ام زهراء
9
انت
اي اني...... لازم منتظره احد غالي عليج
ضليت اتلفت واجمع بالحطب مالتي
ومرتبكه حيل
وخايفه
يجي احد ويشوفني احجي وياه
لا مامنتظره احد
بس
بس شنوو
بس تعبت من الحر
بس انتي كل اسبوع هجي وكت تنتظرين هنا
لا بس انه اجمع الحطب
والماي يوميه
هاي حياتنه من سنين ... وهنا مكاني
لامانتضره احد
لا
وخليت ورحت عنه
ومااحس الا لزم ايدي
التفتت علي
ويش تسوي
لايشوفك احد من هالعرب .....ويفكر بينه سالفه
بس انا عندي وياج سالفه
اترك ايدي
وسحبتها حيل منه
بس انا عندي الج سالفه
ويش هالسالفه
انا معجب بيج حيل
ويش يعني
يعني احبج وانتظرج هم من اجي واعرف انج تنتظرين شوكت اجي وتشوفيني
باوعت عليه
بس انا
انتي نفس حالتي
اعرف بيك لاتنكرين.... انا اجي من دوامي واشوفج هنا وانتظر شوكت انزل للگريه
واشوفج
باوعت بيه ودنگت
انت وين دوامك
انا ادرس بالعاصمه
عاصمه؟ ؟؟؟
اي بالمدينه
صدك يعني انت تدرس ويه ابن ضافر
ههههه
انا ابن ضافر
لا تضحك علئ عقلي
لا يشهد الله انا ابن ضافر
مرت الاشهر والايام وانا وابوج
زاد العشك مالنه
وصرنه نلتقي هناك كثير
وعشگنه كبر ويانه
وانتظرته علما خلص الجامعه مالته... ولمن حجه وي اهله بموضوعي محد عارض
وعلئ طول تقدمولي
وتزوجنه....... وعشت وي جدتج جميله
وضافر
وابوج ماقصر وياي
وعشت وياهم اميره
ومحد ضايقني بحجايه ..... وشفت الحب الي يشيله جدج لجدتج جميله
بس شفت بيها
الحسره والالم
لحد هالوكت
والله يعلم هالحسره شنهي وراها
******
انفتح الباب... دخل حيدر
وطبك الباب كل قوووته
فزيت اني وامي
شكوو
دخلوو عمي وابوي وعلي
بابا كال
لا حول ولا قوة الا بإلله
شكوو بابا
اكعل اكعد ابو حسين
لا يخوي
تاخرت عالبنات وحدهن بالبيت واخاف عليهن تعرف امهم مريضه
محتاج شئ
لا تسلم
طلع عمي
واجه بابا كعل يمنه
اخذ حسره
شكوو بابا احجو گطعتو گلوبنه شكوو
رحنه للولد
ماقصر بالبدايه رحب بينه... وتفاجئ بزيارتنه المفاجئه اله
ولمن سال عن سبب الزياره
طلبنه ايد علياء منه
وهنا عرف ان حيدر هو صاحب الرساله
وگام اله قصي
وكاله
واله لو ما كنت دايس بساطي هسه جان علمتك هسه
وراد يضربه
بس كاله
امنتكم علئ اختي وادزها وياكم
كنت اعتبركم اهلها واكثر
وتحافضون عليها
كاله حيدر
بس انا ردته بالحلال واجيت اخطب هسه
لو سويت هجي بأختك تقبل و..تتقبل هالفكره والحب
دنك حيدر
ماكدر يجاوب بهذا الوكت
بس انا انكسر ضهري بحجايته لان طبعا مارضئ بنتي هجي تسوي
ولا ارضئ يصير وياها الي بينك انت وعلياء
امي...وشصار هسه
البنت عقدوها علئ ابن عمها اليوم العصر
وهاليومين يزفوها عليه
بابا شتحجي
علياء شلون تتزوج ابن عمها هي تكرهه وتموت منه
هذا اخووها حقير
ماعنده مشاعر
ولا گلب
رحت اركض للتلفون الارضي
دكيت الرقم
ضل يرن
طلع اليه صوت قصي
اريد علياء....انتي بالاخص مااريد اسمعج تحجين ويه علياء واذا خابرتي بعد هنا اشتكي عليكم
