الجزء الثالث
ريم حست بوجوده فرفعت نظرها لا ارادي
زياد اول ماشاف وجها انصدم الان الي يشوف وجها يقول انها بزر ماهو وحده عمرها ثلاثين سنه
ريم حست ان زياد منصدم من شي بس ماتدري وشهو فردت نزلت راسها للارض وصارت تلعب بصابعها
زياد ارتبك مايدري كيف يتصرف حتى يوم زواجه من اميره مارتبك مثله الحين لانه يعرف اميره بس ريم لا
زياد يحاول يخفف لارتباك:اطلب عشاء
ريم:..................
زياد انقهر منها يوم ماردت فقرب بخطوات بطيئه للسرير وكأنه خايف منها
ريم اول ماشافت رجوله تحركت بتجاها قلبها وقف من الخوف
زياد جلس جنبها ورفع راسها بيده
رفعت ريم راسها وهي مغمضه عيونها كأنها ماتبي تشوفه
زياد ابتسم من ردت فعلها وقال بهمس:خايفه تشوفين وجهي
ريم:............
زياد طالع في وجها بعدين قام وطلع
مايدري ليه طلع بس كل الي يعرفه انه محتاج اميره تكون جنبه
ريم بعد ماطلع قامت تشوف وجها في المرايه كان واضح عليه الخوف اكثر من الحياء
اميره تسحب الغطاء عن هنادي:هنو بلادلع قومي
هنادي وفيها النوم:ابي انام
اميره تقلدها:ابي انام
هنادي تضربها بالمخده:اقول انقلعي عني ابي انام
اميره ترد الغطاء على وجها:نامي لا تموتين علينا
طلعت اميره قالت خلني ادق على زياد
زياد دق جواله شاف لاسم فبتسم ورد
زياد بشوق:هلا وغلا بقلبي وروحي وحياتي ودنيتي
اميره بضحكه كلها دلع ورقه:هلافيك حبيبي مانمت
زياد بتعب:لا مانمت كيف انام وانا بعيد عن قلبي
اميره بشوق:اترك الشغل وتعال
زياد بهمس:تبيني ارد
اميره بتأكيد:ياليت
زياد لا شعوري:دقايق وانا عندك
اميره بفرح:صدق والا تمزح
زياد بجد:لا صدق لاني اصلن ما رحت
اميره ببتسامه والسعاده واضحه في صوتها:خلاص حبيبي انتظرك
زياد:عطيني ربع ساعه
سكر زياد من اميره واتجه للبيت ونسى امر ريم
اميره راحت جناحها واخذت شور سريع ولبست قميص نوم وردي قصير وضيق على جسمها وله فتحه كبيره في الظهر ولبست سلسال ناعم على شكل قلب وخلته يكون طالع من الفتحه وجففت شعرها ومسكته بشكل حلو وحطت ميك اب خفيف وحطت عطر من شنل وعطرت الغرفه وطلعت لصاله وجهزت عصير من المطبخ التحضيري وبعض المكسرات وسلة فواكه
رد زياد البيت وكان هدوء لان الكل نايم دخل جناحه هو اميره وكانت منسجمه على التلفزون
زياد ببتسامه:مساء الخير
اميره قامت وبحب قالت:مساء الحب والشوق
زياد يقرب منها وهو ذايب في شكلها قال بهمس:احبك
اميره بضحكه مغريه:وانا احبك
قرب منها زياد ومسك يدها وحبها وقال بشوق:مستحيل تفتني غيرك
ريم جلست على الكنبه تنتظر زياد لكن النوم غلبها
في الصباح
عبير نازله وهي تركض ومعها عباتها
فهد:بشويش لاتطحين
عبيره ببتسامه:لاتخاف متعوده
ام فهد طالعه من المطبخ:فهد يمه اخذ عبير معك لاني ابي السواق
فهد ببتسامه:تامرين يالغاليه
عبير تلبس عباتها:ترى غلا وهنادي بيرحون معنا
ام فهد:ماهي مشكله بس دقي عليهن لا تأخرون اخوك
فهد يزين شماغه عند المرايه قال بضحك:اشوف ام فهد تجاوب عني اليوم
ام فهد:اقول اخلص لا تتأخر
طلع فهد وعبير
دقت عبير على البنات يجهزون لكن ما قالت من بيوصلهم
عبير:من تتمر اول
فهد:............
