#موجوعه_ياأمي*
الجزء 22
.........................
بوقت خدرانه بحضن حبيبي وزوجي وكل حياتي ويداعبني واني اضحك ومغمضى عيوني استمتع يدلعني ويدللني واسمعه الاهات بهذا الاثناء نفتحت الباب ودخلت نجلاء علينا وشافتنا وبقت واكفه واني بسرعه دفعته حتى اكوم وموقف يرعب ويقهر واستحيت منها حسيت نظراتها دكول هوه مو الج الي وعدلت دشداشتي وكمت اريد اطلع و وسيم لزم أيدي ووكفني
وسيم: وين
اني: اروح اكمل شغلي ويه البنات
وسيم: مو بعينج اني
نجلاء: ابقي عيني ابقي
وسيم: ليش مادكيتي الباب قبل مادخلين
نجلاء: انت زوجي اعتقد مايحتاج ادك الباب
وسيم: بس شجون وياي جوه مو وحدي
اني: ح اكمل شغلي
كام يصيح بصوت عالي
وسيم: شجون اكعدي بسرعه نجلاء اكو شي
نجلاء: صدك وسيم
وطلعت وركعت الباب حيل
اني: وسيم مو هيج تصرف لو اني اشوفك اموتك
تقرب مني وسيم ويبوس بركبتي
وسيم: موتيني هسه
اني: وسيم وخر صدوك تحجي وخطيه وعيب ح اطلع
وسيم: اموتج بس اطلعين
ورجع يبوس بيه
اني: نجلاء دخلت وخر لاهم يدخل احد ثاني استر علينا عيب اوووف وسيم دوخر كافي تبوس
وسيم:محد يدخل لان يعرفون انتي يمي
اني: محد يعرف اني يمك
وسيم : اني هنا كاعد واسمع دكولين اريد اخذ جاي لوسيم
ورجع يبوس ورجعت دفعته
اني: لااحد يدخل وخر عني
وسيم: ضوجتيني يله كومي لغرفتنا
اني؛ ابد مستحيل عيب من نجلاء تكبر القصه وتهده بلرحمان اليوم شكو شاد ويه نجلاء ح اكوم اكمل شغل
وسيم : بس اطلعين اموتج
اني: موتني باي
وطلعت وعفته نار وسيم وضحكت بوجه ورحت للمطبخ شفتها كاعده ونار اني سكتت وكملت غسل ماعين ويه البنات وخجلانه منها وبسرعه كامت لوسيم واني بالي يمها خالتي سالتني
خاله: شكو شجون نجلاء شبيها
اني: شافتني ويه وسيم
غصون : واذا بس هيه تكعد وياه
اني: لا وسيم يبوسني وشافتنا
خاله:ههههههههههههه وسيم متوازي مو يدري بخبالاتها
غصون: عليج الله وسوت
اني: بقت واكفه
وسكتت طلعت نجلاء واني اشتغل عادي وطلع وسيم صاحني وهيه بقت واكفه تباوعله
وسيم: شجون تعاي
اني: شنو
رحت يما شبيك
وسيم: اصعدي وياي
اني: اكيد تخبلت ما اريد اكمل شغل
وسيم: ح اصعد ودقيقتين ماصعدين اكسر راسج فاهمه
اني: يمه الوحش تخبل عليه رجع الوحش
وسيم: هههههههه تعاي بسرعه
اني: اوك
ودرت وجهي وشفتها واكفه بلمطبخ تباوعلي وصعد وسيم وخزرتني وطلعت
خاله كاعده تباوع على الموقف وغصون تراقب
غصون: تعاي ولج تعاي سولفيلي
اني: شسولفلج ماشوفين الجو متوتر بينهم
غصون : اموت اذا مااعرف بلتفاصيل احجي
اني: بعدين لان اخوج عصبي ويريد اصعد
خاله: اصعدي لرجلج خاله ابني تعبان انتي عايفته مامداريته
اني:اني خاله لاوالله ظلمتيني
خاله: لان مخليته براحته ويه نجلاء وابني ديذبل وياها ومابيج خير وتخلصي منها
اني:خاله مستحيل ادخل بينهم
خاله: لعد روحي ياخاله الحجي ماكو منا فايده وياج ملتهيه بطيبتج وحبج لوسيم غلط
وكام وسيم يصيح بصوت عالي شجون
اني: اي اي اجيت
اني: غصون خلي بالج على الجهال صاعده اني
وصعدت لوسيم وسيم كاعد بلغرفه وبس الشورت من شفته ضحكت
وسيم: شبيج تضحكين
اني: متحضر شكو اليوم
وسيم: لا بس حاره ومختنك واعصاب من تصرفج وياي
