CLOUD'S POV
Two weeks pa lang ako sa university, pero dalawang beses na kaming nagkakabungguan ni Liwayway. Ganoon ba talaga kaliit ang school na ito at siya palagi ang nakikita ko?
Tinatanong nyo kung sino si Liwayway? Eh di walang iba kundi ang ubod ng sungit at punung-puno ng katarayan sa katawan na si Dawn Sunshine Martinez. Tinagalog ko lang ang first name niya.
At ang nakakatawa pa, inihabilin sakin ni Mama na tingnan-tingnan ko daw ang kinakapatid ko. Pssshhh! Gawin daw ba akong watcher?
Nung makita ko siyang nagpapractice ng volleyball, di ko naiwasang pagmasdan siya ng may paghanga. Napakalakas ng dating niya lalo na nung nag-i-spike siya.
At iyon agad ang napansin ko sa kanya. Tuwing mag-i-spike siya, para bang nasasaktan siya base sa reaction niya. At tama nga ang hinala ko nang bigla na lang siyang napaluhod at sinapo ang kanang kamay.
Sinermunan ko muna siya bago binuhat at dinala sa clinic. Ewan ko ba. Bakit ganito na lang ang concern ko sa kanya? Pssshhh!
Wala 'to. Concerned citizen lang ako. Inaanak siya ni Mama at inihabilin siya sakin kaya natural lang na siguraduhin kong maayos siya. Tama. Iyon lang 'yon. Walang ibang ibig sabihin.
Kumusta na kaya yun ngayon? Siguro naman nakauwi na yun sa kanila. 6:30PM na rin at ang alam ko, hanggang hapon lang naman ang klase ng course nila.
Pauwi pa lang ako ngayon dahil kakatapos lang ng huling subject namin. Nakita kong lumabas si Nathan kasama ang dalawa nitong kaibigan.
Until now, hindi pa rin kami in good terms. Kahit sila na ni Miles, hindi pa rin kami nagpapansinan. Ganoon ba talaga kalaki ang galit niya sakin? Tsk. Bahala nga siya.
Lumabas na ko ng classroom at tinungo ang kotse ko sa parking lot.
----------
- MONTENEGRO'S RESIDENCE -
"Ma, I'm home." - sabi ko at humalik ako sa pisngi niya
"Welcome home, son." - sagot niya
Nandito siya sa kusina at nagsasalin ng kape mula sa coffeemaker. Nakainom ata si Mama. Medyo naamoy ko ang alak sa kanya eh.
"Sige po. Punta muna ako sa kwarto para magbihis." At umakyat na nga ako sa kwarto ko.
Pagbukas ko ng pinto.....
(,~~)?...............(__ __)Zzzzz
(,~~)?..........(__ __)Zzzzz
(,~~)?.....(__ __)Zzzzz
(.00)....(__ __)Zzzzz
Oh no! This can't be happening.
Isinara kong muli ang kwarto ko bago bumaba.
"Mama!" - sigaw ko
Halatang nagulat si Mama nang marinig ang sigaw ko. "Ano ka ba naman, Cloud? Kung makasigaw ka, akala mo nawawala ako."
"Ano iyong nakita ko sa kwarto ko?" - mariing tanong ko
"Malay ko. Ikaw ang nakakita eh, bakit ako ang tinatanong mo?" - bale-walang sagot ni Mama
Pinigilan ko ang aking inis sa kapilosopohan ni Mama. Now you all know kung bakit minsan pilosopo rin akong tao. Namana ko yan sa Mama ko.
"Ma, alam mo kung anong tinutukoy ko. Ano yung nakita kong babaeng natutulog sa kama ko?"
"Ahhhh... So ang ibig mong sabihin ay kung sino iyong nakita mo sa kwarto mo? Kung hindi mo siya nakilala, siya ang kinakapatid mong si Dawn Sunshine."
"Alam ko kung sino siya, 'Ma. Ang tanong ay kung bakit siya natutulog sa kwarto ko?"
"Ahhh... Iyon ba? Nagkita kasi kami kanina pagkalabas niya sa school. Nagpasama ako sa bar, then niyaya akong uminom. Akala ko naman napakalakas ng alcohol tolerance ng batang yun, kaso mo, dalawang maliit na baso lang ng margarita, halos tamaan at mahilu-hilo na. At sa ikatlong baso, dun na siya bumagsak. Nagpasya na lang akong dito siya iuwi since malayo ang byahe pauwi sa kanila. Nasabi ko na naman sa mga magulang niya na dito siya matutulog, regardless yung pagkalasing niya. Siguradong tatalakan ako ng Mommy niya kapag nagkataon." - mahabang paliwanag niya
Matalik na magkaibigan si Mama at ang Mommy ni Liwayway. Yeah, si Liwayway lang naman ang himbing na himbing at mukhang sarap na sarap sa pagtulog sa kama ko.
"Nag-inuman kayo? At bakit nyo naman siya pinayagan?"
"Pinagbigyan ko lang naman dahil mukhang problemado. Sabi kasi niya sakin, hindi daw siya makakapaglaro sa volleyball game nila next month dahil sa injury niya."
"Kapag naglaro siya next month, siguradong hindi na siya makakapaglaro habang-buhay."
"At may epal daw sa buhay niya. Akala mo daw kung sinong gwapo, stupid at epal naman daw. Nangingialam daw sa buhay niya. Watcher lang daw yung guy, pero naging toucher pa daw."
