အဆောက်အအုံဟာ အိပ်ခန်းသုံးခန်းနဲ့ ဧည့်ခန်းတစ်ခန်းတို့ပါရှိပြီး ပိုင်မော့ဟန်ရဲ့အခန်းက အနောက်ဘက်ကအိပ်ခန်းမှာဖြစ်တယ်။ ကျန်တဲ့အခန်းတွေမှာတော့ လိန်ချွမ်းရဲ့လက်အောက်ခံတွေနဲ့ သူတို့တွေလမ်းမှာကယ်တင်ခဲ့တဲ့လူတွေ နေထိုင်ကြတယ်။
ကော်ကျစ်ရိန်နဲ့ လိန်ချွမ်းဟာ သူတို့လက်အောက်ကလူတွေကို ပိုင်မော့ဟန်ဟာ လူသားတွေကို စမ်းသပ်ခံအဖြစ်အသုံးချနေတဲ့ မကောင်းဆိုးဝါးသိပ္ပံပညာရှင်ဖြစ်ကြောင်းနဲ့ ဒီလူဟာ ကပ်ဘေးရဲ့ နိမိတ်ဆိုးတစ်ခုဖြစ်ကြောင်းပြောဆိုခဲ့တဲ့အတွက် ထိုသူတွေဟာ ပိုင်မော့ဟန်ရဲ့ သေရေးရှင်ရေးနဲ့ပတ်သက်ပြီး လုံးဝဂရုမစိုက်ကြဘူး။ ဒါ့အပြင် လမ်းတစ်လျှောက် လိန်ချွမ်းတို့ကယ်တင်ခဲ့တဲ့လူတွေဟာ Zombie တွေရန်ကိုကြောက်ရွံ့ကြတဲ့အတွက် မလိုအပ်ဘဲ အခန်းအပြင်မှာသွားလာနေတာတွေ လုပ်လေ့မရှိဘူး။
ဒါ့ကြောင့် အခန်းတံခါးတွန်းဖွင့်သံထွက်လာတာတောင် ဘယ်သူကမှ ထွက်လာပြီးကြည့်တဲ့သူမရှိတာပဲ။
တပ်မှုးဟာ သွေးတွေအဆက်မပြတ်အန်နေတဲ့ဒေါက်တာကို ထမ်းထားရင်း ဂိတ်တံခါးဝရှိရာကိုပြေးသွားဖို့ ပြင်လိုက်တယ်။ သူဟာ B-Base လက်အောက်က စစ်သားတစ်ယောက်ဖြစ်ပေမယ့် ဒေါက်တာပိုင်ကိုစောင့်ရှောက်ဖို့ တာဝန်ပေးခံရတဲ့သူတွေထဲမှာတော့ သူမပါခဲ့ဘူး။ သူသည်လဲ ပြန်လည်မွေးဖွားလာသူတစ်ယောက်ဖြစ်တယ်။ ကံကောင်းစွာနဲ့ သူပြန်နိုးလာတဲ့အချိန်မှာ သူဟာ အပြင်မှာ လိုအပ်တဲ့အထောက်အပံ့တွေ တော်တော်များများ စုဆောင်းထားခဲ့ပြီးတဲ့အပြင် သူရောက်နေတဲ့နေရာက ဒေါက်တာပိုင်ဖမ်းချုပ်ခံထားရတဲ့နေရာနဲ့ သိပ်မဝေးဘူး။ ဒါ့ကြောင့် သူဟာ ဒေါက်တာပိုင်ရဲ့သတင်းကို ရလျှင်ရချင်း စစ်တပ်သုံးဂျစ်ကားတစ်စီးနဲ့အတူ ဒေါက်တာပိုင်ရှိရာကို အမြန်ရောက်လာခဲ့တာဖြစ်တယ်။
မူလက ဒီနေရာဟာ အဆင့်မြင့်ရုံးတစ်ရုံးဖြစ်တာကြောင့် လုံခြုံရေးစနစ်တွေဟာ အထူးကောင်းမွန်တယ်။ ဒါ့ကြောင့်ပဲ လိန်ချွမ်းဟာ ဒီနေရာကို စခန်းချရာနေရာအဖြစ်ရွေးချယ်ခဲ့တာ။ သူဟာ ဒီနေရာကိုအခြေပြုပြီး ကပ်ဘေးအတွင်း အသက်ရှင်ကျန်နေသူတွေကိုရှာဖွေစုစည်းကာ လက်အောက်ခံတွေအဖြစ်သိမ်းသွင်းခဲ့တယ်။ ပြန်လည်မွေးဖွားလာပြီးတဲ့နောက် သူတို့ဟာ အရည်အချင်းရှိပြီး အင်အားတောင့်တင်းတဲ့ ကိုယ်ပိုင်စစ်တပ်တစ်တပ်ကို တည်ထောင်ဖို့ကြိုးပမ်းကြတယ်။
