شاءت الاقدار

شاءت الاقدار ٢٣

#شاءت_الاقدار٢٣
#زينب_الموسوي
اجمل مافي يومي هو العوده متعب للبيت
والتقي بوجه احبه تعلوه ابتسامه
تشعرني كانني عدت الى مملكه عشق كل مافيها ملكي وبانتظاري
كل تعبا يزول
قيس ميلو اليوم مو طبعج متضحكين اغاني ماكو
ميلاد ماكو شي شوية تعب
قيس ياالله يعني حامل هذا الخبر صار سنه انتظره
ميلاد ها يمكن
قيس يارب حامل ويارب بنوته حلوه مثل هذولي الاطفال الي بالشارع
ميلاد چماله يتشرط

ميلاد
ظل قيس كل شويه يسال
قيس ميلو شبيج مو يمي ابد
ميلاد قيس احجيلك الصدوگ صار سبع اشهر استخدم رقم الضمان ل مي حتى ادرس واخذ مساعدات دراسه
قيس اخاف يدرون ميلو وانتي اي مخالفه يطبقون الترحيل عليج
ميلاد هذا المخوفني قيس يمكن حسوا وانسد الحساب
اقترب مني حضني بخوف
قيس لا ميلو  تروحين مني مره ثانيه
اتخبل
اعيش الفقد مره ثانيه اني ساعات الدوام اعدها حتى ارجع واشوفج
متمالكت نفسي ظليت ابجي
ميلاد انهزم لكندا  احسن ميرحلوني
قيس وباي اوراق تدخلين كندا باوراق مي يصير تهريب وجريمه
ميلاد المحامي فهمني مدام كاتبه عراقيه من اصل فلسطيني ميرحلوني
لان فلسطين امريكا ممعترفه بوجودها والعراق ميستلم مرحلين من امريكا
قيس لكن ممكن يعتقلوج ويخلوج بمراكز احتجاز سنين
ميلاد شنو الحل نرجع لتركيا
قيس هنا طلعت روحنا يله بدينا هم نرجع للصفر باجر اروح احجي ويه المحامي
ميلاد قيس اموت اذا فرقوني عنك وعن السنافر
قيس هو موت فعلا 
يارب دخيلك ساعدنا
يارب تدري بعذابنا وصبرنا
قيس
الي عرفته من ميلاد خلاني مذعور 
وبراسي افكار  مترحم
كيف يرحلوها  ونبتعد عن بعض من جديد ونرجع لنفس الضياع الي اخذ نص عمرنا
الصبح الاطفال راحوا مدارس
اخذت ميلاد للمحامي
حجيناله الصار
المحامي خطاء كبير  واسمج عدهم
حاولي تغيرين العنوان ولاتدخلين مره ثانيه لنفس الموقع
المساعدات الدراسيه هذا برنامج حكومي وبيه تتدقيق
قيس يعني بس تغيير العنوان مافي حل ثاني
المحامي مافي حل غير امل ان ميكتشفون هذا مو رقمها ولا هويتها
ميلاد استاذ اني مادخلت امريكا تهريب دخلت بفيزا وخلصت وماجددتها بسبب ظروفي
المحامي من ماجددتيها  طلعوج من السستم اي معامله متفيدج الا تطلعين من امريكا واحد يطلبج من جديد
رجعنا من المحامي بدون. امل وافتهمت ميلاد خايفه حبيت اطمنها
قيس هسه اطلع ندور بيت ويجوز نغير. الولايه اسوي المستحيل ولا ياخذوج مني
ميلاد والله كان قصدي اعادل شهادتي مو قصدي الفلوس
قيس لاتبچين وانشاالله نلكه حل
ميلاد قيس فدوه شوف حل التفكير ذبحني
ادعيت القوه والتماسك وجدت بيت واتفقت استلمه بدايه الشهر
سالني فقار
فقار بابا  ميلو ليش تبچي بالبلكونه
قيس  تعال نشوفها
اخذتهم ويايه وفتحنا باب البلكون
قيس خيرج ميلو ليش گالبتها كابه
ميلاد خايفه وكل يوم يمر  ابدي احسب حساب الي بعده اخاف ياخذوني منكم
عمر ميلو  ميلو
كان يريدها ترفعه
شالته باسها وزدات بچي وهي تبوسه
شلت فقار يمها
قيس واني وفقار مالنا حصه
ميلاد ولكم انشلع گلبي عليكم يله لميتكم وصرتوا  اليه شلون اذا تفارگنا
اجتمعنا كلنا بالاحضان نهديها ونسكتها
قيس لاتتشأمين الشغله صارلها اسبوع  ومافي احد دگ بابنا