اباوعله ودخلت للحمام ونزعت ملابسي ولبستله شي خفيف وطلعتله نايم متمدد وموبايل بأيده وكبل صعدت بحضنه واريد اصالحه وهو صار عليه وحش من صدوك هلمره وعرفت هوه تعبان ومهموم وافرح من يكون مهموم يريدني اني ويرتاح وياي ويحبني واثناء نومتنا خابرت نجلاء وهوه غلق الموبايل بدون مايشوف منو دك ومستمر بحضني وشوكه الي ولهفته اوووف موتني واعرف يموت عليه بس ديصارع نفسه بحبه لنجلاء ومن اترتاح حضني حيل ويشمني وبده يسولفلي على مشكلته ويه نجلاء واول مره يسولفلي شلون قنعها بزواجنا وسجل البيت باسمها وحتى تبقى وياه وتستمر بلعلاقه ومسوي الها هبه ويسولف شلون تأذي بلكلام وتعبان ويريد حل ويكول اكو شي مانعني اطلكها مااعرف شنو وتعبان شجون واني احبج وسجلت البيت باسمها لاجلج انتي تكونين يمي وهي متحبني واعرف لازكتلي حتى تأذيج واني من اتقربلها مااشتهيها وهي تتعارك وياي ولان ورمت كلبي بأثناء حضني وياه ودكول ها هيج تبوسها ها هيج تلعبها ها هيج وهيج وهيج وطلع روحي بلفراش بس من اجي يمج احس سلطان زماني وماتحجين اي شي غير اشتياقج وشوكج الي اموت عليج شجون احبج اتنفسج واريد انام ابقي بحضني لادكومين تسبحين من نكعد نسبح سوه
اني بس ساكته وماعلقت شي بس التفتت عليه وبوسته
اني: ياعمري كل هذي الهموم بكلبك وساكت احبك اموت عليك واني هم اغار منها واريد اتعارك وياك بس من اشوفك انسى الزعل والهموم والحزن والعتاب واريد بس الحب والغرام والحضن منك واريد اكوم لان جهال جوه وخاف غصون تتعب منهم
وسيم اخذ موبايلي وخابر امه
وسيم: يمه ديربالكم على الجهال شجون ماتنزل للعصر وذبحتني تفكر بيهم واريدها بحضني
خاله: تدلل يمه
وسد المكالمه ورجع يبوس بيه واني اتعارك وياه
اني: وسيم عزه بعينك فضحتنا عيب هيج تسوي ....
واضربه بصدره ويضحك عليه ويشاقيني ونام وسيم وتعبان خطيه ومقهوره عليه وهوه نايم ابوس بي واباوعله مهموم ومثل الطير المكسور قهرني ونايم للمغرب ومايقبل اكوم وحاضني عاصرني عصر وكمت اضوجه بشعري اخلي باذنه بخشمه واكعده وصار عصبي وكام وعضني بركبتي بكل قوته حتى صيحت ياله وخر وبجيت وهوه يصالحني وبعدها سبحنا ونزلنا ب 8 وغصون تلكتنا
غصون: بعد وكت لو بايتين فد مره تخلفون وتذبون عليه
ضحكتني موتتني من الضحك وخاله تباوع على وسيم وفرحانه وتحجي وياه
خاله: ها يمه احسك مرتاح الظهر جانت روحك طالعه وتمرد كلبي من اشوفك مهموم
وسيم: يمه اريد يوميه تهددين شجون بلزوجه الثالثه
اني :هههههههههههههههههههههه واستحيت
وخالتي وغصون يضحكن وطلع راح لبيته واني صحته
وسيم: ماتتعشا يمنا
وسيم: لا اتعشى بس انتظريني
خاله: ننتظرك
وسيم: لايمه اتعشوا مرتي وجهالي ينتظروني
وطلع خالتي تضحك عليه وصاحتني اكعد يمها وباستني من خذي يمه شجون ممصدكه انتي جنتي
وفعلا اجه تعشا ويانا بس مااعرف شنو صار ويه نجلاء ومااسئله وطبعا حياتي طبيعيه اروح لاهلي يوميه ساعتين وسيم يوصلني لو بابا يجي ياخذنا واشتاق لغرفتي ولبابا ولخباثات اخوتي بس اخوتي من تزوجت هم زينين وياي ويضحكون ويشاقون ومو همه القبل ياذوني ولان اتزوجت بعد مايدخلون بحياتي واكعد الصبح يوميه ب6الصبح احضر الريوك لوسيم ونتريك ونبدل ونطلع حتى اذا يبات يم نجلاء ماتسويله ريوك موظفه وماتلحك بس تبدل وتطلع بس اني كل اهتمامي وسيم وحتى اغسل ملابسه واحضرهن واصبغ حتى حذائه واحضر ساعته وشغلاته ومفاتيحه ومدللته ويوصلني للجامعه ويرجعني ميقبل احد يوصلني او يرجعني يخاف عليه ونجلاء مخليلها خط ويه صديقاتها بس طبعا كامت توازيني اله يوصلها بهذا الوقت اطلب من بابا يوصلني حتى وسيم مايتعذب ويخاف عليه وكنت اتلافه كل مشاكلها وخليت بيت عمي يتعلمون عليه وعمي مدللته اسويله جاي فواكه اضحك اسولف وياه وشنو يطلب مني اسويله وخالتي تموت عليه وماتحب نجلاء من وسيم هدالها البيت والبنات وياي وويه