တပ်မှုးဟာ ယူနီဖောင်းအစား သာမာန်အဝတ်အစားတွေကိုဝတ်ဆင်ကာ လိန်ချွမ်းကယ်ဆယ်လာခဲ့တဲ့လူစုထဲမှာ သာမာန်လူတစ်ယောက်အဖြစ် ရောနှောလိုက်ပါလာခဲ့တယ်။ ဒီလိုလူစုထဲမှာရောနှောနေဖို့ သူ့အနေနဲ့ အတော်ကြိုးပမ်းလိုက်ရတယ်။
B-Base ရဲ့စစ်တပ်ဟာ သုတ်သင်ခံရပြီး လိန်ချွမ်းနဲ့ ကော်ကျစ်ရိန်တို့ဟာ အထူးစစ်တပ်တစ်တပ်နဲ့အတူ ဒေါက်တာပိုင်ကိုခေါ်ဆောင်သွားခဲ့တယ်။ ဒါ့အပြင် ကော်ကျစ်ရိန်နဲ့ လိန်ချွမ်းဟာ အမြုတေတွေရဲ့လျှို့ဝှက်ချက်ကိုသိတဲ့အပြင် အခုအချိန်မှာ သူတို့နှစ်ယောက်ဟာ အဆင့်-၄ စွမ်းအားရှင်တွေဖြစ်နေခဲ့ပြီ။ ဒီအကြောင်းတွေကိုကြားလိုက်ရတဲ့အချိန်မှာ တပ်မှုးဟာ အလွန်အံ့ဩတုန်လှုပ်သွားတယ်။
လက်ရှိအနေအထားတွေဟာ သူ့မှတ်ဥာဏ်ထဲကအကြောင်းအရာတွေနဲ့ လုံးဝခြားနားနေတာကိုသတိပြုမိတဲ့အတွက် တပ်မှုးဟာ အခြေအနေတွေကို နည်းနည်းလောက်စောင့်ကြည့်လိုခဲ့တယ်။ အဲ့ဒီညမှာ သူဟာ ဒေါက်တာပိုင်ရဲ့အခန်းနဲ့ မျက်နှာချင်းဆိုင်အဆောက်အအုံက အခန်းကနေ ဒေါက်တာပိုင်ရဲ့အခြေအနေကို အဝေးကြည့်မှန်ပြောင်းကနေတစ်ဆင့် စောင့်ကြည့်နေခဲ့တယ်။ ဒေါက်တာပိုင်ဟာ ကြမ်းပြင်ပေါ်လဲကျနေပြီး သွေးတွေအဆက်မပြတ်အန်နေတာကို တွေ့လိုက်ရတဲ့အချိန်မှာ ဒီမြင်ကွင်းဟာ အရင်က ဒေါက်တာပိုင်သေခါနီးတုန်းကပုံရိပ်တွေကို ပြန်လည်မြင်ယောင်လာစေတယ်။ အဲ့ဒီတုန်းက သူဟာ ဘာမှမတတ်နိုင်ပဲ ကြည့်ရုံပဲကြည့်နေခဲ့ရတယ်။ ဒါ့ကြောင့် အခုအချိန်မှာ သူဟာ ဒေါက်တာပိုင်ကိုကူညီဖို့ ချက်ချင်းပြေးထွက်လာခဲ့တာပဲ။
