#طلاق_رجعي٣#
#زينب_الموسوي#
بعد متفرجت الصور وتاكدت حقيقيه
اتصلت بالرقم غير متاح دزيت الصور لوائل وعلقت
تحبني وهذا اكبر دليل
اكيد رجع اتصل بيه مجاوبت الشعور بالاستخاف بعقلي منعني اجاوب الصور قبل يومين وصوره مبين اللهفه بينهم ظل طول الليل يتصل ويتصل ويدز مسجات وهو كله غضب
ياقلبا اذلني رحماك
اما ان الاوان لتكتفي أ تحب خائنك
اتبكي قاتلك
اعطني القرار استمع لتوسلي
اغلق بابك دونه ودعني استريح
الصبح كانت ماما تتصل بخاله نورا ويتناقشن على المهر الجديد
ماما شو طلاگ رجعي مافيه مهر صارلن اربع سنين من تطلئوا
هذا الحكي غلط بنتي ماترجع من دون. مهر جديد وبيت جديد ماثث على ذوقها هيه
سدت التلفون وبدت تناقش مع بابا
بابا حجي اختج نورا غلط مو من حقه يرجعها بدون عقد جديد ومهر جديد العده خلصت اطلعي انتي من الموضوع خليهم همه يتفقون
ماما اسمعي مينا اشرطي مهر وذهب واثاث اسمعي كلامي وائل غني وكمان خليه يعرف. قيمتك
مينا هذا الكلام بعد وكت عليه عن اذنكم رايحه الشغل
وصلت على المحكمه كان مستر بود والبقيه ينتظروني
صوفيا ابتسم الحظ الج متتصورين الصار
مينا شصار احجي اليوم اعصاب ماعندي
صوفي محامين مستر جان عرضوا التفاوض ومنتظرين نص ساعه وندخل ونقدم القرار للقاضي
مينا حرامات اريد اثبت قدرتي وخليه يعترف
صوفي هذا اكبر دليل على قدرتج راح الكل يحجي بيج المحاميه الي جبرت المتهم على الاعتراف من جلسه وحده
دخلنا التفاوض كان مستر بود شاطر الاتفاق صار يعترف مستر جان مذنب
بدل ميتعب الدوله ومصاريف محامين وقضاة ياخذ حكم ١٥سنه ويعيدون النظر بالحكم بعد سبع سنين ويدفع مصاريف المحامين
طلع المحامين كلهم فرحانين واني من ضمنهم واستلمت عموله من الفرحه نسيت وائل وتذكرته من فتحت تلفوني متصل بيه تلث مرات يسال على المحكمه وكانما مصار شي
مستر بود عندي الك قضيه جديده لو حسمتيها تصيرين المحاميه رقم واحد بمكتبنا
مينا اگدر اعرف تفاصيلها
مستر بود هذي التفاصيل قضية مخدرات وقتل راجعيها اليوم
مينا اكيد اراجعها
بعد الدوام طلعت للمعرض السيارات عند بابا
بابا هلا مناوي اختاري السياره الي تعجبج
مينا اني مااعرف بالسيارات اختار لي انت بابا
بابا صار احلى سياره لمناوي تلفونج يدگ ليش متجاوبيه
طلعت تلفوني وائل صار لازم ارد
وائل اسمعيني مينا هذي علاقه وانتهت وداعتج مجرد متعه لاتغييرين قرارج
مينا الي محيرني انت جربت الزواج ويايه وكان فاشل بكل معنى الكلمه ليش متخلينا اصدقاء وبلا تجريح
وائل شوفي مينا حجيج هذا اكبر دليل ان اريدج ومحتاجج شنو الي يجبرني ارجعج ها
مينا ماارجع لو تبقى اخر رجال بالعالم. ومن اليوم مابينا غير الصداقه. تريدها على عيني وراسي غيرها مااسمحلك تعبث بحياتي كافي
وائل ولج شوفي بكلمه وحده مني اگدر ارجعج وشرعا تصيرين على ذمتي وتتحرمين على كل الرياجيل العالم لكن مااسويها مقدر صدمتچ واسف وراح انطيج وقت لحد اخلص بيتي
مينا مو بكيفك العده انتهت الله وياك وائل
وائل وين رايحه احجي ويايه گولي موافقه
