عمي يحاول يسكتها بس هي مسكتت كلبت الدنيا بالصياح والعياط لمت الجوارين..علينا حتى همام سد الباب وكلهم ماكو شي مشكلة عائلية...بس هي متسكت تصيح وتلطم على وجهها عمي يكولها:
هسه انتي شتحصلين من العياط واللطم والفضايح همام ميطلك حنين لان حنين حامل وشايلة بزرنا..
هس تصيح:
ها خايف على بت عفاف خايف على بزرك..وبت العالم العقد عليها..شنو مصيرها..تريده يعوفها..شتكول عليها العالم عقد عليها وعافها..لو بس من يمكم تفكرون اويلي. ..يابة يردون يخلوني علج بحلوك النسوان!
هسه انتي شتردين بالضبط:
حل واحد اذا تردون حنين تضل على ذمة..همام من عين باجر تزفة لميساء وخليهن اثنينهن على ذمته.
اني سمعت حجيها ودموعي صبت همام يباوعلي ويصيح:
ما اريدها..ميساء ما اريدها جبر خو ما جبر؟
عمي يعضلة شفه ويغمزله يقنع بيه حتى عمتي ميعاد تسكت..
وفعلا الي رادته عمتي ميعاد هو الي راح يصير..اني عفتهم ورحت للغرفة ابجي بلا صوت..هو هذا حظي من الدنيا..يعني الله يقبل ياخذون مني رجلي الاحبه والي بعدني متهنيت بي..هي هاي قسمتي من الدنيا..بقيت بالغرفة مطلعت..منها لان عمتي ميعاد نامت بالصالة يم باب غرفتنا ع اساس زعلانه من عمي..وهمام هم مكدر يجيني وبهالحالة مشفته للصبح وخلصت الليل كله بس ابجي..ميادة هم تصبر بيه خطيه وبجت وياي..وبعدين تعبت ونامت بس مكدرت انام دموعي تجري للصبح..حسيت راسي راح ينفجر من البجي والقهر..ثاني يوم كعدت عمتي من وكت واخذت..همام وياها ع اساس يحظرون امور الزفة لان.عمي اجه يمي يواسيني يكولي همام يحبني وبس الي وهذا العرس مجرد كلاوات حتى عمتي ميعاد تسكت وتكفينا شرها بس كلبي ممرتاح شلون ارتاح واني مرته واحبة شلون اشوفهم يزفون حبيبي كدامي..ورجع همام العصر عمتي شايلة
قاط رصاصي انطتهيا دخل لغرفته اسمعه يبدل ومتنرفز ويشتم لبس القاط شلون مجان وطلع شافني واكفة يم باب المطبخ اجه يريد يحاجيني امه كلتلخ لتخاف راح اخذها ويانه حتى تشوف زفتك..وتفرح وياي..عود تبسمر.. 4
يمه...لتحجين هيج ويه حنين.والله اعوف العرس مالج كله ترة
ديلة عاد هسه منو هيه حنين وخابصنه روحي ولج حنين لبسي نفنوف من ميادة وامشي ويانه:
يمه حنين متروح للزفة
لا اشو اله تروح واذا ماراحت والله اغافلكم وارجع للبيت اشبعها كتل شتريد تسوي قابل تضرب امك على مودها..
باوعلي..شاف عيوني مورمات من البجي:
بدلي حنين بدلي وتعالي ويانه
دنكت
اي هسه..ابدل..
دخلت لبست نفنوف من ميادة وصعدنا بالسيارة رحنا للقاعة نزلت عمتي واني نزلت همام ادنه يمي ولزم ايدي وهمس باذني
حنين..اني الج وما اصير لغيرج..بداعتي لتبجين بعد..وحق رب العرش هذا العرس كله كلاوت..وحق حبنا..كولشي متحصل ميساء مني...وما امد ايدي عليها..لو تتثالث الدنيا!!