လိန်ချွမ်းနဲ့ သူ့လက်အောက်ကလူတွေဟာ ဒေါက်တာပိုင်ကို အလွန်မုန်းတီးရွံရှာကြပေမယ့် တခြားလူတွေကတော့ ဒေါက်တာပိုင်ဟာ တရုတ်ပြည်ရဲ့ အတော်ဆုံး ဆေးဝါးသုသေသနပညာရှင်တစ်ဦးမှန်း သိကြတယ်။ ဒါ့အပြင် ဒေါက်တာပိုင် B-Base ကိုသွားတာဟာ Zombie ဗိုင်းရပ်စ်ကာကွယ်ဆေးဖော်စပ်ဖို့ရန်အတွက်မှန်းလဲ သိကြတယ်။ သူတို့တွေဟာ ဒေါက်တာပိုင်ကို နိုင်ငံရဲ့မျှော်လင့်ချက်အနေနဲ့မြင်ကြတဲ့အတွက် ဒေါက်တာပိုင်အသတ်ခံရမှာကို မလိုလားကြဘူး။ ဒါ့ကြောင့် အခြားသုသေသနဌာနတွေရဲ့စစ်တပ်တွေဟာ ဒေါက်တာပိုင်ကို သူတို့ဌာနကိုခေါ်ဆောင်သွားနိုင်ဖို့အတွက် အနီးအနားမှာ ခြေချင်းလိန်အောင် ချောင်းမြောင်းနေကြတယ်။
ဒါဟာလဲ ကော်ကျစ်ရိန်တစ်ယောက် Bloodvine ကိုသုံးပြီး ဒေါက်တာပိုင်ကိုသတ်ရခြင်းရဲ့ နောက်ထပ်အကြောင်းပြချက်တစ်ခုပဲ။
တပ်မှုးဟာ ဒေါက်တာပိုင်ကိုအခန်းထဲကကယ်ထုတ်ပြီး လိန်ချွမ်းလက်အောက်ကလွတ်သွားတာနဲ့ သူ့အနေနဲ့ ဒေါက်တာပိုင်နဲ့အတူ ဘယ်လိုထွက်ပြေးရမလဲဆိုတာ စီစဉ်လို့ရပြီ။
တပ်မှုးဟာ မျက်စိတစ်မှိတ်အတွင်း အကြောင်းအရာများစွာကိုစဉ်းစားလိုက်တယ်။ သူဟာ Bloodvine တွေရှိနေတဲ့အခန်းထဲကပြေးထွက်လိုက်ပြီး အလျှင်အမြန်ထွက်ပြေးဖို့ပြင်လိုက်ပေမယ့် ရုတ်တရက်လှုပ်ရှားမှုအားလုံးရပ်တန့်သွားပြီး မျက်လုံးထဲမှာအလွန်ထိတ်လန့်နေတဲ့အမူအရာပေါ်လာတယ်။
သူသွားမဲ့လမ်းမှာ လိန်ချွမ်းဟာ မားမားမတ်မတ်ရပ်နေတယ်။ လိန်ချွမ်းရဲ့မျက်လုံးတွေဟာ အနီရောင်သန်းနေပြီး သူ့ပုံစံဟာ ကြောက်စရာကောင်းတဲ့ သားရဲတစ်ကောင်နဲ့တူတယ်။ လိန်ချွမ်းဟာ နှဖူးမှာသွေးကြောတွေထောင်ထလာတဲ့အထိ အံတင်းတင်းကြိတ်ထားပြီး သူ့ရဲ့မျက်လုံးအစုံဟာ သွေးတွေအဆက်မပြတ်အန်နေတဲ့ ပိုင်မော့ဟန်ကိုပဲ စိုက်ကြည့်နေခဲ့တယ်။ သူ့ခန္ဓာကိုယ်ဟာ တောင့်တင်းနေပြီး ဒေါသတကြီးပေါက်ကွဲလုနီးနီးပဲ။
လိန်ချွမ်းရဲ့ပုံဟာ အန္တရာယ်ရှိတဲ့အငွေ့အသက်တွေ လွှမ်းခြုံနေပြီး တပ်မှုးကို ဖြေးဖြေးချင်းပြောလိုက်တယ်။
"သူ့ ကို ပြန် ပေး!!"
ကျိုးယွင်ရှန့်ဟာ တပ်မှုးလည်ပင်းကို တင်းတင်းကြပ်ကြပ် ဖက်တွယ်ထားတယ်။ သူ့ရဲ့အနက်ရောင်မျက်လုံးတွေဟာ သတိကြီးကြီးထားနေတာကလွဲလို့ တခြားခံစားချက်တွေ ရှိမနေဘူး။ 'လုပ်ကြံတဲ့ကိစ္စမအောင်မြင်လို့ လိန်ချွမ်းကိုယ်တိုင်လိုက်လာတာလား??'
