شذي وميريهان قرروا يعملوا الخطوبه مع بعض وكانوا كل يوم يروحوا يتفرجوا علي الفساتين
ميريهان / حرام عليكي يا شيخه اسبوع بنتفرج علي الفساتين و انتي مفيش حاجه عجباكي
ليالي / انا رجلي ورمت حرام عليكي
لوجي / انا تعبت ومحل كمان وهقطع علاقتي بيكي
شذي / يا جزمه دا بدل ما تساعدوني اختار
لوجي / تختاري احنا كل ما نقولك علي فستان لا بلدي لا دا ضيق لا موضته قدمت لا لونه مش اوي حرام حرام
شذي / خلاص بصوا الفستان دا
لوجي / حلو اوي ادخلي شوفيه بسرعه
شذي دخلت شافته وعجبها واشترته وهما خارجين
لوجي / الحمدالله
ليالي / احمدك و اشكرك يا رب
ميريهان / ربنا علي الظالم و المفتري
شذي / انتي بتدعي عليا يا ميريهان
ميريهان / لا انا بدعي علي الظالم و المفتري
يوم الخطوبه الصبح
شذي / كتابوا كتابك يا نقاوه عيني
ميريهان / احلي كلام بينك يا حلوه وبيني
لوجي / جيه اليوم الي تكوني في حلالي
ليالي / ما انا اصلي طيب وامي دعيالي
شذي / كتبوا كتابك بالقالم علي الورقه
ميريهان / و اللحظه دي في حياتي فارقه
لوجي / حافظ التاريخ بالهجري والميلادي
ليالي / دا من النهاده هيبقي عيد ميلادي
شذي / وابتسمي
ميريهان / عايزك تترسمي
لوجي / كتبوكي علي اسمي
ليالي/ بقي رسمي
ميرهان / هو احنا بنغني كتبوا كتابك يا نقاوه عيني ليه دي خطوبه
شذي بضحك / عندك حق يا ماهي صحيح
لوجي / خلاص نغني حاجه تانيه
وقعدوا يغنوا و يرقصوا و بعدين جات الكوافيرا و عملت لهم الميكاب و لفات الطرح
و باليل
راحوا القاعه و كانت تحفه و قعدت شذي و ميريهان علي الكوشه جنب باسل و عمر
و لوجي خربتها رقص هي و ليالي لحد ما اشتغلت اغنيه يا بنات حلوين طعمين
راحوا ليالي ولوجي شدوا ميريهان وشذي وقعدوا يرقصوا ويغنوا وبعدين اشتغلت اغنيه هاديه فكلهم قعدوا وبعدين دخل القاعه (جيهان ومياده) ولوجي شافتهم من بعيد
لوجي / لوله شايفه الي انا شايفهه
ليالي / في ايه. ايه دا ايه الي جابهم دول
لوجي / مش معقوله يكون حد عزمهم
ليالي / انتوا ايه الي جابكوا هنا يا بت انتي وهي
جيهان / انتي مالك احنا مش جايين لك اصلا
لوجي / امال جايين لمين ياختي
مياده / ملكيش فيه
ليالي / مش تقولوا انكوا جايين تشوفولكوا عرسان
لوجي / اه طيب يلا يا عرسه انتي و هي من هنا اه سوري قصدي يا عروسه
مياده وجيهان مشوا وراحوا عند زين وادهم
مياده / ازيك يا زين
زين / الحمدالله
جيهان / ازيك يا دوما
ادهم / افندم ايه دوما دي كمان
جيهان / انت مش اسمك ادهم يبقا الدلع دوما
لوجي / ازيك يا دوما بقيتي دوما يا بيضه
ليالي بضحك / خلاص يا لؤلؤتي احسن دوما يزعل
لوجي / عندك حق متزعلش يا دوما
ليالي / اغنيه تلات دقات يلا يا لؤلؤتي
لوجي / سلام يا دوما
راحوا رقصوا و جيهان و مياده هيموتوا من الغيظ
ليالي / لولو انا هروح الحمام مش هتاخر
لوجي / ماشي
ليالي راحت الحمام و قالت في نفسها / انا مالي اتضايقت كدا ليه لما قربت منه و قالتله يا دوما معقوله معقوله اكون بحبه بس ازاي احنا علي طول بنتخانق حبيته امتي و فين خلاص حتي لو بحبه هو اكيد مش بيحبني انا هخرج بقا علشان اتاخرت
و خلص اليوم في اللي كان مبسوط و فرحان و في الي كان محتار و في الي كان مضايق و زعلان
YOU ARE READING
رحلة العمر
Romanceلكل بنت فينا قصه او حكايه في منا الي بتعيش قصتها في خيالها وفي الي بتعشها علي ارض الواقع بس كل واحده ليها حكايه مختلفه عن التانيه طيب لو القصه دي عن اربع بنات صحاب كل واحده فيهم ليها شخصيتها وقصتها يا تري ايه الي ممكن يحصل معاهم