مينا هسه اني بمعرض بابا داختار سياره مااريده يحس بشي
وائل عفيه عليج مناوي والصور امسحيها وحسابي عسير وياها هذي الساقطه الي دزت الصور
مينا مبين حسابك عسير وياها من الصور طول عمرك عندك هوس بعارضات الازياء من وحده لوحده
وائل كنت على وشك انهي موضوع الرجعه مع مينا لكن هذي الصور اخرت كلشي مااعتقد بعد تامن بيه
لازم احاول اعود نفسي على عدم الخيانه لحد ارجعها
لن تستطيعي كسر قيدي
انا حياتك وقبرك
مجبره ام برضاك تكونين كما اريد واشتهي
فصلتي عاى قياس خيالي
خطواتك بدات مني وتنتهي عندي
صار يومين مينا متتصل بيه واذا اتصلت متجاوب
اخاف ترفضني وتذلني گدام اهلنا
حاليا بالطائره رايح لكليفورنيا اتفاهم وياها
شيخلص الرحله اباوع. على المضيفات
كلهن محلاوات هذي البنيه من ضمن الركاب حلوه بس متنطي مجال
وصلت بعد رحله متعبه
استقبلتني امي
ماما خالتك بدها مهر جديد وذهب واثاث
وائل ماما تعبان هسه خلي التفاصيل بعدين اتصل احد من بيت عمي سمير حجيتوا
ماما خالتك تتصل كل يوم
وائل ومينا محجيتي وياها
نوره شو بدنا في مينا اعرف تحبك والطلاق كان خطا
وائل اروح انام وباجر اروح على بيت عمي احجي وياها عن امور تخصنا
مينا خالتي نوره اتصلت وائل واصل واني داحجي وياها اخذ التلفون وائل
وائل شتفسرين تصرفج هذا متردين على التلفون شنو متكبره حضرتج لو تتصورين ميت عليج واذا مارديتي راح انتحر ترى مفارغ للعب اني
مينا وچماله انت العصبي ودتصيح
وائل تعرفيني كلش زين مااتحمل احد يدوسلي على طرف
مينا روح حاسب الي داسولك على طرف ودزوا صورك الظاهر مراضيه عن خدماتك بذيج الليله وحبت تنتقم
وائل متستحين من هذا الحجي صدوك طالعه عينج باجر الصبح اجي عليج ونتفاهم
مينا وائل شغله نرجع اجلها هسه الله يخليك
وائل اشو مااجلها
مينا راح اني ااجلها وراويهم الصور
وائل اكسر راسج غير اسمعي مينا اني مااعرف شقى اياني وياج تهينين كرامتي
مينا وكرامتي كم مره لازم تنهان
وائل لاتقارين نفسج بيه اني رجال خطائي مغفور وانتي بنيه اي خطا تنداسين بالرجلين من حقي اعرف الف وحده قبلج وبعدج
مينا منو انطاك هذا الحق
وائل الكل انطاني هذا الحق المجتمع العادات القانون حتى النسوان نفسهم احجي لاي وحده گوليلها وائل يعرف بنات راح تجاوبج رجال من حقه وانتي اذا بيج خير خلي يبطل يعني اللوم عليج مو عليه
مينا مااريد خاين اريد واحد اكون اني الاولى والاخيره
واىل صار حبابه اذا لگيتي واحد عود نطلگ واخذيه الكل يخون وبدون سبب راسي داخ من النقاش وياج باجر نحجي باي
اتمنى اگول لاهلي مااريده واعرف مستحيل احد يأيدني كلها منتظره ارجع ل وائل ولينا اختي كل شويه تتصل بيه وتگلي كلنا فرحانين وراح نسويلكم حفلة زغيره
الصبح صار لازم اطلع للشغل كان وائل موجود بالصاله يم بابا صاحتني امي
ماما شفتي شلون يحبك جاي من الصبح يشوفك لاتنسي تطلبي مهر عالي والبيت انا اثثه على ذوقي وكل الي فنفسك اطلبيه
مينا بنفسي اخذ واحد غير وائل
ماما ماسمعت الي گلتيه منو غير وائل
مينا واحد يحترمني ويسمع رائي وميخوني