လိန်ချွမ်းဟာ ကျိုးယွင်ရှန့်ရဲ့အကြည့်ကိုမြင်လိုက်ရတဲ့အချိန်မှာ သူ့မျက်နှာက ပိုပြီးမဲမှောင်လာတယ်။
"သူ့ကို ငါ့ဆီပြန်ပေး!!" လိန်ချွမ်းဟာ အရှေ့ကိုတိုးလာပြီး တပ်မှုးလက်ထဲက ပိုင်မော့ဟန်ကိုလုယူဖို့ပြင်လိုက်တယ်။ အဲ့ဒီအချိန်မှာပဲ အပ်ချည်မျှင်လို အထွေးလိုက်လုံးထွေးနေတဲ့အရာတွေဟာ အခန်းထဲကထွက်လာပြီး လိန်ချွမ်းခြေထောက်ပေါ် ဖြေးဖြေးချင်းတက်လာတယ်။
လိန်ချွမ်းဟာ သူ့ရဲ့မှတ်ဥာဏ်တွေထဲမှာ အမြန်ရှာဖွေလိုက်ပြီး ကော်ကျစ်ရိန်ဟာ ပိုင်မော့ဟန်ရဲ့ခန္ဓာကိုယ်ထဲကို Bloodvine ထည့်သွင်းခဲ့တာကို အမှတ်ရသွားတယ်။ လိန်ချွမ်းရဲ့မျက်လုံးတွေဟာ ဒေါသကြောင့်အနီရောင်ပြောင်းသွားပြီး ကြမ်းပြင်ပေါ်က မကောင်းဆိုးဝါးတွေကို ပြာမှုန့်တွေဖြစ်တဲ့အထိ လောင်ကျွမ်းသွားစေတယ်။ သူဟာ တံခါးကိုတွန်းပိတ်လိုက်ပြီး "သူ့ကို အောက်ချပေးလိုက်!!"
တပ်မှုးဟာ လိန်ချွမ်းရဲ့ ပြိုင်ဘက်အဆင့်မဟုတ်ဘူး။ တကယ်လို့ သူနဲ့လိန်ချွမ်းသာ တိုက်ခိုက်ကြရင် ဒေါက်တာပိုင်ကိုထိခိုက်သွားမှာစိုးရိမ်တဲ့အတွက် သူ့အနေနဲ့ လိန်ချွမ်းစကားကို လိုက်နာရုံပဲတတ်နိုင်တယ်။
အထူးတပ်ဖွဲ့ဝတ်စုံနဲ့ စစ်သားတစ်ယောက်ဟာ သူတို့ခေါင်းဆောင်ရဲ့အသံကို ကြားလိုက်တဲ့အတွက် အပြင်ကအခြေအနေကိုလေ့လာဖို့ တံခါးကိုအလျှင်အမြန်တွန်းဖွင့်လိုက်တယ်။ လိန်ချွမ်းဟာ ထိုအခန်းထဲဝင်သွားပြီး အခန်းထဲကလူတွေအားလုံးကို မောင်းထုတ်လိုက်တယ်။
ပိုင်မော့ဟန်ကို ညစ်ပတ်ပေရေနေတဲ့အခန်းထဲမှာ ဆိုဖာအစုတ်တစ်လုံးနဲ့နေစေခဲ့တာ ဒီလူတွေရဲ့လက်ချက်ပဲ။ ဒီအခန်းထဲမှာတော့ အလွန်သက်တောင့်သက်သာရှိဟန်ပေါ်တဲ့ နူးညံ့တဲ့အိပ်ရာနဲ့ ကုတင်တစ်လုံးရှိနေတယ်။ တပ်မှုးဟာ ဒေါက်တာပိုင်ကို ထိုအိပ်ရာပေါ်ဂရုတစိုက်ချပေးလိုက်ပြီး ဒေါက်တာပိုင်ခန္ဓာကိုယ်ကသွေးတွေကို သန့်ရှင်းပေးဖို့အတွက် ရေချိုးခန်းထဲက တဘက်တစ်ထည်သွားယူဖို့ပြင်လိုက်တယ်။ ဒါပေမယ့် လိန်ချွမ်းဟာ သူ့အရှေ့မှာပိတ်ရပ်နေပြီး သူ့ကိုမျက်ထောင့်နီနဲ့ကြည့်နေတဲ့အတွက် တဘက်သွားယူမယ့်အကြံဥာဏ်ကို ချက်ချင်းပယ်ဖျက်လိုက်ရတယ်။
