Kabanata 7
Invite
Sa mga huling sinabi niya, naramdaman ko ulit ang agwat ng mundo naming dalawa. Tama si Mia, kahit kailan ay hindi magiging magkapareho ang mundo naming dalawa. Matayog siya, mababa ako. Hibang na ako kung iisipin kong posible ang mga bagay na iyon dahil lang sa mga ipinapakita sa TV.
"Sunny," Nagulat ako nang napadpad si Mrs. Ching sa Lounge.
Madalas kasi siyang busy sa mga payroll ng mga crew at kung anu-ano pang mga bagay sa kanyang trabaho. Ang makita siya sa 15 floor ay nakakagulat. Mabilis na tumatayo ang mga nakaupo sa sofa sa takot na masabihan ni Mrs. Ching na walang ginagawa.
"Po?" Tumayo rin ako sa gulat na nandito siya.
"Ang sabi ng secretary ni Mr. Del Fierro maaga daw siya uuwi ngayon. Baka wala na siya by seven." Ngiti ni Mrs. Ching sabay ayos sa kanyang salamin.
Tumango ako.
Nilagpasan niya ako para kausapin ang isang lalaking crew din na ani Mia ay palaging nag li-leave nitong mga nakaraang araw. Sinundan ko siya ng tingin. Natigil lang ako nang sikuhin ako ni Mia.
"30 Minutes to seven. Ibig sabihin pwedeng alis tayo mamaya ng di ka na bumabalik sa taas. Unahin mo muna 'yong linis. Konti lang naman 'yong lilinisan don, diba?" Tumango ako at umupo siya sa sofa, walang takot kay Mrs. Ching. "Hintayin kita dito."
Nagpunta na kaagad ako sa locker para kunin ang mga gamit. Sinikop ko muna ang buhok ko para ma ponytail. Mag hihintay lang ako ng ilang minuto at makakaakyat na ako.
May parte sa akin na gusto ng umakyat para maabutan ko pa si Rage pero may parte rin sa aking ayaw na muna. Ayaw ko siyang makausap o makita man lang. Kahapon nang umalis siya, medyo tumabang ang pakiramdam ko.
Naisip ko na naisip niyang hindi tama ang makisalamuha sa akin. Nasa gitna ng awa at pandidiri ang nararamdaman niya. Alam niyang sardinas lang ang kinakain ko, mahirap ako, janitress lang ng kompanyang pag aari niya, naaawa siya sa kalagayan ko pero nandidiri din siya dahil sa parehong mga dahilan.
Masakit iyon sa ego.
Wala sa sarili akong umakyat sa floor ni Rage. Nang tumunog ang elevator ay saka lang ako nag angat ng tingin sa loob. Dim na naman ang lights at inisip ko tuloy na hindi naman ito dini-dim ni Rage kung aalis na siya. Pagkahawak ko sa door handle ng double doors ay tumagos agad ang tingin ko sa pintuan.
Not again.
Nanlaki ang mga mata ko nang nakita ko si Rage kasama ang isang mestizang babae na hindi ko pa nakikita kahit kailan. Hindi ito si Kara o si Kimberly! Iba na naman!
Nakaupo siya sa hita ni Rage at naghahalikan silang dalawa sa swivel chair. Ang kamay ni Rage ay nasa hita ng babae, hinahaplos niya ito ng pabalik balik at palalim ng palalim habang tumatagal.
Kumunot ang noo ko at hindi ko alam kung saan nanggaling ang galit sa sistema ko. Ang alam ko lang ay mali itong ginagawa ni Rage! Sa opisina siya nakikipag landian ng ganyan! Nawawala ang respeto ko sa kanya bilang boss ko at gusto ko na lang na tigilan nilang dalawa iyan! Gusti kong malaman nila na nandito ako! Gusto kong mang istorbo at kung ipapatapon niya man ako pagkatapos ng pang iistorbo ko ay tatanggapin ko iyon!