عبير شافته مارد لكنه متوجه لبيت عمتها يعني اكيد بيمر غلا
دقت عبير على غلا تقولها يالله
طلعت غلا وهي تمشي بطلع وغرور
غلا بدلع:السلام عليكم
عبير وفهد:وعليكم السلام
غلا شافت ان السواق فهد فحبت انها تتكلم معه
غلا بدلع:اخاف كلفنا عليك يافهد
فهد برسميه:لا عادي
توجهو لبيت عمهم والسكوت سيد الموقف وبعد مادخلو القصر
توجهت هنادي للسياره وعرفتها انها سيارة فهد
هنادي بعد ما ركبت:السلام عليكم
الكل:وعليكم السلام
غلا تحس هنادي هي المنافس لها وتتضايق اذا شافتها قريبه من فهد
غلا تبي تحرج هنادي:هنادي الله يهديك غطي اعيونك زين تراها باينه
عبير وفهد لا شعوري طالعو في المرايه يشوف عيون هنادي وبالفعل كانت واضحه للقريب منها
هنادي انقهرت وقالت:انا اخفف غطاتي عشاني ما شوف
فهد استغل الموقف وقال:اتوقع فيه اختراع اسمه نظرات وعدسات والا انا غلطان
هنادي وعبير انصدمو من رد فهد لكن غلا حققت الي تبيه
هنادي بتحدي:اتوقع من اخوي عشان تعلمني الخطأ من الصح
فهد انقهر من ردها وقال بعصبيه:لو اخوك كان عرفت أأدبك
غلا تشعلها:هنادي عيب تكلمين ولد عمك كذا
هنادي بغضب:انتي مالك دخل فاهمه
فهد ينهي النقاش:بس انتي وياها
نزل زياد واول مادخل توجهت النظار الكل له
ابوزياد بدهشه:زياد
زياد ببتسامه:لا اخوه
ابو زياد بجد:انت وش جابك اليوم هناء والا
خالد يتدخل:لا تخاف يبه مانلعب عليك بس البنت تعبانه فقالو خلها بكره
زياد في داخله"انقذتني"
ام زياد:ماتشوف شر وانشاء الله تقوم بالسلامه
ابوزياد والوضع ماهم عاجبه:والله اني مدري عنك انت واخوك
زياد يجلس على الكرسي:لا تخاف يبه انشاء الله كلها كم شهر وتشوف احفادك
خالد في نفسه:أي احفاد وانت نايم هناء الا ان كان بالمراسله"
طلع زيادوخالد للشركه
في الجامعه
عبير:هنو لا تزعلين ترى فهد مايقصد
هنادي ببرود مصتنع:يقصد او مايقصد مايهمني
عبير جت ابتتكلم بس هنادي امنعتها وقالت:يالله قومي بندخل المحاظره
في الشركه
خالد بقهر:انا بفهم انت ليه نايم في البيت
زياد يبرر:ماقدرت اتحمل اقابلها وبعدين ان تقولي عمها ثلثين وانا اشوف غير كذا
خالد توهق يدري ان زياد بيعصب عليه فقال:ماعليك من شكلها كثير حريم يجون كنهم صغار وهم كبار
زياد بحزم:خالد لا تلف ودور على انا فاهمك قول كم عمرها
خالد بتردد:عمرها يمكن 20 ااااااا18
زياد بعصبيه:18 ياخالد انا تزوج وحده اصغر مني بعشر سنوات
خالد:عادي وش فيها
زياد بقهر:ماتدري وش فيها
خالدببرود:لا مدري
زياد اخذ نفس بعدين قال: تعرف وش يعني انها تكون صغيره يعني انها ماتعرف مصلحتها
وبعصبيه كمل:يعني انا بظلمها وبحرمها السعاده وهي توها صغيره وما ااخذت من حلا الدنيا شي كيف تبيني اعطيها مرها قبل لا تعرف حلوها
خالد يهديه:انت بتعوضها بالمال واكيد بتلقى من يتزوجها بعدك
زياد بقلة حيله:خلها على ربك بس
خالد يستأذن:يالله انا بروح تأخرت على المستشفى
طلع خالد من عند زياد
جلس زياد يفكر وتذكر ان ريم في الفندق بالحالها ودق على الفندق وطلب جناحه
ريم صحت على صوت التلفون
ريم بصوت فيه النوم:الو
زياد برسميه:توك تصحين
ريم ماعرفت صوته قالت:خير من تبي
زياد:انا زياد
ريم اول مادرت انه زياد انزلت دمعه من عينها
زياد استغرب ليه ما ردت عليه وقال:فيك شيي
ريم تمسح الدمعه الي تبعتها جنود من الدموع قالت بصوت واطي:لا
زياد:طلبتي فطور
ريم بنفس الصوت:لا لاني مابي
زياد بينهي المكالمه:يالله انا بسكر ومرك الظهر
سكر زياد من ريم
ريم قامت واخذت شور وحتارت وش تلبس لان كل لبسها جري شوي فقررت تلبس برموده لونها ابيض مع بدي اسود فيه قلب ابيض في الوسط ولبست حذاء عالي شوي لونه اسود وجففت شعرها ومسكته ذيل حصان وتركت غرتها تطيح على وجها وحطت عطر من نكتار
وفظلت ماتحط ميك اب
بعد الدوام كلن رد بيته تعبان يبي ينام
زياد طلع من الشركه وتوجه للفندق
