كل إنسان معرض للأخطاء لكن بعض الأخطاء التي نرتكبها هي اتخاذ القرارات في لحضة غضب و قد نقول كلاماً جارحاً أيضا لكننا سنندم على كل هذا بعد حين، نعم نفعل نفس الشيء عندما نكون في قمة سعادتنا و نعطي وعودا ولكن سنندم على كل هذا بعد ان نفكر بجدية اكثر، لكن من الممكن ان يكون قد فات الاوان؟ و الان اسئلك يا قلبي و عقلي هل فات الاوان؟؟
.
-خالد
كنت مستلقي على سريري و أفكر بالذي سيحدث، وماذا سأفعل؟ هل سأستطيع ان أحب مريم؟ كيف ستستمر في هذه العلاقة؟ هل ما فعلته هو الصواب؟ اه رأسي يؤلمني من كثر التفكير😩
بعد دقائق رِن هاتفي كان المتصل مريم
خالد: مريم!!! شنو القصة شعجب
أجبت...
خالد: آلو.. اهلًا مريم
مريم: هلو خالد، شلونك
خالد: الحمد الله، و انتي
مريم: الحمد الله، ممكن تجي علينا تأخذنا للسوق اليوم؟ اكو أشياء لازم نشتريها للخطوبة
خالد: اوك تمام، بعد فد ساعة ساعة ونص اجيكم.
مريم: اوكي، شكراً حبيبي
خالد: باي
اغلقت الهاتف و انا مصدوم
خالد: حبيبي!!! شنو هالميانة 😳 هففف انت جبتها السالفة النفسك 👐🏼
نهضت من سريري و ذهبت الى الأسفل
والدة خالد: ها حبيبي حجيت وَيَا مريم
خالد: اي كلتلي تريد تروح هي وخالة يمكن للسوك عدهم أشياء يردون يشتروها، انتي هم جاية؟
والدة خالد: اي هسة اروح أبدل تعال اكل فاكهة بين ما اروح أبدل
خالد: اوك
أخذت أمي و ذهبنا الى بيت خالتي اخذنا مريم و خالتي و ذهبنا الى مول المنصور
.
-ريم
بعد عودتي الى المنزل تناولت الغداء و ذهبت لارتاح قليلا بعدها نزلت الى الأسفل كان ابي و أمي و اخي يجلسان جلست معهم.
علي: ها شعجب شرفتي ست ريم
ريم: اشتاقيتلك اخي الحبيب😒 شعليك ليش تدخل
والد ريم: هم راح تضلون تتناكرون
ريم: لا خلص
والد ريم: يوم الخميس معزومين على حفلة
والدة ريم: حفلة مال شنو
والد ريم: اليوم عقدت اتفاقية وَيَا شركة جديدة وصاحب الشركة يكون صديقي القديم، و ابنة ديخطب يوم الخميس و عزمنا، كال حتى تتعرفون على عائلتة
ريم: الله حفلة 😍😍🙏🙏 ماما خلي نروح نشتري فستان، حبابة حبابة بليييز
علي: انتي متشبعين فساتين، كنتورج راح ينفجر 😒👐
ريم: استغفر الله، دا اشتري من فلوسك،،، شعليك انت
والدة ريم: امشي يلة اني هم عندي كم شغلة اريد أجيبها
ريم: بابا تودينا المول المنصور هناك جان عدهم محل مال فساتين كلش حلو
والد ريم: اي يلة امشو بدلو
ذهبت مسرعة الى غرفتي كنت أغير ثيابي اتصلت مها، أجبتها
مها: هلا بريوم
ريم: هلا بيج كبد
مها: شدسوين
ريم: دا أبد بابا ديوديني اني و ماما لمؤلفه المنصور
مها: يا بذاته يا حقيرة و متاخذيني
ريم: هههههه ديلة كومي بدلي و من اشوفج احجيلج التفاصيل
مها: أوك يلة جاوو👋🏼
ارتديت بنطال جينز و قميص كريمي و رفعت شعري الى الأعلى ارتديت بعض الاكسسوارات مع القليل من مساحيق التجميل ( كحلة، و احمر شفاه فاتح جدا) و ارتديت حذائي باللون الكريمي و أخذت حقيبتي و نزلت الى الأسفل جلست مع ابي كنّا بانتصار أمي.
