#موجوعه_ياأمي*
الجزء 17
..........
وتقرب وسيم مني واني ابعد شوي بعدين لزم ايدي
وسيم: لاتبعدين ترا مااكل اريد احجي وياج شبيج لاتخافين
اني: وسيم شنو الموضوع ولاضوجني
وسيم يباوعلي واحس بلكوه مصبر نفسه وساكت
اني: شلونها نجلاء شخبارها اشو ماكو
وسيم: ليش سالتي عنها
اني: مجرد سلام
وسيم: انتي متقصده تحجين بيها حتى تفهميني
اني: انت متوهم
وسيم: اوك المهم هذي استماره اريد نمليها حتى اقدملج ع الجامعه
اني تفاجأة بي واستغربت حلو تصرفه وياي ووكفته وياي بس نجلاء خطيه وعيب منها بس احس بلامان بوجوده
اني: صدوك وسيم اوف صدوك فرحتني الله يرحمج ماما دكولي كملي
وسيم: اعرف وهي وصتني بدراستج واني هم اريدج تكملين بس هسه شنو تريدين اني ردت علوم بس ماقبل أله تربيه واني مااريد بعدها اني ردت حقوق وهم مقبل يكولي ماكو بلمحاكم تفترين
اني: وسيم اخذ الاستمار ووحدك امليها كولشي متقبل لويش بله
وسيم: اني مااقبل دوائر تفترين تربيه مدرسه وبس بنات احلى هذي المحنه الج
اني: بس مااريد مااحبها ولويش بله
وسيم: لان حلوه وصغيره واخاف عليج
اني: هههههه لاتصدك الجذبه
وسيم: ههههه ممصدك اطماني بس شباب يقرون براسج وانتي بنيه مزوجه زواج ورق
اني: هههعههههههههههههههههههههههه
وسيم: ولج كافي اسكتي
اني: سوالفك حلوه تونسني
وسيم قنعني تربيه او خلي نكول اصلا جبرني اله تربيه وكتب بلبدايه تربيه وكعدت وياه الزك وبوقتها فرحانه بلاستماره وهوه يباوعلي وكل ساعه ايدع طخ ايدي واني بسرعه اسحبها وكملنا وطلع من الاستقبال وبابا كله ها كملتوا وسيم حجه شوي وياه وكعد ويه الجهال يبوسهم ويلعبهم وعمار كاعد على نار ومغندب علينا وطلع ووصلته للباب وشكرته على الاستمار ...
وسيم: شجون معليج بعمار هسه كبل اصعدي انتي والجهال لغرفتج شفته مغندب
اني: خلي يولي شكو يغندب
وسيم: ضاج لان كعدنا وحدنا بلاستقبال
اني: شكو يضوج كاعده ويه اخوي وحتى حجاب لابسه بعد شكو
وسيم: هههههههههه خرب شنو من لسان انتي
اني: سلملي على نجلاء
وسيم: يوصل
دخلت للبيت وشيماء تضحك
شيماء : شكو لابسه حجاب
اني: مااعرف متعوده واستحي منا
شيماء : اريد من الله يجي وتلبسين حجاب والله كدامه انزل الحجاب من راسج
حنان: اي سولفي خيه ام بوسه حضن احجي خيه احجي شيماء بطرانه ماتدري ضامه العضه بركبتها
دخل عمار للمطبخ وسمع كلامها
عمار: بعد الباب ماتنسد من يجي النعال
اني سكتت ومشيت ماحجيت
عمار : كلامي مفهوم....لج مو احجي وياج
اني: عمار تعبانه وبابا خطيهة ارحمه ما ناقص الرجال مشاكل
عمار: تعبانه شنو ..اكو اخت دكول لاخوها تعبانه يعني متعبج شو ماتستحين انتي ...
وجرني ونزعني حجابي يشوف ركبتي اني بلا وعي انقهرت من اسلوبه عيب يضربني
وضربته بوجه
اني: عيب عليك هيج تسوي ماتستحي
بابا اجه وكام يغلط على عمار ويصيح والبنات صيحن عليه عمار جن جنونه لان ضربته وضربني ملخني من شعري على وجهي على بطني ملخني وبابا يوخره وشيماء دفعه وماكو فايده وانصربت وياي توته خطيه صارت ضربه برجلها واني مااحجي بس اصيح ماما كل ضربه واصيح امي وابجي والالم قوي شيماء خابرت وسيم من رقمي يلحك علينا وعمار اخذني للاستقبال سحبني سحب وقفل الباب ويكول اله ادبج تضربيني كلبه ادبسيز تضربين اخوج وبدفر بيه وصينيه على الطبله بعدني ماشايلتها من قدمت لوسيم اخذها وكام يركعني بيها هنا كمت اصيح دخيلك ربي يمه ح اموت وبابا يدك والبنات يصايحن وكمل وطلع شاف وسيم واكف بلباب ويسمع من يضربني بس ماحجه وسيم من طلع سحب عمار للاستقبال وضربه على بطنه وبلصينيه يركع بي ويكوله شوف هيج تضربها شوف الالم حس بي انت رجال تحمل وبلكوه بابا فاككهم واني نايمه مااكدر لااحجي ولااكوم وبس اسمع وابجي..
وطلعته شيماء وبابا لعمار من الاستقبال واخذوا للبيت وحنان تريد دكومني مااكدر وشالني وسيم وابجي
وسيم: اه اه اه يوجع وسيم
وسيم: كتلج اصعدي بس تعاندين
حنان جابت صيدليه ويداويني
اني: حنان الجهال حبابه صعديهم وتوته خطبه انضربت
وسيم: توته هم انضربت
نزلت حنان للجهال وصعدتهم وتبجي توته وحضنها وسيم يمه خلاها
وسيم : بلا زحمه ام اسد عوفينا شوي اريد احجي وياها
نزلت حنان وبقى يمي ويريد اسولفله وسولفتله وتخبل لان نزعني الحجاب ويريد يشوف ركبتي وتخبل لان ضربته ماقبل على تصرفي
وبلكوه احجي وصايره ماابجي مثل قبل واحس مكسوره لان عمار انضرب مثل ماضربني
وتخبل لان انضربت توته وراد ياخذهم وياه بس ماقبلت وكعد يمي
وسيم: شجون لخاطر امج اتجنبيهم لاخوتج مايصير مشاكل يوميه واني مااتعب اضرب ماعندي مانع رياضه لجسمي
بوقتها ضحكني
وسيم: فدوه لهلضحكه والوجه مورم بس بداعتي اني اكولج اتجنب المشاكل لان انقهر اشوفج تنضربين
وبعدها نزل وشاف بابا وطمأنه عليه وراح لبيت عمار وبلباب يصيح اذا تقربت منها الشرطه بينا واريد اشوف شسوي من تنسجن وطلع
اني ماادري هيج سوه شيماء سولفتلي وبعدها صعدت حنان الي بقت يمي والتهت بلجهال واخذتهم وياها ونمت
وثاني يوم اجه من الصبح يطمان عليه وشاف عبودي وثكيل بوجه وردت انزل وماقبل انزل وبلكوه نزلت من الالم والضرب كسرني الله يكسره ونزلت يم بابا بلغرفه وهوه طلع وبابا هم اطمان عليه وطلع ونمت بفراش امي اشكيلها همي وابجي ......