دخل زياد وشاف كل شي مرتب وريم مالها اثر
دخل الغرفه ولقاها جالسه تقراء
زياد:السلام عليكم
ريم حست بخوف فضيع ماتدري ليه تحس معه بالخوف مع ان المفروض انها تحس معه بالامان
ريم وعيونها في الكتاب:وعليكم السلام
زياد وهو يطلع:تعالي ترى جبت غداء
جلس زياد ورتب لاكل على الطاوله
زياد بصوت عالي:ريم
ريم طلعت بسرعه
زياد طالع فيها بعدين نزل عيون للاكل وقال:تعالي اجلسي
اجلست ريم وكل مافيها يرجف
زياد:اكلي
اخذت ريم قطعت خبز تتسلى فيها
اما زياد اكل بشهيه بعدين قام وبعد ماغسل دخل الغرفه حس وده ينام فقرر يوطي ثوبه ويجلس بملابسه الداخليه لان ماعنده ملابس
ريم بعد ماقام زياد لمت الاكل وحطته في كيسه وطلعته برى عشان ياخذونه وجلست تتفرج في التلفزون
زياد يكلم نفسه"اوف وبعدين متى بتبدى يازياد وترتاح من الهم لازم اسوي الي براسي الحين"
زياد:ريــــــــم
ريم احتارت تروح او لا تحس ان زواج زياد فيها وراه شي بس ماتدري وش هو
زياد بعصبيه:ريـــــــم
قامت ريم بسرعه من صوته ودخلت الغرفه
ريم وعيونها بلارض:نعم
زياد طالع فيها وقال:تعالي
قربت ريم من السرير وقالت:خير
زياد يركي ظهره على المخده:الخير وبجهك اجلسي ليه واقفه
جلست ريم على حافت السرير من الجهه الثانيه
زياد ببتسامة:وش تشوفين تحت
ريم بحياء:ماشوف شي
زياد:اجل ارفعي راسك
ارفعت ريم راسها وجات عيونها في اجمل عيون ممكن تشوفها حست قلبها بدى ينبض بشكل قوي لدرجت انها خافت يسمعه دارت عيونها في كل تفاصيل وجهه وبسرعه نزلت عيونها خافت عيونها توقعها في شي ماتبيه لانها تحس ان ايامها معدوده مع زياد
زيادبسخريه لانه عرف ان ريم اعجبت فيه قال:ليه نزلتي عيونك والا خفتي من نفسك
ريم حست انه يبي يجرحها فرفعت نظرها فيه وبتحدي قالت: ماهو انا الي يغريها جمال رجال لان الرجال افعال ماهو جمال الجمال للحريم
زياد بضحكه:والله منتي هينه
ريم :..........ز
زياد مسك يدها وسحبها يمه
ريم بخوف:وش تبي
زياد بستهزاء:امانه ماتدرين وش ابي
ريم تحاول تسحب يدها بس زياد ماسكها بقوه
زيادبجد:خلي عنك هالحركات وانتي تو بتموتين فيني
ريم بقهر:تراك ماخذ مقلب في نفسك
زياد سحبها بقوه ناحيته ومسك وجها بين يديه وقال:ترى ماتزوجتك عشان سواد عيونك انا تزوجتك عشان ابي عيال
ريم تبعد يدينه عن وجها بس للاسف قوت زياد اغلبتها
في بيت ابوفهد
عبير بعصبيه:انا بعرف انت ليه تسوي كذا
فهد برود:وش سويت
عبير:لا تنرفزني انت تدري
فهد يحاول يكون جدي:بالله عليك مضيعه وقتي عشان موضوع تافه
عبير قامت وهي تقول:صح معك حق تافه بس الشرهه ماهو عليك علي انا الي ابي سعاتك
فهد ابتسم اول ماطلعت
ابو زياد:اقول وش رايكم في نهايةالاسبوع نروح المزرعه
ام زياد:ياليت نبي نغير جو والجو الحين ربيع
خالد:انا طلعوني برى عندي دوام مقدر اروح معكم
ابوزياد:لابترووح اخذ اجازه من المستشفى
خالد يفكر:بحاول
ابوزياد:خلاص انا بكلم اخوي محمد ونتفق
هنادي:اميره امي تقول مع يوم الاربعاء بنروح المزرعه
اميره بفكر شارد:خلاص
هنادي:اميره وش فيه
اميره بحيره:زياد ماجاء وهو بالعاده ممايتأخر
هنادي عورها قلبها على اميره لانها تعرف ان زياد تزوج
هنادي :دقي عليه
اميره:دقيت بس مارد
هنادي:جربي مره ثانيه
اخذت اميره جوالها ودقت على زياد
زياد جالس في الصاله يتفرج على التلفزون وريم تبكي في غرفتها بعد الي صار والكلام الي سمعته
زياد سمع جواله يدق في ثوبه قام للغرفه ودخل وشاف ريم جالسه على السرير وشعرها فيه مويه والغرفه بارده
قال:انتي صاحيه جالسه وشعرك فيه مويه ماتشوفين الغرفه كيف بارده
ريم مسحت دموعها وقالت:بقوم اجففه الحين
رجع جوال زياد يدق
اخذ جواله وشاف لاسم ابتسم ورد:هلا بقلبي
اميره فيها الصيحه:حبيبتك وانا صارلي كذا ساعه ادق ماترد
زياد يجلس على السرير:والله ماسمعته كنت مشغول والا انا مارد على اميرتي
