#شاءت_الاقدار٢٢
#زينب_الموسوي
صارت اجراءات العقد ميلاد ماقبلت تاخذ مهر الا يمكن كم دولار متجيب سعر فستان والدكتوره وشذى وزياد وام عيسى جهزوا كولشي والحفله صارت ابيتهم بعد تلث ايام تزوجنا يوم ثلاثاء بحفله بسيطه
وزفونا للبيت
ميلاد بزفتي وقيس يمي تصورت العالم كله ديرگص ويايه ويحتفل
النجوم تغني والليل يبارك
دخلت الدكتوره للغرفه ويايه
الدكتوره خلوني اعيش هذا الشعور على اساس داوصي بنتي
شذى وصيها دكتوره هاي بنتج الوحيده
الدكتوره شوفي بنتي صيري عاقله واسمعي كلام رجلج مو تشلعين گلبه هههه شبيج وجهج صار اصفر خايفه
ميلاد تردون الصدوك اشو خفت
شذى لا هاي هيه مسكين ياقيس
السنافر وين
ميلاد ويه قيس
ام عيسى اخذهم عندي الليله
ميلاد لا خاله عوفيهم هسه ينامون
ام عيسى يله اطلعوا وصل العريس
هلهلوا بوجهه خطيه من يدخل
هلهوا كم هلهوله وطلعوا
بيده السنافر اثنينهم
قيس يله هاذي مام ذبحوني مام ومام
اجوي اثنينهم يمي ويگطعون بالورد الي بالبدله
قيس شنو الاخبار اشو ساكته
ميلاد ماادري ماعندي حجي
قيس اخذي الجهال افتحيلهم الايباد وتعالي
ميلاد خطيه ياذي عيونهم خلينا سوا ينعسون وينامون
قيس واذا اني نعست ونمت
ميلاد اكعدك اذا تريد
قيس شنو قصة صوتج اليوم ميطلع
ميلاد خجلانه ابن عمي غير
ميلاد ها خجلانه
قيس
بدلنا ملابسنا واكلنا وتفرجنا تلفزيون وناموا السنافر
قيس ميلاد شبيج اليوم خايفه
ميلاد شويه خايفه وصور الصار بيه تمر ابالي احجيلك بصراحه
قيس اششش الا اليوم انسي كولشي واتذكري احنا سوا
مااريد ادموع
انتي ناذره ترگصين گومي ويايه
اخذني من اديه وبدينا نتمايل سوا باحضان بعض
باوعيني ميلو
ميلاد لو تدري من تگول ميلو شتسوي بيه
قيس ههههه ميلو باوعيني شتشوفين
ميلاد اشوف قيس الي حبيته نص عمري
قيس ودتشوفين شگد فرحان عمرج شفتيني هيج
ميلاد لا ياربي تفرح على طول
قيس ياربي نبقى سوا على طول ونتحمل الحزن والفرح سوا
قيس
بامر الحب
اشفيني داويني
اجمعي شتات عمري
ومن رحيق ثغرك الدافيء
ارويني
ياحلما طاردته سنين وسنين
وبحثت عنه في احضان نساء ونساء
اسالي وسادتي
كم شكوت لها
كم خلتكِ تتوسدينها معي
اسالي من عرفت بعدك
كم اعتذرت وانا انطق اسمك
اسالي
لهفتي رغبتي سهر ي وصبري
ستعرفين انت ميلاد عمري
ميلاد
ليلتي عرسي تساوي كل عمري
ودعت خجلي وتركت صبري
بين يدي معشوقي
ماعدت انا بل اصبحت هو
گعقد لولوء مقطوع تناثرت حباته
كذلك انا تناثرت بين يديه
قدمت فروض غرامي طاعه لعينيه
المحترقتين شوقا لي
- [ ] فرشت اشواقي وحسراتي لينثر قيسي فوقها اهات سنين
ناديته (هَيتَ لك ) كل مااملك
(هيَتَ لك ) كل انفاسي مع روحي والجسد
ليت هذا الليل يبقى ويبقى
ويدوم
ليلتي بدأت بدمعه حسره على مافات
وانتهت بدمعه فرح بماهو ات
لمن اهوى صرت زوجه
في السرير تقابل وجهينا
قيس احبج ميلو. اليوم اكثر من كل الايام
ميلاد واني احبك وجاوبني بصراحه
شحسيت كنت وياي لو ويه غيري
قيس انتي جاوبي اكيد حسيتي بيه عمري مكنت ويه غيرج دورتج بكم وحده وحده ومالگيتج الا الليله
ميلاد حرامات السنين الضاعت منه
قيس لاتبجين وتسلبين هاليله سحرها گومي نرگص سوا
ميلاد شجاك على الرگص استحي
قيس فرحان والله فرحان ودي افتح الشبابيك واصيح فرحان اخذت الاحبها