محد خرب اختي غيرج
انت المعقد
اصلا اختك تكرهك وتكول عنك ضالم وماترحمك
وتشبهك بجدك
شتحجين انتي
اي يا معقد الله لايوفقك وماتشوف المحبه بعينك
ضل ساكت
اجاني ابوي
سحب مني السماعه
ويامن تحجين وتصرخين
الووو الوووووو
عوفه هذا المعقد الله لايوفقه ولا يريح كلبه
طول عمره
شلون تتصلين عالناس وتجاوزين هجي
انتي تخبلتي
بابا علياء .... تمنيت تجي وياي هنا للبيت
ولا انحرم منها
انا ماعندي اخت هي اخيتي
وهي روحي من هالدنيا
ضليت ابجي
كل قووتي
وبابا شابكني
رحت علئ حيدر.... كاعد بغرفته هو وعلي
ساكت
حيدر
مايحجي ولا يتباوعلي
حيدر
رفع راسه
ورجع دنك
حيدر مااعرف شكول الك....بس اني حزنت اكثر منك والحزن الي بكلبي
ماتعبره الدموع
ولا صراخ
واني انجرجت اكثر منك
انت خسرت حب كم سنه اثنين
او خمسه
انا حب من الاول الابتدائي
لحد يومي هذا بالجامعه
بس،شسوووي
لوبيدي اروح اتوسل قصي وابوس ايده
بس ابن عمها. هذا بعد مايهدها لو تصير دم
هو ماصدك حصل عليها
رفع راسه
شنوو
اي ابن عمها كان رايدها من زمان
وخطبها هواي
بس محد انطاه
وهي عارضت هددتهم تحرك نفسها لو قبلو بيه
وليش ماكالت اليه هاي المجنونه
راحت من ايدي
ماتعرف تمزق الرساله
او تحرگها
ضمتها المن
هي السبب
وضل يضرب عالارض بقووته
لو ما الرساله جان هسه ماصار هالشئ
بس انت هم غلطت
ليش تكتب رسائل وهي يمك كل يوم
وتحجون كل وقت
ماشبعتوو من بعض
هاي الرسائل المن
شنو الغايه منها
كافي كااافي حنين ....اطلعي برره كافي
كام يفتر بالغرفه
ويكسر كلشي كدامه
ماخله شئ بالغرفه
اجو امي وابوي.... وحاولوو يهدون بيه ماكدروو
فقد السيطره بكلشي
حيدر كافي
ضل بابا يصرخ عليه
حيدر كافي شجاك
وحيدر ثاني يصرخ ويغلط
لحد ما بابا ضربه راشدي كل قوووته
بويه ساعدني
ابووس ايدك
ونزل علئ بابا للكاع
بووويه طول عمرك ويانه وصديق النه بس ساعدني اريد علياء ...ارجووك ساعدني
لاتخليها تروح من ايدي
جيب شيوخ ساده اي شئ
بابا شبيك البنت عقدت بعد
صارت مزوجه ماتسمع اخوها شيكول انت ...لبنيه عقدت علئ ابن عمها
انساها وادعي ربك يشيلها من عقلك
وربي يعوضك احس منها
هذا الي كدرت عليه
تدعيلي انساها
شلون انساها
شسويلك يعني خطبه ورجت اخطبها
وطردنه الولد زين منه وماكتلك بمكانك..... يمكن سكت علمود عشرت السنين الي بينه والملح والزاد
حنين يحنينه
اجيتج بيبي اجيتج
رحت يمها تعالي كعديني ولج
كعدتها وخليت وراها مقعد
شصار برفيجتج
مو كتلج بيبي سوالف العشك ماتنسيها مساع نسيتي عيالج
شنهي
ماكو شئ
ماانطوها بيبي
علي صوتج
راح اجيب سماعه منا وجاي بعد....... موتيني
عليمن موتج
هاي وحد سمعتيها
احجي
تقربت يم اذانها
بيبي تزوجت صاحبتي
ليش
ماانطوها لحيدر اخذت ابن عمها
هنا
اجتني الهضمه والعبره
ومااحس بنفسي
الا واني ابجي بخنكه
بيبي محترك كلبي عليها واحس اني الي مكانها مو هي
اه الله يكون بعونها جربت هالشعور
بس كدرت اتقبله
