#شرقية_الهوى
#طيبة الربيعي
~البارت الثامن عشر~
بس محچيت هو حچة
ثامر: الووو
مجاوبت خانگتني العبرة
ثامر: جوريتي، سمعيني صوتچ شلونچ
جوري: الحمدالله، افتحلي كامرة اريد اشوف ملاك
ثامر: من عيوني
فتح كامرة ثنينهم طلعو.. اباوعلهة شلون تحرك بحلگهة وتسوي حركات عفوية.. باوعت لثامر مشتاقتلة موووت بس كبريائي يمنعني عنة.. مو دائما امشي ورة عاطفتي.. ولو فات الاوان بس كافي لازم ادوس علة گلبي
ثامر: وين صرتي
جوري: هياني
ثامر: وينچ خل اشوفچ
جوري: ليش تشوفني
ثامر: غير مشتاقلچ شنو ليش
جوري: شعجب
ثامر: شبيچ جوري، مو كافي زعل صارلچ اسبوع يم اهلچ وحتة ملاك نسيتيهة
جوري: ملاك مستحيل انساهة حتة لو تأذيت منكم هية مالهة دخل بس اني تعبانة مابية حيل احد حالياً
ثامر: اجي عليچ باچر'طيبة_الربيعي'
جوري: لا لتجي اني مو ابيتنة
ثامر باستغراب: لعد وين
جوري: مو ضروري تعرف
ثامر: شنو مو ضروري تعرف غير اني رجلچ وانتي مسؤولة مني
جوري: ثامر طلگني وخلاص مارجع بعد اني لتعب نفسك بالحچي
ثامر: جوري، الطلاگ شيلي من بالچ وانتي لتعبين نفسچ وتحچين حچي زايد، رقية طيحت حظهة ونزار همينة بس انتي اجاوزتي عليه ميصير
جوري: يضربني ومتريدني اجاوز عليه؟ اني ابدي اگول لاخواني يروحون يطيحون حظة لان ماعندي رجال ياخذ حقي بس ماريد اكبرهة واخلي اليسوة والي ميسوة يشمت بية ويگلي هو هذا اختيارچ الوگفتي ضدنة علمودة تحملي الي يجي من ايدچ
ثامر بعصبية: شنو قصدچ اني مو رجال!
جوري: لا حشاك انتة رجال رمن ظهر رجال بس رجال علية مو الية، ما فد يوم اخذت حقي من مرة اخوك دائما تسكتني لو اطلعني غلطانة، واني ممجبورة اعيش وياك بعد اني من البداية غلطت
ثامر: سمعيني زين لچ! طلاگ ماطلگ وخليچ معلگة هيچ اشوفچ الرجال شلون يصير
جوري: لا لتشوفني ولا اشوفك، بس تحلم ارجعلك لو اخليك تشوفني، انتة تحب تتملك مثل غسان ثنينكم وجهين لعملة وحدة، ويارتني لا عرفتك ولا عرفتة
وسديتة.. تعبت منة ومن جنس آدم.. يعني الى متى ابقة اعاني من الزوج اني.. بقة يدگ مجاوبتة قفلت الموبيل..
بقيت يومين لخ بس بعدها حسيت اني ثگلت عليهم وهم اشتاقيت لبيتنة.. خابرت هيثم مگدر يجي فأجة قصي علية..'طيبة_الربيعي'
هم حاول يجر لساني خاف صاير شي اكبر من هذا بس اني محچيت اصريت على نفس السبب.. رجعنة للبيت وثامر رجع دگ علية.. جاوبتة
جوري: الو
ثامر: وين انتي
جوري: ليش
ثامر: وين انتي لتسألين
جوري: ابيتنة
ثامر: جوري راح اجي ارجعچ كافي ترة مليت
جوري: واني گتلك ماارجع
ثامر بعصبية: اييي ليييش مترجعين ليش! اني شعلية تعاركتي وية رقية اني شدخلني، مو طيحت حظهة وولت زعلانة البيت اهلهة بعد شتريدين
جوري: هسه يلة عرفت اني علة حق وطيحت حظهة؟ مارجع گتلك بعد البيت الي نهانيت وانضربت بيه مااارجعلة
ثامر: وشلون هسه فهميني، هاي ملاك بس تبچي صرعتنييي
جوري: جيبهة يمي
ثامر: ماجيبهة شنو مگعد بنتي ابيت اهلچ، راح اجي عليچ اليوم
جوري: تريد تجي اجيب ملاك تعال بس غيرهة لتجي لان مارجع والله لتعب نفسك
ثامر: والحل؟
جوري: طلگني'طيبة_الربيعي'
ثامر بعصبية: ماكو بحلگچ غير سيرة الطلاگ انتي مووو! گولي متريديني وفضيهة ليش تذبيهة عالصااار
جوري: شكرا اذا هذا تفكيرك عني الظاهر بعدك متعرف شگد احبك واحب العيشة وياك، يلة هية بقت عليك
ثامر: واليحب هيچ يسوي!
