تاق لأصداقائكم :*
الحلقة 31 من قصة " أسيل " :
أنا : ايوااا اهوو كيف وصللت
علاء : الحمد الله ع السلامة غزالتي
أنا : الله يسلمك
علاء: بالله نبي نسالك سؤال
أنا : أسأل ..
علاء : شن قصتك مع المستشفيات يابنت أنا في عمري نمشيلها ولا تصيرلي حاجة بعد 10 سنين وأنتي كل شهر بـ حاجة
أنا : وووه علياا أنا باهي :\
علاء : ههه تي خيرك
أنا : ياسر درهت كبدي منه الكلام هادااا
علاء : ههه خيرك تعفلقتي
أنا : أي ومحمد والاء نفس الكلام باهي خلاص المؤمن مصاب :\
علاء : ههههه نتسهوك عليك
أنا : رايق شكلك
علاء : ايواا وجووي فوق الريييح
أنا : بحداك دوشة وين أنت ؟
علاء : في البحر <3
أنا : نااعلياا نحببببه :\ نبييي
علاء : ركحي عظامك
أنا : -_- أنت ومنو
علاء: انا والجماعة سهرية ~~
أنا : باهي مانعطلش عليك
علاء : توزيعة ولاكيف
أنا : لا قصدي بايخة يشوفو فيك تكلم فيا
علاء : تعرفي لو تشوفي أحني 6 نفار وكل واحد شاد تليفونه ويكلم تبيني نتأمل فيهم ولا كيف
انا : هههه بشوية بلاش أنفعالات
علاء : أنتي تخلي الواحد هكي
أنا : باهي أسفة خلاص
علاء : للمرة المليووووون معاش تتأسفي
أنا : باهي نسيت =D
علاء : شن صار
أنا : في شنو
علاء : فـ موضوعنا
أنا : ماصار شئ فوته الموضوع توا ماعنديش نية نحكي فيه لو سمحت
علاء : باهي براحتك تمام
أنا : تعشيت ؟
علاء : ايه الحمد الله
أنا : صحتين :*
علاء :سلمك
أنا : كساد باه :\
علاء : تتكلمي معاي وتقولي كساد
أنا : هههه مافيش مواضيع
علاء : شن صار قولتي لي الاء ؟
أنا : حيي نسييت
علاء : عارفك فالحة
أانا : من غير ماتقول =D .. غدوة أكيد ح تكون عندي ولو رفضت عندي غيرها =D
علاء : منو ؟
أنا : بنت عمي
علاء : مليح خلاص شوفي أمورك
أنا : باهي قولي صاحبك شن مواصفاته ~~
علاء : وشن تبي فيه أنتي
أنا : وواك منك شن منقولللها في واحد يبي يخطب وخلاص لا نعرف مواليده لا شن يخدم لا شئ
علاء : ههه باهي م 89 ويخدم معاي وعنده شقة فوق حوش أماليه راس ولد ومايقدرش يخليها بروحها ~~
أنا : ام حلو باهي قنين هوا ؟
علاء : ووااك منك شن مهم لو هوا كامل ومكمل
أنا : يعني شين =D
علاء : مشاء الله عليه شن تبيني نقولك توا نسكر منك ونبعتلك صورته
أنا: تمام مية مية
وقعدنا نهدرزو ع مواضيع تافهه وخلاص ~~
لين خداني النوم وخليته =D
نضت تاني يوم ع صوت نورهاان
نورهاان : يااكلبة حقا رقدتي في المستشفي ؟؟
أنا : غير سلمي صبحي أسألي كيف حالك وووه طول هكي تنقيز أستغفر الله وخلاص
نورهان : هههههههه ياكلبة صدمني الخبر اليوم بس كيف عرفنا
أنا : سلمهم :* وين نور ؟
نورهان : برا تعاون في أمك
أنا : اهاا
نورهان : تي كيف صار ياهبلة وشن صار هاداكا اليوم قتلي نور شفتهم مع بعض
أنا : والله نور مامغيبة =D ~~ وحكيتلها كل يلي صار ~~
نورهان : لولوولووللللوولولويي
أنا : تي اسكتي فضحتيناا بس زغروطك فظيعة متقوليش عايشة برا هههه
نورهان : ههه نعحبك :* مش قتلك في شئ في الموضوع وطلعت الحقيرة هاديكاا
أنا : معاش تجبي سيرتها وراس بوك ~~ بتباتو اليوم رااه دخلنيش فييك
نورهان : أكيد وجبنا لوازم السهرة =D
أنا : ناعليا عارفتكم تقصروش :*
نورهان : هي نوضي أنتي خشي لحمام نطلع ندير معاهم
أنا : ايه أمي ماطلععتش؟؟
نورهان : ايه قاعدة
أنا : شكلها مش ح تمشي للخدمة
نورهان : ممكن بالله كلمي الهبلة الاء تجي حتي هيا وتكمل السهرية
أنا : تي من غير ماتقولي
نورهان :: هي أطلعي ~~
طلعنا خشيت لحمام ودرت لفتي لمعتادة صليت الصبح ووفطرت وقعمزت معاهم في المطبخ مدرتش شئ طبعا ومخلونيش ندير زعميتك مريضة =D
طيبو الغداء وتوه ودارت نورهان الحلو :*
وتغدينا وخشت أمي تقيل وخشينا داري =D
أنا : أحسن حاجة درتوها وحق ربي :*
نور : حقا كيف حال رانيا باهية توا ؟
انا : اي لا الحمد الله أيمن معاها وتحسنت ولا حالها كويس
نور : باهي الحمد الله
انا : يييييييي تليفوني يشريين تحتك نورهان شوفي منو
نورهان : أحممم أحممم
انا : من تحمحيمك عرفت منو هاتي
نور : هههههه سلمينا عليه
أنا : يوصل ~~ أيواا
علاء : تقول نكلم في صاحبي تي وين الرقة متاع أول يوم مكالمة ويين يابنت
أنا : ههههههههههههههه خزززززززيييي حطمتنيي
علاء : كيف حالك اليوم
أنا : الحمد الله كوووووووويسة
علاء : باهي دوم أسمعي بعدين منخطم عليك أطلعيلي أنتي
أنا : ههه علاش
علاء : ماليكش دخل
أنا : باهي حاضررر
علاء : يحضرلك الخير ..أسمعي بعتهالك صورة الولد
أنا : اهاا لا مشفتهاش هما بحداي بنات عمي ولا نشوف الاء ؟
علاء : مانعرفش شوفي روحك
أنا : باهي تمام
علاء : هي توا سلام
أنا : سلامات دير بالك ع روحك
علاء : حاضر حتي أنتي :* هي سلام
نور : كنه
أنا : توا نحكيلك غير شووية بس
وفتحت الصورة ولقيته مشاء الله عليه غزال :*
أنا : نور صاحب محمد يدور في وحدة وقالي شوفيهم أنتي شن تبي ؟
نور : وريهولي ترا =D
أنا : ههه حقيرة
نور : مشاء الله طرف =D
أنا : ايه وعنده شقة فوق حوش اماليه ومواليد 89 ويخدم مع علاء
