"ဒေါက်... ဒေါက်တာ ဘာဖြစ်တာလဲ??" တပ်မှုးဟာ မျက်နှာကိုသုတ်လိုက်ချိန်မှာ တွေ့လိုက်ရတာက သွေးတွေတင်မဟုတ်ပဲ အတွင်းကလီစာအပိုင်းအစတွေပါ တွေ့လိုက်ရတဲ့အတွက် အလွန်အမင်းထိတ်လန့်သွားတယ်။
ကျိုးယွင်ရှန့် ကုတ်အင်္ကျီကိုချွတ်လိုက်ပြီး အလိပ်လိုက် လုံးထွေးလိုက်ကာ သွေးတွေအားလုံးကို ထိုအင်္ကျီလိပ်ပေါ် ထွေးချလိုက်တယ်။ မိနစ်အတော်ကြာအောင်သွေးအန်ပြီးနောက်မှာတော့ ကျိုးယွင်ရှန့် ကုတင်နားကို ဖြေးဖြေးချင်းလျှောက်သွားပြီး အိပ်ယာပေါ်ထိုင်ချလိုက်တယ်။ ကျုိးယွင်ရှန့် သူ့ကိုစိုးရိမ်တကြီးစိုက်ကြည့်နေတဲ့တပ်မှုးကို လက်ကာပြလိုက်ပြီး "ကျုပ်အဆင်ပြေပါတယ်" လို့ပဲပြောလိုက်တယ်။
"ဒါကို အဆင်ပြေတယ်ပြောနေတာလား?? မင်း သေတော့မှာကွ!!" လိန်ချွမ်း ထိုလူ့နားထဲကို ဒေါသတကြီးအော်ပြောလိုက်တယ်။
ကျိုးယွင်ရှန့်ဟာ တုန်ယင်နေတဲ့လက်တစ်ဖက်နဲ့ ပါးစပ်ကိုအုပ်ထားပြီး သွေးတွေဟာ လက်ကြားထဲကနေ အဆက်မပြတ်ယိုစီးကျနေတယ်။ ကျိုးယွင်ရှန့် လက်ကို သွေးတွေရွှဲနစ်နေတဲ့အင်္ကျီမှာ သုတ်လိုက်တယ်။ ဒီမြင်ကွင်းက အရမ်းကြောက်စရာကောင်းသလို ရင်နင့်စရာလဲကောင်းတယ်။ လိန်ချွမ်းဟာ အထိအတွေ့တွေကိုမခံစားနိုင်တဲ့သရဲတစ်ကောင်ဖြစ်ပေမယ့် အခုအချိန်မှာတော့ ပိုင်ရဲ့သွေးတွေက သူ့အတွက် ချော်ရည်ပူတွေလိုပဲ။ တစ်ကိုယ်လုံး မခံမရပ်နိုင်အောင် ပူပြင်းစွာလောင်မြိုက်နေသလို ခံစားနေရတယ်။
လိန်ချွမ်းရဲ့မျက်လုံးတွေ သွေးရောင်လို နီရဲလာတယ်။ လိန်ချွမ်း အရှေ့ကလူရဲ့လည်ပင်းသွယ်သွယ်ကို ဆုပ်ကိုင်ပြီး အသိဥာဏ်ဝင်လာတဲ့အထိ ခပ်ကြမ်းကြမ်းလှုပ်ကိုင်ပစ်လိုက်ချင်တယ်။ သူဟာလက်တစ်ဖက်ကိုဆန့်ထုတ်လိုက်ပြီးခါမှ အရှေ့ကလူသားကို ထိခိုက်မိသွားမှာကိုလဲစိုးရိမ်နေပြန်တယ်။ နောက်ဆုံးမှာတော့ လိန်ချွမ်းဟာ ထိုလူ့ဘေးမှာ စိတ်ပျက်အားလျော့စွာထိုင်ချလိုက်ပြီး အကူအညီမဲ့စွာ သက်ပြင်းချလိုက်မိတယ်။