اميره بزعل:لامابي اعذار ادري انك ماتحبني
زيادبحب:انا مااحبك اذا صرت مااحبك وش ابي في حياتي اموت احسن
اميره بخوف:اسم الله عليك الي يكرهونك انشاءالله
زياد بضحكه:ياحبي لك
اميرد بجد:الا انت وينك
زياد رفع نظره يطالع في ريم الي كانت منزله راسها وشعرها مغطي على وجها قال يبي يحرها:والله عند واحد ثقيل دمه وغثيث بس وش اسوي مضطر اجيه لان لي عنده مصلحه
ريم حست ان سكين انغرزت في قلبها وقالت بصوت عالي عشان الي تكلم تسمعها:اذا انا غثيثه قوم انقلع عن وجهي
اميره سمعت الصوت وفهمت بعض الكلام وبعضه لا وسكرت السماعه
زياد قام بعد ماعرف ان اميره اسمعت المكالمه ومسك ريم مع كتفها بكل قوته وقال بعصبيه:الحين انا وش اسوي فيك
ريم بتحدي:عادي طلقني
زياد يزيد من قبضته:اطلقك بيصير بس لما تجيبي لي ولد والا انتي حقيره واطيه محد يفكر يتزوجك
ريم بقهر:لاصرت واطيه ليه خذيتني
زيادبسخريه:لانك من النوع الي ينشرى وينباع
ريم دموعها نزلت على وجها وقالت:لو كنت رجال طلقني
زياد لفها له وعطاها كف من قوته حس بألم في يده وتكلم وهو شاد على اسنانه:حاسبي على كلامك قبل لا تقولينه فاهمه ورماها من يده كأنها شي قذر
طلع زياد بعد مالبس ثوبه وترك ريم تتجرع الالم والحزن
اميره تبكي:زياد يخوني انا
هنادي تضمها لصدرها:زياد مستحيل يخونك
اميره تبعد عن صدر هنادي وبعصبيه قالت:مستحيل وانا سمعت صوتها
هنادي بخوف:هذي زوجته
اميره نزل عليها الكلام زي الصاعقه الي شلت كل احساس فيها
هنادي بحنان:اميره حبيبتي انتي كنتي على علم بكل شي
اميره تتكلم بصعوبه من البكي:صح ادري بس ماتوقعت بهالسرعه
هنادي تمسح دموع اميره وقالت:اموره حياتي ارحمي عمرك كل الي تسوينه مامنه فايده
دخل زياد البيت وبسرعه توجه لجناحه ودخل شاف هنادي اتهدي اميره الي حالها يقطع القلب توجه بسرعه منهم
قرب من اميره ومسك يدها وقال بأسف:سامحيني يالغاليه
هنادي انسحبت بهدوء
اميره تضم زياد بكل قوتها تبي تداوي الجرح الي سببه لها بقربه منها لان هو دواها
زياد يمسح على شعرها:اميرتي لاتبكين
اميره بين شهقاتها:لاابكي اااااااااااااه الي فيني اكبر
زياد يزيد من ضمه لها وقال بجد:والله الي خلقك وخلقني انها ماتسوى مكان رجلك على الارض
اميره تبعد عن زياد وقالت وجها مغطيته الدموع:اكيد
زياد ببتسامه:اكيد ونص
اميره ابتسمت وزياد رد وضمها لصدره مره ثانيه
مر يومين على السالفه زياد مامر ريم الي الحزن صار عالمها والدموع ونيستها في وحدتها
ام طلال:يام بدر كلمي ابو بدر يشوف لي رقم زوجها بكلمها والله قلبي ما كلني عليها
ام بدر:لا تخافين ايكد انها منشغله مع زوجها بس ولاي همك اليوم اكلم ابوبد
ام طلال:الا انتي وش سويتي في موضوع مدرستها
ام بدر:كلمتهم وقلتهم انها متزوجه وعطوها اجازه اسبوعين
ام طلال:الله يجزالك خير مدري من غيرك وش كنا بنسوي
اليوم تجهزو العايله عشان يطلعون للمزرعه
طلعو ام زياد وابوزياد في سياره
وهنادي واميره مع خالد طبعا زياد ماطلع لانه مره تكون الروحه له ومره لفهد عشان مايتركون شغلهم في الشركه
وفي بيت ابوفهد
اخذ فهد اخته عبير ودانه وغلا لان زوج عمته متوفي وفيصل مسافر بحكم شغله
ابوه وامه وعمته وبنت دانه لين راحو في سياره ثانيه
السواق اخذ الشغالات
زياد مر يشوف وش صار على موضوع فلته وقال له صاحب المحل انها خلاص اجهزت وعطاها المفتاح
قرر زياد يروح الفله ويشوف كيف ترتيبها واخذ معه كذا لبسه يحطها في الفله ولقى الفله كامله من كل شي بس ناقص المطبخ الاكل راح السوق وشرى كل ماجت عينه عليه ومر السوق واخذ له عطر وكم بدله اما الثياب فقرر ياخذها من البيت وبعد ما رتب كل شي في الفله توجه للفندق بياخذ ريم يوديها الفله
دخل زياد الفندق وتوجه للجناح الخاص فيه ودخل لقى ريم نايمه على الكنبه وشكلها تعبانه
قرب منها وقال بخوف:ريم
ريم:.........