ومرت الايام وصرت احسن وبده الزراك يروح مني وبلكوه اشتغل واسوي ماالي نفس بلدنيا وبعدين فكرت ارجع للفيس ولصديقاتي وشوي التهي وياهن وفتحت فيسي ووسيم يروح ويجي عليه بس اني مااقبل يجي اطلب يخفف جياته لاجل نجلاء خطيه وشيماء تحجي عليه لان بلحجاب اطلع وكامن يتعاركن وياي
وبليل مره راسلني واول مره راسلني ع الفايبر
هلا شلونح....هلاو وسيم.....نايمه.....لا....شسوين.....كاعده ع الفيس.....شعجب....ضايجه اتونس بي فتحته من البارحه اغير جو ..... اي شكو بيها احسن الج.....اي شعندك اليوم تراسلني.......خاف ازعجناج.... شوي مو اهواي.....ها خوش لعد اترخص.....اوك باي....شجون....نعم.......تعرفين فيسي.......اي لويش....دزيلي طلب صداقه هسه......اسفه ماادخل رجال بفيسي بس بنات.....دزي لاضوجيني اني مو اي رجال....ليش بله ......اني زوجج ابو اطفالج😂.....من باب الاخوه ح ادزلك.....ههههه موافق......اوك
ودزيتله الطلب واليل كوله كاعد يشوف فيسي ومنشوراتي وكل شوي يسالني واكو منشور قديم ناشره صورة حريم السلطان بالي بيك وسلطان سليمان مخليتهم بصوره وكاتبه ربي هذا تبذير اثنينهم بنفس المسلسل وتعليقات والشقه بين البنات ونضحك وشاف منشور احببت طفله تذكرونه البطل يحيى وكاتبه ربي جبير ويهيم اريد منا وبتعليقات نجلاء دكول يشبه وسيم واني كاتبتلها كرهتيني بي لا نجلاء حبابه ودكولي ولج زوجي يخبل حلوه واني اكولها عندج حلو وعندي وحش ومنشورات اكلاتي وصور ولد اخوي واهواي امور بس هذي المنشورين تخبل منهن واليل كوله يراسلني ويضوجني
اني وحش مو شجون..... ههههههه هذي قبل....... وشايب وهايمه بي وتريدي ودايخه بي اني اعلمج .....ههههه اريد انام كافي تراسل .....اي نامي ام التبذير تبذير اثنين حلوين اني الج هذا الفيس ينحذف .....احب اذكرك مجرد ورق اوك وتصبح على خير ...اوك اجمعين
وحجيت لشيماء ثاني يوم وشيماء تضحك وطفر المخبله ودكول يحبج واني اسكتها انجبي خطيه نجلاء
شيماء: اكولج شجون صار زوجح ومن غصبن ماعليج بعد انكتب الج وانتي شنو ذنبج تعيشين بلا رجال وحب وغرام حالج حالنا وانتي طيبه ماتبعدي عن مرته ونجلاء حبابه وسيم حباب وينصف ولج غبره فد يوم صيري ذكيه وهذا نصيبج
اني : انجبي شيماء حرام واكوم احسن انتي هجامت بيوت
شيماء : دولي مابيج خير ظلي انقهري على هذا وذاك الى متى هيج تعيشين
اني: اني عاجبتني حياتي وامشي ولي
طبعا وسيم يومين لايجي ولايخابر وحسيت نفسي مشتاقتله بس مااحجي وبداخلي وساكته وكولش بديت اشتاقله ومااكدر اراسله ومتفاجئه بي ماكو وثالث يوم صبح وهوه بلشغل راسلته مااكدر اراسله وهوه بلبيت ودزيتله رساله .....
هلاووو...هلا....اشو هلا....اوك اسفه ازعجتك.....لاعادي اكو شي.....لاماكوشي بس حبيت اسلم....مشتاقتلي.....لاطبعا😡......ههههههه اوك ..... شلونهم الجهال....يسالون على ابوهم.......اليوم اجي اشوفهم وها اجي لخاطرهم لان يسألون عليه اني اجي اشوف بس للمشتاقيلي.....ههههه اوك هلابيك
وقرت الرسائل شيماء وحنان وتخبلن عليه لان حلو كلامه اني احس كلبي طاير بس مستحيه من نجلاء ومقهوره عليها
شيماء: اليوم يجي وسيم اريد من الله تلبسين حجاب
اني: انحبي ما
حنان: تعاي اعدلج وارتبج
اني: ماما ماصارلها 6اشهر متوفيه واني اعدل نفسي
شيماء: خالتي اصلا موصيتني والله وروحها تهتمين بنفسج بداعتي بس تعديل تعاي خلينا نتونس شبيج ضوجه
وسحبني صعدني بلكوه ونضحك وسوت شعري وطلعت شيماء تراك ضيك البسه ولبست وبلكوه خليتهم يشيلن كم شعره بحواجبي بلكوه وفتحت شعري واول مره ح يشوف شعري على طوله تذكرت نجلاء دكول يحب الشعر الطويل ولبست ونزلن البنات قبلي واني اباوع وفرحانه بنفسي وبدلت لجهال ونزلنا اني وياهم خلت اسلم عليه ومتلهفه شلون ح يشوفني هيج وشنو ح يتصرف وادخل للصاله واشوف نجلاء وياه صفنت عليها وشافتني................
وللحكايا بقايا
#موجوعه_ياأمي*
الجزء18
...........
وادخل للصاله واشوف نجلاء وياه صفنت عليها وشافتني وهوه شافني واني بسرعه طلعت وكرهت نفسي واستحقرت روحي وصعدت لغرفتي ابجي وانزع ملابسي و لبست حجاب وصايه ومسحت دموعي ونزلت شافوني البنات بلمطبخ وشيماء تأشر انزعي الحجاب بس ماقبلت ودخلت بس بلكوه مختنكه وسلمت على نجلاء وسلام بارد ويه وسيم
نجلاء : شبيج طفرتي
اني: ماادري عدنا تفاجأة بيكم
نجلاء: لعد لويش لابسه حجاب
وسيم سكتها وحسيته يريد يبررلي جيتها
وسيم: اي اليوم نجلاء اجتي تسلم لان ماتسألين
نجلاء: شلونج شجون وشلونها الضربه الاخيره
اني: هههههه زينه اشو ماتجينا
نجلاء: دوام وتعب والله لعبت نفسي من الدوام واريد اجيكم ويه وسيم بس مشغوله واليوم ماعندي شي وراد يطلع وطلعت وياه من عرفت يجيكم
اني وبابا: كل الهلا نورتينا
وكمت بلمطبخ بس مختنكه اريد اتنفس مااكدر فتحت بابا المطبخ واشتم هوا اريد
شيماء: ليش لبستي حجاب
اني: اسكتي لاهسه اركعج بذيج الصينيه الضربني بيها رجلج
شيماء : غبيه هذا زوجج
اني: ونجلاء وياه والله راد يشوفني مايصير هيج اتصرف واهجم بيتهم
شيماء: انتي دماغج دماغ مطي
اني: اهووووو ... ولج مااكدر ادخل ومااعرف شنو احجي استحي منها
شيماء: تعاي اني وياج وحنان هسه تاكلها اكل ههههههه
ورجعنا يمهم وهوه يباوعلي واني ولااباوعله حسيته انقهر عليه
ويحجي ويه بابا وعبودي واحنه نحجي وياها ملتهين ودخل محمد سلم على وسيم ويحجون على السياسه بس كل شوي يباوعلي ادري بس مااباوع عليه ابد والجهال كل ساعه واحد بحضنه ونجلاء تباوع بس مامهتمه وتسولف وتضحك
نجلاء: صدقه شلون حلوين متوالمين ويه وسيم
اباوع متعجبه هذي اشو متغار عليه شنو القصه اني بس شفتها يمه كاعده تخبلت وساكته ومحتركه حرك بداخلي وبعدها كام ترخص يشرب جكاره برا وهمزين شيماء كومتني للمطبخ اجيب فاكها وهمزين رحت لكيتها متحضره عرفت كومتني حتى اطلع لوسيم وطلعت برا وشفته وشافني العتب بين عيوني
اني: لويش طلعت
وسيم: اختنكت بس انتي تختنكين
اني: اني مامختنكه
وسيم: لا اختنكتي اعرف بيج ترا هي طلبت تجي تريد تشوفكم مااتوقعتها تجي وياي
اني: هلابيها شكو بيها هي دائما تجينا ونجلاء اختي مايحتاج تبررلي اني وياك نعرف شو مصيرنا
وسيم: شجون روحي واصله لخشمي امشي طبي
اني: اوك اسفه صايره اخنكك
وسيم لزومني من ايدي حيل وقربني منا
وسيم: انتي شبيج ليش طلعتي حتى تشوفيني صح وليش راسلتيني الصبح لان مشتاقتلي صح وليش اليوم بلاحجاب لان تحبيني صح
اني: وخر ايدك توجعني
وسيم: احجي
اني: متوهم انت اخوي وابن عمي وتحميني ونجلاء زوجتك وحبيبتك ورفيقة دربك اوك
وسيم: امشي ادخلي شجون
اني: هوه اني داخله بلاصل اروح اقدم فواكه تريد وضحكتله ودخلت
ورحت يمهم وتاخر وكلبي يمه وشوي ودخل سالوا طول كلهم شربت جكارتين واحجي بلموبايل ويه صديقي وربع ساعه وكاموا ماقبل يبقى اكثر وطلعوا واني اخذت الجهال وصعدت رادن يحجن وياي همزين نور موجوده مانحجي كدامها وكرهت نفسي وبجيت لان كمت احبه واغار عليه وحلى بعيني وشوي ودزلي رساله
شجون اسف.... على شنو..... ضوجتج....عادي ماازعل منك.....اول مره تردين بمرح ......ههههه لويش وحش اني......لاعمي اني الوحش......ههههه اهوو ح تلزمها عليه.......لاماالزم عليح واسف على الموقف المحرج الي صار اليوم...... لاعادي لاتفكر وتصبح على خير..... اجمعين..ها صدوك شجون..... نعم ....... حلوه اليوم طالعه بلقطه بدون حجاب يصير باجر اجي ونعيد نفس القطه..... لا يااخوي مايصير وروح نام عندك دوام......باجر صبح امرلكم.....شكو ..... اريد انطيج شغله.....وشنو ......بوسه😂 ......وسيم مااحب هيج تشاقه وياي...... اوك...
