فصليتي طفلة (مكتمله)

البارت الثاني عشر والاخير

ثاني كعدنا وجان يوم العرس والبيت جان مخبوص خبص
نسرين طلعت من غرفتي سويت ريوگ وخبزت وكملت شغلي على السريع لان لازم نروح لبيت عم غيث علمود العرس ولازم نساعد بنات عمه بالتحضيرات وفعلا رحنا اخذنا غيث اني والشيخه واخت غيث المتزوجه واني جنت لابسه ملابس كلش حلوة جابهن اليه غيث من طلعنا وحطيت مكياج خفيف وطبعا حنان ودوها للصالون وراحن وياها بنات عمه لغيث المتزوجات وبقيت اساعد البنات وجانت مروة موجودة وتساعدني وراها جابوا العروس وبدت حفلة البنات والكل يرگص والزلم بقوا برة وبيني وبين نفسي جنت اتمنى البس بدلة بيضه ويسوولي حفلة بس اني صرت فصلية والفصليه ميسوون حفلة الها وخلصت الحفلة وزفوهم لغرفتهم واني اجه عليه غيث
گلي:يلا نسرين نروح للبيت احنا.
گتله :والشيخه والباقين.
گلي :راح يباتون هنا .
گتله :تأمر غيث .....وبداخلي خوفه لان راح نروح وحدنا للبيت وطلعت وصعدت بسيارة غيث ووصلنا للبيت.
دخلنا للبيت وردت اروح لغرفتي ووكفني غيث
گلي :وين رايحه .
گتله :اروح لغرفتي .
باوع عليه 😒وگلي :الحكيني لغرفتنا .
لحكت غيث وصعدنا للغرفة دخلت الغرفة وبقيت واكفه ...
گلي : اكعدي على الجرباية ....رحت كعدت على الجرباية اجه كعد بصفي واني بين خايفة بين مرتبكه لان اول مرة يتقرب مني هيج ....
گلي : نسرين انتي صح جيتي لهل البيت فصليه بس بنفس الوكت انتي زوجتي واني اعرف انتي مالج ذنب بالي صار بس تعرفين عاداتنا وتقاليدنا تمشي على الكل حتى عليه وعليج صح لو اني غلطان ...
گتله : صح واني اعرف اخوية غلط وغلطه مينغفر واني من يوم الي دخلت بيتكم حاولت انو اكون عد حسن ظنكم لان اني ادري انو الفصليه لازم تنسى عدها اهل وتنسى حياتها الي جانت ببيت اهلها وبيت عيالها هم راح يكونون اهلها ....
گلي :وفيتي وكفيتي ....وسكت شوية وكمل كلامه وهسه انتي راح تكونين مرتي بالواقع ....
سكتت وبقيت مدنگه راسي وخجلانة وخايفة وبنفس الوكت فرحانه بداخلي لان اني احب غيث .....
سحبني من ايدي وباسني بشفتي وبرومانسية نزل باس رگبتي وظل يهمس بأذني نسرين اني احبج كلش حبيتج ....
گتله بهمس :اني هم احبك غيث .....ووووووو......
وصرت مرت غيث وبعد ماكملنا رحت سبحت وطلعت وهو هم سبح وطلع ورحنا ننقل غراضي لغرفته وهو فدوة ساعدني ......
وبعد مرور اسبوع حازم خطب مروة واني فرحت كلش لان اني احبها هواي وراح تصير وياية بنفس البيت .....
وبعد شهر تزوج حازم ومروة وبيوم عرسهم اني دخت كلش وبديت اتقيأ وعمتي الشيخه شافتني وگامت تهلهل والكل صاحوا هااا يمه
گلتلهم الشيخه مرت غيث حامل ....
غيث طار من الفرح وگلي : باجر نروح نسوي تحليل
وفعلا ثاني يوم سويت تحليل وطلعت حامل ..
طلعنا اني وغيث من يم الدكتور وغيث گلي :نسرين تحبين تروحين تشوفين اهلج گتله :ياريت حبيبي ....
گلي :تتدللين حبيبتي ....حضري روحج باجر اوديج لبغداد تشوفيهم واني هم عندي كم شغلة ببغداد اكملهن وارجع عليج ثاني يوم اخذج گتله :تامرني حبيبي ....
ثاني يوم طلعنا من الصبح ورحنا لبغداد وصلني غيث لبيت اختي بس مادخل نزلني يم الباب وراح واني دكيت الباب وطلعت اختي تلگتني وهيه كلش فرحانه بيه ودخلت لگيت ابوي وامي يمها بس ماشفت علي وفرحوا كلش من شافوني وسالتهم عن علي ابوي گلي زوج اختج ساعده وسفره وخلاه مدير شركته بدبي ومتزوج اخت زوج اختي واني كلش فرحت الهم لان هم جانو مرتاحين وبقينا نسولف لليل اجه زوج اختي واتعشينا سوا ونمنا وكعدنا ثاني يوم خابرني غيث على التلفون الي اشترى الي وگلي :حبيبتي اني جاي بالطريق حضري روحج ووصل غيث للباب ودگ عليه تلفون گلي :اطلعيلي اني بالباب ومن ردت اطلع..... ابوي طلع قبلي واعتذر من غيث على الي صار وگله :اريدك تسامحنا .
وغيث گله :عفا الله عما سلف وهذا قدر وصار ....وتصالحوا واهلي جلبوا بغيث گلوله :لازم تدخل تتغدى يمنا ودخل غيث وجان زوج اختي هم موجود وتغدينا وبقوا يسولفون وصار العصر وطلعنا من يمهم واحنا فرحانين ووصلنا لبيتنا .....
ومرت الاشهر واني صار عندي صگر ومروة حامل .....واني عشت ويا غيث احلى ايام بعمري ......
اتمنى تكون عجبتكم واعذروني عن التاخير
تابعوني بقصتي الجديدة .....(حب من النظرة الاولى )