#البارت18
#الضابط والجميله
#الكاتبه/طيبه الغراويKT
مريم:من دخلت جوه بالبيت انتظرت حيدر يدخل
بس ماكو مرت نص ساعه كمت طلعت للطرمه ماكو احد
خررب هسه شلون سالفه بس لا عباله اني المخابرته
ضليت ارجف طول الوقت وكلساع افكر بشغله
وارجف من الخوف بالزايد
ياربي ساعدني
كاعد افكر وره تقريبا ساعتين طب حيدر وشراره تطافر من عيونه
حيدر:هسه تحجيلي كولشي انتي فاهمه
قبل ساكتلج لان كلت علاقه حب نظيفه وقسمه ومصارت
بس هسه انتي مرتي احجي
مريم:ضليت صافنه بوجه شحجي
مااحس الا راشدي وعاني
اول مره يمد ايده عليه
حيدر:من حركه قلبي وصفنتها كمت ضربتها راشدي
لج احجيلي طفي نار الي بقلبي كليلي شلون جانت علاقتكم
مريم(تبجي وتشهك):و و الله ما ما كو شي والله
جنت مجرد احبه وبس مكالمات بينه
حيدر:وصور جسمج الي جنتي دزيهن اله
لج فهميني وريحني صدك جنت دزين
مريم:ضليت صافنه هذا شيحجي
اني صح جنت ادز صور لوليد بس جانت عباره عن ملابس مال طلعه مال بيت
انتي شدااتحجي صح جنت ادز صور
اني حجيت هاي الكلمه وجان راسن يجيني راشدي طرش اذاني
حيدر:من كالت صح جنت ادز صور متحكمت بأعصابي كمت ضربتها راشدي
لج ليش يعني غيري شاف جسمج غيري شاف مفاتنج لج عشگتج ليش هيجي جازيني
بس فهميني
مريم:اريد احجي مااكدر الساني انربط وهو عصبي يعني اي كلمه يموتني خلاص
حيدر:لج جاوبيني لضلين ساكته فهميني ليش
مريم:والله مداازتله صور جسمي
جنت دازتله صور عاديه وداعت عيونك
حيدر:تردين تقنعيني علاقه 5 سنين
مصايره بينكم علاقه ولج احجي لتسكتين
مريم:والله والله ماكو اي شي بناتنا
حيدر:ماشي اني هسه اتاكد اذا حجيج صح لو جذب كمت سحبت التلفون مالتها
اجيت دااطلع من الباب التفتت
(بحزن):اول مره مااكدر اثق بيج مريم
خليت وطلعت
مريم:شكد جرحني بالحجي بس كلمته الاخيره
كسرتني متوقعت ميثق بيه بس حقه
اني غلطانه المفروض اكله وافهمه
حسبي يالله ونعم الوكيل بيك وليد الله ينتقم منك ويدمرك مثل مدمرت حياتي
حيدر:طلعت رحت للقسم
ورحت ع ضابط عباس
عباس:نعم سيدي
حيدر:اريد اطلعلي كل المعلومات عن هذا الرقم077....
عباس:بس حيدر يحتاج وقت
حيدر:عسا ماهسه سنه اريد كل المعلومات والفيديوهات والصور وخاصه قبل 5سنين
او اكلك من اول مشتغل هذا سيم كارت اريد معلومات عنه بسرعه ..
كعدت ع كرسي واتذكرت شكلها من ضربتها وبجت احترك قلبي
بس مو بيدي اني ابن عرب وابن شيوخ وضابط موسهله احد يجيب مرتي بالشينه
______________________________________
ثائر:الحمدلله كملت سناء العلاج وبقينا بالشمال علمود نفسيتها
وهم علمود انعوف مريم وحيدر بوحدهم خل يتونسون بعدهم عرسان
______________________________________
مريم:مرت سنه واني ع هاي الحاله
ابتعدت عن كولشي لحد هذا اليوم اتذكر من طلكني حيدر اصعب لحظه بحياتي
صعبه الانسان يكون مظلوم ويتهموه
لحد هذا اليوم اتذكر من اجه عليه حيدر
حيدر:مرت اسبوع وانطاني عباس المعلومات
متت من شفت صور والمسجات
شكد جنت اعشقها صرت اكرها اريد بس الزمها والله الا اجنزها
اخذت الاوراق ورحت للبيت دخلت عليها لكيتها تبجي
مريم:دخل عليه حيدر
وجان يشمر عليه اوراق
حيدر:مع الاسف انتي الانسانه البريئه الي حبيتج
تدرين لو كايلتلي قبل زواج جان سامحتج
بس هسه مااكدر ..
