البارت الرابع ....
#انتقام_عاشق ....
أحمد ....
طلعت من البيت ركبت السيارة ومشيت بسرعة بدون ما احجي ويه أحد ....دورت على رقمه ....
الو ووو. ... شلونك سيف
معقولة .!!..هله والله هله بأبو جاسم شلونك حبيبي..
الحمدلله. ..انت وين ؟
يعني وين ...مثل متعرف هههههه
أي زين ...اني جايك ....
تنورني اغاتي
سديت التلفون ...هذا سيف ...صديقي...جنه سوه بالكلية ...ابوه كان صديق والدي.... رجل أعمال معروف ...بس سيف انحرف عن مسار أبوه واختار طريقه ....هو من النوع الي يحب الكيف والونسه لذلك قرر أن يكون شغله بهالمجال ....فتح فندق وبيه مطعم ....بس بالواجهة .....بس بالأساس هو نايت كلب ...ملهى ليلي خمس نجوم ....يجيب بنات من الخارج وزبائنه كلهم توب ...اني جنت مختلف وياه دائما لأن هو مشى بهالطريق وترك أعمال أبوه ....بس مع ذلك بقينه اني وياه أصدقاء ونتواصل بين فترة وفترة ...
وصلت يمه ...استقبلني سيف
حبيبي حمودي الورد مشتاقلك ...نورتني ...
هﻻو سيف شلونك ...
تعال يمي جوه بالمكتب ...
لا... خلينه هنا احسن
معقولة!!! شصار بالدنيا انت قررت تتكرم عليه وتشرف صالتي المتواضعة !!!
أي بس شويه مكان هاديء ماحب الموسيقى العاليه ..
تدلل
رحنه كعدنه بمكان شويه منعزل
ها شنو رأيك؟ ؟
تمام ...
خيرك أحمد ...شو مو على بعضك ؟؟
ذا تريد تعرف شبيه ...نزلي اقوه مشروب عندك ....
شنوووو ... انت تريد تشرب ؟؟
أي ...ليش لا ...
طبعا سيف متفاجيء لأن اني من جنت بالجامعة بالبداية جنه نشرب اني وياه ونسهر يونيه تقريباً. ..لحد ما في يوم والدي دز عليه ...
اسمعني ابني ...أريد احجي وياك وتاخذ الموضوع بشكل جدي ....
تفضل يابه
شوف أحمد ...مثل متعرف اني مريض بالكلى ....والدكتور يكول جسمي ديضعف يوم وره يوم ...حتى عمليه مترهملي ...ادري طلبي راح يكون صعب عليك ...بس انت كده وراح تبيض وجهي....اريدك تلزم الشغل من هسه ابني حتى من اروح اني انت تكون مسيطر ومتواجه صعوبة ...
شدتحجي يابه ...انت بعدك بخير الله يحفظك ...
لا ابني اني حاس انو نهايتي قربت ...لذلك أريدك توعدني انو تاخذ مكاني ...بس قبله لازم توعدني بشي ثاني .....انو تترك الشرب
يابه انييي. ....
ادري انت شاب وتريد تتونس بس الشرب مابي خير ...يدمرك ويدمر كلشي حواليك وانت متدري ...وحتى تلزم مكاني لازم تكون صاحي ومركز والشرب مراح يخليك صاحي ...اني طول عمري ما طلبت منك شي ...هاي اول مره ...وأريد توعدني ابني ...حتى ارتاح ...
صار يابه ...طلباتك أوامر ...
وفعلا تركت الشرب ...ولزمت شغل أبويه من واني طالب بالجامعة ...احساس والدي كان صح ...بعد سنه من هالحجي توفى والدي وإني ظليت عالوعد
بس اليوم ...سامحني يابه ...بس هو الي راح ينسيني ...بس الشرب ...أريد أنسى ...
سيف ....شكو أحمد ....صدك تريد تشرب ...
أي ...وجيبلي بنيه من البنات الي عندك هم ...لالا ...مو وحده ...اثنين ..
.
شنووو!!! لعد وزمن ...انت تخبلت .
هههه لا والله جنت مخبل بس هسه صحيت
مرتك راح تسويلك مشاكل
لتخاف مراح تعرف
شلون ؟
لأن هي مو هنا ....ماتت
شنوووو.؟؟....صدك تحجي ...شوكت ؟؟
اليوم....
سيف ظل صافن عليه ....
اكلك ...انت جيب الشرب والبنات وإني احجيلك
لا أحمد ...انت مو صاحي
صرت عصبي ...وكفت ولزمت من ياخته وخليت عيني بعينه
بالعكس ...اني هسه كلش صاحي ....اكتشفت انو انت الصح ...وإني الغلط ...انت الي تفهم
وإني الغبي ...انت الي عرفت شلون تعيش حياتك ومتسمح لأي وحده تتحكم بيك ومتزوجت. .. وإني الغبي الي حبيت وتزوجت والنتيجة شنو !!...خانتني الساقطة.....عرفت ليش اني هنا ...لأن اكتشفت انو انت الصح وإني الغلط ...
وتركت سيف وكعدت ...
يالله ...جيب الشرب والبنات ...
يتبع ......