اسم الله عليك همام شنو تحرك روحك شنو تخلي طلقة براسك هاي شلون تفكر هيج معقولة هالكد تحب حنين؟؟
واكثر..ميادة واكثر
اي بس..بس اذا اهلي عرفو..شنو حيكون موقفك؟؟
هااا..ابوية..يعرف ووعدني يلكالي حل!!
زين وامي اذا عرفت..تدري بيها تتحسس حيل من حنين شلون حتتصرف..ليش تورط روحك..اخويه همام..استهدا برب العالمين وانساها..
ههه تكولي انساها..ياريت اكدر انساها...انسه الدنيا وما انساها ولج..احبها...تصعد وتنزل ويه النفس شلون انساها؟؟
يربي هاي شلون راح ترهم؟؟
ترهم ميادة ترهم وداعتج بس انتي هم اوكفي بجانبي ويه ابويه حتى تسهل الامور؟؟بعد اخوج انتي هم ساعديني
اي همام اساعدك بس انت دير بالك..يعني هالمرة اني شفتك مرة اللخ الله يعلم شيصير مو كل مرة تسلم الجرة
اعرف والله اعرف..
اني راح انام ما اوصيك صير حذر مبينا حيل للمشاكل وصياح امي لو يصعد ضغطها وتتخربط علينا..
ماشي..ماشي
طلعت ميادة احس الامل كبر بداخلي ابويه عرف وميادة عرفت يعني مبقت بس امي..وكلت لنفسي الله كريم ماكو شي مينحل..الصبح رحت للمحلات اشو ساعة 9ابوية اتصل:
بوية همام جيبلي حبوب القولون وياك لان خلصن وما اكدربلياهن
اني بالمحل..ودا انزل بضاعة بوية دز ميادة لوسلام ع الصيدلية اني اتأخر.
بوية محد بالبيت امك راحت لبيت اهل ميساء هيه وسلام وميادة راحت للمدرسة بس اني وحنين بالبيت واني مابيه اكوم من فراشي..اليوم ما الي خلك...وتعرف حنين متندل ومتطلع؟؟
صار بويه اجيبلك وياي..
فكرت..محد بالبيت بس ابوية وحنين..عفت العامل ينزل بضاعة وركبت سيارتي مريت ع الصيدلية وطرت للبيت دخلت ع كيفي وسديت الباب من جوة خليت..العلاج ع الميز ورحت للمطبخ لكيتها واكفة تغسل مواعين ..مشيت بهدوء محست بيه شبكتها من ورة..وسديت حلكها حتى متصيح:
لتخافين حنة اني همام..
افترت صارت عيونها بعيوني وخرت ايدي وابتسمت سمعتها تكول مرتبكة:
همام..ها...شعجب جاي من وكت..تريد شي؟؟
اي اريد؟؟
ملابسك مكويات بغرفتك..واذا تريد ريوك هسه اسويلك!!
ما اريد لاملابس ولاريوك!!
لعد شتريد
يعني عايف المحلات بيد العمال وجايج ركض شريد مثلا..اريد اشمشم..اريد اعصر شفايف؟؟
وسعت عيونها الحلوات ورجعت ليورة الى ان..طخت بالحايط واني اقترب..كالت:
هاي..شبيك همام تره دتخوفني..موعيب هيج تكولي..صدوك تحجي..انته...روح منا رحمة لعمك؟؟
اي والله صدوك رحمة لعمي الف رحمة على روحة على هاي الخلفة التخبل!!
مديت ايدي على خدها..جرت سجينه مال زلاطة وكالت:
همام روح..منا ليش تخليني اجرحك بهاي السجينة وتصير مشكلة كتلك روح منا ولتمد ايدك عليه..
متت من الضحك هههه لازمة سجينه وايدها ترجف بيدها السجينة وخايفة مني..اقتربت فتحت قميصي واشرت على كلبي:
ضربني..هنا...هنا على كلبي..حنين على كلبي حيل وبكل قوتج؟؟
ايدها ترجف..اخذت السجينه منها وخليتها ع الكاونتر بصفي وبايدي الثانية وخرت القراصة من شعرها...اوف وكع شعر على متونها وعلى ضهرها..بس تباوعلي الرجيف ماخذها..وخدودها صارن حمر:
همام..فدوة..لعمرك عوفني وروح والله اصرخ واصيح عمي!!
ههههه صرخي حنين عمج يعرف اني احبج واريدج حلالي..شبيج خايفة حبيبتي..ما اسوي شي بس احضن وابوس..والله عطشان واريد اروى بشفايفج الحلوة
همام..هذا الي تريده عيب وحرام!!
حبيبتي ياعيب ياحرام اشو تعاي...