دخلنا القاعةلكينا اهل ميساء وكرايبهم..ونهاد وسعاد ورجولتهن وبعض كرايبنا هناك والموسيقى عاليه نانسي عجرم تغني وهنه يركصن ..اوووف رغم حجي همام طمني بس روحي تلوب ما اتحمل اشوفه كاعد..يمها وهي لابسه بدلة..كلبي يتكطع تكطع بس الله يدري بيه..عمتي ميعاد تركص وادبج وتتقرب مني عود تحرك بكلبي..ونهاد وسعاد يركصن بالنص..همام ماشال عينه مني ..غصبن عليه دموعي يجرن احاول امسحن ويرجعن يجرن ..هو يباوعلي من بعيد وبنظراته يحاول..يطمني..وطلعت روحي يا الله خلصت الحفلة السودة..زفوهم للغرفة روحي راحت من خلت ايده بيدها..وصعدوهم للغرفة بالموسيقى والهلاهل..
ومن سدوا الباب جتي يمي عمتي ميعاد 1
ابجي...ابجي بت عفاف..والله لخلي ليلج نهار ونهارج ليل انتي اشايفة بعد وبعد عبالج تاخذين همام وليدي جكر كلبي.واسكتلج 1
وبعدين دخلت للغرفة لان حاحزين غرفتين بعد غرفة لام ميساء وخالتها وغرفة لعمتي ميعاد وميادة وسلام..عمي رجعني للبيت وسعاد ونهاد رجعن لبيوتهن..وصلت البيت عمي باسني بكصتي..وكال:
بنيتي المعدله الحبابة..كافي تبجين يبوية كتلج همام..الج ..وميصير الغيرج..ادري شكد تحبي..بس هو يحبح اضعاف اضعاف..ولا يهمج بوية..همام..ابني واعرفه سبع ويعرف شلون يتصرف
هو راح لغرفته نام واني دخلت لغرفتنا اني وميادة..بقيت كاعدة صليت ركعتين طلب الحاجةوادعي ياربي صبرني وادموعي يجرن واني اصلي..
بعدين كعدت ع الجرباية افكر ياربي همام هم راح يشبكها ويحضنها..هم شفايفة تبوسها..ورجعت ابجي..ما اتخيل همام لوحدة غيري صارت..الساعه 2بالليل واني كاعدة..سمعت صوت الباب ينفتح..منو جاي بهالليل كلبي رجف من انفتحت الباب..وشفته وسمعته يكول:
حنين..حبيبتي.
ركضت شبكته خلاني بحضنه ويمسح بدموعي:
صدوك جذب..موحلفتج كتلج بداعتي لتبجين شنو ما الي خاطر عندج؟؟
همام..موبيدي والله غصبن عليه دموعي تجري..ما اتخيلك لوحدة غيري.
هههههه..شنو لوحدة غيرج مو كتلج ما امد ايدي عليها؟؟
همام شنو متمدايدك عليها؟اليوم زفتك وهي صارت مرتك بعد؟؟
اوووف حنة..انتي مرتي..انتي مرتي وبس..وما المس غيرج..لو اموت...متشوفتي لبستها واجيتج اركض؟؟
يااا..صدوك..شلون اجيت وعفتها؟؟
كلبي مينطيني شلون اخليج تبجين هنا والحسرة بكلبج ..اشوف عيونج تهل دموع..وكل دمعة تذبحني ذبح حنه عبالج دموعج هينه عليه؟؟
قابل شتكدر تسوي بعد..هاي هيه قسمتي..من الله؟؟
لا حنة..لتكولين هيج..اكدر اسوي هواي..اصبريلي بس سواد هذه الليلة...والله..والله ..والله وهاي حلفت3مرات..باجر اسوي الماصار..وكل دمعه وكعت من عيونج راح ابدلها بضحكة وابتسامة♡♡وكلمن جان السبب بدموعج راح يشوف مني الوجه الثاني
شلون يعني مفهمت؟؟
انتي معليج لتفكرين..خليها علية..انتي بس تعالي بحضني هسه ..اووف شكد مشتاق لشفايفج الحلوة..