حركها زياد لكنها ماتحركت معه صرخ في اذنها:ريييييييييييم
ريم:........
تحسس زياد قلبها وحسه ينبض
الجزء الرابع
جاب عباتها بسرعه وغطاها فيها وشالها بسرعه ووداها المستشفى
الدكتور بعد ماطلع من عند ريم توجه له زياد وباين عليه الخوف:طمني دكتور
الدكتور:ماتخفش مجرد سؤ تغزيه
زياد:اقدر اشوفها
الدكتور:ايوه بس بعد ماتاخز المغزي تقدر تاخزها البيت بس اهتم في اكلها "اعذروني على لهجتي المصريه لاني ماعرف بس انتم مشوها لي"
جلس زياد برى ينتظر
في المزرعه وصلت كل السيارات في نفس الوقت ونزلو منها
خالد وفهد توجهو للسطبل
والبنات توجهو لداخل الفله الكبيره الي موقعها متوسط المزرعه
هنادي هي وعبير في غرفه وغلا وامها في غرفه وكل غرفه معها دورت المياه الخاصه فيها وبسريرين ودولاب كبير وتسريحه كبيره وفيها كنبه فخمه كبيره مع طاوله فخمه مصنوعه من الخشب الفخم واميره في قسم لها بصاله ودورة مياه وغرفة نوم وام زياد وفهد مثلها ودانه بعد لانهم متزوجات اما الشباب في الملحق لكل واحد غرفه خاصه فيه وطبعن الفله تحتوي على كذا غرفه معده للضيوف وكذا جناح مثل جناح اميره بس كلها مسكره
دخلو البنات الفله الي كان الطابق لارضي يحتوي على صاله كبيره للتجمع العايله وصالة طعام فخمه وغرفه ثانيه فيها مدخنت نار ومأثثه بشكل انيق يحسسك بالدفئ وغرفه ثانيه كبيره مأثثه بأثاث فخم معد للضيافه
ومطبخ كبير له باب خارجي وباب داخلي
وفيه غرفه للغسيل وغرفه للخدم وغرفه واسعه ومأثثه بأثث انيق ولها شباك مطل على المسبح
ام فهد وام زياد والعمه تولو مهمة الترتيب مع الشغالات اما هنادي وعبير قررو يطلعون لغرفتهم
واميره اجلست في الغرفه المطله على المسبح تفكر في زياد صح انها دايم تجي من غير زياد بس هالمره غير تدري ان عنده وحده ثانيه كل تفكيرها كيف بيتعامل معها
دانه اخذت بنتها وطلعت غرفتها ترتاح
اما غلا حطت لثام على وجها وطلعت تشوف الشباب
بعد ماخصلت ريم الغذي دخل عليها زياد كانت عيونها ذابله من الحزن
زياد ببتسامه:حمدلله على السلامه
ريم رفعت نظرها في زياد وكان جوابها دمعه تبعتها سيل من الدموع
زياد رحم حالها وجلس جنبها ومسح دموعها بصبعه وقال:ليه الدموع
ريم بحزن:ليه جيت
زياد يحط يدها بين كفوفه وكانت يدها بارده وقال بحنان:قومي معي بنروح البيت
ريم بجد:انت تبي ولد صح
زياد ببتسامه:خلي عنك الكلام الحين وقومي معي
ريم حاولت تقوم بس حست بدوخه مسكها زياد وساعدها تلبس عباتها وطلعو من المستشفى وتوجهو للبيت
ريم طول الطريق وهي تبكي وزياد حس فيها من شهقاتها لكنه فضل السكوت
اول ماوصلو الفله وكانت فخمه نزل زياد وفتح الباب لريم وساعدها على النزول ريم نزلت وشافت الفله وعرفتها وتذكرت كل حياتها فيها وقالت لزياد:ابي اجلس في الحديقه
زياد انصاغ لمرها وجلسها على الكرسي ريم شافت الورود وشافت بينها ورد جوري قامت تبي تقطف منه
الجزء الرابع
زياد:وين
ريم بدون أي تعبير على وجها قالت:بقطف ورد جوري
زياد جلس يطالعها وهي تقطف الورده جوريه ريم اقطفت الورده ونزلت دموعها وضمت الورده على صدرها تذكرت ابوها قبل وفاته بيومين
ابوريم وهويجيها من وراى وهي ماحست فيه وبيده ورده من الجوري:هذي لغلا بنت في قلب ابوها
ريم ضحكها ملا الحديقه:بابا
ضمت ريم ابوها ومسكت في رقبته وقالت بدلع:ليه ماقلتلي انك بتجي استقبلك في المطار
ابوريم يحبها على خدها:حبيت اسوي لكم مفاجئه
ريم انعصر قلبها من هالذكرى وصاحت بصوت عالي:باااااااااااااااااااباااااااااااااا
زياد تروع من صيحتها وقام بسرعه لها
زياد:ريم وش فيك
ريم طاحت في صدره وبكت حرمانها من ابوها وحزنها عليه والسعاده الي فارقتها من يوم تحت التراب حطوه