Padarag kong binitiwan ang double door handle ngunit hindi iyon lumikha ng ingay na makaka istorbo sa dalawa. Tinalikuran ko sila at hinila ko na lang ang cart. Limang beses kong pinindot ang button ng elevator sa pagkakainip at nakatalikod ako nang sumara ito dahil ayaw kong makita ulit sila.
"Parehong mga lugar ba?" Medyo matigas kong tanong kay Mia nang nag mi-make up na kami sa loob ng opisina.
"Siguro. 'Yon naman madalas ang route." Ani Mia habang nilalagyan ako ng eyeshadow.
Lipstick, eyeliner, at blush on pa lang ang make up na nabili ko. Nang tumigil si Mia sa paglalagay ng eyeshadow at tumayo na ako para lagyan ko ang sarili ko ng pink na lipstick.
Humalakhak siya sa gilid ko habang tinitingnan ko ang mukha ko sa salamin. Tiningnan ko siya sa salamin.
"Sa ating lahat, ikaw lang ang naglalagay ng pink lipstick. Pula lahat, e." Aniya.
Hinarap ko siya. "Mas komportable lang ako sa pink." Nag iwas ako ng tingin.
Wala akong sinabi sa kanya tungkol sa nakita ko sa opisina ni Rage. Siguro ay tama na na alam niyang playboy ang lalaking iyon. Hindi niya na kailangang marinig ang detalye sa akin.
"Sunny..." Nagulat ako nang biglang lumapit si Alona sa amin.
Umatras at humalukipkip si Mia pagkatapos ay tinitigang mabuti ang walang pakealam na si Alon. Tumayo siya sa tabi ko at nakita ko kaagad ang pagkakaiba ng height naming dalawa. Matangkad si Mia pero mas matangkad itong si Alona. At sa pagtabi niya sa akin ay nagmukha akong maliit na bata.
"Anong brand ng lipstick mo?" Tanong niya sabay tingin sa hawak kong lipstick. Kinuha niya iyon at ngumiti siya. "Thanks." Bago niya ako tinalikuran.
Umirap si Mia nang umalis si Alona. Ang sabi ni Mia ay madalas daw siyang tumitingin sa sales ng bawat isang member ng Marlboro Girls. Siguro ay nong huling pagbibenta, isa ako sa may pinakamalaking sales kaya siya biglaang naging interesado sa akin. Hindi naman ako tulad ni Mia na pumapatol sa mga tulad ni Alona kaya hindi naman siguro manganganib ang trabahong ito sa akin.
Halos masira ni Mia ang kanyang cellphone papunta pa lang kami sa mga bar. May pinipindot siyang pabalik balik sa kanyang screen at napapamura siya palagi.
"Ano ba 'yan, Mia?" tanong ko.
"Kainis. Tuwing Biyernes talaga ng gabi hindi nag rereply si Eric. Kung wala lang akong trabaho ngayon, hahanapin ko na siya. Ano kayang ginagawa ng lalaking iyon?"
"Baka trabaho?" Inosente kong sinabi.
"Alas singko pa ang out non. Dapat ay nasa bahay na siya ngayon."
"Baka natutulog dahil sa pagod?"
Nag angat siya ng tingin at hindi ko alam kung nag iisip ba siya o tingin niya ay nababaliw na ako sa mga simple kong ideya.
Tumigil ang sasakyan sa unang stop namin. Mabilis kaming umalis dahil sa maiksing oras na binigay ni Ma'am sa amin. Magkasama kami ni Mia pero mas mahina siya ngayon dahil na rin siguro sa problema sa kanyang boyfriend. Tingin ko naman ay tulog lang si Eric sa kanilang bahay kaya dapat ay di na siya mamroblema.
Mabilis akong nakabenta. Medyo nasanay na rin ako sa trabahong ito. Ilang ngiti lang at pasakay sa mga tanong nila ay makakabenta ka na. Madalas ay makakatawanan mo pa ang mga tao. May mga nakakakilala na rin sa akin.