وصديجتج راح تعيشه نفسج وتتحمل نفس ماتحملته انا
وخصوص اذا كان يحبها راح تحبه
نفس حالتي انا
ونفس الي عشته
وهاي انا گدامج تحملته بحلوه ومره وشفت احفاذ احفاذي
الله يحفضكموهم تعيش قصتها لحفيذتها الحلوه مثلج
بيبي
علياء اخيتي الي ماجابته امي
خايفه مااشوفها بعد
وكاد انه يطلع رجلها ابن حلال
ويجيبها لباب دارج
شلون تجي وهي كلبها متولع بالدار الله يهداج ياجميله
لزمتني من اذني
والله انتي موش عاگله (عاقله)
بهاليوم نمت الفجر
وحيدر يمكن مانام لحد الصبح
رحنه للكليه اني وعلي وبس ومضيعين اثنين منه
وبس الحزن بوجهنا
ماكدرنه ناكل ولا نشاقئ ولا نضحك
هم شفت خوله ونفس كعدتها ونفس حزنها ونفس الولد يجي ويروح
كعدت اقرا بالكتاب اجاني طالب ويانه بالقاعه
شخيركم امس ماكو ولا صديقتج ولا حيدر وعلي
عدنه ضرف ومااجينه
سلامات
الله يسلمك
وذاك طاهر كاعد وي ولد. صديقه. ويانه بالقاعه
وبس يخونزر بيه
ومن اباوع اله يدنك ويسوي نفسي مامنتبه
دخل الاستاذ وطلع
وبقينه ساعه ونص محاضره
طلع الاستاذ
خووله صاحتلي
حنين
درت وجهي عليها
نعم
حنين وين علياء
شعجب حجيتي وياي.....
لا بس انااعرف ماكو داعي تكملين اخوج مانعج
اخووي منوو
هذا الي يجيج
قصدج طاهر
ايي
ليش يمنعج منه احنه بالاخص مااعتقد سوينه اله شئ
ليش هجي ينغث من تحجين وياي
ارتبكت كلش
ها اخوووي
اي شبيج
هذا شكد معقد نفس اخو علياء
دمر حياتها الله يدمر حياته
ليش
سالفه طويله بس مختصرها ...انه زوجها لابن عمها غصب الله لاينطيه
منو غصبها .... تحجي بهضمه مو كتلج اخوها
وهي شلونها هسه
مااعرف. عنها شئ
ياريت لو. اعرف شحالها هسه
ضلت تباوع ومحتاره....واخذت حسره الله يساعدها
خطيه
دخل طاهر للقاعه
تعالي خووله
ليش
كتلج تعالي ....كومي
كامت من استيجها وراحت يمه
وضلت يحجي كلام مااسمعه
بس احس بعيونه غضب مااعرف ليش اكيد لان شافني احجي وياها
وهي سكته ....وبس تباوع للي بالقاعه وخجلانه
ماتحملت الموقف
فزيت من مكاني
رحت يمه
انت شبيك
التفت عليه وسكته...وياشر عليه بأصبعه انا
اي انت شبيك وياها
ليش هجي تتعامل وياها
ليش انت ماتعرف شلون تتعامل
انت شلون وصلت مرحله رابعه وتدرس وانت لا عقل ولا مشاعر
تروح مخوف البنت
وتجي مخوفها
تجي تسالها محتاجه شئ وانت عينك غضب وحقد
ارحم بحال لبنيه فاقده امها
وشوف حالها
ارحم شوويه
حته الله يرحم بحالك ياجاهل
عليمن تدرس وتتعب وتكشخ وهالطول كلاذا ماكوو فهم وعقل ولا رحمه
ولا گلب
هو سكته ...بس صافن بوجهي
هنا اني اول مره
اتقرب وانتبه علئ وجهه
او اول مره اشوف ملامح وجها
نفس عيون خوله هم سود ورموش طويله
وحاجب ثخين اسود
وعود سود
عبالك مكحله
ضليت مااعرف شحجي
وهو بس صافن ضل
اني سكتت
وردت انطلع
كلت
كون دعم الك انت وقصي
لا كوون طياره مو سياره توكع فوك روسكم وتفجركم
القاعه كلها صافنه عليه
وخووله مانطقت حررف
وخليت وطلعت من القاعه
لحكايتي بقيه