ماما هذا الكلام اذا سمعه ابوكي واخوانك تتشاهدي على روحك انضبي وروحي سلمي
دخلت بخطوات مملوءه بالتردد
مينا صباح الخير
بابا و وائل صباح النور
بابا تعالي مناوي گعدي دنحجي بزواجكم من جديد وائل يريد يسوي حفله جديده
مينا بابا عندي شغل بعدين
وائل اني اوصلج للشغل وهناك نحجي
وافق بابا على الفكره طلعنا شاف سيارتي الجديده
وائل حلوه السياره تستاهليها يله بعد شتريدين سياره وزواج واخذج ويايه شهر للشيكاغو
مينا شراح يخلصها اليوم
وائل يله اصعدي ويايه وبنهاية الدوام اجي اخذج
دخلت السياره علق
هذي الملابس مو ستايلج يمتى اشتريتيها
مينا ممكن تبطل تصدر اوامر وتعليمات وتجاوبني شرايد مني رجعه ماارجعلك فقدت الثقه بيك نهائيا مو انت الي ابالي
وائل ها منو الي بالج گولي وهسه بتلفون لعيسى ويوسف اخليهم الليله يزفوج اليه لج انتي شدتلوصين اشو ابوج طاير من الفرحه امج اتلگتني بقائمه ذهب وماس مستعده تواجهين كل ذولي وتگولين مااريد وائل
مينا وائل انت متحبني ليش مصر عليه
وائل تناسبيني زوجه ياحب ياخرابيط عبالج اني احب ذني الي شفتيهم بالصور ذولي متعه حاجه وتخلص انتي راح تشيلين اسمي وام جهالي وبيتي مخلصه مطيعه شريفه
مينا سوي فحص ايدز واني استلم النتيجه
وگف السياره انجبي شنو هالجراءه هذي غبي اني ويصير بيه ايدز
مينا الايدز ميجي من الغباء من العلاقات المحرمه
سكت لدقايق وگال
لاتضوجين مني اني جاي لخاطرج فكرة ان اخسرج فقدتني التفكير مناوي نااجل الموضوع لحد اصلح الخطا وعد مني هذي اخر. مره
انتبهت على نفسي دموعي تنزل
سؤال لنفسي منو وائل ليش اني وياه
يمكن اكون احبه تعودت عليه اهلي فارضيه عليه ماعندي غيره بديل
وائل ليش تبچين انتي بطلاگنا مابجيتي وانتي الي قنعتيني بالطلاگ
مينا مقهوره على نفسي عمري ٢٨سنه ومااعرف اخذ قرار منتظرتك انت واهلي تقررون بالنيابه عني
وائل كافي لاتبجين اخاف عبالج عشتي بامريكا تتصرفين مثل الامريكيات انتي عربيه تحسبين حساب اهلج واخوانج ولد عمج لو تعيشين بالقمر
مينا احسب حسابي انت واجل الموضوع هسه
وائل لعيونج راح افهم اهلنا بعد ميخلص بيتي اوكي بس لاتزعلين عليه
مينا شكرا يله نزلني هنا
وائل العصر اجي عليج اوگفي
طلع علبه بيها خاتم ولبسني
وائل هذا خاتم جديد حتى الكل يعرف انتي محجوزه اليه واليتقرب منج ياويله
شيلي راسج وكافي تبچين عاد طفله شنو اويلي كل هذي الدموع غيرانه عليه حقج ماالومج اني انحب
مينا ههههه
وائل دضحكي ياعيني لج احنا عشرة عمر هذي الي دزت الصور ماتوصل لشعره منج بس احنا رياجيل هذي عدنا عاده شلون انتم البنات متعودين تشترون ملابس وجنط واحذيه بدون متحتاجون الها احنا نعرف بنات بدون منحتاج الهن تسليه
نزلت من السياره مامقتنعه بحجيه المهم اجلت ارجعله لحد اقنع اهلي
مااريده الصور كانت شنيعه مقززه خلتني اصحى من اوهامي
واعرف اني استحق الافضل
وضعي مطلقه افضل من وضع زوجه مخدوعه ومتقبله الخداع
خلقت انثى لامنحك الحياة
لك اكون ومعي تكون
افعل ماتشاء دون ان تحولني الى دميتك الخرساء ترضى باثمك مرغمه
