Kabanata 28
Fuck You
Nakapikit ako at naghihintay nalang sa susunod na mangyayari sa akin. Gusto kong sampalin ang sarili ko at sigawan na ipagtanggol ko naman ang sarili ko. Pumiglas ako at sigawan siya. Sampalin, sabunutan at tadyakan, hanggang sa hindi na siya makalakad.
Pero imbes na iyon ang ginagawa ko ngayon, hinahayaan ko pa siya. Para akong tuta na walang magawa sa gusto ng amo ko. Akala ko okay siya, natuwa pa ako dahil sa wakas ay lalaki na ang kausap ko ngayon. Pero sa public pa talaga siya nagganyan?! Ibang klase.
"Fuck!" malutong na mura ang narinig ko.
Pagkatapos niyon ay parang tumigil sa pagtibok ang puso ko nang marinig ko ang sunod sunod na pagtama ng kamao nang kung sino man, sa lalaking bumastos sa akin. Huminga ako malamin dahil pakiramdam ko ay nalunod ako at hindi agad nakahaon.
Nagkagulo ang mga tao. Samu't saring sigaw ang narinig ko. Sigaw dahil sa takot, sigaw dahil sa pag-awat at sigaw dahil sa inis. Minulat ko ang mata ko para makita ang nangyayari. Malabo ang paningin ko dahil sa luhang nakaharang sa mata ko.
Pero kitang kita ko kung paano dumagan si sungit sa kay Creek. Namumula ang mukha at leeg niya habang patuloy ang pagsuntok sa lalaking inuupuan niya. Lumabas ang mga ugat sa braso niya at pakiramdam ko ay mapapatay niya si Creek kaya napatayo ako.
"Eager!" naramdaman ko ang hawak ni Gym sa balikat ko. "Oh my gosh, are you okay?!"
Nilingon ko si Gym. Hindi ko alam kung ano ang nararamdaman ko ngayon. Halo-halo. Gulong gulo ako at the same time takot na takot dahil sa ginawa ni Creek na siyang dahilan kung bakit ko na-meet iyon. Bumaba ang tingin niya sa gulong nasa harapan namin.
"Bullshit!" malutong din ang mura niya bago dinaluhan ang dalawang lalaking nagkakagulo sa harap namin.
Ang akala ko ay aawatin niya si sungit sa pagsuntok dahil marahas niyang tinulak si sungit paalis sa kay Creek, ngunit nagulat ako nang siya naman ang pumalit. Napapapikit ako sa bawat pagtama ng kamao niya sa mukha ni Creek.
Mas malakas ang pagsuntok niya kaysa kay sungit, kahit na mas malaki ang katawan nito sa kanya. Nagulo ang kaninang maayos na buhok ni Gym. Hindi ko nanaman alam kung ano ang gagawin ko.
Ano ba, Eager! Tatayo ka nalang ba riyan at magmumukhang kawawa?! Think! Gumawa ka ng paraan. Ano bang gusto mong mangyari?
Gusto kong pagbayaran ni Creek ang ginawa niya sa akin, pero ayaw ko namang mapahamak si sungit at Gym. Hinakbang ko ang isa kong paa para pumigil, ngunit may naramdaman akong magaspang na kamay sa braso ko. Nilingon ko iyon at nakita si sungit na may pasa sa baba ng kanyang mata.
Hindi ko alam kung paano natigil ang gulo. Nagising nalang ako sa pagkawala ko sa sarili nang bayaran ni Gym ang damage sa restaurant na iyon. Hindi ko na rin alam kung ano nangyari kay Creek. Walang umawat kanina kaya baka hospital ang bagsak ng isang iyon.
Huminga ng malalim si Gym at saka nilingon ako. "Hindi kita p'wedeng iuwi ng ganito. Patay ako kay Hunk..."
Kanina pa ako hindi nagsasalita. Maraming gumugulo sa isip ko, pero kahit anong gawin ko ay hindi ko manlang mabuka ang bibig ko. Para akong napipe. Para akong bata na naiwan ng magulang at hindi alam kung paano sila hahanapin.
"Let's go..." rinig kong sabi ni sungit at naunang maglakad.
"H-huh? Kami ba kausap mo?" kunot noong tanong ni Gym at lalaking lalaki siya ngayon.
"May iba pa bang tao rito?" sarkastiko nitong sabi.
"Bakit naman kami susunod sa iyo?" tumango pa ito.
Kung hindi ko siya kilala, aakalain ko talagang lalaki siya na mahirap labanan sa suntukan. Kaso hindi, e. Alam ko namang pakipot lang siya at gusto ring sumunod kay sungit dahil tipo niya ito.
Nakatago sa magkabilang bulsa ng suot nitong slacks ang dalawang kamay at nilingon kami. Imbes na kay Gym ang mata niya ay naglanding iyon sa akin. Katulad kanina, magkasalubong ang kilay niya na akala mo ay may kasalanan ako.