نور : امممم كويس بس مانبيش توا =D
انا : هههههه كلبة قلتي من الاول توا نشوف الاء قعمزي أنتي =D
نورهان : نحن هناااااااا
نور : هادا ماناقص خشي تمرقدي
أنا : ههه مشنااك
نورهان : خزي :\
أنا : أسمعي علاء بيجي اليوم شن نلبس ؟؟
وينفتح البابب ويطلع محمد
محمد : من بيجي اليوم ؟؟
أنا : ههههه خلعتنييي غير سلم
نورهان : أهلييين بولد العم كيف حالك
محمد : الحمد الله بخير
نور : اهلا محمد ~
محمد : اهلين بيك :)
أنا : محمد اليوم بيجي علاء باش تستقبله عاد =D
محمد : باهي هي تبو حاجة ؟
أنا : لا سلامتك فـ أمان الله :*
نورهان : أمتى عرسه ؟
أنا : مش معروف نستنو فيها تكمل قرايتها
نور : علاش مديروشي مع بعض
أنا : حقا ايه ~~ مش عارفة بس أحسن
نورهان : اييه
ومر الوقت ونهدرزو وجت الاء وجي بعدها علاءءءء ومحمد مقدرش يجي وغاب القط ألعب يافار
أنا : منوو
علاء : الغولة تي أفتحي ليا ساعة
أنا : ههههههه أهلين " ناعليييااا منه يهههبللللللل "
علاء : أووو لا كويسة اليوم مشاء الله :*
أنا : تفضل خش
علاء : لالا عندي خدمة غير أمس مفضيتش نجيبلك حاجة فـ اليوم جبتهم :*
أنا : ناعليا علاش متعب روحك والله مالازم ياعلاء
علاء : ضمي فمك~~ وين ع الحلاوة هادي
أنا : أحمممممممممممممم
علاء : سلمها المتحشمة شهههر بسسس شههر وتكوني عندي
أنا : تحلم =D
علاء : نحلم في عينك تي توا تشووفي ~~
أنا : بااااه =D
علاء : هي تبي حاجة
أنا : أنت جبتلي كل شئ أصلا عليووو ة :* نحبك
علاء : أسمي علاء وراس بوك علييييو ة شن :\
أنا : هههههههههههه خلاص توا تشوف كان دلعتك تاني
علاء : باهي هي نحبك
أنا : أنا أكتر هيي
علاء : واضح أكتر هي سلاااماات
أنا : سلام ودير بالك ع روحي حبيبي
علاء : شن هيا ؟؟ ع الحال هادا منرفعك معاي
أنا : ههههههه مهبوول وحق ربي
علاء : باهي مافيش بوسة حاجة ؟
أنا : أطلع اطلع حشمتنااا
علاء : ههههههه توا تشوفي
وباسني ع خدي وطلع يجري وأنا قعدت ع وضع الأستهبال عارفته مستحيل يطلع من غيرمايدير فالطة ~~ وتلفتت نلقا الكلاب فوق ويصورو
جريت جرية أول مرة نجري هكي هههههههههه =D
انا : يااكلباااااااااتتتتتتتتتتت هااتي التليفففون نور هااتيه
وهما صايخين من كتر الضحك zzzzzzzzz
يتبع ..
تاق لأصدقائكم :*
الحلقة 32 من قصة "أسيل":
وباسني وطلع يجري وأنا قعدت ع وضع الأستهبال وتلفتت نلقا الكلاب فوق ويصورو درتها
جرية أول مرة نجري هكي هههههههههه
انا : يااكلباااااااااتتتتتتتتتتت هااتي التليفففون نور هااتيه
وهما صايخين من كتر الضحك
أنا : خزيييييييييييي عليييييكمممم وأقسم بالله لو ماتعطوني تليفوني اللما تشوووفوو
نور : ههههههههههههههه ووه دهشتينااا ههههههههه
الاء : الالا معقوللللة يابنت النااس ههههههههه بووسة ياسخيييفة هههههههههههه
نورهاان : ااه حناااابييي وووه علياا
أنا : كملتوو ؟؟ هاتي التليفون _
الاء : غيرر قوليلنا كيف كان شعورك ؟؟ههههههههههههه
نور : ياعطيهاالك هههههههه
أنا : ياقليلة الأدببب تي هااتي بلا نففخ
نور : شني نعطيها ؟؟
أنا : توا ناخده برووحيي
نور : ههه يدي عالية وأنا طويلة وأنتي درية مش ح تقدري
انا : الاء يا حقيرة بعتيني
الاء : هههه قوية اللقطة هههههههههههخخخ
وقعدو يتسهوكو وأنا نحاول ناخده لين نزلت يدها ودرت روحي مش منتبهة وخديته من يدها ومشيييت نحححري بسرعة وهما وراي تخايلت روحي في فيلم الزومبي كيف يحرو وراهم هههههههه ~~
خشيت للحمام وسكرت ع روحي بقدرة قادر ~~
وفتحت الفيديو نهار بيض !! ومكبرينها الكلاب وحيييي ع اللقطة تواا يشووف مابيتش نمسحه خليته في ملف مدسووس الجن الأزرق مش ح يعرفه =D
ومن حسن حظي أنه تليفوني مش تليفون وحدة منهم ~~
خليتهم يخبطو برا ويتحلفو فيا لو مسحته وطايحين في نور ~~
كلمت علاء =D
أنا : كييف أديير فيا هكيي !!
علاء : هه شن درت ؟
انا : تسأل مداير روحك مش عارفف
علاء : ههههه شن تبي ؟
أنا : درتلي فضيحةة
علاء : هه من شافك
أنا : ع أساس أنا بروحي مش انتت
علاء : ههه غر منو
أنا : الاء ونور ونورهان وصوروه فيديو
علاء : أووبااا ههههههههه أبعتيهولي
أنا : هادا مناقص
علاء : تو ناخده بطرقي الخاصة احم احم
انا : خف علينا يارئيس الوزارء مش هكي بس =D
علاء : ههه تتسهوكي أنتي هازية ولا هازية
أنا : هازية =D
علاء : شن هياا ؟ مسمعتش
أنا : اااه قتلك لا نحبك
علاء : اااهاا ~ باهي به
أنا : حاليا قريب يطربقو الباب ولو أستمريت معاك دقيقة تانية احتمال يتكسر من مكانه
علاء : ههه ماشي سلام
انا : دير بالك ع روحك هي سلامات :*
علاء : فـ أمان الله ~~
نور : أنتي بتفتحي ولا نمشي نكلم امك
أنا : طالعة طالعة
دسيت التليفون في مخبأ سري =D
وطلعت =D
نور : وويينةه ؟؟؟
أنا : شن هوا ؟
نورهان : شن ح يكون يعني وين التليفووون
أنا : منعرفش مش عندي =D
الاء : المرة هادي ح نفوتهالك وح نلقوه نلقوه =D
أنا : شبديري بيه أصلا
الاء : نبي الفيديو =D
نور : ههه شفتيه
أنا : ايه ومسحته =D
جتهم صدمة تلاتيه الأبعاد خلتهم يتبكشو ..
