#البارت الثاني
#الضابط والجميله
#للكاتبه/طيبه الغراوي
نور: كمت رحت ع حساب الانستا مال مريم اكيد ضايفته دورت حسابه اي هذا لكيته عرفته من صورته دزيتله متابعه ودزيتله رساله
نور:هلو وليد اني نور صديقة مريم
وره نص ساعه
وليد: هلا نور اتشرفت بمعرفتج
نور: شلونك
وليد:زين الحمدلله وانتي
نور:تمام الحمدلله بس اريد احجي وياك بموضوع
وليد:اي تفضلي
نور:وليد انت خوش رجال ونعم منك وامبين عليك تره بس حبيت اكلك لان ماريدك تنخدع
وليد: احجي تره خوفتيني
نور:صراحه انت متستاهل مريم تره هي وحده جذابه وحتى مصادقه واحد بالكليه والكل تعرف بعلاقتهم
وليد:انتي شكاعد تخربطين احجي عدل مريم اعرفها من هي وعمرها 16 سنه مربيها ع ايد شهل حجي
نور:شبيك والله اذا متصدك اني اجيبلك دليل باجر وبكيفك
وليد:لو ادري داجذبين بس ماشي علمود اكطع الشك باليقين جيبيلي دليل ومتأكد مريم متسوي هيجي
نور:ماشي انتظر باجر وشوف
هع والله يالله مربيها ع ايده بسيطه ولك اخذك احذك
مريم :بعد مرجعنا للبيت شفت سلمت ع بابا وماما وشفت شكلهم غريب
شكو شبيكم هيجي وجوهكم مخطوفه
ابو مريم(ثائر):ماكو شي بنتي بس لازم انروح الجمعه للبصره ابويه مريض ويريد يشوفكم
مريم:اووف والله قهرتني عليه صح اني مشايفتهم من عمري ٣سنوات لان اخر مره رحت اهناك جان اكو واحد دائما يزعجني وميقبل العب وياه اي واحد لازم هو يختارهم اللعب وياهم لذلك كرهت الروحه بسببه بس جدي خطيه
ماشي بابا انروح ادلل
ثائر:الله يرضه عليج بنتي
مريم:صعدت فوك بدلت ونمت شويه بعدين نزلت سويت عشى وتعشينا وحضرت ملابسي ونمت
صباح اليوم....
مريم:صباح الخير وبست بابا وماما
الاب والام:صباح النور بنيتي
الام(سناء):يله بنتي اتريكي وروحي للكليه ولتنسين باجر انروح للبصره نبقى اسبوع لذلك ابوج حياخذلج اجازه
مريم:تمام ماما يله اني اروح باي
الاب والام:الله وياج
مريم :طلعت للخط وركبت غريبه نور اليوم مجايه خل ادك عليها
الووو
نور:الوو هلا
مريم:لج وينج ليش مجايه اليوم
نور:هاا مو تعبانه ومريضه مكدرت اجي
مريم:ياا حبيبتي سلامتج ماشي راح اضل بوحدي اليوم شسوي
نور:اوك اوك اني هسه ارجع انام باي
مريم:باي عمري
نور:دخلت للكليه لازم العبها صح بس خل الكه سرمد وخطتي تنجح اي ذاك
سرمد سرمد(سرمد يصير زميلهم يموت ع مريم ويريدها )
سرمد:هاا نور محتاجه شي
نور:اي محتاجه اني لازم اطلع للمستشفى
سرمد:ليش خير سلامتج
نور:مريضه شويه عادي اطلب منك خدمه
سرمد : أؤمري
نور:هذني الاوراق مهمات ممكن تنطيهن المريم لان مراح اكدر اشوفها
سرمد:هاا مريم تمام ادللي
نور:تسلم مايدلل عليك ظالم
انطيت الاوراق لسرمد ورحت ختلت بمكان اراقبه
شفت مريم اجتي وسرمد انتبه عليها وراحلها اي هسه تمام
مريم:داامشي ادخل للكليه وجان سرمد يصيحني
سرمد:مريم مريم
مريم:نعم سرمد محتاج شي
سرمد:لا تسلمين بس نور انطتني هاي الاوراق وكلتلي اوصلهن الج
مريم:يااا شكرا
اخذت منه الاوراق
سرمد:مريم تعرفين اني احبج ليش مداتقبلين بيه ولج وعيونج اخطبج اليوم اذا مصدكين بس وافقي
مريم:سرمد احنه حجينه بهذا الموضوع اسفه مااكدر اعذرني
سرمد:بس كليلي ليش اذا اكو بقلبج احد كليلي حتى انسحب
مريم:اي اكو لذلك اعذرني انت الف وحده تتمناك
سرمد: ماشي وصلت اشكرج
في الوقت نفسه كانت عيون تراقبهم وكاميرا تصورهم
____________________________________
قال تعالى:(ان كيدهن عظيم) صدق الله العظيم
_____________________________________
مريم راح سرمد ورحت شفت محاضراتي ونقلتهن علمود نونه اووف الكليه محلوه بدونها
يله عادي
وفي مكان اخر......
