طلاق رجعي

طلاق رجعي ١٧

#طلاق_رجعي١٧#
#زينب_الموسوي#
بمجرد دخلوا. الشرطه البيت. وجههوا اتهام لوائل عرفت بدا الضرب تحت الحزام اتصلت بسام
مينا گتلك خلي وائل خارج قوس  مفاد وياك اسمعني للصبح هذي الحقيره فكتوريا تتنازل عن القضيه وتعتذرله شبسرعه لحگت تجندها لصالحك
سام ماطولت وياه ساعه وحده اقتنعت اسمعي تدفعين تعويض بمكان زوجج تتنازل عن القضيه هسه يرجع يبات يمج بعد شتريدين
مينا القضيه ضعيفه الموظفين راح يشهدون لصالح زوجي وفكتوريا كبيره بالعمر ومحلوه محد يصدك متحرش بيها
مينا صحيح القضيه ضعيفه بس عندي ناس من داخل الشرطه بينا صداقه نخليه يتبهذل وتنشر الاخبار زوجج يخاف على برستيجه گدام الناس
مينا وائل  رجال ويتحمل
سام شوفي لخاطر العشره البينا ١٤الف دولار  انسحب من حياتج للابد
مينا شنو الضمان
سام احلفلج بحبنا معقوله نسيتيه
مينا اني ماحبيت غير  وائل وصدگني لو كان محالفلي مطلگني مجنت طلت شعره مني باجر ادبر الفلوس وتتنازل فكتوريا
الصبح طلعت سحبت المبلغ من حسابنا اثنينا اعرف واىل راح يدري لكن مجبوره
ونفس الطريقه باتي وصلت الفلوس
باتي اذا انتي جبانه انطيني معلومات عن زوجاته وين الگاهم واني ارفع القضيه
مينا اخاف انفضح
باتي. ماعليج انتي اني ارفع القضيه  وابقي متابعه عنوانه حتى تبلغه الشرطه بالقضيه
حاولت اثنيها عن عزمها  صممت اكثر وطلبت مني فقط العناوين زوجاته
طلع وائل من التوقيف
كان كله فرح وبنفس الوقت محتار من موقف فيكتوريا
مينا صح احنا بفرح هسه

لكن في موضوع يمكن يضوجك
وائل ياستار گولي شصاير
مينا ماتعتقد ان سام ورا هذا الموضوع
سمع اسمه بقى يغلي
واىل لاتجيبين اسمه گدامي
مينا اسفه وائل مضطره تعرف ان عناصر ال اف بي اي من احد ياخذ معلومات عنهم يستغننون عنهم لان ينكشف غطائهم
وائل ويطبه مرض شعليج بيه وليش فكرتي بيه عندج اتصال بيه
مينا اكيد لا بس افكر انتقم منه
وائل تخبلتي انتي تريدين تفضحين نفسج وتفضحيني حتى لو طلع من اف بي اي جماعته موجودين
مينا ميگدر ينكر زواجه من البقيه
واني ميگدر يتطرق لموضوع زواجي   لان ادانه اله بالنصب والاحتيال بعقد كاذب واسم مزيف هو هسه خارج ال اف بي اي سهل انتقم منه
وائل  سام الكلب طلع من حياتنا ولى ليش تريدين ترجعيه متخافين عندج صور وياه محادثات ولج اني گوه متناسي
مينا احنا بامريكا الرئيس من يرتكب خطا يحاكموه
وائل الرئيس اكو من يحميه احنا لا طلقه بالشارع من مجهول ننتهي صور. خليعه بمجله تقضي علينا
خطا صغير بالضرائب يحاكمونا بحجة تهرب من الضرائب
سمعتي اذا خسرت سمعتي مايبقى شي عندي اخسره حتى انتي مستعد اطلكچ اذ مشيتي بهذا الطريق انتهى النقاش ولاتجيبن طاريه مره ثانيه اني طالع لاتنتظريني نامي
بمجرد طلع واىل اتصل سام
مينا هذا اخر اتصال اجاوبه شرايد
سام الفلوس متكفي اريد انتقل لولايه ثانيه انهزم من فكتوريا
سام يعني خليتها تخسر شغلها وراح تتركها وين راح تروح
سام لنيويورك اتذكر ايامنا
مينا فلوس ماعندي هسه سافر ودزلي العنوان احولك
سام راح اصدكج من اوصل انطيج العنوان يمكن تغيرين رائيج وتركين هذا البخيل العندج وتاخذين  املاكه
سديت التلفون وصار عندي يقين سام راح يبقى يبتزني طول عمري
اتصدى للعاصفه افضل ما اهرب منها
فكرتي كانت ابحث عن زوجاته السته واقنع كم وحده منهن نرفع قضيه عنه بتعدد الزوجات وبديت البحث من رجع  وائل
وائل مو گتلج نامي ليش منتظره
مينا وائل يمكن اني حامل
وائل صدوگ تحجين ليش مگلتي لو بس تعرفين تذكرين مواضيع تسم البدن
مينا بعدني ممتاكده
واىل باجر نروح ونتاكد
مينا ليش باجر هسه روح على اسواق جيب تحليل منزلي
وائل هسه اروح على رايت ايد فاتحين تجيين ويايه
مينا لا تعبانه روح انت وانطيني تلفونك افتشه
وائل فتشي على راحتج يجوز عندي حساب ثاني وانتي متدرين
مينا اعرفه بيوم من الايام
طلع عاف تلفونه دورت على المكالمه الي جاوبها وعرف معلومات عن سام اعرف الشهر ولگيت الرقم من نيويورك وسمعت المكالمه سجلت الرقم
رجع واىل اخذت التحليل ودخلت للحمام طلعت حامل