نور :خزييي عليك مش كان خليتيه يابنتي راه قعدلكم دكرة
الاء : ونشرته ع الفيس =D
أنا : تنشري في المنشرة مش تنشري ع الفيس طيح سعدك
نورهان : ههه هي ننزلو وحق ربي جعت من الجري
نور : هههههه نفس الشئ
الاء : تي شن جابلك حقاا
أنا : هه دكرتيني خليتهم بحدا الباب من الصدمة
نور : هه تي بسرعة قبل لايجي حد وكان تطلع فيها حاجة هكي ولا هكي
نورهان : أكيد يعني
نزلنا بسرعة وطلعنا في الجنان وكان جايبلي كيستين كيسة فتحتها لقيت فيها كلها شكاااليط وبطاطا وكلل شئئ معبييية هلباا
نور : نحس فيه جايب الشكاليط والبطاطات من المحللل كله
أنا : ههه ديما
والكيسة التانية فيها بوكس فيه ساعة وبحداه ورد وفي ظرف صغيرون مكتوب عليه "الحمد الله ع سلامتك يا أغلى شئ في حياتي .. نحبك وربي مايحرمني منك "
نورهان : احم أحم
الاء : يلا نعيييط
نور : جفاااف عاطفي بصيرليي
أنا : ههههه
نورهان : ربي يخليكم لي بعض يااحنة
أنا : سلمك
الاء : يعيش ويجيبلك ياحنة
نور : تتهني ياحنة =D
أنا : سلمكم ياحنات
نورهان : هي خشووو توا يطلع حد يشوفنا
أنا : مش حد يشوفنا تي أنتي بتااكلي هههههه
نور : ههه ايواا
خشينا الداخل وكلينا وفتحنا فيلم وقعمزنا نتفرجو وناكلو لين خدانا الننوم ~.~
نضت الفجر ع صوت تليفوني يشرين علاء ~..
علاء : صباح الخير هي توضي وصلي :)
أنا : صباح الورد حاضر
علاء : هي سلام
أنا : سلامات
نور : صبح يافتاح حتي في الفجر مش مهنين روحكم
أنا : يااا قرردة اهي المكالمة موصلتش 1 تانية ينوض فيا باش نصلي الفجر
نور : ههه باهي به
أنا : نوضي صلي ونوضي الزومبيات يلي راقدين معانا
نورهان : نسمع فيك راه
الاء : المشكلة فيش زومبي غيرك ياموحشة
انا : هههه كلكم طلعتو فايقين ~~
نور : سلم الشيخ يلي فيقنا
أنا : ايوواا متفلطيش كله الا شيخي ايواا
نور : ونا طايحة عليا السبورة
نورهان : بالخطاط متاعاها نا وأنتي
الاء : الفصل كامل وحياتكم
أنا : المدرسة كلها خير كملوها ههه هي نمشي نتوضى شدو الدور
مشيت توضيت وصليت ودعيت لي ربي يوفقني ..
ووليت رقدت~~..~
الاء : ياعيني عندك ضيوف وراقدة ! نوضيي تحرركيي
أنا : بسم الله الرحمن الرحيم أعود بالله من الشيطان الرجيييم !!
في حد هكي ينووض ياأختي بشووية بشووية قريب قتلتيني منك لله ماني مسامحاتك
نور : ههه تستاهلي هي تحركي ~~
أنا : أمري لـ الله
نضت وكالعادة درت لفتي المعتاده كلمني علاء ~~
علاء : ايواا صباح الخير كيف حالك
أنا : صباح النور الحمد الله كيف حالك أنت
علاء : الحمدا الله بخير المهم حالك باهي مايوحع فيك شئ ؟؟
أنا : لالا الحمد الله حصاااانة =D
علاء : هه باهي الحمد الله غير أتصلت نطمن عليك هي وتوا انا في الخدمة نروح نكلمك ماشي ؟
أنا : ماشي هي دير بالك ع روحك ونحبك
علاء : هلبا ؟
أنا : فوق ماتتصور
علاء : ماشي حتي انا هي سلاماات
انا : سلام
نور : نااعلياا ناا نبي نتززوز
أنا : ههه ماتبيش أنتي
نور : مصارليشش ههه نبييي
الاء : شن في من ورانااا ؟؟
نورهان : لا وراك ولا قدامك ههه صاحب علاء يبي يخطب وقاللها شوفيلي قالت لي نور وهيا ماتبيش
الاء : وصااحبتك يا كلبة
أنا : ههههه منقولك وحق ربي الله
الاء : نبصر أصلاا مش مفكرة فيه بكل
أنا : تي مشاء الله عليه م 90 يخدم مع علاء بحوشه وكامل وهاادي صورته
الاء : حيي طرفووش
أنا : اييه
الاء : نقول لي مااما ونرد عليك
نور : يصير خير ياربي
نورهان : ان شاء الله
أنا : الحووش يشرين شوية ونجي
مشيت نفتح ولقيت قدامي رانيا عيونها حمررر بطرييقة مش طبيعييية أول مرة نشوفهاا هكيي
أنا : يااسااتر شنن فيي خيييررررك تككلللمييي
يتبع..
تاق لأصدقائكم :*
الحلقة 33 من قصة "أسيل " :
مشيت نفتح ولقيت قدامي رانيا عيونها حمر بطريقة مش طبيعية أول مرة نشوفهاا هكيي
أنا : ياساتر شنن فيي خيييررررك تككلللمييي
أظبطتني وأنهارت بالبكاء :\ وأنا مش فاهمة شئ
أيمن : خشي الداخل
خشت رانيا ودخل أيمن شنطتها
أيمن : لما تهدي كلميني بالله هي سلام .. وطلع وخبط الباب
انا : رانيا اهدي وخيتي ياسر من البكى خشي خشي
نور : شن في ؟؟
نورهان : رنوو خيرك
أما رانيا فـ أكتفتت بأنهاا تخش ولا كلمة شافت أمي مقعمزة مشتلها وظبطتهااا وتبكي هلبا
رانيا : علاش معنديش حظ يما علاش أنا اااا ديماا متقربعة في كللل شئئعمري ماتهنيت بشئ علااششش ياااميي
ايمان : استهدي بالله شن في خيرك ؟؟
رانيا : جاااية في وووسسط حووشي وتعااير فيااا جايبتلناا مغووولية جايبتلناا بنت مريضضة باهي يليي توففت يماا تحمد في ربهااا تااني أنهاا توفت قداامي
أنا معااش نستحمممل شئئ تععبت يا أميي والله تععبت ..
