وبالايام الجاية بدت غيرة ميساء تبين خصوصا من كمت
اعتني بمساء لان تتوحم وكل شوية تتقيأ..هي تشوفنا ووجها يضل ينطي الوان فحذرت ..حنين :
حنين ديري بالج من ميساء
شبيها ميساء اشو حبابة بالعكس اصلا بغيابك دايرة بالها عليه وتنقهر من تشوفني نفسي تلعي واتقيا..حتى اليوم جابتلي شريط حبوب مال لعبان نفس..الله ينطيها..العافيه..
اني ضل بالي وين اكو هيج حجي اصلا..هي تغار منها..اني رجال واحس:
حنين وينه الشريط..واخذتي منه..لولا؟؟
هاااا لابعدني مماخذه لان ..لازم اخذه قبل العشه وهسه دنيا عصر..
انطينيا الشريط خلي اشوفه؟؟
انطتني الشريط..اني ما اعرف بالادوية رحت ع ابو الصيدليه :
هذا..العلاج مال شنو؟؟
هههههه منين جبته همام..هذا علاج مال نسوان
شنو مال نسوان مفهمت؟؟
مال نسوان...شالقصة..يابة.اذا عندك منه كمية اني اشتريها..
ليش هو مال شنو بالضبط وشكد سعره؟
هاي حبوب مال اجهاض امريكية ماكو منها بالصيدليات محد يجيبها لان سعرها غالي وممنوعة..الشريط الواحد..بورقتين...لان خمس حبايات من الشريط تموت الطفل وتسوي اجهاض..والبنات..الاستغفر الله يشترنه من يحبلن بالحرام لان مابيه اعراض جانبيه يعني يوكع الطفل بهدوء
ها فهمت..
انت منين جبته؟
لكيته واكع بالمحل مالتي واستغربت..سألت..العمال كالو مو النا شفت شكله غريب فجبته الك؟؟
هسه شنو تبيعه؟؟
لا ما ابيعه..احتمال تجي صاحبته ادور عليه
طلعت من الصيدليةروحي شايطه
همام:::
وصلت للبيت كلبي يفور اول مدخلت صحت..بصوت عالي:
ميساء
نزلت من الدرج تركض.بس وصلت يمي صلختها براشديين..ارتبكت؛
هاي شبيك همام؟؟
قبل لا ارد طلعت امي وكفت كدامي:
ولك يمه ليش ضربتها..شمسوية؟؟
هاااا..طلعتي ركض ادافعين عنها موطابخاتها سوه ليش..ليش يمه ليش..لهالدرجة وصل كرهج لحنين تتفقين ويه ميساء حتى تموتن ابني..
والتفتت على ميساء :
هذا جزائي ميساء..لان..ضميت سرج وخليتج ابيتي كل هذا الوقت..زين تسوين خوش رديتي معروفي ماقصرتي؟؟
ولك..يمه شنو طابخيها..شنو نموت ابنك..وياسر هذا التحجي عليه؟؟
ليش المدام ما كلتلج ..ليش اني لحد الان مخليها على ذمتي رغم اني ممتقرب عليها؟؟
ورجعت على ميساء
سولفيلها ميساء على اتفاقنا بليلة العرس المصخمة..كوليلها..شتفقتي ويايه؟؟
وبهالاثناء نزلت حنين
بس ميساء خرست ومحجت:
احجي ليش خرسيتي..ها ؟؟
وكفت حنين كدام ميساء شافتني اصيح!!
وخري حنين وخري عن هاي الجرثومة ناكرة المعروف ولج انكسر كلبي عليها من سولفتلي قصتها وكالت عدها تشوه ولادي بالرحم ومتخلف وتوسلت بيه ما اطلكها واخليها عندي كم شهر ع مود سمعتها كدام اهلها وتاليها مشتريه شيت مال اسقاط وتريدج تاخذين منه حتى تموت ابنه!!
امي ادنت من ميساء وجرتها من شعرها؟؟
ولج بت رسميه صدك هذا الحجي..ولج انتي متخلفين..وضحكتن عليه انتي وامج ولج انعل ابوج لا ابو العرفني بيجن ولج احسب يوم يوم بلكي تحبلين تالي اطلعين عاكر سودة بوجهج وبوجه امج..اطلعي برة..بيتي ..متضلين يوم واحد..هنا.. 2
عمه..عمه..والله امي..هي الدبرت السالفة من شافتني اغار من حنين وكلبي يلوب منها..