"Ah! Sunny, you're here! Isang kaha?" Ngiti ng medyo matandang naalala kong bumili din sa akin nung unang gabi ko.
"Sure." Sabi ko at binigyan siya ng kanyang gusto.
Nilagay niya ang sigarilyo sa kanyang bibig at uminuwestra na sindihan ko iyon dahil wala siyang lighter. Tumango ako at sinindihan ko iyon gamit ng lighter namin.
"Sa'yo lang talaga ako bumibili. Nandito 'yong ilang girls kanina. Sabi ko kay Sunny lang ako bibili." Ngisi ng matanda.
"Oh? Salamat po! See you again next time!" Ngiti ko kahit hindi ko alam kung maganda ba iyon para sa trabaho ko o hindi.
Inisip ko kung si Alona 'yong natanggihan niya ay mas lalo lang mag iinit ang dugo non sa akin.
Luminga linga ako sa madilim at nakakahilong lights ng bar na iyon. Hinahanap ko si Mia dahil limang minuto na lang ay kailangan na naming umalis. Pinapaalalahanan ko rin ang sarili ko na dapat ay magdahan dahan ako sa paglalakad dahil hindi na maaasahan ang pumps ni Mia sa paa ko.
"Sunny!" Si Mia ang nakahanap sa akin.
Huminga ako ng malalim. "Mia! Akala ko mahihirapan ako sa paghahanap sayo!" Tinalunton ko ang kanyang kamay na nakahawak sa kamay ng isang lalaking medyo moreno at chinito na agad kong napagtantog si Eric, ang kanyang boyfriend. Kamukhang kamukha kasi siya ni Aling Nenita!
"Nagkita kami ni Eric sa labas. Hinihintay na kitang lumabas pero eto!" Aniya sabay lakad patungong labas ng bar.
"Hi!" Ngiti ko kay Eric na halos walang ekspresyon nang tumango sa akin.
"Eto si Sunny, 'yong sinasabi ko sayong kaibigan ko sa Del Fierro." Ani Mia kay Eric nang nakalabas na kami sa dagat ng mga tao sa loob.
Mali ako. Hindi pala siya natutulog.
"Ano nga ba ang ginagawa mo dito?" Medyo nagbago ang mukha ni Mia nang hinarap si Eric.
Nagpasya akong tumingin na lang sa iba pang bar at hintayin ang paglabas ng ilan naming kasamahan habang nag uusap ang dalawa. Kailangan ko rin palang bantayan ang oras para hindi kami mahuli sa pag alis.
"Napadaan lang ako galing sa trabaho. Nagkatuwaan kami nina Ronald kaya heto." Sabay kamot niya sa kanyang ulo.
"Ganon? Asan si Ronald?" Sabay linga ni Mia sa paligid.
"Ah! Pauwi na kami non nang nakita ko 'yong van niyo kaya sinabi ko sa kanya na umuwi na lang siya dahil hahanapin pa kita." Ngiti ni Eric.
Magkasing tangkad lang si Eric at Mia. Ang mestizang balat ni Mia ay kumikinang tuwing hinahawakan niya ang morenong kamay ni Eric. Makurba si Mia at hindi ko alam kung bakit tuwing iniisip ko si Eric ay nag iisip ako ng isang lalaking medyo may malaking pangangatawan. Ang Eric na nasa harapan ko ay medyo payat at tahimik.
"Ganon? O sige, sige, kailangan na naming umalis. Umuwi ka na rin at mag reply ka sa mga text ko. Akala ko naman anong nangyari sayo." Ani Mia.
Tumingin na ako sa kanilang dalawa dahil naramdaman kong aalis na kami. Nakita kong hinalikan ni Mia si Eric sa labi at nagpaalam.
"Uuwi na ako. Hintayin na lang kita sa bahay. Baka matulog na muna ako. Nakakapagod ang trabaho." Ani Eric.