ريم: بابا نكدر نمر على مها نأخذها
والد ريم: اوكي
ريم: يسلمو يا احلى اب بالدنيا
علي: شكد تتلوكين🙄🙄 مصلحجية
ريم: مراح أجاوبك لان ما اريد اعكر مزاجي 😏
بعد دقائق أتت أمي و ذهبنا الى مها، كانت تنتضرنا في الخارج
مها: سلام، هلو عمو وخالة
والدة ريم: هلا بيج حبيبتي
والد ريم: هلا بيج بنتي
ريم: هلوو 😙😙
مها: شايفتج الصبح بس يلة هلو
ريم: ههههه طاحظج، باعي تذكرين هذاك المحل الي مرة اشتريتي منة فستانج الماروني بحفلة عيد ميلادج
مها: اي شبي
ريم: اذكر اشتريتي من المنصور مول
مها: اي صح ليش تسئلين علية
ريم: بابا صديقة عزمنا على حفلة خطوبة مال ابنة فردت اشتري فستان اذكر هذاك المحل جان عندة فساتين حلوة
مها: الله خطوووبة و حفلة 😂😂😂 اي هسة من انروح وندور 😍
ريم: بابا يصير مها تجي ويانا للحفلة
والد ريم: اي أكيد اذا يعجبها اي عادي ليش لا
ريم: هلااا هلا 😂😍💃💃
مها: الله وناااسة، يجوز اني هم اشوفلي شي و اذا معجبين شي البس فستاني مال عيد ميلاد
وصلنا الى المول تجولنا قليلا و اشترت أمي بعض الثياب و اشتريت انا و مها بعض الاكسسوارات و الملابس.
والدة ريم: يمة ريم اني و أبوج راح نكعد هنا يم هذا ابو اعصائر و روحو انتي ومها اشتروا من هذا ابو الفساتين و تعالو
ريم: اوك ماما
ذهبنا انا ومها الى محال الفساتين معا
.
.
-خالد
اشترو الكثير من الأشياء حتى تعبو أمي و خالتي و جلسو في احدا المطاعم، ارادت مريم الذهاب الي احدى المحلات لبيع الفساتين، اخذتها ووقفت بعيدا اعبث بهاتفي كانت هي تقيس الفساتين و تبحث عن فستان، وبعد دقائق رفعت رئيس لأراها امامي....
.
.
-ريم
دخلنا محل الفساتين انا و مها ووجدت فستان اعجبني كثيرا و كذالك مها دخلنا لكي نقيسه كان في غاية الروعة 😍. فستان مها كان جميل كذالك. بعد ان قررنا شراءه سمعت احدهم ينادينا انا و مها التفت لأرى خالد!!!
ريم: خالد!!
خالد: هلو، هاي شسوون هنا
مها: انت شسوي هنا😂 احنا دنشتري فساتين انت شسوي
ريم: اشترينا فساتين يوم الخميس صديق بابا ابنة ديخطب و دنروح الها
خالد: يعني مراح تجون يوم الخميس للخطوبة مالتي
ريم: اووووه شلون نسيت انت هم الخميس 😬😬 سوري آسفة لا ما اتوقع نكدر نجي
مها: يا حرامات، ان شاء الله بعرفك نجي
بعدها أتت فتاة قاطعت حديثنا، أمسكت بذراع خالد و قالت
مريم: حبيبي منو هذولة
خالد: اممم زميلاتي بالكلية، هاي ريم و هاي مها،، أعرفكم هاي مريم الي راح تكون خطيبتي
مريم: اهلًا وسهلا، تشرفت بمعرفتكم
مها: اهلًا بيج الشرف النا
ريم: اهلًا بيج، ومبروك عليكم، يلة احنا انروح لان دينتضرونا
خالد: اوكي باي
مها و ريم: باي
دفعنا ثمن الفساتين و خرجنا
ريم: ما حبيتها مو حلوة البنية
مها: يعني شكلها بنطلع بي، بس حسيتة بارد وياها ما ادري ليش
ريم: ما اعرف، يلة بسرعة دينتضرونة
عدنا الى ابي و أمي وبعدها اوصلنا مها الى منزلنا و عدنا الى المنزل
.