طبعا كلنا قعدنا نبكو لما سمعنا كلامهاا لأنه تدوي فيه وخانقتهاا العبرة لقطة مؤترة هلبا~~
ايمان : منو يلي قالك هكي يا بنتي أهددي
رانيا : عزوززتي أم راجلي يلي توقعتهاا اول وحدة توقف معاي في محنتيييي
مش تقولي بنااخدله مراااة تانيية تجيبله صغاار مافيهم شئئ وكأن العييب فياا
ايمان : خلاص أهدي الاء حيبي مية .. خلااص مش كووويس ليك كيف مدايرة عمليية يابنتي توا تممرضي خلاص
جابتلها الاء مية وشربتها وهدت شوي بس قعدت تبكي وخلاص
نور : خلاص يا دانيا مفروض توقفي معاهاا مش تقعدي تبكي حتي أنتي
ايمان : تعالي يادانيا أرفعيها لدارهاا خليها ترقد
طبقت الأوامر وخشيت معاها قعمزت معاها
رانيا : نار في قلبيي ياوخيتي نااار
أنا : خلاص والله مانتحمل نشوفك هكي خلاص
رانيا : كلمي أييييمن حيي علييااا يسووق بسررعة كان مادار في روحه حاجة
أنا : سمع الكلام يلي قاتهولك
رانيا : ايييه كنا في المطبخ وهوا كيف خش للحوش وأحني ممندروش عليه هيا حطت كلامها وأنا من الصدمة قعدت ساااكته ودموعي بروحهم ينزلوو
أنا : حسبي الله ونعم الوكيل خلي نشوف أيمن وبعدين كمليلي ..
كلمت أيمن ميردش عليا .
نشغلت وجت الأفكار السودة في راسي كلهاا لأن أيمن يسوق بسرعة مش طبيعية وكدا مرة يدير في حوادت ..
رانيا : مردش ولااا ؟؟ داار حاادت أكيييد ووه عليااا ووه
انا : تي سكري فمككككككك خلي نشوف علاءء
أتصلت بـ علاء وبرضو مايردش ديما هكي وقت يلي تبي حد مستحيل يرد عليك !!
معاش عرفت شن ندير قعدت نبكي معاها وخلاص
نور : تعالو تغدو
أنا : والله ماعندي نية كولو أنتو
رانيا : لالا صحتين
طلعت نور
رانيا : متقوليش شئ ع أيمن مانبيش أمي تنشغل خليه بيناتنا
أنا : حاضر
ايمان : هي أطلعي أنتي وياها من غير كتر كلام نوضو تغدو
أنا : والله مافيه وين ينحط
ايمان : أفتحيله زنقة تي نوضي
رانيا : يا أمي خليني مانبيش
ايمان : نوضي نوضي بلا دلع بنات
نضنا وأمرنا لـ الله ..
تغدينا وكملنا وغسلنا الماعين خشينا مع رانيا ورانيا قريب تممووت أيمن مايردش بكل ولا علاء يرد -_- ..
مرت القايلة وحالنا مايعلم بيه الا ربي ..
جت العشية وطلعت في وسط الحوش قعمزت مع أمي ..
أنا : بتكلميها ؟؟
ايمان : عزوزوتها ؟ لالا
أنا : لا كليمها متسكتيش يا أمي
ايمان : مانبي ندير العداوة بين العيلتين بعدين متنسيش بتولي كنتهاا
انا : يا أمي توا تتمادى هادي وقفيها عندها حدهااا شن الكلام يلي مقايلاته هاداا
ايمان : خلي يجي محمد ويصير خير
انا : لا يا أمي مدخليشي في القصة فكينا منه توا يمشي يدير عركة
ايمان : ايه صح
أنا : كلميهااا
ايمان : باهي توا انكلمها هي
كلمتها امي مردتش .. عاررفة روحهاا شن مدايرة كرهتهاا للمليوووون خليت أمي ومشيت لدار رانيا ..
الاء : دانيا أنا أمش شوي وجايتني مروحة
أنا : خلييك
الاء : لا والله ماعاد نقدر مرة تانية ان شاء الله
أنا : ان شاء الله
مشت الاء توتي في روحها وجت أمها وروحت بيها وقعدت أنا نور ونورهان
نوورهان : نور كلمي بوي هيا وقت
أنا : العفو خيركم
نور : بتروحي أنتي روحي أنا منقعد
نورهان : تي نووضي عندي جامعة أنا :\
أنا : حي بديتو تقرو أهني ؟؟
نور :ايه حولنا وخلاص
أنا : اه موفقة ان شاء الله حتي أنا السمستر قريب يبدأ
نورهان : اهاا كويس .. انتي مش ح تروحي يعني ؟
نور : ايه
نورهان : توا نكلم بويي يجي يروح بيا
نور : باهي مربوحة =D
نورهان : خزي
وطلعت نورهان تكلم في عمي ووتت روحها وروحت ..
رانيا : والعبر خانقتها " دانيااا أنا خلاااص معااش قاادررة بكككل
نور : بسم الله شن في ؟
أنا : متوقليش لي أمي أيمن مختفي ميردش بكل
نور : مممكن تم الشحن ولا راقد أو ماعنداش تغطية عادي
رانيا : لالالا أيمن لما يتعفلق معاش يعرف حد وخصوصااا توا متعارك مع أمه ...
نور : ان شاء الله خير غير هدي بس
مر الوقت وأيمن وعلاء مايردوش .. ومرت الليلة من أسوء الليالي رقدت أنا ورانيا ودموعنا ع خدنا الأتنين مش مبينين بكل ..
شرين تليفوني الفجر نخللعت نضت نجري لقيته علاء مصاريني صبيتهم كلهم في بطني .
.
علاء : ايواا
أنا : أول ماسمعت صوته قعدت نبكككييي "
علاء : بسم الله .. شن في خيييرك ؟؟ تبكيي ؟؟
أنا : وويينك
علاء : ااه شحني تم وبايت في الاستراحة مع الاولاد وحطيته يشحن وتوا نصلي في الفجر شفته قدامي
انا : قعدت نبكي بعبرتي :
علاء : حيييي تي خلاص ياروحي والله مانتحمل نسمعك تبكي هكي راااه اهوو مافيا شئ ونكلم فيك خلاص حبيبي
أنا : علاء بعقلك أنت !! أنت مش عارفف شن صاايرر معقوله هكييي متقولش في وحدة مشغولة عليك .. والله ماتعرف كيف مر عليا الييووم !!