انتي طالك طالك طالك ..
راح يجي سايق ياخذج لاهلج بالشمال واني راح ارجع لديرتي اشكرج ع كسرة قلبي...
مريم:جنت كاعده اذكر هذا اليوم وشلون رحت لشمال يم اهلي وضليت هناك لحد هذا اليوم مردت ارجع للبيتنا واتذكر الي صار
فجأه الكعدني من صفنتي علاوي
ابني كمت شلته وشميته
مريم:افييش ياريحه هلي
انتي الي ضليتلي من ريحه ابوك
من طلكني حيدر اكتشفت اني حامل وبوقتها اتعاركت وياه اهلي ان ميجيبون سيره لحيدر ولا خليتهم يدخلون وضليت عايشه يم خالتي بدهوك
كمت اخذت علاوي ودخلته جوا داابدله واسبحه...
حيدر(بعصبيه):ياحب هذا يابطيخ
شووف لك جر عدل وعوف بنات الناس
هن مو لعبه بيدك
يوسف:حيدر لتتدخل اني كتلكم هاويها وقلبي يريدها
حيدر:لك انت متزوج فكر بمرتك وجهالك
متزوج بت شيوخ
تروح تباوع لبنات الليل
والك هاي تربية الشيخ راضي
يوسف:مالك دخل اتزوجها يعني اتزوجها
شبيك انته قابل راح اقصر وياا مرتي وجهالي
حيدر اجيتك لان عبالي انت راح تحس بيه
لان جنت تعشگ مرر..
حيدر(بعصبيه):بببببسسسسس
لهنا وكافي لجيب سيرتها
يوسف:اي صح منجيب سيرتها
اجيت قبل سنه من بغداد
وكتلنا اني طلكت ومنو هي بت عمنا عرضنا
وعفت الوضيفه وصرت شيخ قاسي وضالم ماكو بقلبه رحمه شبيك صرت هيجي فهمنا
حيدر:اطلع برا
يوسف:حيدر بس
حيدر:كلت اطلع براا مااريد احد يدخل عليه
طلع يوسف
واني راسن وكعت من طولي
مدااكدر انساها هاي حب طفولتي
بنفس الوقت مااكدر ارجعها لان كلما اتذكرها اتذكر الصور والرسايل وكولشي وقلبي يحترك
مره بس مره رحت ارجعها وملكيتها اختفت وعمي مقبل يكلي ع مكانها
اني تعمدت مااطلكها قانونا علمود ضل بس اليه محد ياخذها
اووف يابت قلبي ليش سويتي هيجي وينج
قلبي يرجف بس يجيبون طاريج..
______________________________________
هلووو حبايبي وهاي بارت الثاني
وشنو رأيكم بالاحداث
عذروني مااكدر اغيرها لان هي القصه ببالي ومااريد اتسرع بيها اريد الاحداث متسلسله وبنفس الوقت
مشوقه انتظروني بالبارت الجاي غدا ان شاء الله
تصبحون على ماتتمنوه❤🥀
الكاتبه/طيبه الغراويKT
YOU ARE READING
الضابط والجميله
ChickLitنحب بصدق ونعطي قلوبنا ان كان لحبيب ام صديق.. ولكن يأتي يوما ويطعنون بنا ونحن لا نفعل شي ... ان كان الحب محرم .. مأحبت زليخه يوسف.. وان كان العشق حرام.. ماعشق قيس ليلى.. القصه تختلف عن القصص سابقه قصه فتاة احبت بصدق وبدأ هذا الحب يكبر رويدا رويدا واص...