.
-خالد
بعد ان أشترت مريم فستانها عدنا الى أمي و خالتي و بعدها اوصلت خالتي و مريم الى منزلهم،
والدة مريم: تسلم خالد حبيبي
والدة خالد: بأجر ان شاء الله نروح نشتري الحلقات و الذهب؟
اتفقوا ان نذهب غدا الى شراء الحلقات ووافقت، وبعدها عدنا انا و أمي الى المنزل..
في صباح اليوم التالي ذهب إللى الكلية رائيت عمر كان ينتضرني عند باب الكلية
خالد: ها خير شو واكف هنا
عمر: العالم تسلم تكول صباح الخير
خالد: اي مو ناقصك اني 😒
عمر: ها لازم عرفت انو تسرعت بشغلة الخطوبة
خالد: اوووف عمر اوووف ما اعرف ماعرف شو ما احس اي شي اتجاه مريم و هي كلش متأملة و تكل حبيبي من البارحة لليوم. و ما اعرف شسوي
عمر: شكلك مو مال تروح محاضرة هسة و اني هم مجاي على بالي اروح على محاضرة هسة، فامشي نروح للكافتيريا
خالد: اوكي يلة امشي
ذهبنا الى الكافتريا ورائينا ريم و مها يدرسان
عمر: امشي نروح يمهم
خالد: البارحة شفتهن بمول المنصور، جانو يشترون بدلات
عمر: لخطوبتك؟
خالد: لا صديق ابوها لريم عدهم حفلة مدري خطوبة و ديرحون يعني مراح يجون
عمر: هممم حرامات يعني مراح يجون؟
خالد: وشبيك ضجت😒 لازم مهيأ على وحدة منهن؟
ابتسم عمر
خالد: يا هي العاجبتك ولَك 😒
عمر: مها 😻
خالد: باع شلون يكول اسمها😂😂😂 جنك واحد عاشق 😂😂 و الله طلعت عاشق يا عموري😂😂
عمر: دنجب يلة، امشي نروح نكعد يمهم
خالد:😂😂 اوك امشي
ذهبنا لكي نجلس معهم....
.
.
.
-ريم
كنّا ندرس انا و مها معا لان كانت هناك مادة لم افهمها اتينا باكرا و بعدها أتى عمر و خالد
عمر وخالد: هلاوو
ريم و مها: هلاااو
عمر: شعجب كاعدين هنا ماعدكم هسة محاضرة
مها: لا بعد ساعة تبدي المحاضرة بس اكو مادة ريم ما فاهمتها دا اشرحلهيا
ريم: انتو ماعدكم محاضرة شنو؟ شفت زينة قبل شوية كالت عدكم محاضرة.
خالد: اي عدنا بس معجبنا نروح😅😅
عمر: خاف ددرسون و ازعجناكم
ريم: لا عادي اصلا مدا تدخل بدماغي 😂😂😂
عمر: شو خلي اشوف شنو ددرسون.. اووو هاي هذيج السنة أخذناها خالد كللش زين بيها بوكتها اني هم ما قهمتها بس خالد قهمنياها؟
ريم: صددك؟ شرحتلياها مها بس هم ما فهمتها
خالد: شو خلي اشوف؟
نضر الى الملزمة. اوك انجبي القلم هسة أفهمك الج؟
ريم: صددك 😻 شكرًا
مها: راح اروح اجيب نسكافيه و اجي
عمر: اوكفي اني هم اريد
مها: اوك
ذهبو عمر و مها، وبدء خالد بشرح المادة الي، بعد ان اكمل شرحها..
