ONE SIDED LOVE
(Naive Series: Book 2)
(COMPLETED)
Started: JANUARY 13, 2018
Ended: JULY 29, 2018
*****
NICOLE's POV:
Nagising ang diwa ko nang makarinig ako ng malakas ng pagkatok sa aking pintuan, mumukat-mukat kong iminulat ang aking mga mata bago binalingan ang alarm clock sa side table.
Nakita ko na alas siyete y medya na ng umaga, kaya napabalikwas ako sa aking pagkakahiga, "Shocks! Late na ako!" sambit ko sa hangin at nagmamadaling bumangon sa aking kama.
Mabilis akong lumabas ng aking silid para tumungo sa banyo para makaligo. Pagkababa ko ng hagdanan ay agad bumungad sa akin ang aking Ina na si Mama Janet,
"Anak kanina pa kita kinakatok sa kwarto mo, napasarap ata ang tulog mo." anito habang naghahanda ng aming umagahan.
"Hindi ko po narinig 'yung alarm clock Mama. Late na po ako." nagmamadaling kong saad rito bago tuluyang pumasok sa banyo.
Matapos makaligo, ay mabilis akong nag-ayos ng aking sarili para sa aking paghahanda sa pagpasok ko sa eskwelahan. Nagmamadaling kong inayos ang mga gamit ko sa study table, para isilid ang iba rito sa aking bag.
"Anak bilisan mo, malalate na ako sa trabaho!" rinig kong sigaw ni Mama Janet sa ibabang bahagi ng aming tahanan.
"Susunod na po ako Mama!" balik sigaw ko naman dito, dahil hinahatid ako ni Mama Janet sa eskwelahan, kasama ang aking mga nakababatang kapatid na sina Nicolo at Nicolai.
Nang akmang hahablutin ko na ang aking libro sa chemistry, ay mabilis kong natabig ang isang picture frame roon. Nagmamadali kong inayos ito at napangiti sa larawang aking nakita.
Kuha ito ng isang lalaking palihim kong kinuhanan gamit ang aking telepono, pina-imprenta ko ito sa kapirasong karton para maging isang larawan bago ko inilagay sa picture frame na aking hawak.
Hinaplos ko ang bubog na tumatabing sa litrato ng lalaking lihim kong minamahal, na animo'y parang hinahaplos ko na rin ang maamong mukha nito sa personal, "Good Morning, Habibi." nakangiti kong saad dito bago hinalikan ang litrato ng binata.
Matagal na akong may lihim na pagtingin dito, ngunit ni minsan ay hindi ako nangahas na sabihin ito sa kanya. Alam ko kasing mahal ni Josh ang bestfriend kong si Raine, kaya hindi ko pu-pwedeng sabihin na lang basta-basta sa kanya ang nararamdaman ko.
Hindi ko man maamin, ngunit minsan ay may kirot sa puso ko sa tuwing makikita ko na magkasama sina Josh at Raine. Nakikita ko kung gaano siya kasaya sa piling ang aking matalik na kaibigan, samantalang ako naman ay palihim na nasasaktan sa tuwing makikita kong masaya siya sa piling ng iba.
Tama kayo ng narinig... si Josh Malcolm Dela Vega, ang lalaking matagal ko nang minamahal ng palihim. Walang sino man ang nakakaalam sa lihim kong ito, ultimo ang aking matalik na kaibigan na si Raine ay walang kaalam-alam sa aking nararamdaman para kay Josh.
Pero mas nananaig sa akin ang pagmamahal ko sa aking mga kaibigan. Kung saan masaya si Josh ay all out na lang ang suporta ko sa kanya. Siguro nga hanggang lihim na lang ang nararamdaman ko para sa mokong na 'yon at mananatiling lihim na lang ito habang buhay.
Napabalik na lang ako sa realidad nang biglang bumungad sa aking silid ang nakababata kong kapatid na si Nicolai, "Ate Nicnic, tinatawag ka na po ni Mama."
"Ahh... Sige susunod na ako, Nicky." sagot ko na lang rito bago inilagay ang picture frame sa study table.
*****
Makalipas ang kalahating oras ay mabilis kaming nakarating ni Mama sa Fort Trinity High School, "Bye Ma, love you." pamamaalam ko rito bago bumaba sa sasakyan.
"Bye anak, uwi ka agad after school okay?" nakangiting wika nito sa akin bago ko isinara ang pintuan ng kotse.
