلوا دخل الكافيا مصطفي ونادر ومحمد
مصطفي / ازيكوا يا بنات
شذي / تمام يا درش وانت
مصطفي / تمام الحمدالله
نادر / ازاي دماغك يا شذي انهارده
شذي / هو انت وليالي عليا بس هي كويسه
محمد / تعالي يا اخت لوجي كدا انتي ازاي تيجي اسكندريه من غير ما تقوليلي
لوجي / انت مالك انت يا خويا ابويا وامي وفقوا انت مالك بقا
محمد / مالي مالي في جيبي ياختي
ليالي / ظريف اوي
نادر / ازيكوا يا شباب انتوا جايين مع بعض ولا ايه
ليالي / لا احنا اتقابلنا صدفه
نادر / هصدق
ليالي /علي فكره انا مش بكدب
نادر / انا مقولتش انك بتكدبي
ليالي / انا رايحه الحمام
بعد ما قامت
شذي / عجبك كدا
لوجي / دبش
ميريهان / انت عندك في دماغك مخ ولا حمار
وقاموا وراها
مصطفي / والله عندهم حق
نادر / خلاص انا هصالحها
نادر قام وخرج برا الكافيه
ادهم كان في دخان بيخرج منه من كتر الغيره وانها خايفه علي زعله ولاحظ دا باسل
باسل / ادهم تعالي معايا لحظه عايزك
زين / في حاجه ولا ايه
باسل / لا عايزه في حاجه بس
بعدوا شويه
باسل / مالك ياض انت بتحبها ولا ايه
ادهم / هي مين دي
باسل / عليا انا ليالي يا عم
ادهم / لا عادي يعني
باسل / والله علي فكره انا عارف انك بتحبها
ادهم / وانت عرفت منين بقا
باسل / من شكلك يا خويا
ادهم / ايوه يا خويا بحبها استريحت
عند البنات
شذي / اهدي بقا يا لوله
ليالي / انا هديه جدا علي فكره
لوجي / طيب يلا نخرج
ميريهان / ايوه انا اتخنقت
بعد ما خرجوا وقعدوا
لوجي / امال فين نادر
محمد / راح يجيب حاجه وجاي
شويه ونادر دخل الكافيه وقعد جنب ليالي وادها شوكولاتا
ليالي / ايه دا
نادر / سوري
ليالي خدت الشوكولاتة / شكرا
نادر / العفو
لوجي / اتعلم يا خويا زعل اخته وصالحه بشوكولاتا اما دخلت عليا بباكو لبان حتي
الولاد في نفس واحد / اخته
لوجي / اه هو انتوا مكنتوش تعرفوا
زين / ابدا محدش قال لنا
لوجي / اديك عرفت يا خويا
ادهم في نفسه / طلعت اخته طيب الحمدالله مبقاش في حد واقف في طريقي