واليل كوله افكر شنو يجيبلي وسيم وكعدت من صبح ب6 وعدلت نفسي ولبست دشداشه ربع ردن وشوي من ركبتي دلعه ورفعت شعري بلكماشه ع النص ونزلت اغسل بلكراج انتظره والكراج بيومها 3مرات اغسل بي ياله اجه وسيم حتى بلعيد مو هيج اغسله واندكت الباب سويت نفسي مااعرف
اني: منو
وسيم : اني
فتحت الباب ودخل وشافني واكفه ورا الباب وعرف دااغسل الكراج ومن دخل شافني صفن عليه
وسيم: صباح العسل
اني: هلاو صباح النور.
وسيم يباوع عليه ودايخ
اني: شنو الشغله هذي تريد تنطينياها
وسيم تقرب عليه وايدي جانت على يدة الباب وخله ايده على ايدي وسد الباب واني هنا انسطرت بأسلوب رومانسي وهاديء يتصرف
اني: وسيم شنو هذا الشي
وسيم تقرب اكثر مني
اني : وسيم
وسيم: اششششش ..........
وللحكايه بقايا
#موجوعه_ياأمي*
الجزء 19
..................
اني: وسيم
وسيم: اشسسششش
وتقرب اكثر اني غمضت عيوني ماكدرت اباوعله وعرفت ح يبوسني وحسيت بأنفاسه على شفايفي وهوا يجنن يجي منا
بس بلحظه فكرت هذا الشي مو ملكي ونجلاء خطيه رغم اريد هذا الشي اكثر منا وفتحت عيني وسحبت ايدي من ايده وابتعدت ودخلت للمطبخ وعفته وشفت بابا بلمطبخ حسيت شافنا بس بوقتها كلبي يريد يطلع ويروح لوسيم يحضنه
اني: ها بابا
بابا؛ منو بلباب
اني: وسيم
وطلع بابا وشاف وسيم يسد الماي الصونده وصبح على بابا وراد يطلع بس بابا دخله يتريك ويانا واني اباوعله من شباك بسكوت ورحت ركض على الطباخ بحجة اسوي جاي
بابا: شجونه وسيم حسبي حسابه ويانا
اني: اي بابا
بابا: من رخصتك وسيم عمي اروح ابدل
وسيم: براحتك عمي
وبقيت ساكته ومااقبل التفت عليه و اباوع على الجاي منتظرته يفور
وسيم: شجون
اني خايفه ومستحيه بس جاوبته واني عيني على الطباخ
اني: نعم
وسيم: تعاي اكعدي اريد اسلمج فد شي
رحت كعدت يما ومااباوعله
اني: شنو
وسيم طلع من جيبه كمية فلوس وانطانياه على الميز خلاها
وسيم؛ هذا مصرفج انتي والجهال واعرف ح ترفضين بس مجبوره تاخذينه اني مسئول عنكم ومن تحتاجين شي تتصلين عليه واني تبلغيني مايحتاج تفكرين لابأخوتج ولابعمي لان عمي متعوب واني موجود ماشي
اني: ماشي بس فلوس مااحتاج لان بابا يصرف على البيت ويشتري كولشي واني اصلا مااحتاج الف واذا احتاج اتصل عليك
وسيم: اعرف بس هذا مصرف خاص بيج انتي واطفالنا
ودخل عبودي علينا وشافنا كاعدين مغندب واني اول مره بلاحجاب من وسيم وكدام اخوتي وعبودي يباوع على الفلوس ويصبح علينا
عبودي شاورني : اصعدي غيريشداشتج
اني باوعتله وجاوبته
اني: لا مااسوي هذا الشي لان ترخصت من بابا وقبل وزوجي كاعد وهم قابل انت شكو
اجه بابا : ولكم من صبح مشاكل وعرك
وسيم: شجون اسكتي ويصيح يسكتني
وخليته عصبي نار عبودي وطلع
بابا: شكو شنو صار
اني: يطلب اغير دشداشتي واني رفضت
بابا: الله ياخذك اخذ العزيزه وعاف الهوايش
اني وسيم ضحكنا على كلمة الهوايش
وسويت ريوك وتريكنا وعزم نفسه على غده لان نجلاء عند اهلها فرحت بي.. وطلع بلباب وكف يباوعلي
وسيم: اني طالع
اني: الله وياك
وسيم: الباب منو يسدها
اني: اطبكها حيل
وسيم ضحك : شكد عنوديه
ضحكت
وسيم: تعاي وصليني بلباب
التفتت اشوف بابا اخاف يسمع وهوه يباوعلي ويضحك وطلعت وياه اوصله
وسيم: محتاجه شي
اني: لاسلامتك
وسيم فجأه باسني بخدي وطلع
ورجعت اشتغل وانظف واطبخ بس احساس حلو اول مره احسه اول مره احس طعم للحياة اول مره احس احب الحياة والدنيا بدت تضحكلي واعرف الظهر وسيم ح يطور العلاقه الظهر وياي ونسيت نجلاء مو انانيه لا بس ماتصير بالي ولاافكر بيها تفكيري وسيم وبس وكلام أمي ألي وفرحت اختاروا ألي وتزوجته وداتخيل اني وسيم ورايحه بعالم ثاني واجتي المزعجه شيماء شافتني مخبوصه وفرحانه استغربت وسولفتلها على رسائل بليل واجانه الصبح بس ماسولفتلها راد يبوسني لان تخبصني وكامت تساعدني ووسيم راسلني
هلاو على كولتج اكتب هلاو ....... هههههههه هلاو.......ليش ماكتبين هلو..... شعليك عاجبني هيج .....اوك عيني.....امممم.....شسوين...... دأريك جهالك......ههههههه اه اه شجون موتيني.......لويش بله......اليوم سكتت وعفتج براحتج من شردتي مني .....وسيم شعجب راسلتني ماعندك شغل........ههههههه تتهربين من الموضوع......😡😡....اروح فدوه للاحمر من يعصب بس من تغمض احلى ..... وسيم اريد اكمل شغل....اوك شنو ح سوين غده.... تنكيع باقلاء........ ههههههههههه خرب ببليسج وعمي يكول شجون فقيره ..... اي فعلافقيره.... ولسانج شطوله وياي..... بس وياك .... بس بس وياي موافق معناها اني عزيز عليج ... اممممم.....
