#شاءت_الاقدار١٢
#زينب_الموسوي#
ترددت اتصل بمي اخاف تفهمها بشكل خاطيء
اختاريت وقت العصر اعرف هي بهذا الوقت قيس مموجود
ميلاد هلو ام فقار شلونج صحتج شلونها
مي هلو ميلاد ليش متسالين صار عشره ايام من جبت ماعرفتي من امي
ميلاد عرفت والله اخاف اتصل واسببلج ازعاج لو تضوجين
مي ليش اضوج الفات مات واحنا اخوات قسمه الله هذي لا اني ولاانتي ولاقيس نگدر نمنعها مو اتفقنا هيج
ميلاد هذا الي اريد افهمجياه مي اريد اخوتنا تبقى واحلفلج باغلظ الايمان ان قيس اخويه ماافكر بيه
مي طبعا متفكرين بيه يمج الاتراك كلهم صاكين ويخبلون قيس منو
ميلاد ههههه فدوه لگلبج ام فقوري افتقدج وافتقد سوالفنا وعركنا
مي هسه تريدين نتعارك ماعندي مانع
ميلاد لا اسم الله گوليلي شلونهم السنافر طلعوا عليج بيض ومربربين
مي اثنينهم على ابوهم يفشلون
ميلاد هههههه بوري معدل يله ولد ميبورون
مي اوديلج صورهم هسه وشوفيهم
ميلاد صدقه ل الله وديها الله عليج
سمعت صوت يمها
ميلادمنو يمج
مي ابو فقار. تريدين تسلمين عليه
ميلاد ئي انطينياه اسلم عليه
سدت السماعه ورجعت
مي طلع عنده شغل
ميلاد الله يوفقه ام فقوري اريد اوديلج هديه ممكن
مي اخاف قيس ميقبل
ميلاد وليش ميقبل شنو موديه مخدرات
مي يمعوده گلب الدنيا من عرف ماخذه هديه من سامي
ميلاد هو واخوه بكيفهم معلينا بيهم واني وياج بكيفنا
راح ادزلج فلوس على رقم امي وملابس للسنافر والج ملابس ومكياجات
مي تسلمين ماتقصرين بس اوديلج صورتي لان سمنت حيل
ميلاد العبي رياضه لج انتي اصلن دبدوبه
مي اكولج اذا دزيتي شي احسبي حساب دعاء وبتها ترى شادات وياي حتى الحفاظات من يجيبها قيس تظل تحجي شدعوه هالگد تصرفون حفاظات
ميلاد معليج بيها هذي وحده حاقده اني راح اوديلها بلكي شويه تخجل وتجوز منج
مي فدوه لعينج وعمي وعمتي اتصلي بيهم ترى يسالون عليج
ميلاد صار اتصل شلونها عمه وياج
مي وداعتج شادات ويايه مرات ابو فقار يجيب عشى حتى مااتعب تعرفين توام ماالحگ يظلن بلا عشى حتى يضوجنه
ميلاد وليش بلا عشى
مي ابو فقار يتوسل بيهن اتعشن والله مطعم نظيف جبت منه يردن عليه نستنگس
ميلاد صدوك هذا رجلج بلا گلب ولج شوفي اگعدي بغرفتج بحجة مريضه وهنا يگومن يسون اكل لروحهن
مي اكل المطعم ميعجبهن الله يرحم ايام الخبز وجاي
ميلاد ههههه ىي والله ولوايام حلوه
مي لاتصيرين انتي هم فگر. ودورين فگريات اگلج
بلكي على الصيف نجي اني وقيس زياره لتركيا ونشوفج
ميلاد اشيلكم بعيني والله ياريت
مي اكولج ليش متتزوجين شمنتظره مو گلتي الدكتوره جايبتلج واحد
ميلاد مصارت القسمه دادرس اريد اصير دكتوره ادعيلي انجح
مي انشالله يوسف راح نخطبله وسامي بعده ممتزوج
ميلاد يطبه مرض عساه بالمصيبه ئي والله ويعز عليه الدوى والهوى
مي ميلاد اني اعرف الي سواه سامي بيج ليلة الي حجيتي لعمتي كنتي تبچين وصوتج عالي مكنت نايمه وسمعت كولشي
ميلاد عزا وبس لا گلتي لقيس ولج يتذابحون ورجلج يروح بيها
مي لا مگتله وشغله ثانيه اريدج تسامحيني عليها
ميلاد شنو الشغله
مي سامي كان ينطيني فلوس حتى اتعارك وياج واطردج من الغرفه حتى تنجبرين تتزوجيه والله فهمني يحبج ويريدج واني فكرت لمصلحتج اذا اخذتيه لان غني وترتاحين من الخدمه بالبيوت
ميلاد يعني كنتي تعرفين اخدم بالبيوت والملابس والاغراض من الدكتورات