Tumango si Mia. "Sige! Madaling araw pa ako. Ingat ka!" Ngiti ni Mia bago kumalas sa pagkakahawak kamay nila.
Masayang kinwento ni Mia sa akin ang pagkakakita niya sa kanyang boyfriend na si Eric sa gabing iyon. Nakinig lang ako at nagpasalamat na bumalik sa dati ang masayang disposisyon niya. Sana ay kaya ko ring maging ganon ka masayahin. Ang tanging nagagawa ko lang ay ang plastik na ngiti sa bawat customer na nag aabang.
Matumal ang tip sa maliliit na bars. Umabot ng alas dose na 400 pesos lang ang tip ko. Hindi na ako nagreklamo dahil alam kong hindi naman iyon kasali sa trabahong ito. Kumbaga, bonus na lang iyong tip. Ang isang libo naman talaga ang sweldong inaabangan ko dito.
Tumigil ang van sa harap ng malalaking bar. Isa doon ang bar kung saan nakita ko si Rage noong unang beses akong nagtrabaho. Kumalabog agad ang puso ko at hindi ako sigurado kung gusto ko ba siyang makita sa ngayon o hindi. Naaalala ko ang nakita kong pakikipag halikan niya sa mestizang babaeng iyon sa opisina niya.
"For sure nandito na naman si Mr. Del Fierro, Sunny!" Ngiting aso ni Mia.
Ngayon sana pala ay hindi na muna bumalik ang panunukso niya.
"Ikaw ang doon sa mga sofa, ako don malapit sa dancefloor at bar. Game?" Mas lalong lumaki ang ngisi ni Mia.
"Madaya ka. Alam mong nasa sofa siya kaya mo ako nilalagay don. Change naman tayo para ngayon."
"Tumatagingting na 500 pesos ang tip niya sayo non diba? Kailangan mo ng pera kaya dapat don ka sa kanya."
Ang ideyang naghihintay ako ng tip kay Rage ay hindi ko kaya. Dapat ay hindi niya ako bigyan ng tip ngayon. Kung bibigyan niya man ako ay ibabalik ko iyon sa kanya. Bago pa ako nakaangal kay Mia ay nawala na siya sa dagat ng mga taong nagsasayaw. May mabilis na lumapit sa akin para bumili. Binigyan ko naman agad bago naglakad patungo sa sofa.
Malayo pa lang ay naaaninag ko na sa dilim ang tumatawang mata ng pinsan ni Rage na si Logan. Ibang babae naman ang kanyang kasama ngayon. It runs in the blood. Kung playboy si Rage, ganon din ang lalaking ito. Wala si Brandon sa ngayon. Nakita kong tatlo lang sila sa kanilang sofa at kasama nila si Kid na ngayon ay wala ng katabing babae. Nakatalikod si Rage sa akin. Lumunok ako habang pinapanood ang babaeng kasama niya kanina sa opisina na bumubulong sa kanyang tenga ng kung ano. Humahalakhak ang babae at nilalaro niya ang tainga ni Rage gamit ang dulo ng kanyang mga buhok.
"Sunny! You came!" Umalingawngaw ang boses ni Kid nang nakita niya ako.
Shit! Lumingon agad si Logan sa akin. Si Rage ay parang walang narinig. Nagpatuloy sa pagbulong ang mestizang kasama niya sa kanyang tainga.
"I remember." Ngisi ko sa kanila nang tumayo ako sa gilid ng sofa ni Logan. "Gold and tens, right?" Nag taas ako ng kilay kay Kid.
Nagpakita ang ngiti sa kanyang labi. "That's my girl. Naaalala niya, Logan! Narinig mo?"
Tumawa si Logan at kinalas niya ang pagkakaakbay sa katabi niyang babae. "You're crazy, Kid."
Binigay ko kay Kid ang Gold Tens na sigarilyo. Kasabay ng pagkuha niya ay ang pagbibigay niya sa akin ng pera na alam kong tip na agad ang sukli. Nagtagal ang kamay niya sa kamay ko. Pinagpawisan tuloy ako ng malamig. Lumakas ang tawa ni Logan dahil sa ginawa ni Kid.
