العنب_العنب_العنب(مكتملة)

معقولة حبيته!♡♡♡♡

بارت مفاجيء للمتابعات..القمرات مع حبي ورود الخالدي

#العنب_العنب_العنب

البارت6

ورود الخالدي

خالد:::

طلعت من يمها ومشيت اريد ادخل للبيت المطر فياض..تنكعت..وصلت البيت صعدت الغرفتي اخذت الخاولي انشف راسي صرت كدام..المراية..باوعت الروحي رأسا كلت:

تف عليك..يانذل ياجبان..اكوواحد يسوي سوايتك هاي شبيك ما كضيت روحك هجمت ع البت مثل الذيب المسعور..هسه لو كاسرها شتكل لروحك..وشلون هجمت عليها جنك ملطلط وما شايف ..كطعت شفايفها الحلوات بسنونك..شني تاكلها تريد الغسل غسلك..حته اسلوب ماعندك..انت جنك وحش وهي حمامة بيضة ترفرف جواك تريد اطير..وتخلص منك...خلصت عمرك نشمي وكاض روحك من الحرام شبيك من شفتها تخردلت ودمك وج نار..من عمت عينك..على هالعملة السودة!

اخ واكف يم المرايه احجي وي روحي واعاتبها مثل المسودن..اي والله مسودن انه..سودنتني هالبت اشوف عيونها..ارتبك..اشوف شفايفها روحي تروح ..اشوف جسمها اخدر..شسوي مو بيدي خلتني امشي واسولف وي روحي..انه خالد البنات كاتلات رواحهن عليه..وانه لابسهن اوصل يمها..انسه الدنيا والناس والعيب والاصول وانسه انه ابن شيخ ومعاتب وهي عرضي دمي ولحمي..شسوت بيه عوينه ابو اصلي..اخ..

باوعت الوجهي مررت ايدي على لحيتي..اخ بويه تذكرت جنت اشمشم بيها وهي تبجي دموعها وكعن على شفتي وعلى شواربي وعلى لحيتي..ترفس جواي خطية وانه كلبي مثل الصخر..تصيح تتوسل هدني ..وخر عني وانه ولاجني اسمع ..ولو ماتحجي وتكلي هاي غيرتك وهاي مروتك تريد تصخم وجهي..وانه عرضك جان هسه ماخذها..وماردها..مرد..وهي ما تستاهل..هي..حلوة وحبابة من جبتها لليوم اصيح ازمخ وهي تكلي اي حاضر..ارزلها واهينها وهي ساكته..خطيه وين اكو مثلها بهالوكت البنات ماينجرعن يردن الحجايه بعشرة..وهي بس ساكته..وحتى كبل شوية من..ملخت شفايفها تملخ عضات ومصات وشككت هدومها وكشفتها..وهي ترجف

مثل السعفة وسنونها..تصك من الرجيف بس شافتني رفعت المسدس خافت عليه وضلت تتوسل..وتهدي بيه وتذب الصوج بروحها..تكلي انه..السبب..اني ..غريتك ..ومطلعة روحها مذنبة وانه بري..اوووف..شلون بيه شلون احط عيني بعيونها الحلوات بعد وهي شلون تحترمني وتهابني..واني طلعت كدامها خسيس ونذل..لا وفوكاها اكلها..انسي ولاتكرهيني من صخونة بكلبي ع هالحجي المخربط اكلهت انسي ..وعذريني..وهية..اذا نست قابل انه انسه..يربي..شنسة شنسه منها ..عيونها الغركانات دموع..لو ريحتها..الترد.الروح..لو..صدرها الجنت اشمشم وابوس بي..جنه تفاح...طيب..لو من وكفت وشبكتني تكلي انطيني المسدس..ووكعت العبايه وطلع الصدر والبطن الجنها حليب....اخ...اخ..اخ..ولك..يكلبي شهالضيم ..شهالفلك..يربي جنها حورية شاردةمن الجنة..