انعل ابوج لا ابو امج..ورادت امي تضربها.. سندريلا لعراقيه
بارت 12 ولاخير
بس.مخليتها..صعدت فوك حشرت هدومها بجنط وشمرتها بالسيارة وسحلتها من +
ايدها كعدها بالسيارة ووصلت لاهلها واول مدخلت بلاسلام ولا كلام استبقلني ابوها بالباب دخلت للبيت سلمتها بيد ابوها وكتله:
ابو ميساء هاي بتك...مماد ايدي عليها وبعدها باكر...وهي تحجيلك ليش..ومن هاللحظة بتك..طالق..طالق..طالق.. 2
ورجعت للبيت بسرعة لكيت امي كاعدة بالصالة ودموها تجري..كلبي رف..كلت مهما يكون هذه امي وحرام اخلي دموعها تجري..
وكفت يمها:
يمه كافي لخاطر..الله ليش تبجين..طلكتها وشمرتها عند اهلها..
يمه..ما ابجي عليها...يمة شلون تفكر اني اموت ابنك..شلون ..صح..اني ما احب حنين..بس مستحيل افكر اموت ابنك..ولك يمه اعز الولد ولد الولد
يمه يعني اذا صار عندي طفل من حنين راح تحبيه؟؟
شلون مااحب وليدك يمه؟؟...هذا اعز منك يصير
نزلت على ايد امي بستها ومسحت دموعها؟
صدوك جذب يمه كافي..سامحيني مو قصدي ابجيج..بس والله من حركة كلبي..كمت احجي بلا وعي..
حنين::
بعد..طلاك ميساء..همام ضل يمي كل ليلة..حياتنا حلوة كلها حب واشتياق رغم..عمتي متغيرت ..بعدها مثل ماجانت تصيح ووجهها عليه ثكيل..جنت انتظر همام يطلع للشغل وانزل للمطبخ اساعدها..اكول مهما يكون..هي مرة جبيرة وميصير تشتغل وحدها..ومرت الايام وصرت بشهر الرابع..وفجأة..ضاع سلام..راح للمدرسه وبعد مرجع..صادف اخر يوم امتحانات اخر السنه...وبقو لليل يدورون عليه مخلو لاشارع ولاسوك ولامستشفى وحتى مركز الشرطه بلغو..بس الولد فص ملح وذاب..عمتي ادك وتلطم ..وجوارينه ونسوان عمامي...كولهن عدنا بالليل يهدن بيها بس هيه مهدت عيونها تصب وادك على صدرها وتون:
يمه..وليدي..سلام..يمه وين صرت..بعد امك؟؟
مرت عمي صادق تبجي وياها..
همام مرجع للبيت طول الليل يدور مخله مكان ابغداد ومرن يومين وماكو خبر عنه..حتى الشرطة هم..دزو مجموعة يدورون بالمنطقة وماكو لاحس ولا
خبر..وعمتي بس تلطم وتبجي لاتاكل ولاتشرب..خطيه كسرت خاطري بجيت على حالها..وره3ايام اجه اتصال على موبايل عمي..طلع الولد مخطوف..والخاطفين يردون 10دفاتر حتى يرجعو..عمتي تصيح::
بيعو البيت وبيعو المحلات..بس رجعولي سلام؟؟
عمي كال يامرة شنبيع ذاك اليوم نفس الحاله صارت..هم خطفو ولد اخذوا الفلوس..من الابو ودزوا راس الولد بعلاكة..فوك فلوسهم..منو يكول سلام بعده عدل اكيد كتلو..
ابني..يدزون راسه بعلاكه ؟؟
هذه اخر كلمات كالتها عمتي..وكعت بالكاع ..رشو عليها مي رادوا تكعد بس ماكو فائدة..شالها همام وعمي واخذوا للمستشفى هناك دخلوها بالانعاش..كالو..الاطباء عدها جلطة قويه ولو تصحى وتنشل لو تموت..بقت بالمستشفى تناوبنا عليها اني وبناتها..بس همام..وعمي جانو يردون على مكالمات الخاطفين ع اساس ياخذون المبلغ بمكان مهجور وره معمل الطابوك..بس همام صار ذكي خبر الشرطه والمكافحة سوولهم كمين..ولزمو العصابة..ورجعو سلام..بس خطيه شابعيه كتل ومكسرين اسنانه الامامية..اخذو للمستشفى هم خلو تحت العلاج واشراف الطبيب..عمتي بقت بغيبوبه اسبوع كامل..عايشه ع المغذيات بعدين رجع وعيها بس ايدها ورجلها اليسرة مشلولة وحلكها معوج ومتحجي..اووف منظرها يكطع..الكلب..ومن صار..سلام زين شويه جابو الها شافته ..كامت دموعها تجري بقت شهر بالمستشفى ورجعوها للبيت ع الابر والكبسول والعلاج الطبيعي.. 2
بالبدايه جانن نهاد وسعاد يتناوبن عليها وميادة مرات..بس بعدين خفت جياتهن بحجة ازواجهن واطفالهن..وميادة..ملتهيه عدها امتحانات دور ثاني..وهمام بالمحلات وعمي رجال جبير شيكدر يسوي..خطيه كولهم عافوها..حتى ابنها سلام النجلطت على مودة هم طفل كولشي ميعرف..لهذا اني كمت اداريها..اوكلها بيدي واسبحها...وامشطلها واخذها للحمام تقضي حاجتها واغسللها.. 2
واحرص البسها ملابس مرتبه لان ادري بيها روحها خضرة وتحب الكشخة واخليلها عطر..رغم الحمل متعبني بس اكول ميخالف هذه عمتي وام حبيبي همام..ولازم ادير بالي عليها حتى اطيب..هي جانت تباوعلي شلون مداريتها..مرات اشوف دموعها تجري كلبي يتكطع ابوس راسها:
واكلها:
والله حالتج دتتحسن شوفي حتى حلكج رجع لمكانه بالعلاج الطبيعي
لان همام ياخذها3جلسات علاج طبيعي بالاسبوع هي تلزم ايدي وتعصرها..مدري شتريد تحجي..