တပ်မှုးဟာ ဒေါက်တာပိုင်ကို တစ်ယောက်ထဲမထားခဲ့ရဲဘူး။ အခုအနေအထားမှာ သူတစ်ယောက်ထဲ ပြန်ဝင်စားလာတာမဟုတ်ပဲ လိန်ချွမ်းနဲ့ ကော်ကျစ်ရိန်လဲ ပြန်ဝင်စားလာတာဖြစ်ဖို့များတယ်။ မဟုတ်ရင် သူတို့ဟာ ဒီဘဝမှာ ဒီလောက်အဓိပ္ပာယ်မရှိတဲ့နည်းကိုသုံးပြီး ဒေါက်တာပိုင်ကိုသတ်ဖို့ ကြိုးစားမှာမဟုတ်ဘူး။ ဒေါက်တာပိုင်ကတော့ ပြန်ဝင်စားတာမဖြစ်နိုင်ဘူး။ မဟုတ်ရင် သူဟာ လိန်ချွမ်းနဲ့ ကော်ကျစ်ရိန်တို့နောက်ကို အခုလို သတိလက်လွတ်လိုက်လာခဲ့မှာမဟုတ်ဘူး။
တပ်မှုးဟာ ခေါင်းအုံးစွပ်ကိုချွတ်လိုက်ပြီး ပိုင်မော့ဟန်ရဲ့မျက်နှာနဲ့ လည်ပင်းပေါ်ကသွေးတွေကို ဖြေးဖြေးချင်း သုတ်ပေးလိုက်တယ်။
ကျိုးယွင်ရှန့်ရဲ့ခေါင်းဟာ ဆိုးဆိုးဝါးဝါးထိုးကိုက်နေခဲ့တယ်။ Bloodvine တွေက သူ့ရဲ့ကြွက်သားတွေထဲအထိ ထိုးဖောက်ဝင်ရောက်ပြီး သွေးအမြောက်အများကို စုပ်ယူသွားခဲ့တယ်။ သူ့အနေနဲ့ ဝိဥာဉ်စွမ်းအားကိုအသုံးပြုပြီး ခန္ဓာကိုယ်ကိုပြန်လည်ပြုပြင်လို့ရပေမယ့် အဲ့ဒါက ခေါင်းကိုက်ဝေဒနာကို ပိုမိုဆိုးဝါးလာစေတယ်။ ခန္ဓာကိုယ်က ပိုအားနည်းလေ ခန္ဓာကိုယ်ကိုပြုပြင်ဖို့အတွက် ဝိဥာဉ်စွမ်းအားကိုပိုသုံးရလေပဲ။ ဝိဥာဉ်စွမ်းအားကိုအသုံးပြုလေလေ လူကပိုအားနည်းလာလေဖြစ်လာမှာပဲ။ ဒါဟာ ရက်စက်တဲ့အမှန်တရားပဲ။
တကယ်လို့အခြေအနေတွေက ဒီအတိုင်းဖြစ်နေခဲ့ရင် ကျိုးယွင်ရှန့်အတွက် နောက်ထပ်ရက်အနည်းငယ်တောင် အသက်ရှင်ဖို့မသေချာဘူး။
ဒီအကြောင်းကိုစဉ်းစားနေရင်းနဲ့ ကျိုးယွင်ရှန့်ဟာ နောက်ထပ်သွေးတစ်ပွက်ထပ်အန်လိုက်တယ်။ အခုလေးတင် တပ်မှုးသန့်ရှင်းရေးလုပ်ပေးထားတဲ့ နှုတ်ခမ်းနဲ့ လည်ပင်းတွေဟာ နောက်တစ်ခါထပ်ပြီး သွေးတွေနဲ့ ညစ်ပေသွားပြန်တယ်။
တပ်မှုးရဲ့ မျက်လုံးတွေဟာ နီရဲလာတယ်။ သူ့အနေနဲ့ ဒေါက်တာပိုင်ရဲ့အခုလိုပုံစံကိုမြင်ရတာ ရင်ဘတ်ထဲမှာ တင်းတင်းကြပ်ကြပ်ဆုပ်ဆွဲထားသလို ခံရခက်လွန်းတယ်။ ဒေါက်တာပိုင်ရဲ့နာမည်ကိုတဖွဖွခေါ်နေတဲ့အသံတွေဟာ တဖြည်းဖြည်းနဲ့ငိုသံပါလာတယ်။ ဘာလို့ လူကောင်းတွေဟာ ကောင်းကောင်းမနေရတာလဲ?? သန်းပေါင်းများစွာသောအသက်တွေက ဒေါက်တာပိုင်ကိုအကြွေးတင်နေခဲ့တာ၊ အဲ့ဒါက အသက်အနည်းငယ်လောက်သေစေခဲ့တဲ့အပြစ်ကို ချေပဖို့မလုံလောက်ဘူးလား?? ဘုရားသခင်က မတရားလိုက်တာ!!