زياد يمسح على ظهرها:ريم وش صارلك
ريم ابعدت عنه وجلست على الارض ودموعها تعبر عن حزنها
جلس زياد قدامها وقال:يابنت الناس انتي وش فيك
ريم طالعت في زياد وقالت بألم: ليه جبتني هناء تبي تذكرني بكل شي
زياد بدهشه:اذكرك بوش
ريم وجهت نظرها في الحديقه وقالت بحزن:هذي الفله من وين جبتها
زياد بحيره:شريتها
ريم بنفس الحزن:تدري انها وراح صوتها في البكي
زياد زادت حيرته وسكت لما هدت وقال:ممكن اعرف انتي وش فيك
ريم تحاول تتكلم:هذي الفله كانت بيتنا
زياد بصدمه:وشو
ريم اجلست تضربه في صدره وتقول:ليه ليه
مسك زياد ايدينها عنه وقال:ممكن اعرف كل شي
ريم استسلمت له وقالت بألم:هذي الفله كانت ملك لبوي
زياد بستفسار:كيف وابوك فقير
ريم بألم:من قالك
زياد:هذا الي اعرفه
ريم : لا ابوي ماهو فقير
زياد سكت يبيها تكمل
ريم:ابوي كان عنده شركه كبيره وكنا عايشين في نعيم وحياتنا سعاده بس في يوم جانا ابوي وقال انه اعلن افلاسه وانه بيبيع الفله والشركه ولما اسألته امي وش السبب قال ان واحد نصب عليه ودخله معه في صفقه وهميه دفع كل ماعنده وخذ قرض بضمان الشركه والبيت واليوم الي انباعت فيه الشركه دخل ابوي المستشفى
وبعد يومين
راح صوت ريم من البكي وعرف زياد انه بتقوله ان ابوي مات فضمها لصدره وقال بحنان:ادعي له بالرحمه
كان وده يسألها ليش عمها فقير بس قرر يأجل السؤال لوقت ثاني
اخذت ريم فتره في صدر زياد تبكي بعدين قامت
زياد ببتسامه:شوفي خليتي كل ثوبي دموع
ريم ابتسمت ابتسامه باهته وتركته وتوجهت لداخل الفله
زياد احتار من الي سمعه معقوله صدق فقال لوصدق بترف ريم كل شي في الفله
دخل وراها ومالقها قال اكيد طلعت فوق طلع ولقاها تحرك وحده من الكنبات المحطوطه في الصاله الصغيره
زياد بدهشه:انتي وش تسوين
ريم ودموعها على خدها: بوخرها عن هناء
زياد:ليه
ريم وتأشر لمكان ثاني:بحطها هناك احلى
زياد حس بأن قلبها مليان حزن فقال ببتسامه:خذي راحتك
طلع زياد وهو كل تفكيره بريم صح انه مايحبها بس يحس بعطف ناحيتها وقرر زياد انه يعرف كل شي عنها
في المزرعه
فهد وخالد ضحكهم مالي الاسطبل
غلا بدلع:السلام عليكم
خالد وفهد:وعليكم السلام
غلا:وش تسوون
خالد:مثل انتي شايفه
غلا بدلع:اشوفكم تضحكون بس
فهد ببتسامه:وحناء عندنا غير الضحك
ابوزياد:والله انك صادق ماعندكم غير الضحك
فهد ببتسامه:الحين من يفكنا من ابوك ياخالد
خالد بضحك:ابو زياد مايقدر عليه الا ام زياد
ابوزياد ببتسامه:هذي زينت الحريم وشلون ماتقدر علي
***
عبير بقهر:شفتي الحيوانه راحت لهم
هنادي ببرود:وانتي وش حارك خالد وخاطبك وش عليك منها
عبير بقهر:تبين تفهميني انها ماهمتك
هنادي بغرور:من تكون عشان تهمني
عبيرتضربها بالمخده:انتي ماتفهمين هذي تخطط على فهد
هنادي ببرود مصتنع:كيفها
عبير تقوم بتطلع:والله انك تجبين المرض
***
اميره قلبها ماكلها كل تفكيرها زياد وش يسوي
اميره اخذت جوالها ودقت عليه
زياد يرد: هلا باميرتي
اميره بشوق:مشتاقه لك موت
زياد بحب:وانا اكثر ياقلبي
اميره بتردد:وينك عندها
زياد ضحك بصوت عالي وقال:حبيبتي تغار علي من قدي
اميره بقهر:زياد قول وينك فيه
زياد يوقف ضحك وقال:في الشركه
اميره:قول والله
زياد ببتسامه:والله والله اني في الشركه ارتحتي
اميره بفرح:أي
***
طلعت عبير تتمشى برى ولحقتها هنادي
عبير:اشوفك جيتي
هنادي ببتسامه:مقدر على بعدك
عبيرتمسكها مع يدها:تعالي نروح لهم في الاسطبل
هنادي تسحب يدها:انتي مجنونه تبين خالد يذبحني
عبير بقهر:قلبي ماكلني من هالغلا
هنادي ببتسامه:من قدك ياخالد تغار عليك
خالد كان رايح يجيب القهوه شافهم يتمشون ولحقهم