مي اعرف وهو گلي اتهميها بشرفها حتى تتزوجني واني هم الغيره من عندج دفعتني سامحيني الله يخليج
ميلاد مسامحتج والراح راح سامي واحد حقير ومنحط وگدر يلعب بعقلج
فدوه لاتكولين لقيس يروح يتهور ويقتله ودزيلي الصور
سديت التلفون وراسي يريد ينفجر من القهر اختي تدري وسامي بفلوسه يحركها ضدي
دزت صور اطفالها وصورتها
صعب اوصف احساسي واني اشوف الصور ولاادعي المثاليه اول سوال سالته لروحي
لو اني مخلفتهم من قيس هم راح يطلعون يشبهوه
اووووف ياگلبي كافي انساه
لانتحكم بوجود ناس في حياتنا
ولانتحكم بناس يدخلون قلوبنا
والقدر يقرر من يكملون حياتهم معنا
طلعت للاسواق اختاريت ملابس اطفال ودموعي تنزل مااعرف ليش
مااحسد اختي لكن اندب حضي
وجهزت ملابس ومكياج وقمصان نوم الها وگلبي شجعني اشتري بيجاما لقيس واثناء البائع يسالني على القياس واللون ماسيطرت على ادموعي
الى متى هذا العذاب
قيس سمعت مي قبل كم يوم تحجي ويه ميلاد ورادت تسلم عليه طلعت وتركتها
اني في صراع مع گلبي ومرات اتصنع عدم المبالاة بالحنين ل اطياف مضت
دخلت بيتنا فد يوم كانت الاغراض ماليه البيت كراتين واكياس والكل فرحان
ام قيس تعال يمه شوف هذي ميلاد بت عمك دزتهم هدايا النا كلنا مانست واحد
قيس وليش دز منو طلب منها
مي ماطلبنا منها هي دزت هدايا شيصير يعني
قيس الهدايا ترجع احنا مامحتاجين فلوسها خلي تفيدها
مي هذي الهدايا من اختي اني وياها ليش تريد تخرب بيناتنا
فكرت اذا مي متقبله علاقتها باختها ليش اني امنعها
طلعت من البيت ماتحملت اسمع اسمها ومااريدها ترجع لحياتي باي صفه اكرهها
افتريت كنت مواعد مي على غرفه وتاخذ غرفه يوسف لان تقريبا هو ترك البيت
شفت معرض واتفقت وياه
ماادري ليش تصرفت هذا التصرف يمكن اريد اثبت ال مي احبها ويمكن اريد اثبت لنفسي
حملنا الاغراض واخذتهم على البيت
ودخلت مي لغرفتها الجديده وكانت في منتهى السعاده
قيس ها حبيبتي عجبتج الغرفه
مي تجنن مثل الي انشوفها بالمسلسلات
قيس حتى تعرفين شگد احبچ وحتى ترتاحين من الدرج
مي ادري بيك تحبني كل الي اريده تمحي غضبك من ميلاد طول ماانت غاضب عليها وعلى سامي معناها مناسي
قيس والله ناسي. وسامي قطعت علاقتي بيه لان اعماله مشبوهه وحرام وميلاد متعني اليه اي شي ومااريد الها اي وجود اخاف انتي تزعلين لو تغيرج عليه او تخربنا
مي لا ابو فقوري ميلاد حبابه ومضلومه وگلبها طيب وهذي اختي لخاطري لاتكرهها
قيس يمعوده اذا لخاطرج اسوي المستحيل فلسطين اذا تريدين احررها هههه
مي لعد وينك كل هاي السنين دحررها
قيس غير منتطرج تگولين اكولج مو تصدگين ترى حميت شويه
مي ههههه ادري بيك گوم بدل ميلاد موديتلك ببجاما حرير تجنن واني دازتلي قميص نوم اذا تشوفه عليه تموت
قيس ها هيجي ميلاد مقرره شنلبس بنومتنا مدزت شموع فد مره
مي الشموع عليه
(طول مااني كنت ويه زوجتي ولابسين الملابس الي دزتها ميلاد افكر شنو معنى تصرفها
تصورتني بهذي الملابس وتصورت نفسها ويايه
شوكت تخلص قصتي ويه ميلاد تعبت مااريد اخلص عمري الاحق خيوط ظلال امراءه خلف امراءه ثانيه
اغرقت نفسي في حب اصبح مستحيل
ليتني اصحو ليتني افوق
بعدها بيومين مي اصرت تتصل بميلاد واني موجود واسلم عليها
واني حتى اثبتلها متعنيلي شي وافقت