وتسامح مضطره
انشغلت بالقضيه الثانيه
وائل رجع لكليفورنيا وفهم اهلنا يكمل بيته واني اكمل القضيه العندي ويرجعني وبقينا على اتصال
في يوم راجعه من الدوام كانت نوال وماما مخبوصين بالمطبخ
مينا خير منو عدنا اليوم
نوال خطار ولد كان بالجامع وتعرف على والدج وجابه يبات عدنا
مينا يبات عدنا ليش ماكو فنادق
ماما جديد على امريكا ويريد احد يعلمه الاسلام وابوج شجعه
مينا شنو هالفلم الهندي هذا لو حرامي لو نصاب واليوم بالليل يخابر جماعته والصبح نكون لو. مغتصبات لو مذبوحات
ماما كافي من التخريف وروحي غيري ثيابك وتعالي
مينا اوكي دوكي رايحه بس الخطار خلقته شلونها
نوال امه عراقيه وابوه امريكي يعني نص صاك ونص اجكم
مينا ها ولج نوال مو انتي متزوجه
ماما وانتي متزوجه كمان لاتنسين
بدلت ونزلت كان الخطار.مع والدي طالعين من الصاله يتوضون
شاب ثلاثيني ملامحه غربيه
بابا تعال سام هذي بنتي مينا محاميه مناوي هذا سامر بس يصيحوه سام اليوم خطار عدنا
مينا اهلا وسهلا
سام وبيج اكثر.
دخلت على المطبخ
مينا شفت الخطار نوال انتي شفتيه
نوال اي شفته ولج
مينا وبابا شلون يجيب هيج خلقه للبيت ميخاف عليه انحرف يعني هو جاي يدخل الاسلام واحنا مو خطيه عليه
ماما كافي مينا اتصل بوائل واخبره استحي عاد
مينا استحينا خلص كل شويه وائل وائل
بعد العشى جلسنا كلنا ومعانا الخطار تعرفنا عليه سال يوسف اخويه
منين جاي وشنو شغلك
سام من الامارات والدي الله يرحمه كان يعمل تاجر هناك وتعرف على ماما وتزوجها وجيت هنا افتح فرع للتجاره وبعد مااستقر اجيب والدتي
يوسف والدك كان مسلم
سام اسلم من تزوج ماما لكن مكان ملتزم عكس ماما واني استلمت التجاره من صغري وانشغلت عن الدين وحاب اتعمق بالدين واتعلم
بابا بالجامع عدنا محاضرات وندوات ندخل مناظرات عن طريق النت نثقف الشباب ونوعيهم
ماما انت متجوز
سام لا ممتزوج انشغلت بالتجاره وصار عمري ٣٢ سنه
ماما عندي بنت خيي في لبنان زي القمر بجوزك اياها
سام تسلمين حجه ماتقصرين
كانت اجاباته بادب وبلغه عربيه احيانا صح واحيانا خطا
طول الحديث حاولت اخذ فكره عن شخصيته الي وصلتله
مؤدب خجول هاديء لكن قصته ماقتنعت بيها والسبب
هو عايش مع ام عراقيه بلد عربي ليش يحجي انگليزي مرات والده مات قبل عشر سنين المفروض هسه اتقن العربيه
اهووو واني شعليه اروح انام
مينا من رخصتكم اروح انام عندي محكمه باجر
وائل
احس مينا تبتعد عني ماعدت مثل الاول تتصل تاخذ رائي وتسألني كل مااتصل بيها عندي شغل
سالتها قبل يومين تحبيني جاوبتني
ماعندي جواب
وائل معناها متحبيني اني صوجي مضيع وقتي وياج اروح اسهر ويه اصدقائي وگولي ليش تخون
مينا تريد عذر للخيانه اخذ راحتك الي ينذبح مره سهل عليه يتگطع وصل
مينا طلعت الصبح للشغل والدي وسام كانوا طالعين
وسط زحام الشغل والمحاكم والمرافعات نسيت امر سام
لحد نهاية الدوام كان لازم اروح اشوف صديقاتي بموعدنا الشهري
مينا هلوووو بايرات شلونجن اسفه تاخرت