တပ်မှုးဟာ ကျိုးယွင်ရှန့်အခြေအနေကို အခုထိလက်မခံနိုင်သေးဘူး။ သူဟာ ခေါင်းကိုခါရမ်းလိုက်ပြီး "ဒီပုံစံနဲ့ ဘယ်လိုလုပ်ပြီးအဆင်ပြေမှာလဲ?? ဒေါက်တာ ကျွန်တော် ခင်ဗျားကို ကုသရေးဆောင်ဆီကို ချက်ချင်းခေါ်သွားပေးမယ်"
"ဟုတ်တယ်။ မြန်မြန်ခေါ်သွား!!" လိန်ချွမ်း ထိုင်နေရာကနေ အလောတကြီးထလာပြီး တိုက်တွန်းပေမယ့် သူ့အသံကို ဘယ်သူမှမကြားနိုင်ကြဘူး။
ကျိုးယွင်ရှန့် ခြောက်ကပ်ကပ်ပြုံးလိုက်ပြီး တပ်မှုးစကားကိုငြင်းပယ်တဲ့အနေနဲ့ လက်တစ်ဖက်ကိုဝေ့ရမ်းလိုက်တယ်။ "ကျုပ်တော့ ဆေးရုံကုတင်ပေါ်မှာသေရမယ့်အစား ဓာတ်ခွဲခန်းထဲမှာပဲ အသေခံမယ်။ စမ်းသပ်မှုက အောင်မြင်ကာနီးနေပြီ။ ကျုပ်ကလွဲပြီး ဘယ်သူမှ အောင်မြင်အောင်လုပ်နိုင်မှာ မဟုတ်ဘူး။ ကျုပ် နောက်ဆုံးအချိန်ထိ ကျိန်းသေအသက်ရှင်နေဦးမှာပါ။ အခုအခြေအနေတွေကိုလဲ ဘယ်သူ့ကိုမှအသိမပေးနဲ့။ ကျုပ် မလိုအပ်ပဲ ရုတ်ရုတ်သဲသဲတွေဖြစ်မှာကို မလိုချင်ဘူး"
တပ်မှုးဟာ ခေါင်းကို အကြိမ်ကြိမ်ခါရမ်းမိတယ်။ စိတ်ထဲမှာတော့ ဆိုးဆိုးဝါးဝါး လေးလံနေတယ်။ လူတိုင်းရဲ့မျက်လုံးထဲမှာ မမျှော်မှန်းနိုင်လောက်အောင် အင်အားကြီးမားတဲ့ဒေါက်တာက လက်တွေ့မှာဒီလောက်တောင်အားနည်းနေပြီလား?? ပိုင်မော့ဟန်သေဆုံးတော့မယ်ဆိုတဲ့ကိစ္စက သူ့အတွက် လက်ခံဖို့ခက်ခဲလွန်းတယ်။ သူ့ကိုယ်သူသတိမထားမိခင်မှာပဲ အရင်တုန်းက ပိုင်မော့ဟန်အပေါ်ထားရှိခဲ့တဲ့ မနှစ်မြို့မှုတွေဟာ အထင်ကြီးလေးစားမှုတွေအဖြစ် လုံးဝပြောင်းလဲသွားတယ်။
ကျိုးယွင်ရှန့် တပ်မှုးရဲ့မျက်လုံးထဲကို စူးစူးရဲရဲစိုက်ကြည့်လိုက်ပြီးပြောလိုက်တယ်။ "ကျုပ်ပြောခဲ့ဖူးတဲ့စကားကို မှတိမိလား?? ရည်မှန်းချက်ဖြစ်မြောက်ဖို့အတွက် ကျုပ်အနေနဲ့ ဘာမဆိုပေးဆပ်ဖို့ ဝန်မလေးဘူး။ ဒီပေးဆပ်မှုမှာ စမ်းသပ်မှုအတွက် ကျဆုံးသွားခဲ့တဲ့ သာမာန်ပြည်သူတွေနဲ့ စွမ်းအားရှင်တွေအပြင် ကျုပ်ကိုယ်တိုင်ပါ အပါအဝင်ပဲ။ ကျုပ်အသက်၊ ကျုပ်တို့တွေအားလုံးရဲ့အသက်တွေက ဒီကမ္ဘာပေါ်က သန်းပေါင်းများစွာသောအသက်တွေနဲ့ယှဉ်လိုက်ရင် ဘာမှမပြောပ,လောက်ပါဘူး။ စိတ်မကောင်းမဖြစ်ပါနဲ့။ လူတိုင်း တစ်နေ့ကျရင်သေရမှာပဲ"
တပ်မှုးဟာ နီရဲနေတဲ့မျက်လုံးအစုံနဲ့ ခေါင်းကိုခါရမ်းလိုက်တယ်။ မျက်ရည်စက်တွေက ကြမ်းပြင်ပေါ် တတောက်တောက်စီးကျလာတယ်။ တပ်မှုးဟာ အံတင်းတင်းကြိတ်ထားတဲ့အသံနဲ့ "ဒေါက်တာ ခင်ဗျားက လူကောင်းပါ။ လူတွေအများကြီး ခင်ဗျားကြောင့် သေခဲ့ပေမယ့် ခင်ဗျားက တကယ့်လူကောင်းပါ။ ခင်ဗျားဒီလိုတွေ မခံစားရသင့်ဘူး!!"
ကျိုးယွင်ရှန့် ခြောက်ကပ်ကပ်အပြုံးနဲ့အတူ လက်ကိုဝေ့ရမ်းလိုက်တယ်။ ကျိုးယွင်ရှန့် တပ်မှုးရဲ့စကားကိုပြန်မဖြေခင်မှာပဲ သွေးထပ်အန်မလိုဖြစ်လာတာကြောင့် မျက်မှောင်ကုပ်သွားတယ်။
တပ်မှုးလဲ နောက်ဆုံးတော့ တိတ်ဆိတ်စွာနဲ့ ဒေါက်တာရဲ့အခန်းကိုကူညီလှည်းကျင်းဖို့ပဲ ကြိုးစားလိုက်တယ်။ အခန်းကိုသန့်ရှင်းရေးလုပ်ရင်းနဲ့ အိပ်ယာအောက်က သွေးစွန်းနေတဲ့အင်္ကျီငါးထည်၊ ခြောက်ထည်လောက်ကို တွေ့လိုက်ရတဲအချိန်မှာတော့ တပ်မှုးရဲ့လက်တွေ အဆက်မပြတ် တုန်ယင်လာတော့တယ်။ သူ ထိုအင်္ကျီတွေကို သူ့ရဲ့လက်ဆွဲအိတ်ထဲကိုထည့်လိုက်ပြီး အပြင်မှာ ဘယ်သူမှမရှိတုန်း အခန်းထဲကနေ အမြန်ပြန်ထွက်သွားတော့တယ်။
ကျိုးယွင်ရှန့်လဲ အခန်းတံခါးကို သော့ပိတ်လိုက်ပြီး ပါးလုပ်ကျင်းပြီးနောက် တန်းအိပ်လိုက်တော့တယ်။
လိန်ချွမ်းရဲ့ မဲနက်နေတဲ့မျက်လုံးအစုံဟာ ကျိုးယွင်ရှန့်ရဲ့ ဖြူဖျော့နေတဲ့မျက်နှာကို စိုက်ကြည့်နေခဲ့တယ်။ သူဟာ အိပ်ပျော်နေတဲ့လူကို စောင်ခြုံပေးချင်ပေမယ့် သူ့အနေနဲ့ ဘာမှမလုပ်ပေးနိုင်ပြန်ဘူး။ လိန်ချွမ်း ကျိုးယွင်ရှန့်ဘေးမှာ တိတ်ဆိတ်စွာထိုင်နေရင်း အတွေးထဲမှာနစ်မြောသွားတော့တယ်။
