اني غمضت اعيوني خله اشفايفه يم اذاني ايبوس بيه واني ما اسمع بس انفاسه اتذكرته ذاك
اليوم ونفس الانفاس انعصر كلبي ونهاليت عليه ضرب ماعرف وين اضربه وخر عني يلنذل
واني اصرخ
خليل😡دمي ضل ايفور من سوت هيج كضيتهه من ايدهه ولويتهه ورا ضهرهه ايدج هاي
اكسرهه اذا مديتيهه حسابي وياج بعدين وعافني وطلع
حلا ردت ابجي بس كضيت ادموعي بالكوه خوفا ع المكياج وطلعت نزلت الدرج وطبيت لصاله
وطبعا امزينيهه كوشه وكذا
الكل 😮😮
وعمتي شويه وتنصعق اما ام سحر ابدها تاكلني بسنونهه واسمع النسوان تتهامس
شي تكول منو هاي الحلو وشي تكول نيالا خليل عليهه وشي تكول ماينطوهه اهلهه
واني گلبي يركع طبعا محد شايفني شفت هبوشه حبيبتي وصديقتي
حلا هلو هبه
هبه هلو بيج من اااا حلا 😳 لج شنو هجمال ماتوقعتج انتي حلوه هلكد
حلا لج مو بعينج
هبه لايكون انتي زوجت خليل الي اخذهه ومحد يعرف عنه شي
حلا. اي والله اني هيه
هبه. اوف يالله تعالي خلي اعرفج ع العائله الكريمه همزين صرتي من عدنه😘😘
عرفتني ع اهلاها وبنات عمامها شي الي تقبلني وشي الكرهني بس تدرون اكثر شي كرهوني😂اكيد مضغوطين مني
شوي ودخل خليل وكاض المعزه 🐐 مالته اقصد سحر مالته واول ما دخل اجت عينه بعيني
وطاني خزره صدك خفت اول مره اشوف هاي النضره المخيفه بس سويت نفسي قويه وما هتميت
كعدو شوي واشوفه ماطايقها ونوب شوي وكام
رادت امه اترجعه طبك ع اسنونه وانطاها خزره اشوف حتى اما خافت منه 👹 شوي واجتي
اخت العروسه كالتلي من رخصتج سحر ماتحب اتشوفج اهنا ممكن تتفضلين اطلعين
حلا تدللين حبيبتي من اعيوني صحت الهبه هبوش والبنات جانن ايركصن وهوسه حبي حطينه
اغنيه زينو زينو (اغنيه ايرانيه ) وجريت هبه ولينا وركصنه الدبكه الكرديه جانت روعه وكدرت
احرك كلب المعزه سحر وهلها وضحكنه وتونسنه كلش طبعا هواي مضغوطات مني اولهم
عمتي 😂وسحر وامها وديما وبنات عمه الي يتعاركن عليه وطبعا كلها متعجبه شلون انه اركص ابعرس زوج وفرحانه😂
وبعدين صبو عشه وتعشو وزفوهم والله يهني سعد بسعيده لينا كلتلي تعالي نامي يمي اليوم
كلتلهه خوش بس اروح اغير ملابسي واجي
رحت للشقه جان باب غرفتهم مسدود رحت امشي ع كيف اريد اسمع شي وشفت باب الشقه
انفتح اف ارتاح كلبي حسبالي هو 😝رائستن رجعت بگ ع غرفتي طلع خليل اسمع الخدامه
الخدامه. بابا هذا العشه
خليل. فوتي حطي جوه
حلا. باوعت من فتحت الباب شوي شفته دخل لحمام رحت ع المغسلا غسلت وجهي عن المكياج
ورحت ع غرفتي احضر ملابسي اتاني لستاذ يطلع شفته من فتحت الباب طلع ورحت كبل
للحمام علكت ملابسي وشلت ملابسه خليتهم بسله ودا اسد الباب والباب اندفع شفت خليل الي
دفع الباب
خليل. وكال وين دشداشتي
حلا اشرتله ع السله