"Dude, you're dirty!" Ani Logan.
"Ano? I'm just amazed!" Titig na titig si Kid habang tinitignan ako.
Yumuko ako para kunin ang sukli ni Kid sa bulsa ng bag na suot ko. Alam kong tip na iyon pero hindi parin ako nag aassume na lahat ng sukli ay tip para sa lahat ng tao. Inabot ko sa kanya ang sukli at tinanggap niya ang kamay ko. Buong akala ko ay tatanggapin niya ang sukli ko pero imbes ay hinaplos niya lang ang kamay ko.
"You really a janitress? Sobrang lambot ng kamay mo." Ani Kid habang hinahaplos ang hinlalaki ko.
Hindi na kumportable 'to pero kailangan kong makisama. Customer siya at pamilyar din siya sa akin. Siguro ay para mawala ang kaba ko ay tumawa na lang ako at sumakay sa mga biro niya. "Oo. Hindi naman lahat ng janitress matigas na ang palad."
Kinagat ni Kid ang kanyang labi at pinasadahan ng palad ang kanyang buhok. Naririnig ko ang natutuwang halakhak ni Logan sa gilid ko. Bumaling ako sa kanya. "Cigar?"
Umiling siya. "Nope."
Tumango ako. Siguro ay hindi siya naninigarilyo? Sayang at wala si Brandon, wala akong mabibentahan. Nag angat ako ng tingin kay Rage na nakatitig sa akin habang binubulungan siya ng kung anu-ano ng mestizang kasama niya.
"Cigar?" Nag iwas ako ng tingin sa kanya.
"You can't remember my choice?" Ani Rage. "That's disappointing."
"Uh, black, tens." Sabi ko nang di tumitingin sa kanya.
Kinalas niya ang akbay niya sa babaeng katabi dahilan kung bakit napadaing iyong babae at muntik ng mahulog sa pagkakaupo.
"Rage!" Malambing na tawag ng babae at nakita kong ngumiwi siya dahil sa ginawa ni Rage.
Kinuha ni Rage ang kanyang wallet at nakita ko kaagad ang 500 na nilalabas niya.
"Do you have smaller bills, sir?" Tanong ko.
Humalakhak ulit si Logan, ngayon mas nanunuya. Hindi ko alam kung para kanino iyong halakhak niya.
"Damn, girl. Kahit pag bigkas mo ng salita, sobrang sexy." Umiling si Kid.
Napalingon ako sa kanya at ngumiti. "You're flattering me, Kid. Thank you." Sabi ko.
Kinagat kagat pa ulit ni Kid ang kanyang labi at may sinabi siya kay Logan. Bumaling ako kay Rage na mas lalong tumalim ang titig sa akin. "I don't have." Aniya.
Agad kong hinalughog ang bag ko at kumuha ng limang one hundred para ibigay sa kanya iyon. Kumunot ang kanyang noo nang nakita iyong mga binigay ko bago ko kinuha ang five hundred niya.
"Ayan." Sabi ko sabay kuha ng sukli sa one hundred na kinuha ko rin sa kamay niya.
"Are you insulting me?" Tumaas ang tono ni Rage.
Umiling ako. "Binibigyan lang po kita ng sukli."
"Whoa! Easy there, Rage." Ani Logan.
"Just give him the cigar, girl, and get lost." Matalim na sinabi ng mestiza.
Ngumuso ako at binigay ang sigarilyo ni Rage sa kanya. Nag igting ang kanyang panga sa ginawa ko pero bahala siya. I don't care! Tumaas ang kilay ko at tumanggi akong tumingin ulit sa kanyang mga mata. Hindi ko maatim na tumingin ulit. Mas lalo akong nagagalit sa kanya.
"Easy there, Phoebe." Ani Kid. "You're too mean."