'Zombie စားသတ္တဝါ စမ်းသပ်မှု' ကျရှုံးသွားတဲ့အတွက် အထက်အာဏာပိုင်တွေဟာ ဝူဟန်ယွမ်ရဲ့သုသေသနအဖွဲ့ကို ဖျက်သိမ်းလိုက်ပြီး အဖွဲ့ရဲ့ပိုင်ဆိုင်မှုတွေကိုတော့ တခြားသုသေသနအဖွဲ့တွေကို ခွဲဝေပေးလိုက်တယ်။ ကျိုးယွင်ရှန့်တို့အဖွဲ့အတွက်တော့ နောက်ဆုံးပေါ်စက်ပစ္စည်းတွေအပြင် ကျွမ်းကျင်ပညာရှင်ပေါင်းများစွာပါ ရလိုက်တဲ့အတွက် သုသေသနလုပ်ငန်းဟာ အနည်းနဲ့အများ မူလအခြေအနေထက် ပိုမိုမြန်ဆန်လာခဲ့တယ်။
နှစ်လကြာပြီးနောက် အမျိုးသမီးဝန်ထမ်းတစ်ယောက်ဟာ Freezer တစ်ခုကိုတွန်းလာရင်း ဓာတ်ခွဲခန်းထဲကို ဝင်လာခဲ့တယ်။ သူမဟာ တုန်ယင်နေတဲ့အသံနဲ့ပြောလိုက်တယ်။ "ဒေါက်တာ ကာကွယ်ဆေးနမူနာရပြီ။ ဆေးကိုအခုစမ်းသပ်ချင်လား??"
အလုပ်ရှုပ်နေကြတဲ့ ဓာတ်ခွဲခန်းဝန်ထမ်းတွေဟာ ကျောက်ရုပ်တွေလို အားလုံးရပ်တန့်သွားပြီး ငွေရောင်မှိုင်းမှိုင်း သေတ္တာဆီကိုပဲ မျှော်လင့်ချက်အပြည့်နဲ့ စိတ်လှုပ်ရှားစွာ စိုက်ကြည့်နေကြတယ်။ သူတို့အားလုံးဟာ ကာကွယ်ဆေးရဲ့အခြေအနေကို အရမ်းသိချင်နေကြသလို ရလဒ်ကိုသိရမှာလဲ ထိတ်လန့်နေကြတယ်။
ကျိုးယွင်ရှန့် လက်အိတ်တွေကို ဖြေးဖြေးချင်းချွတ်လိုက်ပြီး ဘေးအခန်းက Safety Lab ရှိရာကို လျှောက်သွားလိုက်တယ်။ ကျန်တဲ့လူတွေလဲ ကျိုးယွင်ရှန့်နောက်က လိုက်လာကြတယ်။
မှန်လုံခန်းထဲမှာတော့ မေ့မြောနေတဲ့လူတစ်ယောက်ရှိနေတယ်။ ထိုသူဟာ Zombie ဗိုင်းရပ်စ်ကူးစပ်ခံထားရတာ 6 နာရီခန့်ရှိပြီဖြစ်ပြီး သွားတွေနဲ့ လက်သည်းတွေဟာ အသွင်ပြောင်းစပြုနေပြီဖြစ်တယ်။ နောက်ထပ် တစ်နာရီ၊ နှစ်နာရီလောက်ဆိုရင် လုံးဝအသိစိတ်ပျောက်သွားပြီး မကောင်းဆိုးဝါးတစ်ကောင်ဖြစ်လာတော့မှာဖြစ်တယ်။