نجلاء زينات رغم البنات مااشوفهن زينب وفاطمه مزوجات وملتهيات بعيشتهن بس غصون وعلاقتي قويه ويايه ومرت جراح صبا زينه وماالي دخل بيها فقط رسميات بينا وشهرونص من زواجنا احنه على هذا الموال ودوره تأخرت عليه ودايخه لويش بس من سألت شيماء دكول تغير هرمونات لان متزوجه وسكري زين وسيم مراقبني ومعتني بيه والجهال يم شيماء نخليهم وبيوم تعبانه ووجهي اصفر وبلكوه امشي جايتني الدوره وطالعه روحي من الالم وب10 واني مانازله ودخل وسيم سال عليه وكلوله بعدها مانزلت وصعد يكعدني ولكاني نايمه وتعبانه واتلوع دخل وسيم عليه
وسيم: شبيج
اني: اجتني الدوره والالم موتني
وسيم: خاف هم ضايجه مثل نجلاء بعدها ادنيت وصحته ينام يمي وكعد يمي وبوسته واحجي وياه
اني: اني اتعذب والم من تجيني وماافكر بشي ثاني احبك واموت عليك بس هلمره توجعني كولش لان يمكن صح متزوجه وحباب لاضوجني شوي واصير زينه
وسيم : ح اكوم واني عبالي ح احصل منا منا
اني:ههههههه تعال نام بحضني
وسيم: لا مااريد اتعذب انزل احسن
واباوع على وسيم ومقهوره عليه خطيه نجلاء مدمره نفسيته الله يدمر نفسيتها ان شاء الله ونزلت وصبحت عليهم وشافوني تعبانه سألوني شبيج
اني: الدوره وبطني توجعني واول مره تجيني بعد الزواج
نجلاء تباوع وتضحك ودكول حبي كل شهر تجيج تعودي على هذا وضعج
اني: اعرف كل شهر تجي كل بنيه وتجيها الدوره
نجلاء: اي والي تاخذ وسيم كل شهر تجيها الدوره
عصبتني وضوجتني صح وسيم مموجود يمها بس خفت يسمعها خطيه وخاله لو موجوده تردها بس حجت كدام صبا وضجت لان قللت من قيمة زوجي ورحت يمها
اني: نجلاء شنو قصتج عايشه بكل هذا الدلال وماعاجبج عيشتج وكافي يوميه تسمعين حجي سم وين تلكين شخص يحبج ويحترمج مثل وسيم
نجلاء : والله زين صاير عندج لسان
اني: مو قصة لسان بس عيب تحجين على زوجنا هيج ميصير تقللين من قيمته
نجلاء: ضاحكه على الرجال بهذي السوالف مو ماتوقعت اطلعين ام البلاوي
اني: اوك شكرا
ورجعت اشتغل وصبا دكول تهدوا بلرحمان
دخلت خاله شبيجن وصبا دكول الضراير يتعاركن باوعتلها
اني: صبا لاتضحكين واحنه ممتعاركين سوالف عاديه اني ونجلاء صديقات وهذا كلام عادي
ونجلاء تفشلت وطلعت من المطبخ
وحجيت لخاله اني احسن لان صبا تالف ومااريد توصل لوسيم وكعدنا نتغده وهي كاعده يم وسيم واني كعدت مو يمهم وتوته يمي وحنون بحضن وسيم وشافني وسيم ماكعدت يمه باوعلي وخنزر ويأشرلي كومي يمي واني مااقبل بعدين اشر لخاله وخاله كومتني يم وسيم وكعدت يمه وشاورني
وسيم: شبيح مغندبه لازم اني اغندب
اني: وانت شكو تغندب
وسيم: اغندب لان مامتعلم اصعدلك ومااخذ حصتي
اني: هههههههه وتخبلت نجلاء نتشاور كرصته واني ضحكت عليه
ودنتغده وصبا الخبيثه تحجي ويه وسيم
وسيم: اليوم نسوانك تعاركن الله يساعدك وسيم
وسيم يباوعلي متفاجيء وبعدها باوع لنجلاء وسكت وكعد ياكل وخالتي سكتت صبا ومحد علق وهمزين جراح غلط عليها كدامنا وفشلها تستاهل
ووسيم طول اليوم ساكت وشرب جاي ودخل يم امه وابوه وطلع ونار صاير يباوعلي وعصبي وصاح نجلاء تعاي وراحوا للبيت وبعد مااجه الساعه ب1 بليل اجاني وسيم وطالعه روحه وكعد يشرب جكاره بلغرفه فهمت متعارك وياها وكعدت بحضنه واخذت الجكاره منا وسديته وتقربتله وبوسته ومن يحجي كلمه اسكته ومااخلي ينطق كلمه وخليته يبوس ويشتم وانتهى وسيم وياي وديبوس ويكول اوف موتيني انتي شلون بيه ويه سوالفج ح اكوم ومااخلي تعبته وكعد يكولي احبج
وسيم: احبج نجلاء
اني: عزززززززززه................