روحي كملي شغلج وبدربج سويلنا حلاوه...... ههههههه اوك تدلل من عيوني ..... تسلملي عيونج..... باي.... باي
وشيماء طبعا تقره وياي وتريد تعرف شنو تهربت وشنو غمضت عيوني مافهمت وشلعت كلبها ماسولفتلها وكملنا شغل وسبحت اني والجهال وسويت شعري سرحته ولبست تراك بس مو تراك البارحه كرهته احسه مشئوم شافتني نجلاء بي المهم والظهر اجانه بابا ويشم ريحة البيت طيبه ويباوعلي ويشوف طابخه اشكال ويضحك عليه ويشاقه وياي
بابا: انوب يوميه نخلي وسيم يجي يتغده ويانا
اني: ههههههههه بابا لاضوجني يوميه اني اطبخ وانظف واشتغل
بابا: بس مو يوميه نفتح الشعر
اني: ههههههههه
بابا؛ شجون وسيم خوش ولد وحباب وانطي فرصه للحياة انتي وياه ونجلاء حبابه البنيه بس حتى تعيشين حياتج نجلاء ألغيها من بالج من شوفين رجلج ماشي
اني: ماشي بابا ..بس بابا حباب اخوتي هسه بس يشوفوني يتعاركون وياي ومليت كلهم معليكم بيها وبرضاتي
بابا: معليهم بيج وهذا رجلج وماالنا بعد حق بيج صرتي اله
اني كمت بست بابا من راسه واموت عليه وربي يحفظه الي اشكر ربي طيب ومو مثل اخوتي
ودخل محمد المزعج هيج يسلم ويطلع وشاف لبسي وعرف وسيم ح يجينا وكام يصيح روحي بدلي وهمزين بابا طرده وبهلاثناء اجه خالو علي يشوفنا ولعب جوله بمحمد وطرده
خالو علي: هذوله ولدك مايستحون وشنو قصتهم ويه شجون والله همزين ضمنت حق شجون
بابا: اي المرحومه كلبها يعلمها وطلبت مني بس الله عوض بنتي برجال يحبها ويخاف عليها
اني اسوي نفسي اشتغل واسمع كلامهم واستحي وبنفس الوقت ضجت خالو اجانه مو وكته ابد وبابا كام وبقينا اني وخالو نسولف ونضحك وكل ساعه يتغزل بيه ويخجلني وبعدها أجانه وسيم واني ضايجه لان خالو عدنا😭
وسيم: السلام عليكم دخل وشافني بلتراك وشعري صح مفتوح بس ع النص شلته من اجه خالو ويباوع على شعري وتخربطت احواله
اني: هلاو وعليكم
بعدها دخل لصاله يم خوالي وبابا وحضرت الغده واروح واجي يمهم ميز الطعام عدنا بلمطبخ وبلصاله واني دااحضر الغده بلصاله وهوه يباوع مفرفح وكل ساعه ابتسم اله بعدين تحجج اريد اغسل واصلي وكام واجه يمي بلمطبخ
وسيم: خالج شجابه
اني:هههههههههههههه طلع نفس تفكيري
وسيم: شبيج تضحكين
اني: لاهيج بي اجه بعد شسويله وهمزين اجه محمد تعارك وياي ودافعلي وطرده لبيته
وسيم: وليش تعارك محمد
اني؛ لان لابسه تراك
وسيم شاورني: وليش لابسه تراك
اني: هههههه يله روح غسل وصلي
وسيم رجع شاورني : موتيني
اني: وسيم روح صلي
ضحك عليه ومشى
وتغدينا وخالو اهواي يتشاقه وياي واشوف وسيم ضاج منا لان يبوسني ويكرصني من خدي ووسيم يراقب واني والجهال كعدنا يم وسيم وفرحان بينا وطبعا برجليه يضرب برجلي من يشاقه وياي خالو واني اضحك اعرف يضوج وبوقتها فرحانه طايره من الفرح اباوع على وسيم واطفالي واكول هذي عائلتي وكملنا غده وداشيل بلغراض وكاموا يغسلون وهوه حجه وياي
وسيم: خففي شقاج ويه خالج
اني: لويش
وسيم: بدون ليش خففي الشقه
وكام واني اضحك طبعا رحت للمطبخ وهوه يغسل واجتني رساله فتحت موبايلي متت من الضحك 55 رساله من شيماء تريد تعرف شكو اجه عصبي
وسيم: ليش ضحكين ومنو راسلج
اني: شيماء وسوالف بنات
وسيم: اشوف
اني: طبعا لا لان سوالف بنات
وسيم: هههههههههه اوك
وكمت اتجنب خالو يشاقه واني ساكته ومبتعده وهوه يباوع ويضحك وبعدها بابا راح نام وخالو بقى على كلبنا ووسيم طالعه روحه واني اضحك عليه وملتهيه بموبايلي اسولف لشيماء وتضحك ودكول اجي اخذه واني مااقبل عيب
ودخل عبودي المزعج هوه ومرته جانت عد اهلها ورجعوا سوه وشافني ويخنزر وخالو علي فشله
خالو: شبيك عيونك تشبه عيون الخنزير امشي اصعد يم مريتك هستوها راجعه
وصعد عبودي واجتي شيماء تسلم وتباوعلي وتضحك وبعدها ديلعبون الجهال بلايباد وكل ساعه ينغلق الرمز ويطلبون نفتحه الهم وراحوا لخالو علي يفتحه الهم
شيماء: شجون ليش مطيتهم ايبادج ترا صور اكو قديمه البارحه شفتها بعدج ممسحتيها منا
اني: ياصور
شيماء: لج صورج
اني رحت واخذت الايباد من خالو وخالو ميقبل يريد يشوف الصور واني مااقبل
اني: لاخالو بس خلي اشوف ياصور الله عليك واخذ اكو صور خاصه بداعتي
وشيماء: اممم عيني خالو ميصير شوفين بس وسيم اله الحق
اني باوعتلها وخنزرت عليها
خالو: هههههههههههه لعد هاج ولاتخلين صور بلموبايلات
شيماء : لامتخلي كلهن بلفلاش ضمهن فلاشين عدها وممكفيها
وسيم يسمع وساكت بس باله بلموبايل يراسل احد تقصدت اروح اكعد يمه واشوف منو وهوه فرح كعدت يمه ويسولف وياي بس بصوت ناصي مايسمعونا
وسيم: ههههه مو هيه اطماني صديقي شوفي
اني: لا ابد مو بالي والله وماادخل بينكم حياتكم الخاصه وماافكر بيها ابد
وسيم: اعرف اني اخوج وزواج ورق فهمتها
اني: ههههه لاقصدي من انت يمي ماافكر بشي بس انت انت وبس
وخبلته وكمت بعدهاطلع راد يرجع للبيت ووصلته للباب
اني: حتروح تنام
وسيم: لااروح لنجلاء اخذها واسبح واطلع عندي شغل
اني: شنو
وسيم: شغل ولاتسألين
اني: اوك وسلملي على نجلاء
وسيم: شكد طيبه انتي ومحظوظ بيج اني:ههه شكرا
وطلع ومشت الايام وشيماء فوك راسي تزن ووسيم مايجي اهواي ومن يجي كل يومين عصبي وضايج اسأله مايجاوب وبالي يمه مقهوره عليه وبلدوام اراسله قليل الكلام احسه ماطايق الدنيا بس عفته براحته حسيت مشاكل لو ويه نجلاء لو بشغله وعلى هذا الحال تقريبا بلشهر وفد يوم العصر كاعدات اني والبنات بلحديقه وضايجات ودنحجي وصار موضوع وسيم انطاني مصرف قبل فتره وبعده ماصرفت منا بلكنتور نسيت اكول لشيماء على الفلوس وتخبلت شيماء لان ممسولفتلها...
حنان: تعاي نطلع ونسوك ونتونس
اني وشيماء نضحك عليها لان مانطلع مثلها بس نور فرحت
حنان: عابت كومن محمد ياخذنا
نور: عبودي هم يروح
حنان: لازوجج مرعبل وبس يصيح محمد اني اضبه قبل مانطلع
ضحكتنا واتفقت نطلع وشيماء خابرت عمار ووافق وفرحنا اني وياها وافق عمار واني سألت بابا وهم وافق بس البنات تعاركوا وياي اله اترخص من وسيم وهذي اول طلعه الي من تمرضت امي ماطلعت واسوك لحدهذا اليوم
شيماء: خابري وسيم يله لو دزيله رساله
اني: مااخابره ولااراسله بلبيت بس بلشغل مااكدر عيب من نجلاء
نور: حبيبتي انتي هم حلاله واله حق عليج مو بس هيه شكد تفكرين بيها
اني: لاعيب ومااحرجه ولااسبب مشاكل ما
شيماء : خابري فضينا
اني: لا بابا يخابره افضل
ودخلت لبابا وطلبت بخابره يبلغه وخابر وسيم ومااعترض وسيم وطلعتلهن
ها بشري .....وافق اطلع همزين
اثناء الحجي خابرني وسيم طبعا منتخابر شي قليل بس رسائل واستحي ارد يم البنات وركضت صعدت غرفتي ورديت عليه