ميلاد ئي حتى انبات الليله بالسجن
قيس امريكا متحبس العشاق المجانين للفجر دكومي نرگص
ميلاد ههههه اكوم ليش لا
بقينا نضحك ونرگص
قيس شگد انتظرنا هذي الليله وحلمنا بيها
ميلاد ليلتنا احلى من الاحلام
قيس لعد ليش تبچين ياعيني
ميلاد ابچي وداعيه ويه الحزن ماكو شي بعد يبچين مدام صرت الك
قيوسي اروح اشوف السنافر ممتعوده انام واعوفهم
قيس يله نروح يمهم حبيبتي
فتحنا باب غرفتهم نايمين بالقاط
ميلاد سوده عليه جهالي نايمين بملابسهم نسيت ابدللهم
قيس تگولين عنهم جهالي
ميلاد والله العظيم مافد يوم ماحسيتهم جهالي امهم غاليه وابوهم اغلى
قيس ميلاد مي كانت زوجتي ولازم اتذكرها واذكر اولادها بيها ماريدج تتضايقين من هذا الشي وتقارنين بينج وبينها
ميلاد مي تحملت موقف صعب اني مااگدر اتحمله وهاي اختي مستحيل امنعك تذكرها ومي حفظتك اليه وبقصد او بدون قصد جمعتنا سوا تعرف راح احافظ عليك وعلى اولادها من بعدها الله يرحمها
قيس واكيد بعد فتره حيصيرون عدنا اطفال ماريد تفرقين بينهم وبين فقار وعمر
ميلاد قيس انت تعرفني طيبه وماعندي خبث وذولي اولادي وحتى تطمىن قسم بالله العظيم فقار وعمر اولادي وماافرق بينهم حتى انت هم ابني
قيس حبيبتي ماما خليني بحضنج
نعسان
ميلاد ساعدني ابدل ثيابهم وبلا دلال
مصباح عرسنا گعدت قبل الكل جهزت نفسي والاكل گعدوا سنافري الحلويين شغلت اغاني
رحنا يم قيس گعدناه
ميلاد قيوسي حبيبي اگعد تريك
قيس اخاف افتح عيوني يطلع حلم
ميلاد ليش شفت بالحلم
قيس بالحلم تزوجت حبيبتي ميلاد حقيقه لو حلم
ميلاد حقيقه اكعد السنافر جوعانين
قيس صباح الخير سنافر صباح الخير ميلو
ميلاد فدوه تروحلك ميلو اگعد خلي اهلهل الك ميصير عريس وصباحيته بلا هلاهل لا اخت لا ام
قيس يله هلهلولي
ميلاد كللللللوش بعد شتريد
قيس بين مااخلص الحمام اتصلي باهلي وصور البارحه كلها دزيها
ميلاد الصور اندزت من زمان اطلع ونتصل بيهم
قيس
حتى الهوا اليوم من يدخل صدري احسه يضحك
السعاده على غفلة تذكرتني وحطت ابيتي
والليل السهر بيه اله ريحه هيل
قيس هذا الليل اليسوى السهر
سهران وحبيبتي ميلو يمي
ميلاد السنافر مستغربين عفت غرفتهم وانام يمك
قيس فهميهم السنفور الچبير يخاف ينام لوحده
ميلاد ههههه والسنفوره هم تخاف تنام لوحدها
قيس انعل ابوه الي يخوفج تعالي حبيبتي لتخافين
ميلاد قيوسي اذا صاروا عدنا اطفال شنسميهم
قيس اذا بنيه نسميها أسنات واذا ولد نسميه عزيز
ميلاد لا بالله شعندي مسلسل تاريخي اسنات وعزيز مصر
اسميهم وحده لبنى وحده فرح وحده جمانه وحده
قيس وحده خيريه وحده فليحه
كم وحده بناتج متگوليلي
ميلاد سته شبيك
قيس ست بنات وبامريكا هو بالعراق محد يسوي ست بنات
ميلاد لعد شگد
قيس بنيه وحده اخت لفقار وعمر يدللوها ويحموها
ميلاد صدوك وحده حلو
قيس واريدها تشبهج وبطيبة گلبج وعطفج
ميلاد انشاالله ياربي
اريد اراويك شي
راويني وين
لاتصير منحرف
هذي حلقة مي انطتنياها قبل متموت الله يرحمها
تحب البسها لولا
قيس البسيها حتى لا اني ولا انتي ننساها
ميلاد مي رادتنا سوى
قيس ادري حجتلي وحلفتني مااخذ الاطفال منج
ميلاد اريد شي واحد منك
قيس اطلبي عيوني الج
ميلاد سالمه عيونك اريدك تحبني مثل ماحبيتها
قيس قليل صدگيني حبج اكبر