علاء : غير بطلي بكاء وأهدي وأحكيلي شن صاير شن في ؟
أنا : أيمن معاااك ؟؟
علاء : لالا علاش
انا : ووهه وييين امالا
علاء : تي شن صااايررررررررررررر ؟
أنا : ماعاد تكشخ -_- .. أمس صارت عركة بين أمك وأيمن .. متقطعش ع كلامي أرجووك .. خليني نكمل .. أمك جت قالت كلام لي رانيا والكلام سمعه أيمن وصارت عركة ورانيا جت أهنا وأيمن معاش بان بكل
علاء : شن شن ؟؟ شن تقوولييي ؟؟ قصدك !!
أنا : بعدين نزيد نوضحلك غير شوف أيمن رانيا قريب تموت عليه
علاء : باهي باهي سكري هي تساو وصلي الفجر وأرقدي
أنا : باهي سلام دير بالك ع روحك
سكر علاء ونضت صليت الفجر وصليت ركعتين زيادة ودعيت فيهم ربي ..
وخشيت رقدت ومهناك راقد غير ممدوة وخلاص ..
نضت الصبح بكري ضميت الحوش وهما راقدين ودرتلهم الفطور ووتيته ..
أنا : رانيا حبيبتي هي نوضي أفطري
رانيا : لالا والله مانبي
انا : تي والله لما تنوضي أنا حلفت خلاص
رانيا : معاش تعااوديهاا
انا : بييه ... نووور نووور
نور : هاا نسممع يااوجه الفقر -_-
أنا : وحق ربي مافي غيرك وجه فقر .. نوضي أفطري
نور : بااهي
أنا : يمااا أميي مامااا ماااميتي
ايمان : وق ربي نسمع خيرك ؟؟ من مات ؟
أنا : ووه تفائلي .. مافي شئ غير تعالي افطري
ايمان : يلي يسمع مداير اشبح شنو طيح سعدك
انا : منورة ..
محمد : من غير ماتنادي أهو جيتك =D
انا : سلمه ياربي
قعمزنا كلنا فطرنا ومشت امي لخمتها وطلع محمد لخدمته وقعدنا بروحنا ..
بديت نديرو في الغداء أنا ونور وبعدين الباب يشرين
أنا : بري افتحي
نور :لا بري انتي مش فاضية نقرض في البصلة
انا : فلاحة زعميتك
نور : غصبن عنك
انا : _
مشيت نفتح في الباب ولقيت قدامي ......
يتبع ..
تاق لأصدقائكم :*
الحلقة 34 من قصة " أسيل " :
بديت نديرو في الغداء أنا ونور وبعدين الباب يشرين
أنا : بري افتحي
نور :لا بري انتي مش فاضية نقرض في البصلة
انا : فلاحة زعميتك
نور : غصبن عنك
انا : -_-
مشيت نفتح في الباب ولقيت قدامي ~~
أيمن وعلاء ..
أنا : هيييي ايمنن
أيمن : أهلين كيف حالكك
أنا : أيييييممممن تي وييين كنننت أنت !! رانيا قريييب تهبل علييك
أيمن : وينها ؟؟
أنا : الدااخل خلي أنادي عليهاااا
ومشيت نجري ومن الصدمة خليتهم قدام الباب =D .. هبال ع أصوله
أنا : راانياا رانياا رانييا
رانيا : شن فيي ؟؟؟؟؟؟؟؟
أنا : أيمن أيمن
رانيا : ناضت من مكانهاا بسرعة ودموعها بدو ينزلو منها " خيررره شن فييي ؟؟ ماات
أنا : جييييييييي البراااا
مشت رانيا تجري
أنا : رانيا لالالا عمليييتك بشووييييييية وبديت نصيح ع ايمن يخش قبل لا توصل فيه ~~
جي أيمن بسرعة ووقفو قدام بعض هيا تشبحله وتبكي وهوا يشبحلهاا ..
لين هيا قعدت تضرب فيه ع صصدره وتبكيي
رانيا : علااش تخووف فياا عليييييك كافيني يلي فيا انااا علااش اديررر هكييي مفرووض توققف معاي وماتخلينيش بروحييييي
اايمن : قعد يشد في يديها " رانيا رانيا خلاصص خلااص بطلييي بكيي أهديي
وخداها في حضنا وباس ع راسها وهيا تبكيي هلبااا .. بالنسبة ليا الموقف شفته =D وجاني جفاف عاطفي أتدككرت علاء وطلعلته نجرييي ..
لقيته واقف برا متكي ع السيارة وعاطي الباب بظهره ويكلم في التليفون طلعت راسي شووية ملقيتش في حد .. قدمت شوية ونخصته من الجنب =D ..
علاء : ايي بسم الله .. ماشي معاد بعدين توا نكلمك ماشي سلام ..
أول ماشافني فننص فياا وشد يدي بقوة ودخلني الدااخل بوقة
أنا : هيييييييي حول ييدككك
علاء : تييي شن طالعة هكي للشارع !!
أنا : مافي حددد
علاء : في حيااش وفيهم روااشن
أنا : دموعي بدو ينزلو " ااه يديي حول ييدك حوول
علاء : حول ييده " معاش تطلعي هكيي
أنا : بديت نبكي بعبرتي"أصلا أنا المهبولة يلي طالعتلك
وكيف جاية منخش شدني من يدي وخداني في حضنه وقعدت نبكي ..
علاء : خلاصصص أسسف عارف روحي كشخت عليك خلاص بطلي بكيي
أنا : كنت نبي نخلعكك بسسس وشفت الشارع لقييته فاضئ :\
بعدت منه وهوا حط يديه ع وجهي =D .. ومسحلي دموعي وقعد شاد فيا
علاء : خلاص أنا العيوون الحلواات هادم نبيهمش يبكو تاني ماشي ؟
أنا : أنت وافعالك هوا في حد يبكي فيا غيرك
علاء : خلاص ياروحي اسف .. وين ع الحلاوة كل مانشوفك نزيد نهبل علييك تي خلاااص تبي ولا ماتبيش الفاتحة قريب راه
أنا : ههه مش موضوعنا توا .. حيي تي حوللل يدييييك لا يجييي أيمن ويشووفناا حوول
علاء : تي حتي هوا لاهي بمرته ع الأقل مرته دخلاته مش زيك اااااهه يا طيااح سعدديي
أنا : هه حي علياا خش خششش
علاء : لا اصلا طالع
أنا : تي وحق ربي لما تتغدا عندنا حلفت خلاص
علاء : معااش تعااوديهاا !!