ناريمان::

بقة المسدس عندي وعباته هم بقت عندي..افكر شبي خالد ليش سوه هيج..هو مو يكرهني ليش هيج..سوه..يكلي انتي حلوة وفقدت عليج..من اجيت لليوم اخواته يحلفن بيه وهو محترم وابن شيخ ويعرف الاصول..ليش..تصرف هالشكل..رغم السواه بس خفت عليه همزين اخذت المسدس منه خطية اتندم واستحة الدنيا باردة واشوف كصته تصب عرك..الحمد لله والشكر همزين الله ستر وما تماده..هو يكلي حتى لو صاير شيء  اتزوجج..لاتخافين..اني سترج..لا..لا..استغفر الله..همزين ما سواها..وصخم وجهي ..الله ستر.الف الحمد لله والشكر..

مرن 3ايام عباته عندي ومسدسه هم ما اجه عليهن ولاشفته..ابد امي اجت ..هم بقت 3ايام ورجعت من اجت جابتلي كتبي حته اقره بيهن..واني هم سكتت ما سولفت الها..ع..الصار.شافت المسدس والعباية كتلها هو ناسيهن بالسيارة ومخليها بالغسل وعمال الغسل دكو الباب اني طلعت واخذتهن وبقن عندي..مر اكثر من اسبوع..اني كمت اروح يم البنات ..اكعد يمهن..بس حتى من يدخل مدنك..

وابد ماحجة وياية ولامرة اصلا صار اسبوع مامخلي عينه بعيني يشوفني عدهم كبل يصعد لغرفته..يربي مستحي مني..بس اني مدري شبيه كمت اشتاقله.♡♡♡من اشوفه كلبي يضل يدوك وعيوني  تراقبه حتى لو من بعيد يربي شبيه..ليش احسه بعيد ومفاركني....اووف حتى اهاناته وتصنيفه اشتاقيتلهن ليش هيج مبتعد ادري مستحي..وادري وعدني مايشيل عينه عليه بس شسوي مو بيدي اتمنه..يحجي وياي..حتى لو يصيح عليه اني قابلة..كلشي بيه..اشتاقيتله عيونه اليجدحن..صوته..حجاياته..واتذكر اخر لحظة جمعتني وياه باسني بكصتي وطلع..من ذاك اليوم كلشي تغيير صار يهمني كل تفاصيله تهمني...امي تكول عليه معيدي...لا مو معيدي..خالد زين..الشباب..رجولته..مغطيه ع الدنيا كولها وكل الناس تقدره وتهابه..

جنت كاعدة بالحوش اقره..اجتي يمي..زهراء..وبتول ورقيه.كعدن يسولفن اسمع..رقية تكول

خايبات اليوم ماعدناولاشغل
ولاعمل..راح تجي سهام؟؟

زهراء كالت:

صدك..اي خليها..اليوم عليه..الخبز هيه تخبز..بمكاني

سألتهن:

يبنات منو سهام..شنو جبتو خدامة؟؟

ضحكن

ياااا وين اكو خدامات

لعد منو سهام؟؟

هاي سهام بت..خالتي اذا اجتنا تكف..البيت كف..كنس ومسح وخبز وعجين وطبخ حتى الهدوم تغسلهن؟؟

هاا هيج سبعة

هههه اي جا شلون ما تصير سبعة تريد تكسب امي..
تكسب امج ليش؟؟

ياااااشبيج نريمان تريد تكسب امي على اساس هيه نادرة وام...بيت هلبت امي تخطبها لخالد..

اني حسيت روحي انقبضت:

ليش انتو رايديها لخالد؟؟

لا ما حاجين..بيها بس هيه تحب خالد..كاتلة روحها عليه..وتريد امي تخطبها..

مدري شبيه ارتبكت وكتلها:

يعني هيه تحب خالد بس وخالد هم يحبها؟؟

والله خيه..العلم عند الله..لان خالد سكوتي..ما يبين عليه..بس هي من تجينا..ادور حجج..وتضل تسولف وياه

دنسولف جان..تجي بنية حلوة وجهها دائري

حنطاوية عدها شامةبخدها عيونها كبار..بس شويه سمينه..واديها..خشنات..كالن..البنات

هلا..بسهام.

هي..وكفت يمي..تبوس بيه عصرتني عصر.

هي هاي بت عمجن..اي  حلوة بس..شني عوزها شوية لحيمة لان ضعيفة.