خالد من وراهم:ياعلني فدوه لعيونها
هنادي وعبير صدو ناحيته
هنادي ببتسامه:انت وش جابك هناء
خالد يأشر على قلبه وقال ببتسامه:هذا
عبير انجنت على ابتسامته "احبه والله احبه"
هنادي تدفه بيدها على صدره:روح من هناء قبل لا يجي احد
خالد ببتسامه دوخت عبير:لما اسمع صوتها
هنادي مستانسه على احراج عبير:يالله قولي له روح
عبير تتوعد هنادي في صدرها
خالد بحب:يالله قولي لي أي شي
عبير بصوت واطي:يالله روح
خالد ببتسامه:ااااااااااااه ياقلبي صوتها عذاب لا انا بتزوج
هنادي تدفه:يالله روح وسو الي تبي
راح خالد من عندهم
عبيرتضرب هنادي على كتفها:يالحيوانه ليه تحرجيني
هنادي تضحك:رحمت حال اخوي وهو يبي يسمع صوتك
عبير:لا والله
هنادي ببتسامه:أي والله
***
دانه:الا وين البنات
اميره:مدري عنهم
دانه تجلس جنب اميره:وش فيك ماهي عادتك ماتكوني معهم
اميره نزلت دموعها على خدها
دانه بخوف:اميره وش فيك
قالت لها اميره السالفه كلها
دانه بجد:احمدي ربك ان زياد غرضه من الزواج يجيب عيال
اميره ودموعها على خدها:خايفه يحبها
دانه ببتسامه:لا تخافين عمي زياد يحبك تعرفين وش يحبك
اميره تحس ان كلامها مع دانه حسسها بالراحه وقالت:قومي خل نشوف البنات وين
***
غلا ردت وراحت تشوف التلفزون تتسلى فيه ماتبي تشوف وجه هنادي
ريم رتبت البيت على الشكل الي تبيه وهي عارفه ان ايامها معدوده فيه قررت تاخذ شور بس ماكان عندها ملابس فحتارت وش تسوي تحس انها قرفانه من عمرها دخلت غرفت النوم وفتحت الدولاب لقت كذا لبسه لزياد دورت شي يجي مقاسها مالقت فخذت برموده بيج مع قميص اسود وبعد ماتروشت ولبست ملابس زياد كان طالع عليهامضحك البرموده طالعه بنطلون والقميص واصل لركبه
جلست تضحك على شكلها
**
ابوفهد:انت كيف توافق على كلامهم
ابوزياد:وش تبيني اسوي انا كل همي انه ينزوج
ابوفهد:وش الفايده من زواجه اذا كانت زوجته محد يعرفها قولي كيف بتشوف احفادك
ابوزياد بحيره:والله وانا اخوك اني xxxxx
ابوفهد:دق على زياد يجي مع زوجته خلنا نتعرف عليها وهي تتعرف علينا وتصير وحده منا والا يطلقها احسن
ابوزياد:بس زياد رافض مايبي يزعل زوجته
ابوفهد بعصبيه:وش يزعلها مادامه وافق على الزواج وتزوج مايهم اذا جابها وتعرفت على عايلته والا يبينا مانعرف عيالنا اذا جو
ابوزياد اقتنع:شورك وهداية الله
دخل الليل على الرياض وكان جو المزرعه روعه مع نسيم الهواء البارد طلعن البنات برى ونظمت لهن غلا
هنادي:بنات وش رايكم نلعب
دانه:افكره بس وش نلعب
هنادي:الغميظه
اميره:فكره
اتفقو البنات يلعبونها وعدولعشره وطلعت على هنادي
هنادي عدت لعشره بعدين افتحت عيونها وقامت تدور عليهم
هنادي امسكت عبير وغلا ودانه وبقى اميره
عبير:ول عليك بسرعه لقيتينا
هنادي ببتسامه:قولي ماشاءالله لا تصكيني عين
دانه بضحك:الا صكيها عين عشان ماتلقى اميره
دانه:انا بروح اشرب مويه عطشانه
غلا:خوذيني معك بعد انا عطشانه
هنادي تحرك عيونها:اااااااام من وين ابدى
عبير خطر على بالها فكره قالت:تبيني اقولك
هنادي ببتسامه:تكفين
عبير تضحك:خلاص بساعدك
هنادي بفرح:يالله وينها
عبيربمكر:في غرفت فهد عشانها عارفه انك ماراح تدورين فيها
هنادي بعدم تصديق:نصابه
عبيرتحاول تكون جديه:انتي روحي اذا ماكانت فيه سوي فيني الي تبين وبعدين انتي وش خسرانه
هنادي بنردد:اخاف فهد فيها
عبير بضحكه مصتنعه:وين فيها فهد راح للمحطه يجيب اغراض
هنادي اقتنعت وتوجهت لغرفت فهد افتحت الباب بشويش ودخلت لقت الغرفه مافيها اناره صكت الباب بشويش
وفتحت الاناره شافت اميره متغطيه بالغطاء في السرير اقربت منها وجلست على السرير وكتمتها بالغطاء
هنادي بضحك:مسكتك