أنا : تي أنا مدايرة الغداء تبيش تاكل من يدياتي :\ زعلت خلاص
علاء : باسني ع خدي " هههههه مدامه فيها غدى ومن يدياتك خلاص قاعد =D
أنا: ههههههه للمرة المليون معاش تعاودها
علاء : في الحلم ان شاء الله
انا : هههه ناعليا
علاء : منك
أنا : هي خش خششششش
علاء : الناس تقول تفضل يا فهيمة
أنا : لا نعيمة =D .. تي مش بينا =D
علاء : وحق ربي تقول مع صااحبيي تي وين الرقة يابنت
أنا : هههههه باهي باه تو تشووف
وخشينا الداخل لقينا أيمن ورانيا مقعمزين في الصالون خليناهم بروحهم ومشينا للصالون التاني ~~
انا : دقيقة ونجي نمشي نشوف نور
علاء : بنت عمك ؟
انا : اها
علاء : ماشي ~~
مشييت للمطببخ~~
نور : ياصايعة أتقي الله
أنا : هههههههه ختيبي
نور : هههه ماشي ماشي
أنا : ها شن صاير ماشي حالك ولا عكيتي الغالي بيتغدأ عندنا راه
نور : هههه متخافيش كلو تحت السيطرة =D
أنا : خلي نوتي السفرة سترنا ربي عندنا سلايط ومسير وزيتون ههههه
نور : هههههه ايه ومطيبين غداء باهي
أنا : ايه يحبه الرز المسقي
نور :ناعليا كله تعرفيه
أنا : تي كيف عاد =D
وتيت سفرة الغداء حطيت لي علاء وأيمن بروحهم وحطيت لينا بروحنا ~~
وطاب الرز وسقيته وحطيته في صوانيه وكلمت امي وهيا مروحة تجيب الحلو ~~
جت الساعة 2 وكان كل شئ واتي ~~
أنا : هي نرفعع
نور : تيي صبري باالك تي صنتك كلها ماكلة بري غيري حوايجك راك قاعدة بتووته راه
انا : هههههههه حيي علياا نسسيت تعرفي نمشي نغير حوايجي في دقييقة قبل لا يبررد
نور : ايه بسرعة
ومشيت بسرعة البرق غيرت حوايجي ولبست سروال جينز وسورية فيها شوية زخرفة وواسيت شعري وبخيت برفان قوي =D
وطلعت
انا : هاا شنو باهي ولا نغير ؟
نور : حي عنماا تي تهبلي تبو صورة بعدين راه
أنا : ههههه خلي نمشي نفرش وانتي أطلعي سلمي وجيبي معاي السفرة
نور :نقولك حاجة
انا : هاا
نور : تعالي حطي الغدااء في دار الاكل فوق الطاولة باهي ونادي عليهم خير من التروين
أنا : اي صصححح هي هي ارفعيي
نور : ههه باهي
رفعنا الغداء وحسيته برد سخنته في الميكرويف تاني =D
ومشيت للصالون منادي ع رانيا وايمن لقيتهم مهناش مشيت لي علاء لقيتهم مع بعض يهدرزو
أنا : دوختووني قعدت ندوور عليكم هي تعالو الغداء واتي ~~
علاء : الحم\د الله نسحابك اديري في عشاء =D
أنا : هههه تي الساعة 2 ونص من زيك انت
أيمن : نوووض وسكر فمك هادي لحظة تاريخية دانيا يلي مطيبة
رانيا : هههههه قووية
انا : _
طلعت وهما جو وراي قعمزنا مع بعض وكلينا وكيف كملنا جت امي لما شبحتني عطتني تفنيصة لا يحسد عليها وفهمت من معناها وتي روحك للطريحة ~~ وزززغرطي يا أنشرااااااااااح يلي جااي أحسن من يلي رااح لولوولوي ~~~
علاء : هي ان شاء الله دايمة وسلم أيديكم مشاء الله عليه
ايمن : ايه والله يادانيا صار منك
ايمان : وووين ويننن تي والله لما تقعد تشرب الشاهي معانا
علاء : علاش يا خالتيي حلفتي والله مشغوول
ايمان : أجللل شغللك تي أقعدد
أنا : أسمع الكلام =D
ايمان : اسكتي انتي ~~
طلعو علاء وايمن ورفعتهم امي وقعمز في الصالون
انا : وواااك نبيي نقععد معااه الزفففت مقعمززتش معااه ووه منبككييي
رانيا : تو نشوفلك حاجة غير شوفو محمد امتي مروح
أنا : كلمييه انتيي
رانيا : باهي
وكلمت محمد وطلع مزال مش مروح =D بيتأخر اليوم =D
وكلمت أيمن يطلع ع اساس تبيه ونور نادت ع أمي وانا هرربت ومشيتتله
أول ماخشيت وقفلي وشدني ~~
علاء : تيي وين ع الطرحااات والجو ~~~
أنا : ههه هاا شن رايك في الغداااء
علاء : نشك في أن مدايرتيه
أنا : هههه مشناااك وحق ربي أنا يلي درته ومعاي نور ~~
علاء : ايووااا قولي من الأول معاك نور ~~ كان قلبي حاسسني
انا : ياعينيي ~~ هي منطللع المهم هدرزت معاك كلمتين قبل لا ايمان تفصل
علاء : هههه ماشي ماشي
أنا : أستناا نبي نصور معااك
علاء : ههه لازم ؟
أنا : أكيدددد وناديت ع رانيا بالشوووية وصورت معاه صوورة تتهبللل
وطلعت رانيا وكيف جاية منسلم عليه باسني ع راسي وقالي ربي يخليك ليا <
انا سححت خلاصصص ههههه
وطلعتت وخشيت للحمام باش ايمان متشكش وطلعت وشفاتني طالعة منه كانت ماشية لي علاء بترفعله الشاهي والحلو ~~ وقعمزت تهدرز معاه لين روح :\ ~~
أنا : نوووووووووور أنقديينيي ايمان بتقتلني أكيد توا هههه
ايمان : انتي ي فرخخخةةة نسممع فييك عارفة رووحك يافاللحة
انا : شن درررت يا موني
ايمان : مووني في عينك يا قردةةةة كيف تطلعي هكي اااه كيييييييف شن بيقولو عليينا النااس راه قاعد مش قاري الفااتحة كيف تطلعي من غير حجاببب
أنا : خلاص يانبع الحنان تي ماهو شافني في البيان هكي عادي ياحبي
ايمان : وتجيني ضربة من حيت لا أدري " حببببي في عيينك ووه عليا معرفتش انرربي أنتي ولااا بتجلطينييي
انا : ههه تي بشووية يماا تي وحق ربي الا عادي وكلهم هكي يطلعو والله مافيها حاجة صح نور ولااا ؟؟ صحح ول اتكلمي يابلوة قولي صح ؟
نور : ههههه معاك حق مرت عمي
أنا : ياكلبة
وأستمر الصراع مع أمي ~~
وحلفتلي ع الطلعة وقعمزنا نتفرجو ع وجوه بعضنا وخلاص ..