လိန်ချွမ်းဟာ အရှေ့ကိုနှစ်လှမ်းတိုးလာပြီး ဒေါက်တာပိုင်ရှိရာကို လက်လှမ်းလိုက်ပေမယ့် တပ်မှုးဟာ လိန်ချွမ်းလက်ကောက်ဝတ်ကိုဖမ်းဆွဲလိုက်ပြီး အံတင်းတင်းကြိတ်ထားတဲ့အသံနဲ့ "လက်ဖယ်လိုက်။ သူ့ကိုထိဖို့မကြိုးစားနဲ့။ ခင်ဗျားသူ့ကိုထိရဲရင် ခင်ဗျားရဲ့အစီအစဉ်တွေကိုဖော်ထုတ်ဖို့ ကျုပ်ဝန်မလေးဘူး။ B-Base ရဲ့စစ်တပ်ကို ခင်ဗျားသတ်ပစ်ခဲ့ပေမယ့် ကျုပ်သိသလောက်ဆိုရင် တခြားအဖွဲ့အစည်းတွေက ခင်ဗျားနောက်ကိုခြေရာခံလိုက်နေတာ။ သူတို့က ဒေါက်တာပိုင်ရဲ့တန်ဖိုးအမှန်ကိုနားလည်တယ်။ သူတို့တွေက ခင်ဗျားလုပ်သမျှကို ဘေးကနေဒီအတိုင်း လက်ပိုက်ကြည့်နေကြမှာမဟုတ်ဘူး။"
ဒီစကားလောက်နဲ့ လိန်ချွမ်းကိုတားဖို့မဖြစ်နိုင်ပေမယ့် လိန်ချွမ်းဟာ ရှေ့ဆက်မတိုးရဲတော့ဘူး။ ပိုင်မော့ဟန်ဟာ တခြားလူတစ်ယောက်ရဲ့အနောက်မှာပုန်းကွယ်နေပြီး ခန္ဓာကိုယ်ကိုတတ်နိုင်သမျှကျုံ့ထားကာ သွေးတွေအဆက်မပြတ်အန်နေတယ်။ သူ့ကိုလဲ တစိမ်းတစ်ယောက်လို အေးစက်စက်နဲ့ သတိအပြည့်ထားနေတဲ့မျက်လုံးတွေနဲ့စိုက်ကြည့်နေတာကို မြင်ရတာ လိန်ချွမ်းအတွက် ဆောက်တည်ရာမရဖြစ်စေတယ်။
"မကြောက်ပါနဲ့။ ငါ မင်းဒဏ်ရာတွေကို ကုပေးချင်ရုံပါ။ ငါ့မှာ Healing အစွမ်းရှိတယ်။" ဘယ်တုန်းကမှ အခြားသူတွေရှေ့ ထုတ်မပြခဲ့တဲ့စွမ်းအားတစ်ခုကို သူဟာ ပိုင်မော့ဟန်ရှေ့မှာတော့ အလွယ်တကူဖွင့်ပြောခဲ့မိတယ်။စိတ်လှုပ်ရှားမှုကြောင့် သူ့ရဲ့လက်တွေဟာ ချွေးစေးတွေပြန်လာတဲ့အထိ ပိုင်မော့ဟန်ဘယ်လိုတုန့်ပြန်မလဲဆိုတာကို ရင်တမမနဲ့ စောင့်နေခဲ့တယ်။ သူ့အတွေးထဲမှာတော့ ပိုင်မော့ဟန်ဟာ သူ့ကိုစိတ်ဝင်တစားကြည့်လာပြီး သူအနားကပ်လာတာကို လက်ခံလိမ့်မယ်လို့ ထင်ခဲ့တယ်။ သူ ပိုင်မော့ဟန်ကိုနားလည်တယ်။ Zombie ဗိုင်းရပ်ကို တိုက်ဖျက်ဖို့အတွက် ပိုင်မော့ဟန်ဟာ ဘယ်အခွင့်အရေးကိုမဆို အမိအရဖမ်းဆုပ်လိမ့်မယ်။ မကောင်းဆိုးဝါးတစ်ကောင်နဲ့အတူတူနေရမယ်ဆိုရင်တောင် ပိုင်မော့ဟန်က တွန့်ဆုတ်နေမယ့်လူမျိုးမဟုတ်ဘူး။