Oh right! Meron nga. Napaaway siya nang dahil sa akin. Dumudugo ang sugat niya sa ibaba ng kaniyang mata. Si Gym naman ay may sugat sa noo, pisngi at ibaba ng labi. Putok din ang isa nitong mata.
"Gamutin mo ako..." aniya sa akin at saka naglakad ulit.
"Bakit hindi ka ba marunong gumamot ngㅡ"
"Tara," walang ganang sabi ko at sumunod na kay sungit.
Sumunod din sa akin si Gym. Nakayuko lang ako habang naglalakad. Mahigpit kong hinawakan ang sling bag ko. Ramdam na ramdam ko pa rin ang kamay niya sa legs ko, ang takot na naramdaman ko kanina at ang pagkalito.
Pagod na siguro ang sarili ko sa kakaiyak kaya hinayaan nalang nitong magpahinga ang sarili ko. Sinundan ni Gym ang sasakyan ni sungit. Wala pa ring nagsasalita sa pagitan namin. Lagi akong nililingon ni Gym, pero hindi kami nag-uusap.
"I'm sorry..." lumunok siya. "Sorry, Eager. Kasalanan kong lahat. Sana hindi ko nalang tinuloy itong plano ko. Sana hindi ka nabastos! Malay ko bang walang respeto sa babae iyong nakuha kong ipa-blind date sa iyo."
Hindi pa rin ako nagsasalita. Hindi ako makakapa ng tamang salita para sabihin sa kanya. Ayaw kong magbitaw ng mga salita na dala lang ng galit, baka pagsisihan ko.
Kinurot ko ang pulsuan ko. Hindi ko maramdaman ang sakit doon kaya mas lalo kong kinurot iyon. Paulit-ulit.
Anong problema ng katawan ko? Para akong walang nararamdaman. Para akong robot. Iniwan na ako ng katinuan ko at para akong naglalakad nang may nagkokontrol sa sarili ko.
Huminto ang sasakyan ni sungit sa isang building, kaya huminto na rin si Gym. Nilingon niya pa akong muli bago buksan ang pintuan ng sasakyan niya, ngunit hindi pa siya nakakababa ay napatingin siya sa baba. Nanatili ang tingin ko sa harapan ko at hindi siya pinansin.
"Eager!" galit na sigaw niya at hinawakan ang kamay kong kumukurot sa pulsuan ko.
Gulat na napatingin ako sa kanya. Galit na galit ang mukha niya. Namumula na ang mata niya at pakiramdam ko ay susuntukin niya ako sa mga oras na ito. Pero imbes na sa mukha ko siya nakatingin ay nakatingin siya sa baba. Sinundan ko ng tingin ang tinitignan niya.
Dumudugo na pala ang pulsuan ko na mukhang dahil yata sa pagkurot ko.
Nag-angat ang tingin niya sa akin at nagtama ang mata namin. Huminga siya ng malalim at pumikit na parang kinakalma ang kanyang sarili. Ang kaninang galit niyang mukha ay napalitan ng pag-alala.
"Patawarin mo ako, Eager. Maiintindihan ko kung magagalit ka sa akin, pero sana h'wag mong saktan ang sarili mo."
Hindi naman masakit, e. Gusto kong isagot, pero ayaw lumabas ng salitang iyon sa bibig ko.
Tahimik kaming tatlo nang makarating kami sa unit ni sungit. May kinuha siya sa CR at pagbalik niya ay dala na niya ang first aid kit at umupo sa harapan ko. Hinarap niya ang kanyang mukha sa akin.
"A-ako nalang ang gagamotㅡ" si Gym.
"Siya ang may kasalanan, kaya siya dapat ang gumamot."
Kinuha ko ang bulak at nilagyan ng gamot. Kinagat ko ang labi ko. Nakatingin lang ako sa sugat niya. Hindi naman malala iyon, kumpara sa natamo ni Gym. Dahan-dahan kong pinahid iyong bulak sa sugat niya. Nakita kong napangiwi siya kaya hinipan ko iyon para maibsan ang sakit.
"May mga babae pa palang naniniwala sa blind date? Tapos magsusuot ng short?" tumaas ang isang sulok ng labi niya habang sinasabi iyon.
"Ako ang nagset ngㅡ"
"Tapos papayag pa na sumama sa condoㅡaray naman!" kunot noo niyang sabi.
Sa inis ko ay diniinan ko ang pagpahid ng bulak sa sugat niya. Hinawakan niya ang kamay kong may hawak sa bulak. Umirap ako sa kanya.
"Tapos magagalit ka ngayon? Bakit, totoo naman ang sinabi ko, a."
"Fuck you." mahinang sabi ko at mas dinamihan ko ang alcohol sa bulak.
Nagulat ako nang bigla siyang natawa. Nakatingin lang ako sa kanya habang humahalakhak siya. Baliw ba ang isang ito? Kanina lang ay ang sungit-sungit niya, tapos ngayon halos maubusan na ng hininga sa kakatawa.
"Ayan, okay ka na. Minura mo na ako, e..." mahinang sabi niya at ngumiti sa akin.
***
Okay, ang lame. lol sorry~ haha