أنا : رانيا تعالي جاي تصدقي مسألتش علاء وين لقيت أيمن ؟ ههههه
رانيا : ههه من شووفته لين نسيتي ~~ ياحنة يعرف ايمن حشيشته البححر دار لوده ع الشط لقاه راقد في السيارة قعد معاه لين صبح الصبح وجابه وسيارة أيمن قعدت غادي =D
انا : فالحين ها أنتم شن قررتو في موضعكم بتولي ؟
رانيا : والله قالي هيا وتي روحك قتله لا خليني توا لحد ماتمشي تكلم أمك وادير معاهاحل لأني مستحيل نمشي من غير مايكلمها قبلها !
أنا : امم ايه معااك حقق
محمد : داانيييييييا يافرررررخةةةةةةةة
أنا : حي علياا خيرره هااداا ياارب بطني ووه
يتبع ..
تاق لأصدقائكم :*
الحلقة 35 من قصة "أسيل " :
محمد : داانيييييييييا يافررررررررررررخةةةةةةة
انا : ووه خيرره وووه عليا بطنيييي
رانيا : تي نوووضي تحركي وشهدي ع روحكك نووضي بريلله
أنا : أدعيلي وخيتي وحق ربي كنت انسانة طيبة اشهد ان لا اله الا الله وأشهد أن محمد رسول الله
محمد : متسمععيش انتييي نكلم فييك تععاااااالي
انا : جاايية جايية نننعمم ممحمد خيرك ؟
محمد : سنة أنادي عليك متجيش وين مفاتيح سيارتك ؟
أنا : -_- قصدك مداير هـ الشوشرة هادي كلها ع خاطر تبي مفاتيح السيارة ؟؟
محمد : ايه هي بري جيبيهم =D
أنا : الااا بااهي وبعدين وين سيارتك
محمد : انا مناخدش في ادنك يا فالحة أنا قتلك هاتيهم
أنا : وووه مننكككك
محمد : هههه أسمعي انا طالع بيها شوية وجاي وتيلي العشاء
أنا : جيبلنا من برا عاد طالع بيها ومن غير مقابل هاك شد وأنا حاطتها زي المزهرية من لما تم السمستر معاد طلعت بيها
محمد : مش لازمك هي سلاماات وزي ماقتلك باهيوو
أنا : -_- خزي
رانيا : هههه رعشتي روحك ورعشتيني معاك
أنا : تي وحق ربي نسحابه أمي حكلته
نور : ههه حتي انا
رانيا : شن مقررتوش امتي العرس ؟
نور : قصدك بديريه قبل لا تكملي قرايتك ؟
أنا : أنا مادبيا نكمل قبل قبل بس هوا قالي احلمي كمليها عندي
نور : دانيا أنا مننصحك وانتي شوفي روحك ردي بالك تغلطي ووتزوجي وانتي ماعندكش شهادة متندريش ع الحياة شن فيها لا سمح الله يتوفى وتقعدي انتي من بيصرف عليك ؟ ياسيدي أمك امك لي أمتى بتقعد تصرف عليك انتي وصغارك ؟~~ ولا تتزوجي ومن أول شهر تحملي مستحيل تقدري تكملي بعدها .. شهادتك تم شهادتك تم شهادتتك بعديييييين الزواج وبعدين انتي شن مزالك ؟
أنا : سمستر والمشروع
نور : تي كملييهم وبعدين فكري خليه بيتعفلق لما تقوليله بس مع الايام ح يتقبل
انا : كلامك قنعني بس هادا علاء ماتعرفيشي أنتي
رانيا : عادي يا نور اهو انا كملت قرايتي والحمد الله توا بشاهدتي ونخدم وعادي
نور : أنا نصحتك بس وشوفي روحك
رانيا : اي والله هدا علاء مستحيل يغير رايه وفكك من المشاكل يادانيا
أنا : والله ماعااارفة داايخة ومش عارفة شن ندير
نور : يلي تشوفيه مناسب ديريه :)
أنا : باهي توا أكيد بيتصل وبيفتح الموضوع متأكدة شن نقوله
رانيا : قوليله قاعدة مشاورتش امي فيه وخلاص
أنا : اهوواا يشرين ابن الحلال عند دكروو بيباان ~~
رانيا : ردي بلا امتالك =D
أنا :اهليين كيف حالك
علاء: الحم\د الله شن اخبارك
أنا : ماششية روحت ولا في السيارة ؟
علاء : كيييف خشيت للدار كيف وصلت
انا : تعشيت
علاء : اي خديت من الطريق
أنا : صحتييين
علاء : سلمككك ها شن مدايرة
أنا : أهو قاعدة مع البنات
علاء : سلميلي عليهم ~~ واطلعي من بحداهم نبيك
انا : شبه عرفت المووضوع وسيبته وطلعت ومشيت لدار رانيا وسكرت ع روحي بالمفتاح "
ماشي طلعت
علاء : أنا من قبل نقولك العرس نبيه بعد شهر صح !
أنا : صح
علاء : باهي الحم\د الله يلي عارفة ~~ توا أحنى في شهر يوم 5 وتحديدا يوم 12 ماشي ! وأنا نبيه يوم 16.6 العرس والفاتحة 6.6
أنا : وتتت ؟؟ أكيد تنكت صح ؟؟؟
علاء : وقت بصاره ولا موضوع بصاره هوا ؟
أنا : مستحيل مستحيل مستحيل
علاء : شن هوا المستحييييييييييل فهمييينييي أقنعينيي مش دوووة وخلاااص
أنا : أنا قاعدة صغييرة ونبي نكمل قرايتيي مزاللل وقت قدامناا
علاء : توا عرفتي أنكك صغيررة ؟؟؟ ماه من أول ماخطبتك عارفة !! وعاارف
أنا : علاء لو سمحت !!
علاء : والله الا عيييييت قريب لينا سنة ونص ولا سنيتن مخطووبين وخلااص يااسر
أنا : نبي نكمل قرايتي
علاء : للمرة المليييوووووووون قولك كملي أمها عندي
أنا : نقدرش نشري حاجاتي كلها في شهر وبعدين معندناش تكاليف العرس توااا مزال وقت
علاء : أخر قرار ؟؟
أنا : لا
وسكر في وجهي .. ووجعتني روحي هلباا وقعدت نبككككييي كلمته لقيته خارج نطاق التغطية " مسحت دموعي وطلعت لقيت قدامي محمد
محمد : جبتلك عشاء بحبحي هي من زيك محممممد جابلك
أنا : أول ماشفته خفت يشوف عيوني حمر ويديرلي قصة وأول ماسمعت صوتته دمووعي ينزلوو ديما تصيرلي لما نكون قاعدة مككملتاش بكاء وقفت شوية أول مانسمع صوت شخص أنووض نبكيله =D "
محمد : اوو خيركك شننن فيي؟؟؟؟
نور : داانييا خيرررك شنن فيي ؟؟
أنا : ضاقت بيا وحتي الفنس حسيته نغم عليا وحسيت روحي مخنووقة مشيت نجري للرووشن وطلعت راسي وقعدت ناخد في نفسس متوقعتش لي لحظة أن بيجي يوم ويسيبني :\ وشكله اليوم بما أنه تعب مني :\ .. قعدت نتنفس بقوة لحد ما أستقر النفس شووي ودخلت راسي
محمد : تييييي خييييييييييييييرككك
رانيا : اشربي ميية
محمد : تبي نرفعك للمستشفي
انا : أشرتله بيدي لا
وقعمزت ع السرسر وحطيت راسي ع المخدة ودموعي ينزلوو وهما بحداي ويكلمو فيا وانا لاحياة لمن تنادي ..