جوري بعصبية: شسويت اني متگلي شسوويت
ثامر: يعني كلشي ماسويتي موو، بس اني الغلطان لو شنووو
جوري: كافي ثامر انسة الموضوع مارجع وهذا هو، علة شنو ارجع عالذل لو لرجلي الي ممخليلي اعتبار گدام العالم، ولتگول احبچ انتة متحب انتة تريد تفرض رأيك ونفسك علية، حبك الأمينة الله يرحمهة اني مجرد زوجة تربي بنتك، وهسه اني اريد اطلگ لان تعبت تعرف شنو يعني تعبت؟؟ نفستي تعبت جيب ملاك يمي وروح ماريدك ولا اريد العيشة وياك بعد
ثامر: بلة هذا حچي تحچي؟ بربچ اني ماحبچ؟ معليچ بأمينة راحت لدار حقهة، لو مااحبچ ماگعد اتوسل بيچ عالرجعة، سمعني زين الطلاگ انسي واليوم جاي احچي وية ابوچ اشوفة راضي عالدتسوي
وسدة.. اهووو ماريدة يجي.. خلصتهة بچي لحد ما اجة وماما خبصتني ليش تبچين ومنو يستاهل ومن هل حچي.. متدري العلة البگلبي شكبرهة.. صاحني بابا فتت گعدت
ابو جوري: ليش مگتيلي حماچ ضاربچ؟
باوعت لثامر بصدمة.. هذا ليش حچة
باوعت البابا: مردت اكبرهة'طيبة_الربيعي'
ابو جوري: وعود هسه انتي مكبرتيهة من طلبتي الطلاگ؟!
سكتت
ابو جوري: احچي جاوبيني ليش سكتي!
جوري: اي اريد اطلگ وين المشكلة
ابو جوري: بابا جوري شبيچ حبيبتي، ليش تطلگين لعب هو، لو ثامر الضاربچ عود لهناك لكل حادث حديث بس الولد ماعال بيچ واخذ حقچ شتريدين بعد
جوري: بابا مدام كلشي صار واضح ماكو داعي اطلعة ملاك گدامكم، هو لو مخليلي اعتبار ومن البداية ماخذ حقي مچان گدرت مرة اخوه تتمادة لهل درجة وتحرك حماية علية، اني ماعندي شي وياه لان هية الادفعة علية بس عتبي علة زوجي طبگ وياهة من اول عركة، شلون تريدني ارجع واني رجلي مو بصفي
ثامر: لان انتي العلتي ومخليتيلي احترام گدام احد، اگلچ سكتي خليني اني احچي لا متسكتين لسانچ يرعد شتريديني اطبطب علة ظهرچ واگلج عفية؟!
جوري: هواية سكتت وشفتك متسوي شي حتة رزالة مترزلهة، شنو الفايدة من تروح تگل لنزار ادبهة وهو يمشي وراهة؟؟
ابو جوري: عيب شنو يمشي وراهة هذا حماچ تحترمي غصباً عنچ
جوري: خلاص ماريد اعاشر هيچ ناس اني، خلي هو يطلگني ويخلص ويخلصني، بس ملاك ماتخلة عنهة
ثامر: ماطلگ اني'طيبة_الربيعي'
باوعت لبابا عيوني دمعن: ليش متحچي بابا گلة خل يطلگني
ابو جوري: ميقبل يطلگچ شسويلة اذا الولد شاريچ، اجبر؟؟؟
جوري: لعد بس اني اجبروني، مارجعلة خلي ليطلگ خليني معلگة هيچ احسن؟؟؟؟
ابو جوري: صوتچ لتعلي!