تمنيته من صغري ومستحيل اخسره
اليوم الثاني عزمتنا الدكتوره بالبيت
ودنطلع
قيس اخذي هذا المنديل امسحي المكياج واخر مره انبهج
ميلاد اسفه بعد مااسويها
بقى الطريق ميحجي ويايه
ميلاد كافي عاد مسحته شبيك زعلان
قيس يعني الا اكلج اغار عليج يابه اغار ومره ثانيه من تخلين مكياج صدوك مااحجي وياج
قيس عجبتني كلمه زعلان ثگلت عليها
ميلاد راح نوصل قيس فدوه لاتبقى زعلان
قيس مزعلان انتي تحبين تضوجيني
ميلاد عبالي عادي اخلي مكياج غير عروس
قيس من نرجع للبيت نتحاسب
يله نزلوا وصلنا
تلكتنا الدكتوره واهلها عبالك اولادهم
تغدينا يمهم
ميلاد احس قيس يتدلل هوايه وبيت الدكتوره يضحك ويسولف وعليه گالبها گابه
الدكتوره شبيج صافنه ومتاكلين
ميلاد لا دااكل
شذى مبين عليها زعلانه من قيس
ترى كلنا اهلها قيس دير بالك تزعلها
قيس يعني بس اني وحيد هنا ومحد الي
الدكتوره داري بنتنا نصيرلك اهل
قيس بعيني والله وانتم فعلا اهل
من دنطلع الدكتوره انطتني هديه سوار ذهب ثمين ماكنت متوقعته
وشذى تنطتني ٢٠٠دولار
وام عيسى بطانيات وبدلات حلوه من العراق
ام عيسى ذولي البسيهم الليله وادعيلي
ميلاد هههه انشالله ادعيلج
بسيارتنا
قيس ميلو ترى داتشاقى وياج واثگل عليج
ميلاد ادري حسيت بيك
قيس بس صدوك لاتخلين مكياج هواي
ميلاد صار تدلل
قيس تعالي اخذج تتعلمين سياقه
ميلاد يله
رحنا يعلمني وخلصها بس تصنيف وضحك هو والسنافر الي تعلموا الحجي منه وگاموا يصيحون روحي ميلو روحي ميلو
بااليل لبست البدله
قيس ههههه هسه مال ادگ على راسي واخابر ام عيسى اگولها گلبي راح يوگف من وراج
ميلاد كافي تصنف خلي نحجي بموضوع مهم
قيس ياموضوع
ميلاد مستقبلنا قيس انت دتشوف يادوب ملحگين على الدنيا
وانت مو تبقى على طول تسشتغل عند العالم
قيس هواي افكر بالموضوع هذا وطلعت اجازه ديلر وتنقصني الفلوس حتى اشتري فد سيارتين واعرضهن بالنت وابيعهم والاثنين يصيرون تلاثه
ميلاد قيوسي اني عندي كم قطعه ذهب من تركيا لا متهم ولبستهم وشبعت منهم لبس ابيعهم واشتري سياره سيارتين ماادري انت تعرف بالاسعار وصلحهم وبيع
قيس وانتي شنو ذنبج
ميلاد قيس انت رجلي وهذا مستقبلنا ومستقبل جهالنا لاتتفلسف براسي وتگلي فلوسج وماادري شنو اني وياك من زمان نتساعد على الدنيا شگلت
قيس موافق مراح اتفلسف وبعدين اعوضج
ميلاد وشغلة ثانيه ايام العطل راح اخذ كم طفل عندي بالبيت ارعاهم تعرف الامريكيات بالعطله يديحن والجهال محد بحالهم
قيس اخاف تهملين فقار وعمر والعطله الوقت الوحيد النلتقي بيه
ميلاد السنافر لاتفكر اهملهم مستحيل ونضغط على نفسنا سنه لحد متصير امورنا زينه نرتاح قيس احنا اثنينا كبرنا لازم نأمن مستقبل اطفالنا
قيس اني مكبرت انتي كبرتي اصلا احس نفسي مراهق وهسه حبيت وتزوجت
ميلاد يابه بعدك مراهق ومراهقتك خليها داخل البيت مو برى
قيس لاتاخفين اني مراهق منزلي ههههه
قيس تغير طعم الايام والليالي
والغريب ان احساسي بالزواج والعرس يختلف
باحلامي واحزاني وكل سنين اصطباري
أوادي مناسك حبي بقداس فرح
تراتيل تعقبها دمعه تتسلل من عيون
متعبه من طول الانتظار
كفارسا اعتلى صهوة غرامه المثقل بالحسرات
وقف امام حصون حبيبته متوسلا
خذيني الى احضانك
اعطيني المزيد
المزيد فداخلي احمل عطشا
