الفصل الثاني و العشرين
حسيت محد اليه لا ام لا اخ لا اخت كلها رجعت لحياته و بس اني كئيبه كاموا يضوجون يحجون ويايه لان بس اجيب سيرة احمد .. و اذا اشكي بعده و فراگه
لعد و امه شلون الي ربته و تعبت عليه شخبصتينه انتِ..
و ماما تسكتهم ..
الى ان فد يوم اجتي جيرانه ام زهراء يمنه و شافتني تخبلت
يمه اخذيه زوريه لابو الحسنين و الحسين و العباس بتچ انتهت تره .. و هي سادس بعد كم يوم يبدي الدوام شلون اداوم خية
باذن الله بس اشوف اخوهه شوكت يفرغ و اوديها
يمه تعاي اني وياج انوديه بنتج حتروح منج غادية هيكل عظمي
زوزو ماما تعاي ..
نعم ...
شنو رئيچ نروح للنجف و كربلاء تجين ويانه ؟؟
ماما ما بيه حيل
لازم حبيبتي حتى شوية ترتاحين يا روحي
الله كريم
خوش لعد اتفقنه ام حسين باجر اجيكم من السته و نروح و نبات بالامام و نرجع ثاني يوم
خوش حبيبتي رحم الله والديچ متعبيچ ويانه
لا يا روحي انتِ مثل اختي و زوزو حالة حال زهراء بس كون ربي يشفيه و يفرحنه
و راحت ام زهراء و ثاني يوم لبست عباية من امي و ربطة و رحنا اول ما وصلت للامام علي كرم الله وجه
يا ابو الحسنين سيدي و مولاي بجاهك عد ربك ريحني .. روحي اريدهه تطلع فدوة اريد اموت و كون بلا گبر مثله ..اوووووف يا ابو الاحسنين قلبي احس يريد يطلع بس ملاگي مكان يروحله
و ابچي و ماما و خالة ام زهراء وياي يبچون وبقينه و بعدها رحنه للحسين و العباس و كفت بالمسافة الفاصلة بينهم يا المظلومين احمد انظلم مثلكم ريحوه و ريحوني خلونه نلكاله اثر .. خلينه نعرف وينه .. بحق جدكم محمد بحق امك فاطمة الزهراء البتول و ام البنين اه يا ربي يا رحيم ارحم بحالي يا ربي..
و بقيت هيچ و بتنه و همه نامو و اني گاعدة مثل البومة و بس ابجي و ادعي لحد ما اذن الفجر گعدوا صلينه و طلعنه و رجعت انداريت على الحسين .. يا مظلوم كربلاء ريحني و اشفيني ... و رحنه اتريگنه و رجعنه و حسيت شوية ارتاحيت..
و اول ما وصلنا صعدت فوك اريد اطلع ملابسي الي جنت البسه قبل ... و چانت اول مرة افتح كنتوري بعد شهرين .. چانوا خواتي همه يجيبولي هدومي و بس مال بيت و نزلت انام جوة وي امي
و فتحته و صارت كدامي بدلتي مال الخطوبة و الملابس الي اشتريناهم مال المهر .. و ليفوگ لبس النوم بعده اباكيته و جوة بأرضية الكنتور الاحذية مال الخطوبة و اللاخ مال الطلعة
و چان اجيب علاگة و طلعت وياها البرمودا السودة و بلوزة امورد بالاحمر و قميصي السمائي الي بيه قلوب .. و كلشي چنت البسه و گايلي احمد عليه حلووو
و خليتهم كلهم بالعلاگة و نزلت جوة .. و طلعت طشت الحمام .. و رحت للطرمة و خليتهم كلهم و خليت عليهم نفط و شعلت النار
و شافوا النار البنات يمه الحكي شوفي حزن شدسوي
عزه بعينچ حزن لچ شدتسوين يمه وخري يمه تخبلتي
عوفيني ميصير احد غير احمد يشوفني بهاي الملابس
يمه فدوة عقلي الله يخليچ
وچ يوم يا عقل راح العقل وي الي چان مالكة
وچ بنتي بعدچ صغيرة و العمر گدامچ
يا عمر يا عمر عمري راح بيوم روحت احمد خلص يمه خلص ..اني دا اتنفس ابليه روح ماما .. راحت وي اهله ماما
ماما دتعاي فدوة للخلقچ تعاي
و جان اجيب دبة النفط و ذبيته على روحي
لحد يتقربلللللي و الله احرگ روحي عوفوني .. عوفوني الله يخليكم
و ما احس الا احد شابكني من ورة ..
وچ انتِ خبله شدتسوين بنفسچ ها شوكت راح تعقلين خبلتي الكل
بلزمته حسيت ماكو عندي مقاومة او بعد ما اگدر اقاوم
تدرون منو الي اجه لزمني ؟؟؟
و للقصة احداث اخرى ليست على البال