سكتت بس دموعي خانني.. متحملت عفتهم وطلعت..
ثامر... مقبلت ترجع.. شگد حاولت وشگد سويت ماكو فايدة.. رقية طيحت حظهة وخليتهة تبچي طردتهة گتلهة ماالچ رجعة اذا متتأدبين وعود وصلي هذا الحچي لأهلچ.. ونزار گتلة اذا ميعجبك ولي وية مرتة يا طرن..
وهاي ام راس اليابس موتتني.. وانوب ملاك بس تبچي تعودت عليهة تحس بيهة ماكو.. تفز علية بليل متسكت لا بحضني لا بحضن امي لا بحضن ابوية.. تضل تبچي لحد ما تتعب وتنام..
كل ما احچي وياهة وجابت سيرة الطلاگ ومتحبني وماعرف شنو.. حرت شسوي حتة ارجعهة..
جوري... مرت فترة علة گعدتي يم اهلي.. ثامر بعد مخابر بس بقة يتردد علينة بين فترة وفترة يجيبلي ملاك بس اني مااطلع وهو هم ميشتكي.. بس بابا ميحاچيني يگلي انتي غلطانة المفروض انتي متعلمة ومثقفة متحطين راسچ براس وحدة زعطوطة..
ميدري هاي الزعطوطة توديني للشط واجيبني عطشانة..'طيبة_الربيعي'
سمعت من بنات خالتي بندى ازوجت بس ماعرف اذا الي تحبة او غير واحد.. غسان الي هسه ماالة اثر واهلة مرتين اجوي يطلبون السماح بابا طردهم بدون ميرفلة طرف..
واني خلصتهة بالبيت لا شغلة ولا مشغلة.. لكن بيوم خابر ثامر بعد غياب طويل.. چانت ملاك يمي.. بدت تزحف بس مو كلش بعدهة بالبداية.. فدوة العمرهة شلون خلقة وجمال.. تشبه امهة حيل..
المهم دگ فااني جاوبتة عبالي علمود ملاك يطمن عليهة
جوري: الو
ثامر: الو، شلونچ جوري
جوري: الحمدالله زينة، اذا خابرت علمود ملاك فهيانهة يمي دتلعب وية عبودي
ثامر: لا خابرت علمودچ
سكتت
ثامر: باعي جوري، بعد ماتحمل بعدچ عني افتهمي يا بنت الناس اني احبچ والله احبچ، تصوري الي هسه منايم بالغرفة متنطاق بدونچ ويومية ادعي من الله يهديچ وترجعيلي جوري التحبني واحبهة، خل نبدي صفحة جديدة ونزار يريد بنفسة يجي يعتذر منچ عالسواه'طيبة_الربيعي'
صراحةً تفاجئت بكلامة ومعرفت شجاوبة الساني انربط
ثامر: تسمعيني لو لا
جوري: متحبني انتة ثامر
ثامر: لو ماحبچ اضل افتر وراچ واتوسل بيچ؟ ترة حتة امينة الله يرحمهة ممتوسل بيهة بگد ماتوسلت بيچ، وانتي قيسي بعد شگد احبچ
جوري: وينك هل فترة لعد
ثامر: مشاكل، قررت اطلع ابيت وحدنة وتعاركت وية نزار لان سبب هل مشكلة بيناتنة بس مقبل وبچة ميريدني اطلع واعوفهم، واني شلون اعوفهم وهمة معتمدين علية
جوري: ماريدة يعتذر بس اريد مرتة تكفيني خيرهة وشرهة
ثامر: يعني افتهم منچ هاي موافقة؟
ابتسمت: اي
شگد مشتاقتلة ومشتهية اسمع صوتة واشوفة
ثامر: حياتي عمري والله مشتاقلچ بگد رحمة الله، مشتاقيتيلي معقولة هلگد گلبچ قسة علة حبيبچ
خجلت: ممم
ثامر: اروح فدوة لل مممم
ضحكت: شوكت تجي علية
ثامر: هااا اشوفچ مستعجلة شعجب
جوري: لا غير علمود احضر نفسي
ثامر: لو ما دنيا ليل هسه اجي، باچر اجيب نزار واجي
جوري: لا ثامر لجيبة ماريدة يعتذر مني'طيبة_الربيعي'