اني: الو
وسيم: هلو شجون... هلاو وسيم ..... ح اطلعين ..... اي ....ليش ماخابرتي انتي وترخصتي ليش تخلين عمي يخابر ...... مو لان بلبيت ومااريد اسوي احراجات او مشاكل ويه نجلاء لو بلدوام عادي اخابرك ..... واذا يم نجلاء خابريني بكل وقت انتي تحبين انتي هم الج الحق .... اعرف بس احترام الها ..... اوك وين ح اطلعون... مااعرف بس للمول يمكن ومحمد ويانا ..... اوك بس لبسج خلي حلو ومرتب وعريض اوك وبلا مكياج انتي حلوه بلا مكياج... ههه مااخلي مكياج لان تعرف حزينه وثانيا اعرف حلوه بلا مكياج وثالثا لويش تغار...... لا بس محسوبه عليه ....اوك وسيم يله باي....شبيج ضجتي انتي تخبثين اني مثلج اخبث واعاند ..... ههههه اوك بله باي ..... شجون محتاجه فلوس .... لا هوه اصلا بعدني مصارفه من فلوس ألي انطيتها الي وح اخذ منهن واروح .... اوك ديربالج على الجهال... اوك باي
ونزلت اخذت جهال وبدلنا وطلعنا ورحنا للمول ونفتر واباوع على الناس متغيره صار شكد مرايحه وتذكرت امي وطلعاتنا ونزلت دموعي ماكدرت اسكت حسيت بلحظتها محتاجتها ومشتاقتلها وبعدها اشتريت لتوته وحنوني شغلات حلوه واني هم اشتريت تراك برموده عجبني واشتريت قميص لوسيم وبعدها تعشينا ورجعنا شوي مرتاحه ووصلنا للبيت وشفت وسيم يم بابا كاعد
اني: هلاو شعجب يمنا
وسيم: اعرف عمي وحده اجيت يمه
اني: اها اوك اصعد نبدل وانزل
وسيم: تونستي
اني: اي بس ذكرت ماما الله يرحمها واشتريت لجهال واشتريت قميص الك
وسيم: وانتي مااشتريتي شي
اني: اي تراك
وسيم: اصعدي البسي وانزلي
اني: ههههههه ما عيب من بابا
وسيم: هههه الظاهر تراك مخلع
اني: ههههههه اي يعني شوي
اني: متعشي
وسيم: اي
اني: اوك نبدل وننزل
وسيم: ونزلي الفلاشات وياج
اني: يافلاشات
وسيم: صورج اريد اشوفها ولادكولين لا اني زوجج اوك
اني: تروح نجلاء تشوفها وعيب
وسيم: اليوم وحدي نجلاء بيت اهلها واكثر من مره اكولج انتي هم الج حق ونزليهن وياج بلا كلام
اني: اوك
طبعا بلفلاشات مخليه صوري قبل اخذ صور واحتفظ بيهن اكول من انخطب يشوفهن خطيبي وكم مقطع فيديو اركص حتى اشوفه جسمي واما البس مصايب سورتات بديات ظهري مبين صدري مبين البس بديات ابو الصره لاعبه لعب والفيديوات ركصي يخبل واغرائي وافكر وسيم اذا شافهن شيسوي
وصعدت بدلت اني والجهال ونزلنا وانطيته الفلاشات واخذهن 5 دقايق وكام اني ضجت اليوم بسرعه حيروح ووصلته للباب وشايل حنون وتوته يبوس بيهم واباوعله ومتلهفه عليه اريد ابوسه بعدها وكف
وسيم: امهم ماتريد بوسه
اني: ههههههه لا عندي اب يبوسني
وسيم: ههههههههههههههههه لسانج بلوه وطلع واخذ القميص وياه ورجعت اني والجهال ندخل للبيت وفرحانه بي واشوف شلون يحبهم ومحسسني فعلا ابوهم ونعمه الصديق لمهيمن
وكعدنا شوي يم بابا وبعدها صعدنا انام ونومتهم وشيماء اجتي يمي شوي وفرحت اخذ الفلاشات مني وتركص مثل المخبله بيومها ضحكتني عبالك ح يشوف صورها مو صوري وطردتها بلكوه راحت وطفيت الاضويه ونمت بداية نومي وخابرني
وسيم: شجون هاي شنو
اني: شنو
وسيم: هاي انتي... عذبتيني موتيني بهذلتيني رجعتيني مراهق
اني: هههههههههه
وسيم: شجون احبج اريد هسه اشوفج
اني: شلون مااكدر
وسيم: مااعرف اريد اشوفج
اني: روح نام
وسيم: احبج... سكتت اني
وسيم: شجون تذكرين من عمتي حجت وياي على زواج الورق وصاحتني عصبيه مني وماقبلت نزوج زواج ورق واني فهمتها انتي ماتحبيني وخايفه مني وكتلها بأسلوبي اكدر اقنعها تحبني وتموت عليه وتتقربلي برضاتها مو غصب وفعلا كدرت اغير فكرج الي واعرف بديتي تحبيني واني هم احبج من شبيتي واجي لمهيمن عيني عليج بس مو احبج بس اباوع بنيه فقيره حبابه ومهيمن دائما يسولفلي عنج وخلاني احبج اكثر ووصاني عليج اكثر ماوصاني على اطفاله ومن مات بديت اراقبج واهتم بيج ومن انخطبتي انعصر كلبي بس اطمأنيت عليج ح تزوجين وتخلصين من اخوتج بس من فسختي فرحت بس رجعت خفت عليج واني حجيت ويه ابوي على موضوع التبني واريد ازوجج بس ابوي يدري اني اريدج واحبج واموت عليج وصرتي كل فكري وبالي...
اني اسمع ومتخبله على كلامه يجنن بس صارت نجلاء ابالي
اني؛ وسيم زين شلون ح تقنع نجلاء بوجودي بحياتكم
وسيم: اه اه من نجلاء ...نجلاء تعبتني ويوميه تتعارك على الطلاك
اني: بسببي صح
وسيم: لاوالله مو انتي السبب بس هي خلت انتي السبب بس اعرف شنو تريد نجلاء بس احبها واريدها بحياتي
اني: اوك الله يسعدكم واريد انام
وسيم؛ هههههه شبيج غرتي اسفه ياعمري بس محتاج افضفض وانتي اخت المرحوم وصرتي اقرب انسان الي واسولفلج تعبان .....
اني: وسيم شبيك مهموم صار فتره ومتغير بسبب مشاكلك وياها
وسيم: اي
اني: زين احجي وياها
وسيم: لا عوفيها اريد اشوف وين تريد توصل وياي نجلاء
اني: وسيم بس مو السعاده بلامومه اني هم مثلها مااصير ام واعرف قبل مااتزوج ومااهتميت رغم من حقي احبل ويصير اطفال وجزء منك يصير بطني وكل بنيه تحلم صح بس موبالي المهم انت وصح عندي اولاد اخوي بس مو اطفالي
وسيم: مااشوفين احبج صدك نسيت هذا البنفسجي يموت عليج وظهرج يجنن عبالك مصقول واوف شعرج اريد اشمه والفه على نفسي احبج شجون
اني: روح نام
وسيم: لاتتهربين مني بداعتي واريد اشوفج باجر اجيكم واريد من الله خالج يجي
اني: ههههههههههههههههههههه اوك هلابيك
وبقى يسولف وياي وسهرنا5 نتخابر ويتغزل ويخبل كلامه موتني وبلكوه راح نام بيومها صادف جمعه وكعدت ب9 كعدوني توته وحنون وبلكوه كعدت وكمت اشتغلت وطبخت وحجيت لشيماء وفرحانه بيه وتعلمني سوالف مستهترين واتعارك وياها وتضحك عليه ولبست التراك الجديد وهلمره شسورت شعري وخليت كحله وبابا شافني باسني من راسي وفرحان بيه وهمزين مااعترض على لبسي وهمزين عبودي ومرته بلزياره همزين وتخبلن عليه شيماء وحنان حلوه طالعه
وصار الظهر واجه وسيم وطلعت فتحتله الباب وشافني تخبل....
ووسيم مانايم ابد وتعبان ونعسان بس من شافني صحصح وتخبل عليه ومن دخل بسته بخده ودخل للبيت مسطور وتغدينا
وبابا راح نام وطلب حاسبتي حتى يشتغل عليها على قصة جامعتي والاقسام بعدين هوه صعد للغرفتي واني نزعت سترة التراك وبقيت بلبدي ابو التعاليك وتعمدت ادنك واقدمله عصير ويباوع فرفح بعدين انطاهم موبايله لحنوني وايبادي لتوته وكعدهم بلصاله الفوك بحجة يشتغل براحته على الحاسبه واني كاعده يمه اباوع وبدلع كاعده يمه وفجأه ماتحمل بعد نومني بسريري وصرت جواه .......................
واشششششششش
وللحكايه بقايا
#موجوعه_ياأمي*
الجزء 20
.......