وصال ولچ شنو هذي الالوان احمر ومكياج مو وائل ميقبل الا الوان رسميه
حياة صدوگ شلون يقبل بهذي الملابس
مينا بطلت اخذ اوامر من وائل عندي عقل ممحتاجه احد يتحكم بيه
انتي وصال شنو اخبار الصيدلاني
وصال دنتراسل ونتعرف على بعض مااريد استعجل
مينا انشاالله يطلع خوش ولد
حياة انشاالله على الاقل وحده منه حظها يطلع عدل
مينا وانتي حياة شنو اخبارج
حياة نفس الشي لاحاطه ولاطايره
رفعت عيني هذا سام واگف گبالنا ويبتسم
هذا شجابه هنا
وصال منو هو
مينا هذا المسلم الي يريد يتعمق بالدين حجيتلكم عليه البارحه اشو بنص النسوان
حياة الظاهر داخل يتعظ من النسوان
مينا ههههه عرفت بيه شي غلط على گولت امي ئال مسلم ئال
لك علينا شكلك مال نصاب
اشر بالسلام ورديت عليه
مينا بنات شتگولون اصيحه يگعد ويانا
حياة نؤيد هذا الراي وبشده
وصال اخونا بالاسلام شكو بيها
مينا حياج اختاه
صحتله سام سام ماصدگ سحب كرسي وگعد
سام هلووو بنات شلونكم
مينا هلووو
اعرفك على صديقاتي حياة مدرسه متزوجه وزوجها يشتغل رحاله ديكتشف امريكا
سام اها الي اعرفه كولومبس اكتشف امريكا
حياه ئي ورجلي كان يساعده بالاكتشافات بس يخلص يرجع
مينا وهذي وصال مدرسه وعن قريب وباذن الله راح تنخطب وتتزوج
سام مبروك مقدما
مينا واني تعرفني محاميه مطلقه وطليقي يحاول يرجعني
يابنات هذا سام حجيتلكم عليه بالتلفون
حياة ئي عرفناه گول اخونا شنو اخبار الاسلام انشاالله تعمقت
سام هههه ترى انتم فهمتوا غلط اني دخلت الجامع اسال على صديق اليه وكان وقت صلاه وگفت وياهم وبعد الصلاة تعرفوا عليه وكيفوا امريكي مسلم وكلهم يريدون يعلموني الدين والد مينا عرض ابات عدهم وافقت
مينا هذا الحجي المضبوط بعد اختك بقى عندي سؤال شنو قصة العربيه المكسره
سام دارس بمدارس امريكيه هناك وبالبيت ماما تحجي عراقي واصدقائي عرب تعلمت
مينا يعني انت قوي بالانگليزي ها
سام اقوى منج البارحه سمعت مرافعه الج على اليوتوب كلها اخطاء بقواعد الانگليزيه
مينا وليش سمعت المرافعه
سام والدج طلعها واحنا بالسياره گال شوف بنتي بمرافعه وحده اعترف المجرم
مينا ها خلص منا وجاي انت صحح لي الاخطاء
سام تامرين امر انطيني رقمج واتس اب ودزي المرافعات واصححها
مينا مو گتلك اريد ارجع لطليقي بعد رقمي شتسووي بيه
سام والله فرحانه شسووي برقمج غير اصحح الاخطاء
مينا صدوك نسيت
حياة اذا تعرف انگليزي احجي انگليزي ترى عربيتك تذكرني بامي من تخبط انگليزي وعراقي واي چا
سام ههههه اسمحولي اروح عندي شغل
مينا هو انت اصلا شتسووي هنا
سام مطعم وداكل شسووي يعني اغني باي ياحلوات
مينا وحياة وصال باي
حياة سمعتوا اخر كلمه
وصال حلوات
مينا ناس تفتهم وتقدر ويريد يغني انوب
حياة خليه يغني واحنا نرد وياه
وصال لچ اسمعي الاغنيه الفاتحيها حاتم العراقي خلينا نغني وياه
وصال وحياة ومينا
اشوفك وين يمهاجر گلي باي بلد صاير
فراگك مو سهل عندي ولاهي ازمه وتعدي تعال وطيب الخاطر
فراگك علة العلة عگل بالراس ماخلى
يوم الهاجرت والله فطر گلبي وصرت شاعر وانت بهذا ماشاعر اشوفك وين يامهاجر