ثامر: لا يعتذر هو يريد يعتذر حتة مرتة وداهة لبيت اهلهة واني رجعتهة ميصير حامل خطية
جوري: هاا خطية موو
ثامر: قصدي علة ابن اخوية مو عليهة
جوري: بعد متگول عليهة خطية ولا ادافعلهة ثامر، والله اذا شفتك ضاحك وياهة لو گاعد وياهة مارجعلك بعد وهل مرة تصير صدگ
ثامر: اااااخ باع الغيررررية متت ودفنوني
ضحكت: اسم الله عليك
ثامر: اويلي يابة، فتحيلي كامرة بالله شلابسة
جوري: يااا عزة عيب شنو شلابسة
ثامر: مو مزوجچ بالسر اني
جوري: لا بس عيب يمي الجهال
ثامر: دفتحي بابا فتحي، مشتاقلچ اگلچ وماكو بعد صبر
جوري: لا عفية ثامر لتسوي هيچ
ثامر: لا عفية انتي لتسوين هيچ، دفتحي عاد
هو اني لان لابسة دشداشة ومبهذلة مو علمود شي😂 سديتة وعود انسد بالغلط.. وسديت النت حتة من اخابرة اگلة انگطع النت.. گمت ركض لبست فانيلة دلعة وبجامة بيجي وعدلت شكلي وخليت المرطب.. فتحت شعري وشمرتة علة چتفي.. ومادري ليش رشيت عطر من الحماس..
فتحت النت لگيتة مخابرني مرتين والرسائل كوومة.. ومن ضمنهن "غلستي مووو بسيطة"'طيبة_الربيعي'
خابرتة.. جاوب
ثامر: ليش ولچ هو شطالب اني
جوري: سوري النت انگطع
ثامر: ممم دفتحي يلة
فتحتهة وهو هم فتح كامرتة.. شافني بقة صافن واني ضحكت
ثامر: اروح فدوة، شلابسة هاي خوما يم اخوانچ
جوري: لااا ياا ابغرفتي وبس عبودي وملوكة يمي
ثامر: وهذا عبودي من يكبر مراح يذكر
جوري: ماشي بكيفك اگوم البس شي فوگاه؟
ثامر: لا لا لاا عوفي
جوري: هااا
ثامر: هو بس اليوم وباچر بحضني
جوري: مممم منو يگول
ثامر: اني اگول وانتي تگولين، مشتاقيتيلي؟
جوري: لا
ثامر: هااا'طيبة_الربيعي'
جوري: اشاقة، شلون مشتاقيتلك ليش اني اگدر بدونك
ثامر: چذابة، وهاي الفترة مو گضيتيهة بدوني
جوري: اي بس مو معناتهة نسيتك ومشتاقيتلك
ثامر: مبين
جوري: والله شبيك، حتة اكل مالي نفس اكل لو ما اهلي يضغطون علية
ثامر: اسم الله عليچ عمري، باچر ينتهي هذا العذاب وارجع انام يغرفتي وبحضني مريتي
جوري: هههههه
بقينة نحچي نومت ملاك وهو بعدة عالخط وياية.. عبودي اجتي شهلاء اخذتة سديتة گبل.. وبعدين من طلعت خابرتة وگتلة ليش سديتة.. من گام يشوخر سديتة ونمت.. ملاك ماعودهة تنام يمي للصبح.. يعني من تنام هية ارجعهة بفراشهة لان غلط الطفل ينام بالحضن ميعرف الواحد شيصير بلة جعصتهة واني نايمة مادري بنفسي لا سامح الله..
ثامر... تعاركت وية نزار لان طلعت روحي مشتاقلهة وحرام نطلگ علة شي تافه.. قررت اطلع واعوفهم وصارت عركة شكبرهة وصلت للجيران.. ضل يبچي ويگلي سامحني خوية ومستعد اروح اعتذر منهة بس لتطلع شعندي غيرك اني..'طيبة_الربيعي'
وبيومهة اختي چانت يمنة.. تعاركت وية رقية ورقية اجاوزت عليهة نزار كتلهة ووداهة لاهلهة.. اني محچيت هو ومرتة مادخل وبعدين اطلع اني الغلطان..