وضل يبوس بيه ويحضن بية ونزلت شفايفة لركبتي...وفتح الدكم يباوع الصدري؟؟
خرب..عمي...خرب..عمي..ولج شنو صدر لو تفاح♡
راد يمد ايده
همام...همام...همام؟؟..لا..
هههههه خفتي..مو..اليوم راح اعوفهن ذني التفاحات لان عندي خطط لازم انفذها بالاول..
ومد ايده على شاربة وهو يبتسم
شوفي هذا الشارب مو عليه اذا مو الليلة الجايه املخج..اكطعج ..اموتج بين اديه؟؟
يااا..شبيك همام والله خوفتني؟؟
انتي اشايفه من همام..وداعة عيونج الحلوات الليلة الجايه انتي الي...كولج الي..شبعت عذاب وصبر واجه الوكت..الي ارتاح..بيه واخلي ايامج كلها سعادة يابعد اهلي انتي..وكتلج اخذيها من شاربي بس سواد هاي الليلة وشوفي حبيبج شراح يسوي..
ادنيت عليه وبست شاربة وكتلة واني ابتسم:
فدوة اروح لشاربك..يانور عيوني انت
خرب عمي...خرب خالي..خرب عشيرتي ولج هاي شلون بوسه على شاربي دتعاي لعد♡♡
ورجع يبوس بيه تقريبا ربع ساعة كتله :
كتلة همام انت تأخرت بداعتي روح..هسه اخاف عمتي تفتقدك وتصير مشكلة..
ماشي راح اروح ولو كلبي مينطيني بس لازم اصبر
انوب عافني وطلع ..ارتاحيت كولش من حجية فدوة شكد احبه..بس اشو يحلف يكولي باجر اسوي الماصاير شنو قصده مفهمت بس الله يدري بيش ديفكر..
همام:::
رجعت للفندق..جانت ميساء كاعدة ع الجرباية لابسه بمكان البدلة سيت نوم ابيض
ومنتظرتني اول مدخلت:
همام..انت وين جنت..اكو واحد يطلع ويعوف عروسته مثلك
تردين تعرفين وين جنت؟؟
اي اكيد!
جنت يم مرتي..الي احبها واموت عليها..وما اكدر افاركها يوم واحد؟؟
يم..مرتك؟؟همام..شنو هالحجي عمتي مكالت انت متزوج؟؟
اكيد متكولج لان تريد تلفلف زواجناشلون مجان
وشفتها تبجي:
ميساء..لتبجين ولا اتعبين نفسج..اني اكدر اعدي الليلة عادي وانام وياج واخذج وكولشي يمشي طبيعي..بس محبيت اخدعج واجذب عليج..لان اني ما احبج ..احب مرتي واموت عليها..وما اكدر المس وحدة غيرها..لهذا اني صريح وياج..واذا تخافين من حجي الناس عادي اخليج فترة يمي ونطلك بس مال علاقة زوجية ونومه..ما اكدر..بعدين شنو ذنبج انتي تعيشين ويه واحد ميحبج..لو اكسرج..بدون داعي وتصيرين حامل وبعدين تبقين شايلة مسؤوليه طفل اجه من زواج فاشل..لتنصدمين هيةهاي الحقيقة..امي ورطتني وتريدج انتي هم تتورطين بزواج محكوم عليه بالفشل من اول ليلة
بس..اني..اني..اقصد انت..ليش تزوجتني لعد؟؟
كتلج امي ورطتني..ميساء..اني ماخدعتج ولا غشيتج ما اريد اكسرج..واحتمال تحملين وتضلين حايرة بطفلج واني اعرف نفسي ما استمر وياج؟؟
همام..اني ما....ما احبل..ابد..اني اصلا..ما اخلف؟؟
شنو..شكلتي؟؟
انصدمت من حجيها
اي همام انت جنت صريح وياي واني هم لازم مااغشك..اني ما اخلف ابد..لان...لان..من كبرت ماجنت مثل البنات..العفو..موكعت عليه الدورة..امي اخذتني سوتلي فحوصات واشعه كلتلها الدكتورة عندي ضمور بالمبايض وتشوه ولادي بالرحم ومتوكع عليه الدورة يعني ما احبل