حضنتها حيل..وكمت ابوس بيها اوووف شفتها الفوك بطعم العسل..وشفتها الجوة بعد احلى هي ..مرتبكة ومستحيه وانفاسها سريعة وكلبها مثل الطبل..بقيت ابوس بيها كم دقيقة حسيت بيها تبجي دموها دافيات ..وكعن على شفتي..اكول لنفسي
خليهاتبجي شويةموبيدي احبها واريدها تحس شكد احبها بس من سمعت صوت شهكتها وهي تبجي انكسر خاطري وعفتها..واني امسح بدموعها:
حنة شبيج ليس تبجين بعد عمري..كتلج انتي مرتي وحلالي..واني احبج وما اقاوم..كدامج؟؟
خطية دموعها تجري وخدودها بين اديه كالت:
همام..اني لامرتك ولاحلالك..ليش نغالط الحقيقة...همام انت متزوج ..غيري وحتى اذا ممتزوج هذا الي دتسوي عيب وحرام..واذا انت تحبني صدوك ليش تخليني احتقر نفسي؟؟
ليش تحتقرين نفسج حبيبتي..لتكولين هيج ما عشت اذا اخليج تحتقرين نفسج حنين؟؟
اي همام..والله احتقر نفسي لان .هذا الى دتسوي وياي اكبر حرام ..لعد ليش اصوم واصلي...اذا اقبل تسوي وياي اشياء تغضب رب العالمين..
فكرت..اووف شكد حلو حجيها...هنيالي بهيج حبيبة مودبة وخلوقة وتخاف الله لا وفوكاها آية من الجمال كلت لنفسي لك همام انت شكد محظوظ والله يحبك انطاك هيج هدية جنت افكر هيج وهي بعدها تبجي..وباصابعي مسحت دموعها وكلت:
يمه فديته الخجلان المؤدب اليخاف من رب العالمين..اسمعي حبيبتي..والله..والله..و هذا وعد مني ومن هاللحظة بعد ما امد ايدي عليج ولا المسج الى ان تصيرين مرتي..وحلالي وكلبج يرتاح...كافي حنة بعد لتبجين بروح ابوج والله احبج...احبج..احببببببج..ودموعج غالية علية
فدوة ابتسمت من بين دموعها وكالت:
اعتبره وعد وكلام شرف
اكيد حبيبتي..
وردت اطلع من المطبخ..قبل لا اعبر الباب سمعتها تكول بصوت ناصي:
همام...اني هم..احبك..
التفتت الها ...آخ..بويةحجايتها نزلت على كلبي مثل الثلج...اوف تكولي احبك..ما اعرف اشلون ركضتلها ردت احضنها..كالت:
همام..توك..حلفت ووعدتني ..لونسيت؟؟
آخ....صدوك...اعذرنيني ترة ممصدك..روحي!
وعفتها وطلعت مدري شبيه..احس روحي مسافر فوك الغيم....فديتها حبيبتي شكد حلوة كلمةاحبك
من شفايفها..
وبعد اسبوع بينما دنتغدا...جانت حبيبتي بالمطبخ لان امي متقبل تكعد ويانا ع الاكل تكول ما اريد اكابل وجه بت عفاف فهيه خطية تاكل وحدها بالمطبخ...اوووف كلبي طك والله يعني شنو هي معزولة شنو ذنبها..واني بعد ما اتحمل ..اريدها تكعد كدامي وتفتح نفسي جنت آكل وعيني على باب المطبخ ابويه انتبه وغمزلي!!من خلصنا غدة..امي راحت تسبح سلام وابوية صاحني..كعدت يمه..كلي؛
بوية همام شبيك عيونك..طايرة الزم روحك مو راح تنفضح بطل هالسوالف؟؟
بوية شبطل..متكولي..اكيد جنت بعمري وحسيت مثلي قابل هيه روح لوخشبة؟؟.. حبيبتي ..وياي بنفس البيت واني محروم منها..ما اكدر احضنها..ولا المسها..يعني شنو بس اباوع واتحسر.....كلبي خلص..حرام عليكم..احبها واريدها..وحتى اذا صارت فرصة نكون وحدنا هي تستحرم متقبل لابوسه لاحضنه هسه شسوي يعني..منين اجيب الصبر؟؟
ولك اشو..انت تحجي عادي لامستحه ولاخجل..شنو تبوس شنو تحضن..طبعا البنية متقبل وتستحرم..حنين مرباية وتخاف الله بوية واكيد هاي الامور متصير اذا ماصارت حلالك؟؟
شوكت..بوية شوكت...شو سويتها سكته كتلي راح الكة حل وسكتت...وامي ملتهيه بميساء..واني والله كولما اشوف حنين ..بصراحة ما اصبر على روحي...بوية لتلومني انت رجال وتفهمني♡♡♡♡♡لخاطر..الله شسوي..اخطفها..يعني انهزم بيها ...واسوي الاريده بس فهمني؟؟
ههههههه ولك طلعت ذيب مو شوية كل هذا بكلبك؟؟
واكثر..بوية
ادلل..بوية..واخذها من شاربي نام الليلة ومن عين باجر...حنين تصير مرتك...بس..ما اريد امك تشم خبر..خلصنا من لسانها..واكيد يجي يوم ونحطها كدام الامر الواقع وتفض السالفة
ودنكت ابوس بكصته:
بوية الله يخليك..بوية ما ادري شكولك مامصدك وحق رسول الله ما مصدك...
صدك..وليدي باجر اعقدلك عليها