وردت احجي وياه بس من صارت عيني بعينه متحملت غمضتها وتقرب مني وباسني بكل هدوء بشفايفي ذوبني ويكولي انفاسج حلوه ورحت بعالم وردي ونسيت كل همومي واحزاني واحس الدنيا تضحكلي ومااعرف وسيم شويصرف وياي بس شعور يذبح وسلمتله نفسي وروحي وحياتي اله واول مره اعيش حب ومو اي حب حب وسيم واتمنى مايخلص الوقت وياه ومااريد يكوم ولايبعد عني وابقى جوه حضنه ونسيت نجلاء وابو مجلاء والخلف نجلاء وافكر وسيم الي وبحضني ومااسمع صوت فقط الاه بينا وحسيته فرغ كل همومه بحضني وياربي حضنه دفو وحنان يذبح وبعدها صوت توته دك الباب ومااتمنى اكوم والاحلى هوه مايقبل يبتعد عني
اني: اه وسيم توته بصوت ناصي
وسيم: اتركيها اششش
اني: بس اشوفها وارجع
وسيم: لواكدر ابتعد عنج اكوم بس بعد مااكدر اترك حضنج
اسمع وفرحانه وكمت بلكوه منا وكمت شفتها وفتحت الرمز الايباد الاكشر عليه وعلى الخلفني واستحيت ارجعله بس عدلت نفسي وواكفه ع الميز المرايه واجه حضني من ورا ويبوس بيه بعدها حسيت اريد احضنه وحضنته بكل قوتي وضعت بحضنه ورفعت راسي اباوعله
اني: وسيم احبك
وباسني بكل قوته وبعدها ابتعد متحمل يبقى اكثر
وطلع من الغرفه وباس توته وحنون ونزل ولزم ايدي ونزلني وياه وبلدرج كل شوي يبوسني بخدي واوخره لايطلع بابا يشوفنه ويضحك عليه ووصلته للباب وباسني من راسي وطلع واخذ روحي وياه ودامشي ادخل للمطبخ واجتي شيماء
شيماء: شجون وسيم طلع
اني: اي هستوه تعاي عادي
شيماء؛ ولج هاي شصاير بيج
اني: عزه شصاير
شيماء: مبين لعبين لعب شوفي شكلج بلكوه تمشين وتحجين ودايخه
ضحكتني ودخلنا ومااقبل اسولفلها وتضرب بيه اله سولفين صعدنا للغرف تباوع ع السرير وتضحك
شيماء: سريرج ملعوب بي الظاهر اهواي يطفرون عليه توته وحنوني
واضحك عليها وعلى كلامها وهيه مزوجه وتريد تسمع حب وغرام البطرانه
بس افكر بوسيم مانطق بشي وياي فجأه ابتعد وطلع ويكولي مااتحمل ابقى اكثر اروح احسن بس مااهتميت ومازعلت وخليت علاقتنا تكون خاصه بيه وبي ومقبلت احجي لشيماء على رومانسيته وحركاته وتصرفاته احتفظت بيها لنفسي وبعد ساعه اتصل وسيم عليه
هلو عمري.... هلاو وسيم..... ح انام تعبان ومانايم اليل كوله ومااعرف شوكت اكعد بس خاف اتاخر بنومتي واكعد متأخر يعني مااجيكم مو تقلقين عليه ماشي..... ماشي اوك نوم الهنا.....باي....باي
وشيماء خبصتني خبلتي الرجال صاير مينام ليله وضحكت وبقيت النهار كوله دايخه وفرحانه ومبتسمه وبس افكر بوسيم وبوساته ألي وبابا يصيحني وبلكوه انتبه عليه وبعدها اجتي شيماء ومحمد وعمار وحنان يمنا وعبودي ونور يحجون وياي يصيحون بس مو يمهم وشيماء شاورني شيماء :عوفوها اليوم مستويه البنيه
موتتني من الضحك وهمه يباعولنا وصافنين شكو وفجأه اتصل وسيم وركضت اخذت موبايلي وطلعت بلحديقه فرحانه وسعيده ورديت عليه
الو...هلو.....هلاو صح النوم.... سويتي بيه ماكدرت انام بس ادكلب منا ومنا وافكر بيج وبلاخير ماتحملت خابرتج.....ههههه.....احبج شجون موتيني رجعتيني شاب عمره 18سنه وين انتي..... بلحديقه الولد يمنا .....اني مااكدر اجي ماشي ......اوك احسن لان عمار عدنا .... اوك ح اكوم ابدل واطلع من ارجع اخابرج.....وين تطلع.....افتر بلسياره مخنوك اشتم هوا وارجع.....يصير اطلع وياك ....طبعا يله بدلي واجي اخذكم وحضري توته وحنون ويانا.....ماشي اسال بابا وادزلك رساله تجينا ماشي...ماشي والبسي جبه شجون عندج ...اي عندي اوك تدلل... شكد احبج واحب طيبتج ...يله باي اروح احجي ويه بابا ...باي عمري
ودخلت فرحانه وطبعا الثلاثي المرح يراقبوني فرحانه واكمز وشاورت بابا
اني: بابا وسيم يريد يطلعنا نفتر شوي بلسياره ونرجع اني والجهال توافق
بابا: اطلعوا شكو بيها
واخوتي سمعوا اطلعوا بس ماحجيت وياهم وماالهم حق بعد يدخلون وسيم هددهم مايتحارشون بيه وشيماء تغمزلي شنو صحتها وياي صعدنا وبدلت للجهال واني بدلت وبلغته بابا وافق ونص ساعه واجه ونزلنا ومادخل بلباب انتظرني وطلعتله وهذي اول مره اطلع اني والجهال وياه وافترينا وفتحلي اغنية اسماعل فروجي هي انتي... ويكول اوف انتي اوف... واوف مشاعر واحاسيس اطير العقل وحنون وسيم مخلي بحضنه ويعلمه سياقه رغم صغير ونضحك وتونسنا وراد ياخذنا لمكان بس ماقبلت حسيته تعبان وردت ابقى بلسياره يمنا براحتنا بس نزلنا للاسواق اشترينا نساتل وكرزات وحلويات ورجعنا وفتحلي ليله لو باقي ليله في عمري ابيه اليله واسهر في ليل عيونك وهي ليلة عمر.....يمه الحب يمه يخبل
ووصلنا للبيت بس مادخل للبيت بلباب وبسته بخده ونزلت اني والجهال من السياره وانتظر دخلنا ومشى
ااااااااااااه احلى ليله
ومشت الايام وبده يقدملي على الجامعه وطلع تقديمي كلية تربيه قسم رياضيات اختاريت لان احبه ونقدم سوه واطلع وياه ومرات يجي مهموم ويرتاح بحضني وابد مااساله على نجلاء ولا احسسه اغار ولا اسأل على علاقتهم ماادخل وبده يطلعنا كل اسبوعين مره واتونس وياه وانسي كل همومه وصار يحبني ومتعلق بيه ومجنون بيه واني اكثر منا احبه وابد مااساله عن زواجنا وساكته وقانعه رغم شيماء تقره براسي بس مااسمع منها لان خطيه مااريد اصغط عليه وبيوم الظهر عدنا ونايمه على صدره وابوس بي وطلب مني نتزوج
وسيم: شجون اريد نتزوج واخذج بحضني
اني: شلون يعني
وسيم:يعني نصير بغرفه وحده وتوته وحنون ويانه واتحملهم بليل امري لله
اني: هههههههه
وسيم: بس مو بيتي نزوج اخليج يم اهلي غرفتج انتي والجهال واسوي حمام
اني: وووو
وسيم:نجلاء تريد تبقى خيرا على خير ماتريد ننفصل
اني: وسيم لاهيج تحجي خطيه
وسيم: تعبتني ومااحجي لان انتي مصدر راحتي وتضغط عليه وحالتنا حاله واحاول اصلح الامور وماتقبل وحتى متغار منج ولااضوج وتسالني عليج وتضحك وماتهتم وانت احس بغيرتج وماسالين عليها وتجنبيها
اني: وسيم بس هيه هم ضحت لخاطرك وكل هذي السنين قابله وقانعه
وسيم: شنو متحمله وتتعارك وتعيرني كل يوم اني عاجز
اني انقهرت عليه وتقربت عليه وبسته بشفايفه
اني: انت مو عاجز انت احلى رجل اموت عليك
وسيم:اي عفيه موتيني ملختيني انتي شسويتي بيه انتي كتكوتي
اني: ههههه شنو كتكوتك
وسيم: شايفه الكتكوت والاسد اني وياج هيج
اني:يعني ماخطأنه من اكول عليك وحش
وسيم:هههههههه تعاي اشوفج الوحش
وكل مره احلى من القبل وكام يطلعني استري ملابس جامعه على هواه واني اقبل ومااعترض لان احس نفسي ملكه الك وبس ومااريد احد يشوفني غيره وبده حتى ياخذني للنجف ازور امي واخوي وحنوني وتوته ويانه ابد مانطلع اذا مو همه ويانا ..