"Binibigyan siya ng tip ni Rage, tumatanggi siya. Ungrateful..." Umirap ang mestizang tinawag ni Kid na Phoebe.
Nakita kong hinaplos ni Rage ang kanyang hita. Bumulong siya kay Phoebe dahilan kung bakit bumungisngis si Phoebe at nakalimutan na ulit ang presensya ko. Naiirita ako. Kinailangan ko pang kagatin ang labi ko sa sobrang pagkairita. Naiinis ako dahil gusto kong malaman kung ano ang binulong ni Rage sa kanya! Naiinis ako dahil kitang kita ko kung paano pabilog na hinahaplos ni Rage ang gilid ng hita ng babaeng nasa harapan ko. Naiirita ako dahil gusto ko ako 'yong nasa sofang iyan at hindi siya. Naiirita ako kasi nagagawa pang tumitig ni Rage sa akin habang bumubulong pabalik si Phoebe sa kanya!
"I will invite her, Kid. You don't have to tell me." Sabi ni Logan na siyang nagpalingon sa akin.
Tapos na ako dito kaya aalis na ako. Yumuko ako at umambang aalis na pero...
"Hey, Sunny!" Tawag ni Logan.
Lumingon ako sa kanya. Ang buong atensyon ni Logan at Kid ay nasa akin. "Yes? Need anything?" Tanong ko.
Ngumuso si Kid at nagpatuloy naman si Logan. "You free tomorrow? Birthday celebration ko kasi. I'll throw a party and my friends are invited. You're my friend so I'm inviting you." Ani Logan.
Nagulat ako sa bigla niyang pagyayaya. For sure, kasama si Rage sa party'ng iyon. Gusto ko ring sumama pero may parte sa aking umuurong. Hindi iyon para sa akin. Iba ang lebel ng mga taong ito sa akin at ang pilitin ang sarili kong lumebel sa kanila ay ang kasiraan ko rin.
"Tingnan ko. May trabaho kasi ako bukas." Sabi ko.
"The party starts at ten. Anong oras ba natatapos ang trabaho mo? Pwede namang humabol." Ani Logan.
"Uhm minsan one A.M or two. Hindi ako sigurado tsaka nahihiya ako. Ayokong ma out of place." Nahihiya ko siyang nginitian. "Happy birthday nga pala in advance!"
Umiling siya at sumimangot. "You can bring a friend or two. I won't take no for an answer. Hindi ka ma o-out of place, trust me."
Tumango ako. "Tingnan ko."
Habang nag iisip ako at lumalalim ang gabi ay bigla akong kinalabit at tinawag ni Mia galing sa likod.
"Last na ito for today. Uwi na tayo. Ang tagal mo. Tayo na?" Sabi ni Mia sa akin.
Tumango agad ako at lumingon kay Logan at Kid para magpaalam. Naramdaman ko kaagad ang kamay ni Mia sa likod ko nang siguro ay nakita niyang pinaglalaruan ni Rage ang kulot na buhok ni Phoebe sa gilid ni Logan habang tinititigan ako.
"Uh, alis na kami. Tingnan ko kung makakasama ba-"
"Why don't you bring Mia, then? Kayong dalawa?" Hindi tumigil si Logan.
Napatingin ako kay Mia na ngayon ay nagtataas ng kilay sa akin bilang pagtatanong kung ano ang ibig sabihin ni Logan sa sinabi niya. Bumuntong hininga ako at pakiramdam ko ay talo na ako.
"Ano 'yan, Sunny?" Tanong ni Mia.
"Birthday celebration ko bukas. Iniinvite ko kayo ni Sunny pero ayaw niyang sumama." Ani Logan.
"Oo nga naman, Sunny. Please? Pumunta ka para sakin?" Sabi ni Kid sabay ngisi sa akin.
Nakita ko ang pagkakagulat at pagkalaglag ng panga ni Mia sa sinabi ni Logan. Ngayon, sigurado na akong talo na talaga ako. Sasama itong si Mia at sasama na rin ako. Shit!