تاق لأصدقائكم :*
الحلقة 7 من قصة " أسيل "~~:
أنا : أيواا
الاء : دانيا : ( الحقيني أنا خلاص يااارب نمووت
أنا : تي بشوية خيرك : ( تبكي شن فييي ؟
الاء : بووويااا مااات يووووووي توفى يادانيااااااا
أنا : وكأن موس خش في قلبي : (
شن تقوليي ؟؟؟؟؟
ونفصل الخط : ( يااروحي قداش كان طيب : ( الله يرحمه ~~ ونضت بسرعة مشيت درت لفتي ونزلت لقيت ماما في المطبخ
أنا : صباح الخير
ايمان : صباح النور أهو الفطور واتي أفطري وأنا منمشي للخدمة وضمي الحوش وديري الغداء
أنا : ماما الاء بوها توفى
ايمان : لا اله الا الله الله يرحمه ويصبرها به هي أفطري بسرعة ونرفعك
انا : تماام هيي
وفطرت بسرعة ومشيت لبست وطلعت ~~ وأول ماوصلت كانو مدايرين الخيمة ~~ خشيت للحوش لقيت الاء في حالة تقطع القلب مشيتلها قعدت معاها نهدي فيها بس مهما كان بوهاا : ( رفعتها معاي لدارهاا وقعدت نكلم فيهاا
أنا : خلااص ياااروحي خلااص أنتي تعدبي فييه تواا أدعيله أدعيله
الاء : أمس كيف كان معانا مافيشي شئئئئ ولا شئئ يااارب صبركك ياارب أرحمه ياارب
أنا : هادي هيا الحياة تاخد أغلي شئ عندك حالتي نفس حالتك أنتي أحمدي ربك شبعتي منها كلمةة بابا بس أنا : ( أدعيله خلااص يا اللاء
وقعدت نهدي فيهاا قطعتلي قلبي : ( بكيت لين دموعي جفو : ( واتصلت بـ محمد يروح بيا وفي العشية جت أمي تعزي ~~ جاني محمد وطلعتله
أناا : السلام عليكم ~~ أوو محمد شن الجو
محمد : وعليكم السلام ~~ تمام شن اخبارك
أنا : أهوو ماشية
محمد : أمتي روحتي أمس مشفتكش
انا : قوول لي روحك أنا روحت بكري أنت يلي روح متأخر
محمد : باااه اي شن درتي
أنا :غيرت جوووي
محمد : باه كويس
وقعدنا ساكتين لين وصلنا للحوش ونزلت وع طول خشيت رقدت مر الأسبوع ونفس الشئ أنوض الصبح نمشي للعزاء ونروح ~~ وجي الأسبوع التاني وكان عندي امتحانات مقدرتش نمشي للعزاء وطبعا الاء ممشتش : ( وقعدت طول الوقت قراية ونفس الروتين مااتغير شئ لييين تمو الامتحانات وأخيرااا كلمتني رانيا وشدت فيا نجي عندها و جت في العشية هيا وأيمن وخدوني
أأنا :وراس أيمن من توا فووتني
أيمن : لا وحياتك
أنا : أعود بالله
رانيا : كان كلمك مترديش عليه
أنا : بااه
أيمن : خيرررك ساامنة
أنا : هييييييييييييييي تي عينك ضاعففة من الأمتحانات تي شن سامنه هادي راانيا ضعفت ولا سمنت ؟؟؟
رانيا : لا ضاعفة غير تعرفيه أنتي عاد
أنا : مشناك وحق ربي
أيمن : طالعلك وحق ربي
أنا :-_-
ووصلنا للحوش تعشينا ومشينا نتفرجو ع فيلم كالعادة أنا عاشقة للأفلام وحافظيني وين مانمشي فيلم =D ورقدنا ~~ ع صوت تليفوني وديما هوا يلي منوضني رقم غريب رديت
أنا : الوو
وليد : دانيا أنا وليد
أنا طبعا سكرت عليه =D من وين جاب رقمي هدا -_- ناقصني غير وليد انا مااه -_- لقيت رانيا وأيمن نايضين وموتيه الفطور فطرنا وشرييين الحوووش ومشيت نفتح وطلع السيد علاء شكله 24 ساعة عندهم =D
أنا : اهلا علاء تفضل
علاء :أوو دانيا شن الجو
انا : تماام
رانيا : علااء تي وينك أمس ماجيتش
علاء : خدمة اهو اليوم جيت امالا وين أيمن
رانيا : يغير في حوايجة بيطلع
علاء : اهااا باه ~~
رانيا : حماتك بتحبك هي تعالا أفطر
علاء : غمزلي
لالا صحتين فطرت من بكري
أنا : نشاط مشاء الله
علاء : عندك مانع
انا :
رانيا : هي أفطرو انتو وأنا منمشي نشوف ايمن
أنا : تماام
وفي خاطري غير علاش مسيبتيني بس
علاء : شن أخبارك
انا : تمام
وشرين تليفوني وكان من ولييد ووه _ وقته تواا شفته وارتبكت وسكرت
علاء : منو؟
انا : لا شئ رقم غريب
علاء : ترا عطيهولي
انا : تي رقم غريب خيرك
علاء : لو رقم غريب متتوتريش هاااتي
وخدي التليفون ورد علي وليد وأنا قلبي في بطنيييي