وبيوم بليل ساعه 8 طلب يجي ياخذني وحدي وطالعه روحه وطلعت وياه يسوق ومهموم وبعدها وكف السياره وكام يبجي يصرخ مثل الطفل ويكول احبها وماتريدني
انقهرت عليه متت قهر عليه خطيه وضجت من نجلاء لان ماتريده وهوه مايستحق انسانه تبيعه حتى اذا عاجز مو كل السعاده تجي بلامومه والاطفال واصبره واسكته وارتاح ورجعني وبوسته وطلبت مايزعل ويضوج ونزلت واباوعله مهمومه عليه خطيه
بعدها بليل راسلني
اسف زعلتي مني صح..... على شو ازعل.....لان بجيت عليها......بلعكس فرحت بيك معناها انت مخلص لحبك ومو معناها ماتحبني بلعكس انت ثبتتلي تحبني لدرجة تشكيلي همومك ....احبج شجون الله دزاج الي اموت عليج
ومشت الايام وبده دوامي وياخذني ويرجعني ومرات يمر للجامعه يشوفني وفرحانه بي حنون وتوته يم شيماء اعوفهم وملتهيه بلدوام والدراسه ووسيم والجهال والبيت وبابا وبيوم من يرجعني من الدوام طلب نزوج جنت اني يوميه اجله لحد ماطلعت دورة السنه مال ماما وبعدها بسبوعين عرس عليه اله نزوج وعصبي وياي ووافقت بس كتله نجلاء شلون كال اني احلها معليج وتوافق
اشو ثاني يوم عمو اجه هوه ومرت عمي ووسيم واتفقوا على الزواج ومرت عمي اتفقت وياي نروح لسوك ونشتري نيشان وحفله بس ماقبلت لان ماما هستوها دارت سنتها
واجه يوم الزواج ووسيم يطلع وياي ميقبل امه تطلع وبلكوه قنعته مشتهيه اطلع ويه امه وشيماء وحنان وطلعنا وتونست حسيت اني عروسه وماما ابالي وبوقتها اهواي احتاجيتها بهيج ايام واكول لوعايشه تفرحلي الله يرحمها لماما وطلعنا اني وياه والجهال اختارينا غرفه النا وغرفه صغيره للجهال تخبل مسوي فوك غرفه وملحق صغير صار غرفه الهم وحمام واما بابا خطيه اتفقت ويه وسيم العصر اروحله اشوف شو محتاج وبلنهار شيماء وياه وتعتني بي واصلا قريبين عليه اهلي امشي دقيقتين الهم واوصل لبيتنا ونجلاء القاهرتني بلموضوع مامهتمه ووسيم متخبل منها وصارت يوم الحنا وتوسلن البنات بيه وماقبلت ومرت عمي وخالاتي وماقبلت وحتى بدله مالبست وسيم خطيه مهموم ومشاكل ويه نجلاء ومااصغط عليه واسبب مشاكل اله وبعدها بيوم الحنه العصر اخذني طلعني واخذني لمحلات تجنن واختاريت فستان ابيض حتى متصير بنفسي ورحت ثاني يوم للصالون حفيت وميشت ماقبلت اغير شكلي اله بيوم زواجي وصرت كولش حلوه ورفعت شعري ع النص وهوه مخصل وسويت مكياج خفيف وحلو تمكيجت بلبيت والمغرب اجه اخذني للنجف بي بلا هوسه ولا زفه وفاجاني اخذني لاستودي ناخذ صور
واخذنا صور وطلعنا للنجف للفندق وحدنا وبغرفه وحده واول مادخلنا حضني وشماني وتفاجيء بشعري حلو ويكول اليوم ماارحمج ويضحكني وبعدها شالني للسرير ونزلني على السرير وهوه يبوسني وووووووووووووووو........
وللحكايا بقايا
#موجوعه_ياامي*
الجزء 21
..................
وأحلى يوم واحلى ليله ألنا عمري ماانساها
شاورني بوقتها
وسيم؛ سلميلي نفسج
اني: كولي الك
وسيم: ياعمري
وبدت لحظات حب وغرام وانسجام
وسهرنا ل7صبح ياله نمنا وكعدنا ب12 ظهر سبحنا وبدلنا وطلعنا نزور وبقينا كاعدين بلامام يقره قرأن وشكله يخبل وسيم وكاعده بصفه وشابكه أيده واقره وياه والناس تباوعلنا ويبتسمون...بعدها باوعلي
وسيم: شبيج توزعين ابتسامات
اني: هههههههه اباوع على البنات يباوعون وحاسديني عليك وداقره المعوذات بوجهن اخاف من العين اخسرك
وسيم: عمري مااخسرج وماافكر اخسرج اموت عليج وكافي تبسم
اني:ههههههههه شبيك عوفني اتبسم واتونس
وسيم: متخلينا نرجع
اني: ما بعد وكت واسكت حرام احنه بلزياره لاتحجي حجي زايد
وسيم: هههههههههههههه
وبعدها رحنا تغدينا وافترينا بلسوك واشترينا صوغات للجهال ولنجلاء اشتريتلها دشداشه حلوه واهله واهلي اشترينالهم حلويات ورجعنا للفندق ووسيم رجع والشوك مليان وعيشني احلى لحظات ونمنا ولليل موبايل دك وهوه انسحب مني وطلع برا يخابر عرفت نجلاء والغيره موتتني وبقيت ساكته واسمعه يكولها باجر اجي وينصي صوته كولش حتى مااسمعه فحمت تتغازل وياه ورجع مبتسم ومرتاح واني القهر كاتلني واغار عليه وبعدها كعدني عباله نايمه ويضحك ويشاقه وياي واني استجوبه بس بداخلي اغار بس من انام بحضنه انسى كولشي ويعوضني عن كولشي وصار ثاني يوم ومااريد ارجع اريد ابقى ويه وسيم بس مانكدر دوام هوه واني ورجعنا للبيت وتفاجأة بيت عمي ذبحوا ذبيحه جوه رجلي وتهلهل مرت عمي واني اسكتها لاتجي نجلاء وتسمع طبعا بيت وسيم بصف بيت اهله ودخلنا واول مره ادخل لبيت عمي شكد بيتنا حلو ويخبل بس بيتهم بعد احلى وحديقتهم اكبر واباوع واضحك على نفسي بيت عمي ماشايفته وهم قريبين عليه والبنات يبوسوني وعمو يسلم عليه شفت استقبال حلو بوقتها ودخلت للبيت واجتي نجلاء حضنت وسيم وحبيبي وحبيبي وتبوسه واني ساكته بس اباوع عليه ومااحجي شي وبقيت مبتسمه ومرت عمي ماراضيه عليها وحتى عمي ضاج بس اني مااهتميت وهوه خطيه شفته يباوعلي ومقهور عليه وهي لزكت بي وحتى ماالتفتت عليه وتسلم وعفتها براحتها
الى ان بنات عمي فشلوها وحده منهن اسمها غصون
غصون: ترا عدنا عروسه ماتسلمين عليها نجلاء
نجلاء: يانسيتج والله شلونج شجون
اني: هلاو نجلاء لاعادي
نجلاء: بس والله مشتاقه لوسيم اول مره يبعد عني
اني: ربي يحفظكم لبعض ومايفرقكم
نجلاء: امين
واخذت وسيم للبيت وراحت وراح وياها وسيم ومافكر بيه بس اني ماازعل لان وسيم يحبها وحب حياته ويكفي وسيم واكف وياي ويحبني ودخلت لغرفتي حلوه مرتبه وتعرفت عليها واباوعلها واباوع على غرفة الجهال والحمام ومقهوره لازم وسيم يدخل وياي وانقهرت وبجيت وتذكرت ماما وطلبت منها توكفلي وتدعيلي بلصبر واتحمل واندكت الباب ورحت للحمام بسرعه وغسلت وجهي وطلعت شفت زينب اخت وسيم تسلم عليه وتباركلي وطلبت انزل وياها وكتلها ابدل وانزل خابرت شيماء واسالها على الجهال ودزهم وماتقبل وكاتلها ح ادزلج احد ودزيهم ولاضوجيني وبدلت لبست كلبيه وردي فاتح وذهبي ولفيت حجابي وردي ساده ونزلت وبيت عمي انقهروا عليه وكامت تحجي مرت عمي ويه عموا على نجلاء
اني: خاله اني مضايجه ولازعلانه واحب نجلاء وحقها هذا حب حياتها ويه انسانه ثانيه غيرها وانطوها مجال تتأقلم على الوضع واذا تفكرين بيه اني مضايجه ولازعلانه اني اعرف وسيم ونجلاء وحبهم
عمو: بارك الله بيج عمو خففتي عليه حمل ثكيل وانتي امانه عندي واحبج مثل بناتي واكثر ووسيم هم يحبج وسوا المستحيل حتى تزوجون
اني: عمو كولشي اعرف ودخل جراح وسلم عليه وطبعا جراح اتزوج قبلنا بكم شهر وهم زواج سكته وزوجته حامل وبأثناء اسلم عليه اجه وسيم ساعتين يمها ياله اجه يمي ومن شفته اجتي روحي وياه بس نجلاء وياه ودخلوا واخذت نفس وحجيت ويه جراح
اني: جراح بلازحمه عليك روح لاهلي وجيب حنون وتوته
جراح : منو حنون وتوته
اني: ههه اولاد مهيمن
عمو: اولاد وسيم
اني:ماكو فرق بين مهيمن ووسيم
جراح: اكللكم هذي البنيه هيه هيج صوته ناعم لوتستحي مني
خاله:هيه شجونه طول عمرها ناعمه بكولشي الله يرحمها لامج
جراح : جا خويه بس هسه صوتج ناعم الله وكيلج بس تكابلبن مرتي واخواتي يصير صوتج لبيت اهلج
اني: هههههههههههههههه وضحكنا وووسيم ضايج لان كلت اولاد مهيمن ولان طلبت من جراح يجيب الجهال وضاج لان يشاقه وياي
ونجلاء لازكه بي واني ولابينت الها ضايجه واحجي واسولف وياها واضحك
وبعدها اجوني احباب كلبي وريحة امي وبوستهم ودمعت عيني عليهم وركضوا على وسيم يسلمون وعلمهم بكلمة بابا يكولوله وفرح بيهم واخذتهم وصعدت وخاله صاحتني
خاله: شجونه وين
اني: خاله اشبع منهم وننزل
نجلاء: عبالك فعلا اطفالج وامهم ومشتاقتلهم ...وتضحك باستهزاء
اني: وفعلا هم اطفالي ....