ဒါပေမယ့် လိန်ချွမ်းဟာ စမ်းသပ်ခန်းထဲမှာ အချိန်ကြာမြင့်စွာနေခဲ့ရတဲ့အတွက် သူဟာ အရေးအကြီးဆုံးအချက်တစ်ချက်ကို မေ့နေခဲ့တယ်။ Healing အစွမ်းက ရှားပါးတာတော့မှန်ပေမယ့် လုံးဝမရှိတာမျိုးတော့မဟုတ်ဘူး။ ပိုင်မော့ဟန် သူ့အပေါ်စိတ်ဝင်စားတယ်ဆိုတာ သူ့ရဲ့ Healing အစွမ်းက ထူးခြားနေခဲ့လို့ပဲ။ သူ့ရဲ့ Healing စွမ်းအားက Zombie ဗိုင်းရပ်ပိုးကူးစက်ခံစားရတဲ့လူတွေကိုတောင် ကုသပေးနိုင်တဲ့အထိ အစွမ်းထက်လို့ပဲ။
လိန်ချွမ်းဟာ သူ့ရဲ့စွမ်းအားအကြောင်းကို အကြမ်းဖျင်းလောက်ပဲပြောလိုက်တဲ့အတွက် ပိုင်မော့ဟန်က သူ့ကို သာမာန် Healing အစွမ်းလောက်သာရှိတယ်လို့ ထင်သွားခဲ့တယ်။ ဒါ့ကြောင့် သူ့အသက်ကိုလောင်းကြေးထပ်ပြီး လိန်ချွမ်းအနားကပ်လာဖို့ကို မလိုလားဘူး။ နောက်ပြီး အခုပိုင်မော့ဟန်နေရာမှာ ကျိုးယွင်ရှန့်ရှိနေတာဖြစ်တဲ့အတွက် ထောင်ချောက်တွေနဲ့ပတ်သက်ရင် ပိုပြီးသံသယရှိလွယ်တယ်။
"ခင်ဗျား ကျုပ်ကို ဘာလို့သတ်ချင်နေတာလဲ?? ကျုပ် ပိုင်မော့ဟန်က တစ်နှစ်ပတ်လုံး စမ်းသပ်ခန်းနဲ့ ခွဲခန်းတွေထဲမှာပဲနေခဲ့တာ။ ကျုပ်မကောင်းတာ ဘာတစ်ခုမှမလုပ်ခဲ့ဘူး။" ကျိုးယွင်ရှန့်ဟာ သွေးတွေအန်နေရင်းကနေ ဖျော့တော့စွာပြောလိုက်တယ်။ သူ့အနေနဲ့ ပြန်ဝင်စားလာတဲ့အကြောင်းကို အသိခံလို့မဖြစ်ဘူး။ အသိပေးလိုက်တာက လိန်ချွမ်းနဲ့ ကော်ကျစ်ရိန်တို့ရဲ့ အမုန်းတရားကို ပိုပြီးတော့တိုးလာစေလိမ့်မယ်။ ဒါပေမယ့် ကျိုးယွင်ရှန့်ပြောတာ မမှားဘူး။ လက်ရှိပိုင်မော့ဟန်ရဲ့လက်တွေဟာ အရမ်းသန့်ရှင်းတယ်။ လူသားတွေကိုအသုံးပြုတဲ့စမ်းသပ်မှုတွေ ဘာတစ်ခုမှမလုပ်ရသေးဘူး။
လိန်ချွမ်း ရုတ်တရက် စကားလုံးတွေရှာမရလောက်အောင် ဆွံ့အနေမိတယ်။ သူ့နှလုံးသားထဲမှာတော့ အကူအညီမဲ့မှုတွေဟာ သူ့ကို ကောင်းကောင်းကြီးနှိပ်စက်နေတယ်။ တကယ်လို့ သူသာ ဒီထက်နည်းနည်းလောက်ဖြစ်ဖြစ်စောပြီး သတိရလာနိုင်ခဲ့ရင် အခြေအနေတွေက ဒီလောက်ထိဆိုးဝါးကုန်မှာမဟုတ်ဘူး။ သူ့မှတ်ဥာဏ်ထဲကအကြောင်းအရာတွေအရဆိုရင် ကော်ကျစ်ရိန်လဲ ပြန်ဝင်စားလာတာပဲဖြစ်ရမယ်။ မဟုတ်ရင် ကပ်ဘေးမကျရောက်ခင်ထဲက လက်နက်ရိက္ခာတွေနဲ့ အထောက်အပံ့တွေကြိုတင်စုဆောင်းထားဖို့ တိုက်တွန်းခဲ့မှာမဟုတ်ဘူး။