Naglalakad na ako ngayon sa hallway ng FTHS, nakapasok ako sa prestihiyosong eskwelahan na ito, dahil sa aking Ama na isang inhinyerong nakabase sa Dubai. Sapat lang ang pamumuhay ng aking pamilya, hindi kami mayaman ngunit hindi rin naman salat sa buhay. Tamang steady lang ganern.
Nasa ganoong pag-iisip ako nang biglang may tumawag sa aking pangalan, "Nicnic!" rinig kong sigaw nito, kaya bumilis ang tibok ng puso ko.
Kahit hindi ko ito lingunin ay alam na alam ng puso ko, kung sino ang nagmamay-ari ng boses na iyon. Nagkunwari na lang akong walang naririnig at nagmamadaling lumakad, dahil baka ma-fall na naman ako.
Nagulat na lang ako nang biglang may humawak sa balikat ko sabay sabing, "Nicnic, sandali." nang marinig ko ang boses nito ay napapikit na lang ako ng mariin.
Kung hindi ko pa alam na may gusto si Josh sa bestfriend ko ay baka kiligin pa ako, pero hindi... Imbis na kiligin, ay mabilis na tibok ng puso ko lang ang nararamdaman ko sa mga oras na ito.
"Hoy Nicnic, bakit ba hindi ka nagsasalita." anito kaya't mabilis akong napamulat ng aking mga mata.
Namilog ang aking mga mata nang makitang sobrang lapit na pala ng mukha ni Josh sa mukha ko, kahit naka-nerdy glasses pa ito ay hindi maitatago ang angking kagwapuhan ng habibi ko.
Ano Nicole? Habibi mo? pagwawaksi ko sa aking iniisip.
Napabalik na lang ako sa aking sarili nang marinig kong muli ang boses ni Josh, "Hoy, bakit namumula ang pisngi mo? Inlove ka ba?" pagtatanong nito sa akin.
Mabilis naman akong napahawak sa magkabila kong pisngi at naramdaman ko na nag-iinit na pala ito, para makabawi sa aking pagkakahiya ay mabilis kong ipinilig ang aking ulo sabay sabi nang,
"Ako si Nicnic, pero Neknek mo! Hindi kita type noh!" bulyaw ko rito bago umiwas ng tingin.
"Hahaha!" halakhak nito kaya natulala na naman ako sa kanya.
Grabehan lang talaga, Nicole. Ang gwapo ng habibi mo. kinikilig kong sambit sa aking sarili.
Nasa ganoong pag-iisip ako nang biglang makaramdam ako ng pagpitik sa ilong ko, "Aray! Bakit ka ba namimitik!" iritable kong anas rito bago hinawakan ang namumula kong ilong.
"Lagi ka na lang wala sa sarili mo."
"Bakit ba?!" inis kong turan sa kanya saka umirap sa kawalan.
"Ang sabi ko po, hindi ko naman sinabi na sa akin ka inlove. Bakit mo naman nasabi na ako 'yon?" pagtatanong pa ni Josh kaya mabilis ko itong tinapik sa dibdib.
"W-wala, w-wala lang talaga ako sa mood ngayon habibi." bigla naman akong napatuptop ng aking bibig ng marealize ko ang lumabas sa madaldal kong bunganga.
"What did you say?" kunot noong usal nito sa akin.
Mabuti na lang at hindi niya narinig ang sinabi ko, kaya sumagot na lang ako rito nang, "Ang sabi ko halika na bibe as in duck, absent na ako sa first subject ko." anyaya ko sa kanya bago ko hinila ang kamay nito.
"Whew! Muntikan na ako doon ahh." napapailing na sambit ko sa aking sarili habang hawak ang kamay ng mahal ko. Sa kanya malamang sa alamang walang malisya ito, pero sa akin ay nuknukan ng meron. Kinikilig kaya ako sa holding hands namin. Hahaha!
*****
Hello Lovies 😊
Ito na po ang unang kabanata ng ONE SIDED LOVE
nagustuhan niyo ba?
Comment down below para naman malaman ko ang saloobin niyo. Alright, see you next chapter mga labs! ❤️
*****
Don't forget to tap the star ⭐️ button to vote.
Vote | Comment | Share
Facebook Page: Everjoy Condes #anaknikikodora
Facebook Group: THELABSSQUADWP
Facebook Official: Everjoy Condes WP