فصليتي طفلة (مكتمله)

البارت الحادي عشر

من نزلت شفت حازم واگف يحجي ويا امي الشيخه ورحت عليهم لزمته من ياخته....
گتله :ليش هيج سويت
عاد هو گلي :شبيك خوية اني مو متقصد بس مرتك طلعت تبجي من الصالة واني جنت واگف ومامنتبه عليها جنت ادگ على تلفون مروة حتى تطلع احجي وياها ومرتك اجتي ركض وانضربت بيه لاهيه جانت متقصده ولااني .
هنا حجتلي  امي الشيخه كل الموضوع الي صار واني صرت نار واحس نار وشبت بيه ومااعرف شلون اتصرف لان ظلمت نسرين ومديت ايدي عليها وفوگاها  هيه  جانت تبجي لان بت خالتي هاينتها گدام الناس .
هنا صحت على بنت خالتي شهد واجتني وبس وگفت گبالي ضربتها 👋👋بحيث طبعت اصابيعي على وجهها وعفتها ورحت ..
غيث جنت كلش مختنك طلعت يم الولد واني افكر بنسرين متحملت عفت الولد ورجعت للبيت صعدت لغرفتي فتحت الباب لگيت نسرين واگعه بالگاع فاقده الوعي ركضت عليها وشلتها حطيتها على الجرباية ورحت جبت عطر وشممتها وهيه بدت تحس شوية شوية انقهرت عليها هيه باوعتلي وبجت اتقربت عليها هيه سحبت نفسها .
گتلها :لتخافين نسرين اني اعتذر مجنت اعرف الي صار واني اخذتلج حقج واريدج تتقوين فدوة باجر العرس .
گتله : تامر شيخ .
باوعت عليه وتقصدت اگله شيخ حتى اضوجه وشفته صار نار اندار عليه نزلت راسي .
جان يگلي :اني شگتلج مو گتلج لتكولين شيخ بس يحجي بعياط .
باوعت عليه گتله : تامر غيث بدلع گلتها واباوع عليه تغيرت نظرته صار بيها حنيه يمه فديته .
هنا سالني : اگلتي .
هزيت راسي گتله :لا مااگلت من الصبح .
گلي :كومي ادخلي غسلي حتى ننزل جوة .
گتله : جسمي مكسر من وراك مااكدر امشي .
ابتسملي وگلي :گومي اني اساعدج .
عاد اني گمت وهو ساعدني دخلت للحمام الي صاير بالغرفة وغسلت ووهو واگف يمي غسلت وجهي ونزلنا جوة دخلني للمطبخ وگلها لام عدنان : ام عدنان سوي اكل لنسرين لان ماماكله شيء من الصبح خطية .
گالتله ام عدنان:تامر شيخ اي والله مااكلت التهت بالشغل والتنظيف والترتيب للحنه .
طلعت يم الولد ردت اشوف التحضيرات ووره شوية رجعت لگيت نسرين بعدها گاعده بالمطبخ طبيت گعدت يمها على الميز گتلها : سويلنا چاي اني وياج نشرب سوا ضحكت
وگالت :تامر غيث .
غيث يمه فديت ضحكتها تجنن ....
سوت نسرين چاي وكعدنا نسولف اني وياها وحجتلي عن حياتها وعن بيت اهلها وبيت جدها ببغداد ......
صارت دنيا ليل وخلصت الحنه والكل راحو ينامون واحنا بعدنا گاعدين بالمطبخ ....
انتبهت عليها نعست گتلها روحي نامي بغرفتج بس اليوم تنامين بيها باجر تصعدين تنامين فوگ بغرفتي ابتسمت .وهيه خجلت وطلعت ماحجت شيء من الخجل ...
صعدت اني حتى انام  باجر لازم من الصبح نگعد علمود التحضيرات ....
نسرين من گلي اليوم اخر يوم تنامين بغرفتج حسيت بفرحه وخجل هم من حجايته الصراحه تعودت عليه هواي وجنت احبه هواي واول شخص يقترب مني هيج واصلا هو يحرگ كل المشاعر والاحاسيس عندي وحتى گمت اغار عليه هواي وهنا نعست ونمت واني افكر بفارسي (فارس احلامي)غيث.....
غيث صعدت ردت انام وماكدرت بقيت افكر بنسرين وشلون اذيتها ومن كتلها سامحيني گبل سامحتي وابتسمت لان گلبها طيب رحت للجربايه ونمت نفس المكان الي نيمتها بي وشميت ريحتها ونمت .....
وللحكاية بقيه......فديتكم سوا متابعه وتصويتكم يشجعني .....