ကော်ကျစ်ရိန်ဟာ သူ့ကို ဒေါက်တာပိုင်ရဲ့အစောင့်အရှောက်အဖြစ်လိုက်ပါလာတဲ့ စစ်တပ်ကို လမ်းတစ်ဝက်ကနေ ဝင်ရောက်တိုက်ခိုက်စေခဲ့တယ်။ ဒါ့အပြင် ပိုင်မော့ဟန်ဟာ လူသားတွေကို စမ်းသပ်ခံတွေအဖြစ်သာသဘောထားတဲ့ လူယုတ်မာတစ်ယောက်ဖြစ်ပြီး Zombie မကောင်းဆိုးဝါးတွေဟာ ပိုင်မော့ဟန်ရဲ့စမ်းသပ်မှုရလဒ်တွေ ဖြစ်ကြောင်း လိန်ချွမ်းကိုပြောခဲ့တယ်။ မကောင်းဆိုးဝါးမျိုးစိတ်တွေ ဖန်တီးတာကိုတားဆီးဖို့အတွက် ဒေါက်တာပိုင်ကိုရှင်းပစ်မယ့်အကြောင်းကိုလဲ လိန်ချွမ်းကို အသိပေးခဲ့တယ်။
လိန်ချွမ်းအတွက် ကော်ကျစ်ရိန်ဟာ ရှစ်နှစ်၊ ကိုးနှစ်လောက် ဘေးနားမှာအတူတူရှိနေခဲ့တဲ့ ညီအစ်ကိုလိုလူမျိုးဖြစ်တယ်။ ဒါ့ကြောင့်လဲ သူဟာ ကော်ကျစ်ရိန်ရဲ့စကားကို ယုံကြည်ဖို့ရွေးချယ်ခဲ့တာ။ သူဟာ ပိုင်မော့ဟန်ကိုကာကွယ်ပေးနေတဲ့ စစ်တပ်ကို တိတ်တဆိတ်သတ်ပစ်ခဲ့တဲ့အပြင် ကော်ကျစ်ရိန်တစ်ယောက် ပိုင်မော့ဟန်ရဲ့ခန္ဓာကိုယ်ထဲမှာ Bloodvine တွေ ထည့်သွင်းမယ့်ကိစ္စကိုလဲ သဘောတူခဲ့တယ်။
လိန်ချွမ်းမျက်လုံးတွေပြန်ဖွင့်လာတဲ့အချိန်မှာ အရင်တုန်းကအကြောင်းအရာတွေအားလုံးကို ပြန်မှတ်မိသွားခဲ့တယ်။ ပိုင်မော့ဟန်ဟာ သူ့ရင်ဘတ်ကိုဖိထားပြီး လဲကျသွားတဲ့ပုံရိပ်တွေဟာ သူ့စိတ်ထဲမှာ အနှေးပြကွက်တစ်ခုလို ထပ်ခါတလဲလဲ ပေါ်လာတယ်။ ဒီပုံရိပ်တွေဟာ သူ့ကို ဆိုးဆိုးဝါးဝါးနာကျင်စေတယ်။ လိန်ချွမ်းရဲ့ မျက်လုံးအစုံဟာ နီရဲနေပြီး ကြောက်ရွံ့မှုကြောင့် သူ့တစ်ကိုယ်လုံး တုန်ယင်နေတယ်။
ဒါပေမယ့် အရင်တုန်းကခံစားခဲ့ရတဲ့ ဝမ်းနည်းမှုနဲ့ တုန်လှုပ်မှုတွေဟာ အခုလက်ရှိခံစားနေရတဲ့နာကျင်မှုနဲ့ ယှဉ်လိုက်ရင် ဘာမှမပြောပလောက်တော့ဘူး။ ပိုင်မော့ဟန်ရဲ့ စိုးရွံ့နေတဲ့မျက်လုံးအစုံကိုမြင်ရတာ သူ့ရင်ထဲကနှလုံးသားတစ်ခုလုံး အစိတ်စိတ်မွှာမွှာကွဲကြေသွားသလောက်ကို နာကျင်ရတယ်။
"ငါ...." သူ့လည်ချောင်းထဲမှာ တင်းကြပ်ပိတ်ဆို့နေတယ်။ စကားတစ်လုံးပဲပြောပြီးတဲ့နောက် နောက်ထပ်ဘာစကားသံမှ ထပ်ထွက်မလာတော့ဘူး။