"ကာကွယ်ဆေးထိုးပေးလိုက်တော့" ကျိုးယွင်ရှန့် လက်တစ်ဖက်ကိုဝေ့ရမ်းရင်း ပြောလိုက်တယ်။ ချက်ချင်းပဲ ရေခဲစွမ်းအားရှင်တစ်ယောက်က Freezer ထဲက ကာကွယ်ဆေးနမူနာကိုယူလိုက်ပြီး အခန်းထဲသို့ဝင်သွားကာ ဗိုင်းရပ်ကူးစက်ခံထားရတဲ့လူကိုဆေးထိုးပေးလိုက်တယ်။
လူတွေအားလုံးဟာ အသက်တောင်ရဲရဲမရှုရဲကြဘူး။ 10 မိနစ်လောက် စောင့်ကြည့်ပေမယ့် အခန်းထဲကအခြေအနေက ဘာထူးခြားမှုမှရှိမလာဘူး။ စမ်းသပ်မှုမအောင်မြင်တာလား?? လူတွေအားလုံး စိတ်မရှည်နိုင်အောင်ဖြစ်လာတယ်။ ဒေါက်တာပိုင်ဆိုတာ တရုတ်ရဲ့ ဇီဝဗေဒဆိုင်ရာနယ်ပယ်မှာ အတော်ဆုံးသိပ္ပံပညာရှင်တစ်ဦး။ တကယ်လို့ ဒီလိုလူတောင်မှ ကာကွယ်ဆေးကိုအာင်မြင်အောင် မဖော်စပ်နိုင်ရင် လောကကြီးမှာ ကာကွယ်ဆေးဖော်မြူလာအမှန်ကို တီထွင်နိုင်မဲ့သူ ရှိပါ့ဦးမလား။ လူသားမျိုးနွယ်အတွက် မျှော်လင့်ချက်ရှိနိုင်ပါတော့မလား။
ကမ္ဘာကြီးပေါ်မှာ Zombie အကောင်ရေ သန်းချီရှိပြီး နေ့စဉ်နေ့တိုင်း Zombie အကောင်ရေက တိုးပွားလာလျှက်ရှိတယ်။ သတ်ဖြတ်မှုတွေက ဘယ်အချိန်ကျမှအဆုံးသတ်မှာလဲ??သူတို့အားလုံးရဲ့အနာဂတ်က အမှောင်အတိပဲ။
"ဆေးအစွမ်းမပြသေးဘူး။ ခဏစောင့်ကြည့်ဦး" ကျိုးယွင်ရှန့်ကတော့ ထုံးစံအတိုင်း တည်တည်ငြိမ်ငြိမ်ပဲ။ ပြီးခဲ့တဲ့ 6 လလုံး သူဟာ ပိုင်မော့ဟန်ရဲ့မှတ်ဥာဏ်တွေကို အဆက်မပြတ်စုပ်ယူနေခဲ့တာဖြစ်ပြီး အခုအချိန်မှာ သူ့ရဲ့ဇီဝဗေဒဆိုင်ရာ သုသေသနနည်းပညာတွေက ပိုင်မော့ဟန်ထက် များစွာသာလွန်နေပြီဖြစ်တယ်။ သူ့အနေနဲ့ ပိုင်မော့ဟန်ရဲ့ ဖော်မြူလာက ရာနှုန်းပြည့်မှန်ကန်ကြောင်းသိတဲ့အပြင် သူ့ရဲ့ကိုယ်ပိုင်ဖော်မြူလာဟာလဲ လုံးဝပြသနာမရှိဘူးလို့ ယုံကြည်တယ်။
အားလုံးရဲ့စိတ်လှုပ်ရှားမှုတွေဟာ ရုတ်တရက်ငြိမ်ကျသွားတယ်။
လိန်ချွမ်းဟာ ဒေါက်တာပိုင်ဘေးနားမှာ မတ်မတ်ရပ်နေခဲ့ပြီး အခန်းထဲက ရောဂါပိုးကူးစက်ခံထားရတဲ့လူကိုတစ်လှည့်၊ ဘေးနားက ဖြူဖျော့ဖျော့မျက်နှာပိုင်ရှင်ကိုတစ်လှည့် ကြည့်နေခဲ့တယ်။ သူ့ပုံစံဟာ အလွန်အမင်းစိတ်လှုပ်ရှားနေသလိုပဲ။
