ام زهراء
26
امي....شتحجين انتي
تفكرين بشنوو.... وبقصي...ليش....شنو ماكو غيره
يمه متاكده يحبني
وراح يسعدني
حته حيدر يعرف ....ان قصي ميت بحب بنيه بس ما يعرف اني هي
يمكن يعوضني حب طاهر
وانساه
واصلح غلطتي وي خوله ...وخليها تعيش حياتها
حنين
يمه فدوه خليني افكر.... واحسبها عدل
وربي يهدي علئ الصالح انشاءالله
كامت امي.....&انا متاكده انتي تجلطيني
وقريبا كلش
مرت اسبوع....وانا حياتي
نفس كل يوم
شغل ونوم
اكلي قليل جدا
حته كعدتي وي اهلي مو نفس قبل
اجه حيدر وراح
وماعرف الي صار وياي
ولمن سال عن سبب حالتي
فلاونزا
اجتنه ام قصي.... واخذت رأي اخواني وابوي
ومااعترضو ابد
وكالو قصي خوش ولد
وماكو منه
وكل صفات الزينه بيه
وخلو القرار بيدي.... وانا قبلت... وطاهر ماشفته ابد
ولا عرفت الي صار وياه
يومي طبيعي... وليلي انام بفراشي وابجي شوق علئ فراكه
واشبع بجي
واغفه علئ دموعي الي تترس المخده
امي. ...گامت تقفل باب الحوش
وتضم المفتاح
تخاف اسوي شئ او اطلع نفس ذيج الليله
كل يوم يمر عليه
سنه
بس قهر ....والم ....وأختمه بدمع
مرت اسبوعين
اجتنه ام قصي....واخته...... واتفقوو الباقي علئ الزلم
ندئ ..... حنين ماتصورين السعاده
الي بيها قصي
اول مره اشوفه
هجي مبتسم
وفرحان..... اخووي بقبولج بيه ....صار شخص ثاني
انتي سعادته حنين
ربي يفرحكم ويسعدكم
الله كريم.....وابتسمت
ودعنه وراحن
أنت تقرأ
بين الامس واليوم
ChickLitمنقوله للكاتبه ام زهراء .بيها كميه كبيره من الالم والانين وبنفس الوقت مراره الحب.... وراح اعبر بيها عن حياة هواي بمجتمعنه