فهد انصدم يوم سمع صوتها وحاول يرفع الغطاء بس هنادي مثبته عليه
هنادي:هههههههههههههه على بالك ماراح ادورك هناء
فهد طلع يدينه ومسك بها يدينها هنادي انصدمت من الايدين الي مسكت يدينها جلس فهد وطاح الغطاء عن وجهه
هنادي وفيها الصيحه:فكني
فهد ابتسم على شكلها وقال:وش دخلك غرفتي
هنادي وهي ميته خوف:ادور اميره
فك فهد يدينها وقال بعصبيه مصتنعه:ثاني مره دوري غير هاللعبه
طلعت هنادي بسرعه من الغرفه ودموعها على خدها من الموقف ومن رد فهد عليها
دخلت للفله على طول ماتبي احد يشوفها كذا
عبير حست ان هنادي تأخرت فخافت عليها وراحت لغرفت فهد
دخلت ولقت فهد منسدح على السرير ويلعب بشعره
عبير:وين هنادي
فهد يحاول يكون جدي:مدري عنها جتني هناء على بالها بحبها بهالحركات
عبير بقهر:حرام عليك انا لعبت عليها بس كنت اتوقع انك مقفل غرفتك كالعاده فحبيتها تزعجك بالطق
فهد بعصبيه مصتنعه:اقول لا تجلسين تبررين لها هذي وحده ماتربت
عبير نزلت دموعها وطلعت من عنده وتوجهت لغرفتهم لان اكيد هنادي هناك
فهد ضحك بصوت عالي يحس بسعاده في تجريحها
**
دق ابو زياد على زياد وكان زياد في طريقه للبيت بعد مامر الفندق واخذ اغراض ريم منه
زياد يرد:هلا بالغالي
ابوزياد:هلافيك انت وينك
زياد:في طريقي للبيت
ابوزياد بأمر:اجل اخذ زوجتك وتعالو للمزرعه
زياد بصدمه:وشو
ابوزياد:من قال وشو سمع
زياد بقهر:أي بس
ابوزياد يقطع كلامه:اقول لاتكثر كلامك بعد ساعه تكون عندي فاهم ترى بننتظرك بالعشاء
سكر ابوزياد من غير مايعطي زياد فرصه
زياد انقهر من هالوضع يعني مايكفي اميره انه تزوج عليها بعد ياخذها لها
دخل زياد البيت وشاف ان ريم مغيره فيه
طلع للغرفه شاف ريم تطالع شكلها في المرايه وتضحك ولاحظ انها لابسه من ملابسه
زياد بعصبيه :من سمح لك تلبسين من ملابسي
ريم صدت ناحيته من الروعه وشافت الشر في عيونه ففضلت السكوت
زياد وهو حط الملابس عذر عشان يضربها قرب منها ومسكها مع شعرها بشده وقال بعصبيه:انتي من سمح لك تمدين يدك على اغراضي
ريم تتألم:أي تعورني
زياد شالها بشعرها لفوق وريم من شدت الالم اصرخت بصوت عالي:اااااااااااه فكني
زياد عطاها كف بأقوى ماعنده ثم رماها على الارض
ريم طاحت على الارض وشعرها تحسه كله طاح من قو شدته
زياد وهو طالع:معك عشر دقايق تكونين جاهزه بنروح للمرزعه فاهمه وطلع
تكورت ريم على نفسها وجلست تبكي من الالم
زياد نزل تحت وهو فيه حره وده يرجع لها مره ثانيه ويكسر راسها لان كل الي هو فيه بسببها
مرت العشر دقايق وريم مانزلت طلع لها ولقاها متكوره على نفسها تبكي
زياد بصوت عالي ممزوج بعصبيه:قلتلك اخلصي
قامت ريم بسرعه من الروعه
ريم بخوف:ماعندي شي
زياد بقرف:دقيقه وجيب اغراضك
نزل زياد وجاب شنطتها ورماها على الارض وطلع
اخذت ريم شنطتها ودمعها على خدها واحتارت وش تلبس ماتدري المزرعه هذي فيها ناس او لا فقررت تلبس فستان اسود قصير مع شريطه في الوسط حمراء وكان روعه على جسمها ولبست مع حذاء اسود بكعب شوي عالي وقررت تحط ميك اب يخفي اثر الكف وفكان شكلها روعه خصوصا مع الشدو الاسود عطاها شكل فخم بس احمرار عيونها كان واضح وحطت روج احمر جريئ شعرها حاولت تمشطه فصرخت من الالم فقررت انها تجعده فجعته بالرغوه ومسكته على جنب بورده حمراء وحطت عطر من نكتار وطالعت شكلها بنظره اخيره ولما شافت شكلها نزلت دموعها لانها ماتدري هي ليه تخاف منه ليه ماتقول لا لكنها خافت يرد يضربها مره ثانيه فخذت عباتها ونزلت
زياد شافها نازله من غير شنطتها قال بنرفزه:جيبي اغراضك بنطول هناك
ردت ريم واخذت شنطتها اما زياد مااخذ شي لان له ملابس هناك
ركبو في السياره وكان الصمت سيد الموقف