لك وحدك دون كل النساء
تعرفين ما كان قبلك
يشبه الاحتضار
لم اكن منتشيا هائما سعيدا كما انا
معك الان
ميلاد
خلصت اجازته واجازتي گعد الصبح
ميريد يروح
قيس خلي نجدد الاجازه ميلو فدوه
ميلاد قيس گوم البيت دولار مابيه گوم
قيس كمنا شگد قاسيه تطردني علمود الفلوس
ميلاد اذا مو الفلوس يطردونا بالشارع
وبعدين احنا اتفقنا نتعب ونكون نفسنا
گوه بدل وگف بالباب
قيس حبابه خلي بس اليوم نبقى سوا
دفعته وقفلت الباب
باوعت من الشباك يباوعني يسوي نفسه يبچي
ميلاد باي قيوسي اشوفك العصر
ااشرلي خابريني
ظلينا يوميه نتوادع الصبح ونتخابر الظهر نلتقي عل الغدى وباليل ينامون السنافر اسهر وياه
السعاده ملت اركان حياتي وبيتي اطلع الصبح ودي احجي للناس بالشارع عن حياتي ويه قيس
عن سعادتي ورضاي بنهاية صبري
مرت الايام واشترى قيس سيارتين وباعهم واشترى غيرهم
وفتحت بيتي للاطفال سبت واحد لحد العشره باليل بهذي اليومين اطلع شغل اسبوع كامل
بالعشره اكون ويه قيس
قيس دتعبين ميلو الله يساعدج
ميلاد انت بس سمعني كلمه ميلو ميبقى تعب
قيس ميلو ماادري شلون تحملنا البعد سنين
ميلاد والله ماتحملته وظليت احبك حتى وانت رجل اختي وكلمة خويه من اگولها احسها تمرد گلبي
قيس عينج مترفعيها عليه واقتنعت مطلعتني من راسج وهذا الجان يقهرني ويخليني استفزج
ميلاد اكثر شي استفزني الامريكيات يايمه ليلي ماانامه من الغيره
قيس لاتذكريني كولش اكره هذي الفتره صدوك جنون
ميلاد ههههه ردت اگولها
الحمد لله رجعنا سوا
حبيبي تدري جمعت هذي الاسبوع الف دولار غير الصرفته
قيس فدوه لمرتي السباعيه
ميلاد انطيك الالف وگول مرتي مره ثانيه
قيس اگول مرتي مرتين وانطيج اني الف وترگصين
ميلاد موافقه جيب الالف
قيس الالف بعدين
ميلاد اتفقنا
ميلاد اوكي كولها
قيس ميلو مرتي مرتي حبيبتي
ميلاد شكرا حبي اليوم ارگص للصبح
امورنا تحسنت وبدينا نوفر فكرت ادرس على النت ارخص واوفر وقت وجهد واتابع اطفالي
قيس خوش فكره على الاقل تعادلين شهاده التمريض الاخذتيها من تركيا
واني املي للتسجيل رادوا رقم هويه الضمان الاجتماعي هذي تبقى ويه الشخص في امريكا حتى من يموت اهله يحتاجوها واني ماعندي لان اقامتي غير شرعيه
استخدمت رقم مي حتى اسجل وقبلوني لان الرقم ميطلع بيه الشخص ميت لو عايش
واستخدمت اسمها ومواليدها
سالوني تريدين مساعده ماليه للدراسه جاوبت نعم
واستخدمت هويه ومعلومات مي كامله
دخل قيس بليله عليه
قيس ميلاد اريد ابشرج سامي مقبوض عليه بتهمة ارهاب
ميلاد دنگت ونزلت دمعتي ورديت وبشر المؤمنين
عدالة ربك. لاتگولي ضايج عليه
قيس فرحان بگد القهر الي حسيته من عرفت مغتصبج
وعمي وعمتي شگالوا
قيس راجعين للبيت القديم مع دعاء
كبروا اطفالي صار عمرهم اربع سنين وانتقلوا لماقبل التمهيدي
واني گعدت من الشغل لان واجبات اطفالي ودراستي مالحگ
وقيس اموره الماديه احسن
كملت كورسات اللغه
وخليت اعلان بالنت اروح اترجم للناس بالدواىر مقابل مبلغ نتفق اني وياهم
بالوقت ل اطفالي وقيس مموجودين
قدمت شهادتي بالتمريض اعادلها
واستخدمت اسمي مع رقم مي
ارتكبت غلطه ردوا عليه
الاسم والرقم غير متطابق
رديت اسمي مي
ردوا نحتاج يومين للتاكد
راسا انسد الحساب وماعرفت اعيده
وهذي الغلطه انكشف امري