اخذت التلفون منها وگفت گبال المرايه حتى اتحكم بتعابير وجهي ومي اجتي حوطتني من ظهري باديه
ميلاد اتصلت مي كانت الساعه ثمانيه باليل وقيس راد يسلم عليه
صار گلبي دگاته مسموعه يمكن سماعه الهاتف تگدر تلتقطها
قيس هلو خيتي ميلاد شلونج
ميلاد بخير خويه الله يسلمك
قيس عساج بخير امورج احوالج انشالله مامحتاجه شي
ميلاد محتاجه سلامتك والله يحميك دير بالك على مي وعلى اولادك الله يحفظهم
قيس لاتوصيني على نور عيوني ديري بالج على نفسج انتي وانشاالله اسمع عنج كل خير
ميلاد انشاالله يارب
قيس الله وياج هذي مي تحجي وياج
ميلاد هلو مي حبيبتي اعذريني الباب يندگ اتصل بيج بعدين
مي الله وياج
ادعيت الباب يندگ حتى متسمع مي بكائي
ميلاد
كم من الاخلاء تحدثوا بعد فراق
وكانت كلمة خويه مسمار اخير بنعش
حبا مهجور
خويه كلمة مزقت سنين صبري
ليتني قلت واحسرتاه
اضنني قلتها بصمت
قيس خيتي
كم متيم قالها وكان يعني حبيبتي
شلونج كم مجروح قصد ان يقول
مازلت في حسرتك
قلتها متمنياً ان يكشف عن قلبي الغطاء
وتعرفين قصدت حبيبتي ومحوتها بكلمه خيتي
ميلاد انشغلت بالعمل ودكتوره فكتوريا كانت تحاول تشغلني بالعمل والدراسه والدكتور نبيل رغم هو يشتغل بغير طابق يوميه ينزل بحجه يشوف الدكتوره ويسلم عليها
الدكتوره متلاحظين نبيل مهتم بيج
ميلاد بيه لو بيج دكتوره
الدكتوره ميلاد بلا مكر انطيه فرصه
ميلاد خليها للصدف احسن
بيوم كنت ممر المستشفى صاحني نبيل
ميلاد ميلاد وين رايحه
ميلاد عندي شغل بالطابق الثاني
نبيل اني هم عندي شغل هناك تعالي ناخذ السلم احسن من المصعد
ميلاد يله
كان يركض الدرج حتى يثبتلي هو شباب
نبيل اركضي مثلي شبيج كسوله
ميلاد
انطيته جمله سكتته
شباب هذي الايام كسولين مو مثل ايامكم قبل
مجاوب رحت على شغلي وهو على شغله
واحنا بطريقنا الصبح اثنينا للمستشفى الدكتوره بالطريق خبرتني
الدكتوره اليوم تساعدين دكتور نبيل هو طلبج وياه
ميلاد دكتوره هو اختصاصه كسور واني وياج بالعمليات
دكتوره اعرف وصرتي تعرفين هوايه امور تعلمي شي جديد منه تستفادين اكثر
ميلاد خلص مثل متحبين دكتوره
الدكتوره صيري شاطره واعتمدي على نفسج لان اني بعد شهريين تلاثه مسافره
ميلاد واني دكتوره تسافرين وتعوفيني لوحدي منو اليه
الدكتوره بس اوصل اقدملج معامله وتجيين ويايه وبلكي بهالاثناء تتزوجين واخلص منج
ميلاد هههههه اتزوج هذا الي ياخذني مغفل اثول شنو
الدكتوره بوقتها نشوف حل اول الگي العريس
ميلاد دكتوره اني عمليه غش وخداع مااسوي لو اموت الي ياخذني لازم يعرف كولشي اني ماغلطت ولو اريد اخذه لسامي يومين تلاثه واتطلك منه لكن لا اريد ليوم القيامه اقابل ربي واني نقيه مظلومه ومارضيت بوضع فرضه عليه رجال حقير
الدكتوره ماقصدت عمليه قصدت تحجين الصار والدليل عندج
ميلاد شنو الدليل دكتوره
الدكتوره اعترافج اله اكبر دليل انتي مو لعوب لو تريدين الفرصه گدامج تشتغلين بمستشفى وعايشه ويه دكتوره والعمليه متاخذ عشرين دقيقه
ميلاد فعلا كلامج صحيح
اشتغلت بهذا اليوم ويه دكتوره نبيل طبعه هاديء ويحترم الشخص المقابل
نبيل ها الشغل ويايه احسن من الدكتوره صح
ميلاد مو احسن انت هاديء وهي عصبيه بس احبها
نبيل سهله باجر اصير عصبي عليج واصيح واشيل المرضى ارگعهم بالكاع بعد شتريدين