خليل. جيبيهه
حلا طلعتهه ونطيتهه اله وطلع النقال من جيبها وراح
حلا. سبحت وكملت لبست اتراك مال نوم بسيط لونه ماروني طلعت ورحت يم لينا
خليل تعشينا وكملنه وكلت السحر اني تعبان اشوي اريد انام
سحر خليلي شنو تعبان المفروض انته ما تتعب هذا احلى يوم ابحياتي
خليل. انتي جاي تكولين ابحياتج يعني انتي ماتعبين كيفج بس اني تعبان اريد انام شوي
سحر ع راحتك حبيبي
طبعا ضلت اتحوس وتحوس ع راسي واني ما طايقهه كلش لفيت راسي ولا كئنما اكو احد
وما حس اله هاي لزكت ابضهري وشبكتني علستهه نمنا وصار الصبح كعدت ع صوت النقال
باوعت الساعه ب٩ كمت اريد اكعد كضتني من ايدي
سحر خليل حبي وين رايح
خليل نازل جوه
سحر. خليل مايصير هيج يعني شلون نازل يعني شراح اتكول لهلك انته مو زوجي
خليل كلت ابنفسي خليل هاذي ماراح تفكك الحد ما....... كلتلهه جهزي نفسج راح الحمام
وراجع تطلعت واني اتئفئف ابيش بلشتوني ياربي كله منك يا مهيند الزفت سمعت حركه
بالمطبخ اجيت اباوع شفت حلا دا تتريك بيدهه كوب حليب وقطعت كيك باوعت عليهه
حلا. صباح الخير يا عريس😂هههه
خليل باوعتلهه ابنص عين ضربت ع الطاوله بئيدي لج بلا قلة ادب ولا اشوفج شي عمرج
مشفتي
حلا يحجي وهو ظاغط ع اسنونه خفت منه بله اني هسه شحجاني وعافني وراح دخل الغرفته
شوي واسمع هاي المعزه تصرخ كبر 💦تفو المهم مرت الايام وهو يوم عندي ويوم عند المعزه
بس اني ما انام يمه هو ينام بالكاع واني ع الجربايه وهاي سحر ما فاكتني من مشاكلهه هاي
من غير عمتي وديما طبعا اني ممنوع انزل جوه وهمزين مااطيق اشوفهم ويزوني حبيبي كلش
مشتاقتله خل اخابر ع امي اتجيبه الي ايضل يمي كم يوم
حلا الوو
شيماء. هلا يما شلونج
حلا بخير ماما الحمد الله انتو شلونكم بابا شلونه وعمتي وغلا جابت لو لاء
شيماء. كلحنه بخير الحمد الله وغلاوي جابت ابنيه مثل الكمر واسمه شمس
حلا اي الحمد الله ماما اني كلش مخنوكه ومشتاقه ليزن ماما خلي يجيني شكم يوم عندي
شيماء. اسم الله عليج حبيبتي راح اكل الابوج واذا قبل ايجيبه الج هو
حلا. اوك ماما بيباي
شيماء الله وياج بنيتي
شوي واشوف المعزه وراي ويها ديما تكلهه شوفي هاي المعيديه بت الفگر
ديما. ههههه لج هيه هاي شتعرف تلبس الله ينطي اخوي كشخها ذيج المره هيه كلش كلش
تعرف الدشداشه بس ويضحكن علي طبعا اني انكسر كلبي بس ما بينت التفتت عليهن
حلا. اني مو من عادتي ارد عليجن
سحر وانتي شتعرفين تحجين مادري خليلي اشلكه بيج من ما اباوعلج وع
حلا ههههه انتي جبتيهه النفسج راح اراويج حلا منو وهاذ خليل مالج ماتزوجج الى علمود
يكدر ياخذني يعني اهله ضغطو عليه وحلا المستهزئات بيها هذي احله منج ومنها ونشوف
وتركتهن مشتعلات بناري رحت كولت الينا