نور:طكيت صور لمريم وسرمد
ورجعت للبيت
دزيت مسج لوليد
وليد:هلا نور
نور:دزيتله صور
شوف وليد هذا الدليل علمود مو دكول اجذب
وليد:شفت صور تخبلت لا مستحيل ممصدك
كمت دزيت صور لمريم وكتلها
(بعد خلقتج لشوفينياها صدكتج ووثقت بيج وحبيتج هيجي جازيني روحي الله ينتقم منج بسيطه اردها الج) وانطيتها حظر
مريم: خلصت كليه ورجعت للبيت بدلت وتمددت ع جرباية وفتحت نت جان راسن توصلني رساله من وليد شنووو
هاي صور الي وسرمد شنو هذا الحجي
قريت رساله تخبلت لا مستحيل يعوفني لا وانوب منطيني حظر
ادك عليه ميرد ياربي اهئ اهئ ضليت ابجي
كمت دكيت ع نور احجيلها
نور:اووف مااخلص منج
الو
مريم:نور الحكيلي اهئ
نور:ها ها شبيج تبجين
مريم:حجيت لنور كولشي
ولج هسه شسوي
نور:ياعمري والله امبين ميحبج اني شكيت من بدايه لو يحبج جان يثق بيج
شوف هسه دزيلي رقمه ادك عليه وافهمه
مريم:اي فدوه حبابه اموت اذا وليد يعوفني
نور:يله لعد باي دزيلي رقمه خل اخابر
هع والله لا اندمج
مريم:دزيت الرقم انور
عفيه نور فهمي
نور:دزتلي مريم الرقم كمت دكيت عليه
وليد:روحي طافره من شفتهم
دك فوني رقم غريب شلته الوو
نور:الو وليد هلو اني نور
وليد:هلا شرايده متصله
نور:اسفه بس حسيت ان انت منجرح اهواي لذلك اتصلت اطمن عليك
وليد:مابيه شي هاي هي مريم مسحتها بعد مااريدها لو يصوغوها ذهب
نور:هع هو هذا الاريده
اوف وليد اذا تقبل عادي نبقى اصدقاء
وليد:عادي يله اني لازم اروح عندي شغل باي
نور:باي(اي هسه يبدي العب اذا مااخليك تعشقني وتتزوجني مايكون اسمي نور)خل اروح لهاي العوبه اكللها
دكيت عليها
مريم:ضليت ابجي وبلا اكل
وجان تتصل نور
الو نور كليلي شكلج وليد راح يخابرني مو
نور:والله شكلج من فهمته كال لو يصوغوها ذهب ماريدها واصلا اني خاطب بت عمتي وردت اعوفها من زمان بس استخطيتها
مريم الوو دانسمعيني الوو كمت سديته اوي عساج مارديتي
مريم:تحجي نور واني مصدومه استخطاني جان يستخطاني خاطب شنو خاطب لا شنو
احجي وياه روحي ودموعي عشره عشره ينزلن
لا مستحيل 5سنين اني وياه هيجي يطلع منه لا مستحيل ممصدكه
ضليت حابسه نفسي بغرفتي مطلعت منها
اندكت الباب اختي نادين
نادين:مريم ممكن ادخل
مريم:ساكته ماكو رد
نادين:دخلت ع مريم
لج مريومه ليش متغديتي
يمه مريم شبيج ليش عيونج حمر لج ليش تبجين
مريم:اهئ نادين طلع خاطب عافني لج اعشقه 5سنين حب تالي عافني ولج جان يستخطيني
نادين:اني اعرف مريم تحب وعدها علاقه بس تفاجأة بحجيها
حبيبتي لو يحبج جان معافج ومجذب عليج ياعمري انتي كومي غسلي وتغدي والله محد يستاهل هاي دموعج
مريم:نادين تحجي عبالك هي اختي جبيره مو اني اوف بس شلون بقلبي
نادين:يله كومي بابا وماما بالهم يمج وحضري ملابسج لان الفجر نطلع للبصره يله يا عيني كومي
مريم:كمت ومالي نفس بأي شي حضرت ملابسي وراسن نمت حتى بلا اكل
روحي طافره
كمت صبح دايخه مابيه حيل بدلت ونزلت جنطتي
وشفتهم حاضرين متريكت مالي نفس بالاكل
صعدنا بالسياره وخليت السماعات بأذني وغمضت عيني وفصلت عن العالم حتى مادري شوكت وصلنا الا لمن نادين كعدتني
نزلت ولكيت هوسه يم البيت جدي رياجيل كومه
نزلت ماما ونادين ومحمد هم اجه
داانزل جان احس بصداع كلش قوي وبعد مكدرت اشوف وغبت عن الوعي ......
_____________________________________
احببتك_عشقتك
وانت لم تقدر هذا شيء
فقد جازيت حبي
بالغدر والخيانه
ولكن اتعرف سوف افعل ماقاله القصير..
ابتسمي_تمردي_تكبري_تدللي😏