قعدت نفكر لو يلي نفكر فيه يصير !! وهوا " الفراق "
ان شاع الله لا ولا ندوق مرارته ولا نغيب عليه ولا يغيب عليا
قعدت نفكر حياتي من غيره كيف ! ع قد ماحاولت مقدرتش ..
رقدت الليلة ودموعي ع خدي نضت الفجر كنت متعودة انه يتصل بيا ويقولي " صبح صبح ياعم الحج هي توضي وصلي وأدعيلنا ربي يفتحها علينا "
توضيت وصليت وقعدت ندعي لين طلعت الشمس ورقدت ..
رانيا : دانيا هي نوضي الساعة واحد راه
أنا : حيي رقدت هداا كللله !!
رانيا : اي هي نوضي
وطلعت رانيا وسكرت الباب شفت تليفوني لقيت 5 مكالمات منه أستغررببت وكيف جاية منتصل هوا اتصل رديت عليه وأول ماسمعت صوته قعدت نبكيي .
علاء : اه دانيا أمس الضئ هرب والصوت بدي يقطع لين بديت معاش نسمع فيك خيرك تبكي ؟
أنا : أكيد تبصر صصح ؟؟
علاء : فـ شنو؟
انا : قصدك بجديات مش انت يلي سكرت ؟
علاء : والله الا هربت التغطية ومعاش حصلت وتوا في الخدمة الصبح كلمتك مرديتيش
أنا : نحلم أنا ؟
علاء : هه وين نندري عليك شن في خيرك ؟؟
أنا : تي امس نسحابك سيبتني وفتتني ع خاطر قتلك العرس مزال وسكرت عليا وع اساس خلاص تي مرت عليا ليلة الله لا تروعك
علاء : ههههههههههه تي وحق ربي تنفعي تألفي في مسلسلات هندية
أنا : لالا بجديات انا مش قادرة نستوعب شئئ
علاء : اسمعي انا توا مش فاضئ غير قلت نطمن عليك حطي حاجة في دمنقلك اليابس انا مستحيل نسيبك فاهمة وتوا منسكر وانتي راجعي الاحدات ماشي ؟
أنا : ههه ربي يخليك ليا ماشي سلام ودير بالك ع روحك
علاء : حتي انتي سلام
طلعت من الدار وأنا طااااااااااايرة من الفرحة خشيت الحمامم وطلعت ومشيتلهم في المطبخ وأنا نغني وجوي فيش أحلى منه
أنا : صبااح الووورد ع الوورررررررد امواااااااااااه
رانيا : بسم الله منو هادي ؟
نور : سلاماً من قول رب رحيم .. أخررج يااوحش
أنا : ههه العفوخيركم ؟؟؟؟؟؟؟؟؟؟
نور : دانيا متأككة انتي مافييك شئئئئ ؟
أنا : لا غولتها
رانيا : حسيت ..
أنا : هه انا اليوووووووووووم راييقة ومانبي حد يفسد عليا الرواق بتاعي فـ شن الغداء ؟؟؟؟؟
نور : ياعيني -_- هادا حالكم ياعششاق ع جوه هوا أنتم تكونو .. ياحنة الغداء مبكبكة وشاورما امس جابها محمد وماكلها حد
انا : تممماام يعني مش لازم نفططر
رانيا : ايه بس خيرك أمس ؟؟
أنا : أمسس أمسس .. اممممممم شن صار أمس ؟
نور : تستغبي ولا تستهبلي ؟
أنا : نبيش ندكر =D
رانيا : يارب العععقل يااارب تبته يااارب
انا : أجمعيييييييين ..رانيا كلمي ايمن اليوم يخليك تطلعي معانا
نور : وين ان شاء الله
أنا : ياحنة عيد ميلاد علاء قريب ونبي ناخدله هديةوطبعا انتي بتطلعي معاي بدون منقاشات
رانيا : أنا لا قاعدة في الحركة مش تمام برو انتو استمتعو بوقتكم
أنا : خسارة ماشي وتوا نقول لي الاء تمشي معانا هيا وونورهان
نور : ملييح
مر الوقت شووية وتغدينا وجت امي وجي محمد وبدأت الـ س والـ ج متاع محمد !!
محمد : فهميني علاش هكي منك لييك قلتي قداش ليا مابكيتش نضتي تبكي وهرب منك حتي النفس !
أنا : خلاص محمد
محمد : علاء ولا
أنا : محمد ياسرررر الييوم منطلع باهي ؟
محمد : وووين ؟
أنا : مش بعيد وح نروح قبل المغرب باهيوو ؟
محمد : ماشي المهم قبل المغرب تكوني اهني
أنا : حاضر يعني نطلع من توا باش نلحق
نور : ايه هيااا
ومشيت وتيت روحي ولبست العباية والوشاح وخديت شنطتي ونضاراتي وطلعت
ركبت السيارة ونحيت الكندرة =D عادة فيا نشوق حفيانة
نور : ههه قوية اللقطة
أنا : ههه ايه تعودت نقدرش نسوق بكندرة وخاصة هادي كعب
نور : باش تلعميني سواقة حتي أنا =D
أنا : ساهلة راه غير أووتقي في نفسك وفوتي الباقي
خطمت ع الاء ونورهان وطلعنا ~~
الاء : تي أفتحي أغاني خلي نهيجوو
انا : تي لالا فكيني كان يشوفني علاء يدبحني ههه
نور : ايه خلينا ع الأغاني الرومنسية هادي ودوبينا معاك
انا : ههههه ناعليا
الاء : شن بتاخدي ؟
أنا : مش عارفة في بالي نبي ناخد لبسة كاملة وان شاء الله نحصلل
نورهان : حلوو وفي صفحات ع الفيس تغلف في هدايا بطريقة تتهبل
انا : اي اي في بالي نبي ندير
الاء : يارب امتى بسسس نعيش اللحظة حتي أنا
نور : وأنا
نورهان : وأنا ياربي :\
أنا : ههه ان شاء الله قريب ياارب
الاء : أميييييييييين بالله كتري منها هادي
أنا : مطفوشة قاعدة =D
الاء : زيك وحياتك
ونزلنا لمحلات متاع حوايج ولاد =D .. خشيت لمحل عجبوني فيه جاكيت أزرق <3 وسوريه ع الأزرق الهادي .. وكندرة خديتهم وكيف جاية منخلص نلقا قدامي :0
يتبع ..