حلا لينا اني محتاجه شوي شغلات من السوك ترحين وياي
لينا اي عادي حبي اخذي الاذن من خليل ونروح
حلا طبعا اني فلوسي مال مهري الحد الان مصارفتهن كلتلهه اوك بس اشلون راح انصل ابهذا
اتصلت الوو
خليل الوو منو
حلا. كلت ابنفسي هذا حتى رقمي ما حافضهه اني حلا
خليل. شنو تردين
حلا اريد اروح لسوك محتاجه شوي شغلات اني ولينا
خليل اوك شوفي صليل خل ياخذكم واذا ماهو صليل انتضروني اني ارجع بعد ساعتين
حلا صار سديت التلفون رحت ادور ع صليل اجيت اسئل الخدامه بابا صليل موجود
الخدامه. اي ماما
واسمع صوت من وراي
صليل. ها بابا شتردين
حلا. ههههه بابا ممكن تاخذنه اسوك اني ولينا
صليل افا عليج بابا اول مره تطلبين مني واكلج لا
حلا شكرا
صليل بس شوفي اربع دقايق الخامسه انتن بسياره
حلا اوك تدلل
ورحت اركض لينا لبسي ابسرعه صليل ايكول اربع دقايق بس
رحنه لسوك وشترينه كولشي احذيه وجنط وبدلات وتراكات ومكياج وملابس داخليه وملابس نوم
واكسسوارت وعطور وفساتين مخليت شي مشتريته واشتريت العاب وملابس اليزن وصليل
يدعي عليه هو خطيه بس عليه
ايشيل ويودي لساره وشتريت اهواي اشياء الينه اشتريت ساعه الصليل طبعا ما قبل ياخذهه
بالكوه انوب رحنه لصالون ماقبل ياخذنه بالكوه لان كولش تعب خطيه
سويت تنضيف وترطيب البشرتي وصيغت شعري عسلي ابلون اعيوني ورجعنه للبيت اساعه
ب٧شفت هبه عدنه ويزن ابئيدهه ركضت عليهه وشبكته ابوس بي خطفه من عندي صليل
ولينا تتعارك ويا تريدت خبصونه خبص وابلكوه انطا الينا صعدته واني شايله قسم من
الاغراض وهبه شايله قسم وثنين من الخدم شايلات قسم دخلنه جانت ديما وسحر كاعدات
باصاله ايباوعن ابطرف اعيونهن دخلنه الغرفتي واحنه انكلب بالغراض ونسولف شويه ونزلن
لينا وهبه باوعت لصاله المعزه ما موجوده خليت يزن وخليت الالعاب يمه يلعب ورتبت كل الغراض
ودخلت سبحت ولبست بنطرون امشكك يم الركبه لازك ع جسمي لونه اسود وبدي كيموني دلع
اشوي لونه اسود بي اكتابه لونهه ابيض ولبست نعال عالي ابو الاصبع ابيض وشسورت
شعري وتعطرت ولبست اكسسوارات ومكيجت مكياج هادئ وضليت العب وي يزن حبيبي لابس
لبسته مثلي برموده سوده وبدي اسود هماتين بي ابيض وحذاء ابيض وصورت ويا كومه سيلڤي
طبعا اليوم خليل يمهه شوي وسمعت صوته ايصيح ع الخدامه
خليل اينجي اينجي بصوت عالي
الخدامه نعم بابا
خليل اخذي هذن الغراض للمطبخ
طبعا سحر سمعت صوته واجت ركض لابسه بدله فوك الركبه وردي ومكيجه
اني. اخذت يزن من ايده وطلعت كتله ماما جوعان تعال اسويلك اكل
يزن لا مامي اليد ماء
حلا. حبيب روحي اسويلك اكل وانطيك ماء
خليل يا حي الله من جانه ورحت عليه وشلته
يزن.
صوتو حبايبي وانطوني رايكم