اكولها عمه شتريدن تكولين مجاي افهم:
تأشري بيدها اليمنه فهمت من اشارتها تكولي:
سامحيني هوايه ضلمتج واذيتج
كلتلها:
صدوك جذب عمه انتي مثل امي ما ازعل منج.. 2
اووف كلما اشوفها ينكسر خاطري صدوك الانسان بدون عافيته كولشي ميسوه..ومرت الايام وتحسنت حالتها واني دخلت بشهر الثامن..كامت عمتي تحجي بس بس لسانها ثكيل واشترالها همام كرسي ع الدكم صارت تفتر بيه بالبيت ارتاحيت من تحسنت صحتها وهي هم تغيرت بعد متسميني بت عفاف..صارت تكولي:
يمه لاتعبين روحج بايامج الاخيرة حتى يصير بيج حيل للطلوك..يمه اكلي زين وكل شويه توصيني على صحتي..اووف.شكد جنت مفتقدة هالاحساس مفتقدة امي.ومن اجتني الام..الطلوك اخذني همام للمستشفى صادفت نص الليل الدكتورة كالت عندج ولادة تمشي بالممرات محد يمي..بس همام ..لا عندي اخت ولا ام..ولا احد..جنت اتمشى وابجي همام يكولي:
شبيج تبجين بعد عمري...لو ادري هيج يصير فلا خليتج تصيرين حامل..جان نزلته من البداية؟؟
لا همام..اسم الله عليه لتكول هيج هذا ابنا حبيبي هذا ثمرةحبنا وعذابنا..بس ابجي لان ماعندي ام ولا اخت..ماعندي حبيبة توكف ويايه بهالموقف..
شبكني:
اني.حبيببج وامج واختج وابوج لتبحين عيوني انتي
دنحجي وسمعت صوت عربانه بالممرات شفت عمي جايب عمتي خطيه..
همام كله:
هاي شنو بوية
ليش جايب امي للمستشفى بهالليل..خطية ليش كومتها من فراشها..
جان عمتي تكوله:
افه عليك همام..شلون اضل بالبيت وبنيتي تطلك وحدها..شلون كلبي ينطيني..هاي حنين الحنينة واسمها عليها..تحملتني بزيني وبشيني..وشالتني على راسها شيل..بناتي ما سون وياي مثلها..يرحن الها فدوة 3
هيه دخلت وياي لصاله الولادة ولازمة ايدي..بقيت ساعة ونص اتوجع بعدين الله سهلي وجبت..ولد..
طلعونه من غرفة الولادة وخلو الولد يمي ممصدكة بعدين عمتي كالت:
جيبو يمي خلي ابوسه..
عمتي تبوس بيه..وتكول..مابيه اهلهل..احمدك واشكرك ربي..
عمي كال اسميه محمد على اسم اخويه الله يرحمه..
همام كال شكو بيها على اسم..عمي ابو حنين..
وكعد يمي يبوس بديه وبعدين همس باذني:
حنين بس تطلع اربعين محمد نسوي واحد لاخ.. 2
هههههه وعشت احلى ايام ابيت عمي وابني وحبيبي همام ملو كل حياتي الف الحمد لله والشكر صبرت والله..نطاني ع كد صبري
♥♥♥♥♥♥♥♥♥♥♥♥♥♥♥♥♥♥♥♥♥♥♥♥
انتهت