شرقية الهوى

22

#شرقية_الهوى
#طيبة الربيعي
~البارت الثاني والعشرون~

بقيت ابچي هو رخة لزمتة وباوعلي متفاجئ وصاير نار.. من تركني رحت قرفصت نفسي عالقنفة وغطيت راسي.. الهي بعد مابية صبر لو تاخذ روحي لو تصلح حالي.. حسيت عليه گعد يمي.. شوية وصار حلگة وصوتة قريب علية

حچة بهدوء: ليش جوري شمسويلچً اني، خيبت املچ بشي؟ مو داحاول اوازن بينچ وبين حياتي وية البقية وبالشغل والضيم؟ بشنو قصرت وياچ

مجاوبتة

جرني لحضنة وبوسني.. بقة يمسح على شعري ويحچي

ثامر: اسف اذا مأذيچ والله مو بقصد، انتي هم قدري ضروفي ووضعي تعبان والدنيا طالعة من عيني بس شسوي لخاطركم احاول اسند نفسي وماوگع، اسف حبي'طيبة_الربيعي'

ابتعدت ومسحت وجهي ورحت للغرفة.. تمددت عالسرير وتغطيت.. بقيت اشهك وابچي لحد ما نمت.. من صحيت لگيت الغرفة متروسة ريحة دخان بس هو ماكو يمكن ديجي الدخان من الصالة.. باوعت الساعة بالسبعة ونص هاي شگد نمت لعد..

بس گمت دخت ورجعت گعدت.. راسي يأذيني من البچي واحس نفسي مختنگة.. اخذت ملابس ودخلت للحمام شفتة گاعد يدخن شافني دخلت للحمام..

بقيت جوة المي الدافي ارتاحيت شوية وحسيت جسمي رخة بعد ما چان متشنج..من طلعت لگيتة ماكو.. وطول اليوم مشفتة وبليل منتظرتة اصلاً حتة عالعشة منزلت رغم عمتي صعدتلي لحت علية گتلهة ماشتهي بس اريد انام..

نومت ملاك ونمت.. الصبح لگيتة نايم بصفي وحاصرني بين رجليه.. خانگني خنگ هو اني منا بطني تأذيني.. بعدتة وگمت

ثامر: تعاي رجعي وين'طيبة_الربيعي'
باوعتلة: شنو وين ميصير اگعد
ثامر بعصبية: مو چنت مرتاح الة تفززيني

عفتة وطلعت للحمام.. من رجعت للغرفة لگيتة نايم.. الظاهر محاس علة نفسة..

نزلت سويتلي ريوك ميتة جوع كلشي مماكلة من البارحة عالغدة الي طلع سم علية من ورة رقية الكلبة.. الله يخلصني منچ شگد اكرهچ..

شوية ونزل مبدل گعد عالميز صبيتلة چاي بين ما اسوي الريوگ.. يشرب ويراقبني واني روحي واصلة الخشمي..
من خلصتة حطيتة گدامة وصعدت..

بعدها شوية ونزلت لگيتة رايح لان سيارتة ماهية بالحوش.. بقيت فوگ ممديت ايدي على شي للظهر خابرت زمردة گتلهة عالصار گالت دير بالچ منهة هاي مو راحة مكرهة مكر الثعلب..

گتلهة صايرة ماتحمل شي واعصابي بسهولة تتلف گالت عادي هاي هرموناتچ لان حامل بسرعة تتأثرين ومزاجچ يكون متقلب طبيعي.. مو لان هية حامل وبشهرهة مبقالهة شي وتولد وعندهة طبيبة خاصة فتعرف بسبب الحمل هية هم مارة بهيچ شي..'طيبة_الربيعي'