اوي هاي شبيها شنو هالطريقة مال..التعارف..حيل انزعجت منها سلمت عليها ببرود.دخلنا للبيت هي عاد مثل مكالن البنات استلمت البيت غسلته كوله
عجنت وخبزت وطبخت وغسلت..الملابس وكعدت يم رجلين الحجية تفرك بيهن..وتسولف..وياها..
اني رحت كعدت بالمطبخ شويه.شباك المطبخ صاير ع الحديقة..اووف كلبي انعصر مدري ليش..شفتها واكفة كبال خالد ويسولفون..هي تضحك وهو يباوع بعيونها ويدنك..اويلي بس لا يحبها..بقيت خمس دقايق اباوع عليهم بعدين مدري ليش اخذت كتبي..وركضت..للمشتمل..كعدت ع الجرباية وبس ابجي..هاي شبيه ليش من شفتهم..بجيت..معقوله اغار منها وليش اغار وعلى شنو..افكر وابجي..اي اغار منها ما اريد خالد يحجي وياها..ما اريد خالد  يبتسم الها..ما اريدة يباوع بعيونها..واني ميته شوق..لعيونه..صار كومه مشايفة عيونه..هاي شبيه معقوله...معقوله احبه..اي احبه...والله احبه..من ذيج الليلة وكلبي معلك بيه..حبيته مو بيدي..حبيته..واول مرة اعرف الحب..اول مرة كلبي يدوك♡اول مرة اشتاق..اول مرة اغار...

ضليت ابجي ذاك اليوم ومطلعت..ثاني يوم هي مموجود ارتاحيت..بس خالد مدا اشوفه حتى سلام ميسلم عليه!!

بقيت ع الحال شهر تقريبا اشوفه من بعيد كلبي يدوك..بودي احاجيه بس استحي..امي خابرت كالت لازم اروح لبغداد امتحن عكب باجر..رحت كلت لعمي عمي وافق اروح ويه امي بس شرط بس 10ايام..على كد الامتحانات..امي جتي ثاني يوم حضرت  نفسي حتى اروح لبغداد بس  كلبي يلوب شلون اروح اريد اشوف خالد اريد احجي وياه..اي شي..ولو كلمة وحدة..تذكرت  المسدس عندي لازم انطي

اله..طلعت شفت سيارته ماكو..انتظرت هوايه تأخر.كولش..صار الليل وبعدة مجاي امي دخلت نامت واني بقيت اباب..المشتمل منتظرته..الدنيا موت برد حسيت نفسي جمدت..حيل تأخر..صارت..ساعة11شفت ضوة سيارته كلبي رفرف..شفته دخل ركضتله الهث:

خالد..خالد:

شبيج..تركضين نريمان..امج بيها شي؟؟

كوه اخذت نفس كتله:

هااا..لا...لا مبيها شي..بس باجر الفجر اروح لبغداد..امتحن ابقة هناك10ايام ومسدسك عندي..كلت اخاف تحتاجه فانتظرتك اباب المشتمل ومن شفتك دخلت اجيتك اركض؟؟

هيه هاي..حسبالي امج تخربطت لوشي!!
اخذ المسدس من ايدي..

حيل انقهرت يحجي ومدنك..ميريد يباوع بعيوني..قبل ميخطي خطوة وكفت كدامة:

خالد..باجر..اروح شنو متسلم عليه؟؟

مديت ايدي..هوباوعلي مد ايده بس سحبها بسرعة قبل متلمس ايدي...ادنه ليورة خطوتين وكال:

ترحن وترجعن بالسلامة..

خنكتني العبرة:

خالد ليش متسلم عليه..ليش؟؟ ليش..سحبت..ايدك؟؟

اخذ نفس..وكال:

نريمان..ما اكدر..ما اكدر اخلي ايدي بيدج..لخاطر الله روحي..روحي طبي..الدنيا باردة

وعافني واكفه..برة ودخل..رجعت للمشتمل..امسح بدموعي..اووف مقبل يسلم عليه..يكلي ما اكدر اسلم عليج..ليش..ليش هيج فشلني..ليش..اني شمسوية وميسلم..عليه..اني احبه ومشتاقتلة..موت وهو سلام ميقبل يسلم عليه خرب حظي..شكد فكر اني

انتظروا بارت7♥♥♥♥♥♥