مشاعر

راد الطفل يروح

الفصل الثالث و العشرين

شوي خالة فدوة خلي ادخله للحمام..
و اني ساكته و لا كلمة و امدنگة راسي .. شالني و دخلني بالحمام
خالة فوتوا وياها اغسلولها هاي المخبلة..
اي يمه انمار رحم الله والديك
لا خالة مصار شى اروح اني
دابقه يمه اشرب چاي شئ
لا خالة اروح اغسل روحي من هالنفط
ههه الله وياك يمه .. سلملي على امك .. شلون صارت هسة ؟؟
و الله خالة على الله .. هو الارتفاع ياذي و من صارت شغلة احمد شكل عدها و دوم امعلگ
ربي يشفيه يمه و يخليه الكم .. الام شمعة البيت و نورة
اي و الله خالة .. الحمدلله يلا اترخص اني
الله وياك يوم...
اجتي امي للحمام اني گاعدة على التخته و بس دموعي يكتن ..
شلون وياچ شتريدين تسوين بيه وچ يمه بعد اسبوع يبدي دوامچ .. و انتِ شاطرة حتضيعين نفسچ يا يمه .. احنه منعرف عن الولد شئ .. يا يمه كافي و الله موتيني و تعبتيني .. شلعتي قلبي ..
تحچي و تنزع بيه و تغسلي و اني بس دموع وي المي ينزلن ..
و مرت الايام و اجه الدوام و مداومت و مظل احد محچة ويايه .. مر اسبوع حتى صديقاتي اجوي عليه و كلها تحجي و اني ساكته و منزلة راسي ما احچي اي شى غير كلمةبس
اي ...
المهم مفاد اي حچي وياية الى ان فد يوم گاعدة على المرجوحة بالحديقة .. و جان يندك الباب و دخل انمار
هلا شلونچ بت خالي ..
الحمدلله
دا اگوم جان يجرني من ردني .. انداريت عليه خنزرت
شكو شتريد انمار؟
على كيفچ حزن .. بس ردت احچي وياچ بشئ ..
خير.........................
اجه ابو طيب
زوزو .. زوزو... حبيبي وينچ ؟؟
ها عيني هلا ابو طيب خيرك يا رب ..
وچ هذا گلي الاحد عندي مقابلة .. ادعيلي
ربي يسهل عليك ..
زين و الفلوس ؟؟
حبي طلع نص خوش ادمي
هههههههه يعني شلون ؟
گلي من يصير تعينك و اول يوم اداوم العصر اجي اخذ منك الفلوس
و الله زين هذا حباب
و يمكن راح اخذ من ابوية فلوس ؟
شعجب ؟؟ و طبعاً وجهي انگلب ..
لان فكرت حرامات المحل يروح اخلي بيه عامل من الصبح للظهر و اني استلمه من العصر لليل ..
بس مو تعب عليك هيچ
و منو گال ابوك عنده فلوس ؟؟
و الله ما ادري يا عيني اشوف اموري و الله يسهل .. حتى لو اداين من عدة اشخاص و اسوي سلفة و من تطلع اوفيهم..
براحتك يابه الي يعجبك .. زين شنو رئيك اخذ من حسين و همين سدده بعدين ؟؟
حززززن اني شگلت من اهلچ ما اريد الخاطر النبي تسدين الموضوع
حاضر سدينه دغسل يلا حتى نتغده ..
اي يلا ..
و تغدينه و نومت الجهال الظهر ..
اكلچ زوزو عود حضري الجهال و تحضري العصر نطلع شوية
صدك ؟؟
اي شبيچ قابل اكذب عليك
اوكي حاضر ..
و بدلنا و طلعنه .. و طلعت الگشرة علينه ..دنعبر طيب هد ايدي ركض و ديعبر و راد يضربه ابو سيارة و عاط بينه
اذا مديرون بال على جهالكم ليش تخلفوهم ؟!؟!؟
تخبل ابووو .. راح ركض عليه و ضرب ضرب و زمال و اعمى و جان اندعمت و جبتنه الحچي
و مو صوجكم صوجي اني الطلعتكم ..
العفو بابا و الله اسف و الله مو قصدي
كافي الله يخليك هاهيه خلينه نرجع بس عوفه
اي نرجع لان الطلعة وياكم متراد .. انتوا البيت زايد عليكم
و رجعنه و طيب ما بطل دموع تنزل و اني بالكوة لازمة روحي عليه
و اجيت ابدللهم نزعته و الله جسمه كله طبعات اصابع..
بالگوة لازمه روحي لا ابچي ..و بقلبي احچي
يا ربي هسة اني دزيت عليه گتله طلعنه .. اوف يا ربي اهدي و اهدينه استغفرلله شغلات صغار بس كلش دتأذيني و الله..
و بدلت السعودي ..گمت دا اسوي الفنگر
لا تسوين حروح اجيب نص كيلو كباب دجاج و اجي
لا ماكو داعي
اني مدا اخذ رئيچ .. اني بس دا اكلج ..
و راح جابه و اكلنه .. و نومت الجهال .. و كعدنه على التلفزيون .. و سويت چاي دنشرب ..هو يگلب بالتلفزيون و اني اگلب بافكاري ..
ها انمار خير شنو تريد مني ؟؟ تره اريد انام ؟؟
اي ما عندي وياچ هي كم حچاية و رايح ..
اي تفضل
حزن دا اريد اگلچ........

و فالقصة جروح صعب نسيانه