وصعدت وعيون وسيم عليه بس مايصعد وفاجأني بتصرفه حتى ماصعد شفته يريد رضاها اهم شي
وبعدها صاحوني نتغده ونزلنا وكاعده اني وياهم وماقبلوا اكوم اشتغل اواساعدهن وفجأه وسيم كعد يمي وفرحت وبسرعه نسيت الزعل وراحت كل الهموم مني ويباوعلي ويشوفني مبتسمه ومدنكه
وسيم: شبيج تتبسمين من اكعد يمج تبده الابتسامات
اني: ههههههه لاهيج
وسيم:هلمره منو يباوعلنا وتبتسمين
اني: هههههههه محد
وسيم: لعد شكو
اني: اذكرت شغلات حلوه بينا
وسيم : تخص الاسد والكتكوت
اني: ههههههههههههههههههههههه ...
واجتي نجلاء وسكتت بسرعه واستحي منها خطيه شنو ذنبها بس ماكعدت يم وسيم وتباوع وضايجه بس ابد ماحولت لااحجي ويه وسيم ولااتقربله والتهيت بلاطفال وخالتي كل ساعه تقدملي لحم لو مركه لو ماعون دولمه لو لبن موتتني وكلهم يضحكون ويكولون نكعد انوب يم شجون بس وسيم هسه بلعسل شابع ويضحكون واشوف لمتهم حلوه وضحكهم ويه اخواتهم وسيم وجراح واقارن ويه اخوتي وانقهر واسكت واكول ربي يديمها عليهم
وبعدها كملنا غده واندكت الجرس بابا اجه من الشغل وكبل عليه خطيه مشتاقلي فرحت من سمعت صوته واجاني حسيت بلامان وبوسني وحضنته وبجيت ماتحملت احبس دموعي وجنت محتاجته ومختنكه ممصدكه ابجي وتفاجيء بيه بابا اني ابجي بخنكه وحافظني فهم مقهوره وسكتني وتوسلوا بي يتغده وماقبل ربع ساعه وطلع وطلعت وياه ابجي ويوصيني اتحمل عرف لاجل زوجته مقهوره وانقهر عليه وطلع
وبعدها دخلت
اني: وين عمو
غصون: ابوي بغرفته
اني:يصير ادخله لو ممنوع
زينب:لاعادي اذا محتاجته بشي عادي
اني: اها اوك
اخذت ماعون ركي ودخلتله ووسيم يباوعلي متفاجيء ودكيت الباب ودخلت
اني:مسموحلي ادخل
عمو: تعاي عمو هلابيج بكل وقت
اني: عمو اريد احجي وياك وجبتلك ماعون ركي وياي
عمو: هههههه عربون
اني: هه اي عمو اريد احول الاملاك هبه لاولاد اخوتي وكل املاكي وانت وبابا متفقين بعد زواجي واني هسه عندي عطله 10 ايام يصير لو اطول
عمو: بليل احجي وياج العصر اطلع للمكتب وارتب اموري ونحجي بليل وبعيوني
اني: تسلم عمو اترخص
وطلعت ولكيت نجلاء كاعده يم وسيم والبنات وجراح ومرته ويحجون ويضحكون واطفالي حنون وتوته جراح يشاقه وياهم بس ماكعدت يمهم رحت للمطبخ واساعد بلكوه يقبل اساعدهم ومبينات حبابات وسوالف وضحك وياهن وشوي تعلمت عليهن وللظهر اخذت الجهال وصعدت وخالتي مقبلت يصعدون وياي واني صعدتهم ورحت للغرفه وعفت وسيم ويه غرامه
وبدلت نزعت الكلبيه اختنكت منها ولبست دشداشه خفيفه وتمدد وانوم ببهم اندكت الباب اجتي غصون
غصون: شجون بدلي خالاتي ح يجونا والبسي براحتج جراح طلع هوه وابوي اني:اوك
غصون : اني انيمهم وانتي بدلي
ودخلت حمام سبحت وبدلت ولبست ثوب قصير بنفسجي وجففت شعري وفتحته وساعدتني غصون اسحبه وتمكيجن خفيف وصاحونا ونزلت اسلم على خالات وسيم ويباركولي ويكولون حلوه واني مستحيه ويباوعون على شعري لرجلي واصل واضحك وياهم ودخل وسيم شفته اجه من بيته والحلو لحد الان ماصعد لغرفته ويروح ويجي وسيم افندي سابح وسلم على خالاته وشافني وصاحني ديحجي وياي بلمطبخ ودخلت نجلاء اني عفته ودخلت للاستقبال لان لعبت نفسي من الوضع واستغرب من تصرفي بعدها ربع ساعه ورجع صاحني وواكف بلدرج ونجلاء مادخلت تسلم على خالاته طلعت للبيت وكمت اشوفه طلب اصعد وياه بس ماقبلت لان عيب خطار وعفته ومشيت رجعت خبلته رجع صاحني كدامهم ويضحكون وياه يمعود عوفها ماتشبع منها وخالتي دكول كومي يمه زين اتذكرج صلوات هوه يباوع على امه وعصبي وسكت واني رحت وياه ووكفت يم الدرج ومااقبل اصعد معانده لان زعلانه عليه بعدها مااستحه من اخواته وخالاته شالني وصعدني واني استحيت واكوله فشلتنا نزلني ودخلني للغرفه ويعتذر مني ويبوس واني مااقبل اصالحه لان زعلانه عليه بس بعدين اذكر دموعه عليها وانقهر واكول خطيه يحبها ونجلاء زين من عدها قبلت اتزوج منا وهوه ميصير عنده اطفال وضل يبوس ويعض بعدها نزلت دمعتي وشافني وانقهر اخذني بحضنه وحضني بكل قوته ومن حضني نسيت كل همومي وزعلي وصرت بحضنه والي وعيشني احلى اوقات بحياتي ومانزلنا بليل ياله نزلنا اني وياه والجهال
ومشت ايام ناس تبارك وتسلم وهوه بيني وبين نجلاء بس اني حصتي قليل وقابله وساكته وبيت عمي يحبوني ومدلليني وحتى هوه مدللني ويحبني بس نجلاء خطيه واني اسكت ويعرف اتحمل
وبيوم مهموم وسيم والجمعه كولنا نتغده وكعد يمي وضايج سالته شبيك كلي بعدين ...وياكل وبلكوه ضايج خالتي كالت ليش عود نسوان اثنين وابني ضايج لاتخلني اجيب الثالثه اني صدوك ضحكت ضحك اريد اتغده مااكدر ووسيم يباوعلي ويضحك ويكول شبيج كتله انت مهموم من الاثنين وخالتي تريد اجيبلك الهم الثالث وضحك وتحصر ونجلاء اي خاله جيبيها بس هلمره ارمله لو مطلقه وعدها اطفال
خاله ليش صمله شناقصه ابني نجلاء يووو ماناقصه شي ابنج وتستهزء تمنيت اضربها بلماعون هذا وسيم شلون متحملها عابتلها وشافتني اخزرها وبعدها انطيت فخذ لوسيم وكتله هاك يمعود لاامك تزوجك وتجيب الثالثه والاسد يصير كتكوت واشاوره وهوه يضحك واني اضحك وقهرتها من شاورته وشاورني ماعاش اصير كتكوت وجاوبته اعرف ومتاكده اموت عليك وباوعتله بنضرة اشتياق جننته وخليته يفكر بيه
وبعدها عرفت بلاستقبال وحده ويشرب جكاير اخذتله الجاي ودخلت اريد اخفف همومه شوي وسيم هذا الجاي وسديت الباب وكعدت بحضنه وابوس بي وبعدها كمت وسحبني على القنفه واكوله وخر لااحد يجي ومايقبل يبعد ويبوس ويكول منو الكتكوت ها ويضحكني وكام يبوس على كيفه وبهدوء وايده على صدري وذبت بحضنه وبهذي الاثناء دخلت نجلاء علينا وشافتنا............
وللحكايا بقايا