နောက်ထပ်နာရီဝက်ခန့်အကြာမှာတော့ ဓာတ်ခွဲခန်းတာဝန်ခံတစ်ယောက်ရဲ့ အလန့်တကြားပြောဆိုသံထွက်ပေါ်လာတယ်။ "သူ့မျက်နှာက အရောင်နည်းနည်းပြောင်းသွားသလိုပဲ။ အစက အစိမ်းပုပ်ရောင်ဖြစ်နေတာ အခုအဝါရောင်ဖျော့ဖျော့ပြောင်းသွားပြီ"
"ဟုတ်တယ်။ သူ့မျက်နှာမှာ သွေးရောင်ပြန်လွှမ်းလာပြီ။ ကျုပ်တစ်ချက်သွားကြည့်လိုက်မယ်" တပ်မှုးဟာ သတ္တုစွမ်းအားပိုင်ရှင်ဖြစ်တာကြောင့် တစ်ကိုယ်လုံးကို သတ္တုတွေနဲ့ဖုံးအုပ်လိုက်ပြီး အခန်းထဲကိုဝင်သွားခဲ့တယ်။
တပ်မှုး ရောဂါပိုးကူးစက်ခံနေရတဲ့လူရဲ့လူရဲ့လက်ကို ကိုင်လိုက်ချိန်မှာ တွေ့လိုက်ရတာက အနက်ရောင်လက်သည်းရှည်တွေဟာ သာမာန်အတိုင်းပြန်ဖြစ်သွားပြီး အသက်ကင်းမဲ့နေတဲ့မျက်ဆံတွေဟာလဲ ပုံမှန်ပြန်ဖြစ်နေပြီ။ သွားချွန်ချွန်တွေလဲ ပုံမှန်အတိုင်းပြန်ဖြစ်လာပြီဖြစ်တဲ့အပြင် ပါးစပ်မှာလဲ အဝါရောင် ချွဲပစ်ပစ်အရည်တွေစီးကျမနေတော့ဘူး။ အသက်ရှုသံဟာလဲ ပုံမှန်ပြန်ဖြစ်လာပြီး နှလုံးခုန်နှုန်းလဲတည်ငြိမ်လာတယ်။ ထိုလူက သတိတော့ပြန်မရလာသေးပေမယ့် အခြေအနေတွေကတော့ သိသိသာသာတိုးတက်လာနေပြီ။
လိန်ချွမ်းသတိပြုမိသလို ကျန်တဲ့လူတွေအားလုံးလဲ ထိုအခြေအနေတွေကို သတိထားမိတယ်။ အားလုံးရဲ့မျက်နှာပေါ်မှာ စိတ်လှုပ်ရှားတဲ့အမူအရာတွေ အထင်းသားထင်ဟပ်နေတယ်။
ကျိုးယွင်ရှန့် ဖြည်းဖြည်းချင်ပြောလိုက်တယ်။ "သူ့ကို အထွေထွေဆောင်ဘက်ကို ရွှေ့ထားလိုက်။ မလိုအပ်တာတွေဖြစ်မလာအောင်လဲ အထူးဂရုစိုက်ပါ"
ဒေါက်တာပိုင်ရဲ့တည်ငြိမ်မှုနဲ့ ကိုယ့်ကိုကိုယ်ယုံကြည်မှုတို့ဟာ လူတွေအားလုံး သူ့အပေါ်အားကိုးလိုစိတ်ဖြစ်လာစေတယ်။ လူတွေအားလုံးဟာ ဝမ်းသာပျော်ရွှင်မှုတွေကို ခဏဘေးဖယ်ပြီး ရောဂါပိုးကူးစက်ခံနေရတဲ့လူကို အရင်ဆုံး ဂရုတစိုက်ရွှေ့ပြောင်းဖို့ပြင်ကြတော့တယ်။