ميلاد وليش كل هذا
نبيل حتى تحبيني مثل الدكتوره
ميلاد الله يخليها ويحفظها
نبيل ماتعبتي اليوم تعالي ننزل للكفتريا ناكل
ميلاد اني اكل ويه الدكتوره يوميه
نبيل شلون بمصيبه الدكتوره اغتالها حتى تنتبهين عليه شويه
تعالي لايصير دمج ثگيل
كان يتصرف تصرفات غربيه وگف بنهايه الممر وصاح بصوت عالي
تجيين لو اجي اجرج من ايدج
كانت الممرضات والاطباء يسمعون دنگت ورحت وياه دخلنا مصعد
نبيل ليش مدنكه متريدين تشوفيني
ميلاد هذا طبعي داىما
نبيل دباوعيني يمكن بيه شي يعجب
ميلاد اكيد تعجب دكتور محترم ورجال وقور وصديق الدكتوره
نبيل عبالك دتحجبين عن جدج مو عليه
تركنا المصعد اختار مكان للجلوس بعيد ومنعزل
نبيل شگد عمرج ميلاد
ميلاد ٢٦سنه
نبيل جوابج ناقص المفروض تگولين ليش تسال واجاوبج مهتم بيج والدكتوره تدري وبعدين تساليني وانت شگد عمرك اگولج ٤٥سنه
ميلاد يعني شنو مهتم
نبيل بصراحه لو تريدين نطول كم يوم اتفلسف براسج واتصل بيج ليليه واگلج احس بالوحده وماكو وحده تفهمني وليش ماعرفتج من زمان
ميلاد الظاهر حافظها هذي الكليشه
نبيل يمكن بصراحه اريد اتزوجج ممكن تفكرين وتردين الجواب
ميلاد ليش انت ممتزوج
نبيل منفصل عن زوجتي وعندي اولاد ابني الجبير صفوان السنه يتخرج من مدرسه الطيران
وبنتي اريج بالاعداديه زوجتي دكتوره
ماعدها وقت اليه قررنا ننفصل وكل واحد يشوف حياته اني جيت هنا وافكر استقر واتزوج
ميلاد اريد وقت افكر وفي موضوع مهم الدكتوره تحجيلك عنه
نبيل حجتلي كولشي وافتهمت
دگ موبايله رفضه رد دگ مره ثانيه
نبيل عن اذنج اجاوب وارجع
راح تقريبا عشر دقايق احصر تفكيري
واقرر اوافق
وهاجس داخل نفسي يگلي انتظري فكري
قررت احجي ويه الدكتوره
رجع على الطاوله
نبيل ها شنو مطلبتي الاكل لحد الان لج جوعان راح اكلج
الجمله الاخيره اخذتني من حلم وردي لكابوس مزعج
(لج )هذا دكتور المفروض ينتقي كلماته بعنايه
واذا قصده ميانه فميانته زايده
الدكتوره علمتني هوايه اشياء تخص الاصول والاتكيت والحديث حتى طبقه الصوت الي احجي بيها علمتني تكون رقيقه وناعمه
وهذا يگلي لج
نبيل وين صفنتي حبي
ميلاد گلت عمرك ٤٥ مو ليش تتصرف تصرفات عمر العشرين
نبيل اني احب اكون شباب على طول
ميلاد الشباب مو بكلمة لج واكلچ وحبي اني عمري بالعشرين مااگول هذي الكلمات ومااحب احد يگولها اليه خاصة كلمه لج
عن اذنك اروح اتغدى ويه الدكتوره
الدكتوره كانت موجوده بالكفتريا گعدت يمها
الدكتوره مو على اساس تتغدين ويه نبيل
ميلاد اخ منج يعني مخططه انتي وياه
الدكتوره اكيد مخططه قابل اتركج وحيده هنا
ميلاد ماعجبني حجيه گال. لج وحبي
الدكتوره هههه هذا يسمع ويقلد عباله هذا الحجي المفروض يكوله ويريد ينزل لعمرج ميلاد دكتور نبيل ابن عائله وانسان خلوق ومثقف وعنده ثروه طائله تزوجيه وكملي دراسة الطب
ميلاد على ضمانتج دكتوره
الدكتوره على ضمانتي سنه اذا بيه عيب رجعيه ابدله الج
ميلاد ههههه
الدكتوره اش هيانه راح يگعود يمنا اسكتي وبيني نفسج قويه واني احجي
نبيل دكتوره ميلاد على طول معقده
الدكتوره على طول واذا معاجبك بعدنا باولها
نبيل عاجبني اخاف اني مااعجب
الدكتوره انطيها اسبوعين تفكر فرق العمر بينكم هوايه
نبيل اسبوع واحد
الدكتوره عشر ايام اتفقنا ميلاد
ميلاد اتفقنا