واخيراً اقتنعت مالتي العوبة.. شگد راسهة يابس بس تستاهل الواحد يتعب علمودهة مقصرت وياية دللتني دلال مصاير بس هاي المشاكل مال نسوان عمت علينة..
اليوم الوراه الصبح گعدنة نتريگ گلنة
ثامر: اليوم اروح ارجع جوري
ام ثامر: صلووااات
ابو ثامر: قبلت ترجع
ثامر: اي حاچيتهة البارحة، واليوم اروح احاچي ابوهة، تجي وياي نزار مثل متفقنة
نزار: اي اكيد
ورة دوامي اخذت نزار ورحنة البيت اهل جوري.. رحب بينة ابوهة كالعادة.. وحسيت وجهة ثگيل علة نزار بس اخوية رفع راسي
نزار: عمو اني اعتذر عالصار ساعة غضب والشيطان لعب بعقلي، اعتذر لان مديت ايدي علة جوري والله ندمان وصارلي فترة اريد اجي بس استحي منكم
ابو جوري: گول يا الله عمي الفات مات وانشاءالله الله يهدي النفوس اعتذارك مقبول ابن اصول والله
نزار: تسلم عمي انتة الأصل، اريد اعتذر من جوري همينة اذا متصير زحمة عليك
ابو جوري: تدلل هسه اصيحهة'طيبة_الربيعي'
جوري... اجة حبيبي شفتة من الشباك فدوة الطولة.. ووياه نزار.. ماريدة يعتذر مني هو مثل اخوية واني هم اجاوزت حدودي من غلطت عليه.. بس شسوي طلعت عن طوري..
اجة بابا گلي الولد يريدچ يعتذر منچ لبسي حجاب وتعاي.. خليت الشال علة راسي واخذت الصينية مال عصير والحلويات ودخلت.. سلمت وقدمتلهم..
بس گعدت نزار حچة
نزار: جوري اني اسف مديت ايدي عليچ، الله شاهد اعزچ مثل اختي واكثر بس ساعة غضب والانسان مرات يتصرف تصرفات يتندم عليهة بعدين
جوري: لتعتذر نزار اني احبك واحترمك وصح الصار بساعة عصبية واني هم فقدت وغلطت من اجاوزت عليك
تصالحنة واتذكر بوقتهة جايبلي هدية وياه ميداليا وبيهة حرفي.. بوستة وثامر تخبل.. جرني بس علة كيف لان بابا واگف.. اني هم تحمست زيادة هههه..
اخذت غراضي ورجعت وياهم وبحضني ملوكتي.. وصلنة بوست عمي وعمتي فرحت بشوفتهم وهمة كذلك خاصة عمتي.. بالساعتين بقيت گاعدة يمهم..
ثامر... مصدگت چفتت علة نزار مثل المخبلة.. جريتهة لو ما ابوهة واگف اجرهة من شعرهة.. رجعنة طاير بيهة من الفرحة.. انوب گعدت يم اهلي دگ اسوالف بس تلغي مصدگت..'طيبة_الربيعي'
لو ادري هيچ فلا ارجعهة ههههه.. بعد ماكو صبر
ثامر: يلة گومي اخذي غراضچ فوگ
ام ثامر: روحي عمة اخذي راحتچ
جوري.. گمت
جوري: من رخصتكم عمو
ابو ثامر: اخذي راحتچ عمو الله وياچ
ردت اخذ ملاك عمتي گالت خليهة مشتاقتلهة.. صعدت وثامر يمشي وراية.. اوت ما دخلنة استلمني بدون مقدمات.....
مر اسبوع نزار رجع رقية لان راس السنة مبقالة شي والناس كلهة تفرح وتتونس فثامر قنعة يرجعهة.. گلي ما الچ اي علاقة بيهة.. بس تفك حلگهة وياچ گليلي واني اتصرف..
وفعلاً من اجتي حاولت مابقة وياهة بنفس المكان.. واخلص شغلي وارجع للسويت مالتي حتة متصير مشاكل وتتبلة علية..'طيبة_الربيعي'
چانت حياتي حلوة قبل ليجي اليوم المشؤوم الي جرعني المر وقلب حياتنة رأساً على عقب..
يتبع...