(o____0) - ako
"What? At ako pa pala ang epal sa buhay niya? Pasalamat nga siya at tinulungan ko pa siyang ipagamot ang injury niya. At ano ang sinasabi niyang toucher ako? Binuhat ko lang siya ng isang beses, toucher agad? Ang pangit ng term, 'Ma. Kung hindi niya alam ang ginawa ko, pagtulong yon at hindi pangingialam."
"Masyado ka namang defensive, hijo. Hindi ko naman sinabi na ikaw yung tinutukoy niya."
"Alam nating pareho kung sino ang tinutukoy ng inaanak nyong maldita. At ako lang naman ang ginawa nyong watcher niya diba?" (--____--)
"Oo nga. Hehehe."
Napailing na lang ako. "Saan ako ngayon matutulog?" - tanong ko na lang dahil gusto ko na ring magpahinga
"May guest room tayo---"
"Guest room? Ako pa talaga ang patutulugin nyo sa guest room? Ako ang guest?" - putol ko sa sinasabi ni Mama. "Hindi ba at ang inaanak nyo ang bwisita - este bisita nyo kaya dapat doon nyo siya sa guest room pinatulog?"
"Well, kung ayaw mo sa guest room, may other option ka naman. Pwede mong tabihan si Bernard sa bahay niya."
Napakunot ang aking noo. "Seriously, 'Ma? Eh bahay ng aso nating si Bernard yun, ahh?"
"Oo, alam kong aso natin yun. Hindi naman yun nagtransform into another kind of animals. Tsk. Ayaw mo sa guest room, eh di ang bahay ni Bernard ang binigay kong other option mo." (-___-)
Pilosopo talaga. "Bahay agad ni Bernard? Di ba pwedeng dito sa couch muna ang binigay nyong other option ko. Pssshhh." - sarcastic kong sabi
"O, sige. Pili ka na. Guest room, Bernard's house or couch?"
"Maybe I'll take the guest room. Tsk."
Pagkasabi non, umakyat na ko sa taas. Matalim na tingin muna ang binigay ko sa pinto ng kwarto ko na para bang nakikita ko sa likod nun yung malditang natutulog dun bago pumasok sa katapat nitong guest room.
----------
KINABUKASAN.....
Buti na lang at Sabado ngayon. Walang pasok.
Pagkalabas ko ng guest room, dumiretso ako ng pasok sa kwarto ko.
(,~~)???...............(__ __)Zzzzz
Ako Dawn
Grabe! Hanggang ngayon tulog pa rin ang babaeng ito? It's already 7:30AM. Masyado naman ata siyang nawiwili sa paghiga sa kama ko.
Napailing na lang ako at saka kumuha ng towel. Then, pumasok ako sa banyo at naligo.
[After 30 minutes.....]
Tinutuyo ko pa ng maliit na towel ang buhok ko ng lumabas ako ng banyo.
"Kyyyyaaaaaaaahhhhhh!~~~"
"What the---" - bulalas ko nang marinig ang nakakagulantang na matinis na tili ng isang babae
Pagtingin ko, nakaupo sa kama ko at nakapikit habang sumisigaw si Dawn Sunshine Martinez.
Napahawak ako sa isang tainga ko. Nabasag ata ang ear drums ko sa lakas ng tili ng babaeng ito.
"Kyyyyaaaaaaaa---"
"Hoy!" - sigaw ko sa kanya
Napatigil naman siya sa pagsigaw at napatingin sakin. Napasinghap at nanlaki ang mga mata niya pagkakita sakin.
"Kung makasigaw ka diyan, akala mo nirerape ka. Huwag kang mag-alala, walang magkakainteres sayo."
"Ang kapal talaga ng mukha mo, ano? Mas makapal pa sa pader, alam mo yun? At ngapala, anong ginagawa mo dito?" (,~~)?? - kunot-noong tanong niya
At ako pa talaga ang tinanong niya kung ano ang ginagawa ko sa sarili kong kwarto, ano? (-____-)
"Hindi ba dapat ako ang nagtatanong niyan sayo? Because as far as I remember, this is my room. May karapatan naman siguro ako sa sarili kong kwarto, ano?" - sarcastic kong sagot sa kanya
"Oo nga. Hindi naman kita tinatanggalan ng karapatan sa sarili mong kwarto. Pero, bakit kailangan mong humarap sakin ng topless?"
"Alangan namang bottomless akong humarap sayo? Sinuswerte ka naman kung yung ibaba ang makikita mo."
Nakatapi lang kasi ako ng tuwalya sa may baywang ko.
(o///o) - Dawn
Namula ang mukha niya sa pagkapahiya nang maisip siguro ang sinabi ko. Bakit nga ba iyon yung nasabi ko? Pssshh!
But infairness, cute din pala siya kapag nagbablush.
"Eeeewwww! Kadiri ka, Ulap! Bottomless talaga? Parang iced tea lang?" - sabi niya na nakangiwi pa nang makabawi sa pagkapahiya
At talagang humihirit pa siya, ano?
"Magtigil ka diyan kung ayaw mong palayasin kita sa kwarto ko. But on second thought, pwede na pala kitang palayasin sa kwarto ko since gising ka na."
"At bakit mo naman ako papalayasin sa kwarto mo?"
"Bakit ayaw mo? Magbibihis ako. Unless na lang kung gusto mo pang panoorin ang pagbibihis ko."
"Fine! Lalabas na, oh!" - malakas na sabi niya at saka tumayo
Malalaki ang hakbang na lumabas siya ng silid ko. Natakot ata nang akmang tatanggalin ko ang nakataping tuwalya sa baywang ko.
Napangiti na lang ako. Natatakot din pala ang isang gaya niya.