ريم: اوووو هسة فتهمت😅 شكرًا شكرًا شكرًا كللش خالد
خالد: ههه😄 تدللين، خلي أعيدها الج مرة ثانية علمود تفتهميها زين
لكن قي المرة الثانية كان تركيزي على شكله و ذقنه وسماره و طريقة كلامه و لطافته، بعدها توقف عن الكلام و اصبح ينضر الي... كنّا ننضر الى اعين بَعضُنَا. لكن صوت مها أعادني الى رشدي..
مها: ريم جبتلج نسكافيه الج هم
ريم: هاه اي شكرًا 😊
كنت اشعر ان وجنتاي تشتعل نار
عمر: شبيكم
خالد: شنو؟ كلشي ماكو
ريم: مها امشي نطلع نتمشى ضجت من الدراسة
مها: اوك
ريم: شكرًا خالد
ابتسم وقال خالد: تدللين بأي وقت.
.
.
-خالد
هذه اول مرة أكون بالقرب من ريم الى هذه الدرجة عيناها دافئتينرو تشعرك بالطمئنانية و وجهها البريء الطفولي الذي يجبرك على الابتسامة... ما هذا الهراء يا خالد ابعد هذه الأفكار عن بالك.
عمر: شنو القصة شنو بينك وبين ريم
خالد: كلشي ماكو، موضوع جانت مفاهمتة وفهمتها
عمر: تعرف مو هذا قصدي😑 اقصد على نضرات الي بينكم😒
خالد: هفف يا نضرات هاي شبيك، ما جبتلي وياك قهوة شي
عمر: هاي شنو الكدامك لعد😒 بي انت بالك مو يمي
خالد: ماشفتها😅😁
ذهبت الى محاضراتي ولَم أرى ريم طيلة اليوم بعد الصباح، بعدها ذهبت الى المنزل غيرت ثيابي و تناولت الغداء وذهب مع أمي و مريم و خالتي لشراء الذهب و حلقات الخطوبة و مر اليوم بشكل عادي.. في صباح اليوم التالي لم اذهب الى الجامعة، كنّت مشغول جدا ذهبنا لعقد القران و بعدها بدءنا بالترتيبات لحفلة الخطوبة.
.
.
-ريم
في اليوم التالي ذهبنا انا و ريم الى الجامعة لم يكن لدينا سوى محاضرتين. رجعنا الى البيت ذهبنا لأخذ أشياء مها من منزلها و ذهبنا الى منزلنا بعدها. تناولنا الغداء و ذهبنا مسرعين الى الأعلى لتجهيز أنفسنا. عند الساعة ال٤مساءاً انتهينا انا ومها و أصبحنا جاهزين.
مها: واو طلعتي تخبلين 😍😍😍
ريم: صدك،، انتي هم والله طلعتي حلوة 😍
مها: اعرف شكرا شكرا 😄 يلة امشي ننزل صار مية مرة يصيحونة
ريم: اي اي يلة.
اخذنا حقائبها ونزلنا..
والدة ريم: ما شاء الله ماشاء الله عروسات الله يحفظكم ان شاء الله
مها: شكرا خالة 😘
ريم: شكرا مامي
والدة ريم: يلة امشو ابوج دينتضرنا بالسيارة
👇شكل ريم
شكل مها👇
وصلنا الى القاعة الساعة 4:45 مساءاً، و الحفلة تبدء الساعة الخامسة
دخلنا الى المنزل كان منزل جميل، كمنزلنا لكنه اكبر قليلا القينا التحية على صديق ابي و على زوجته و على ابنه الأصغر كأنو لطيفين جداً. كأنوا ينصرون الي بإعجاب شعرت بالخجل ، مالنا أنظار الجميع موجهة علينا.
والد ريم: العريس وين لعد
والد خالد: راح بيشوف اذا كلشي تمام و هسة يجي
والدة خالد: و الله ابو خالد كلش فرح من التقيتوا من جديد و صرتوا شركاء
خالد!! هل قالت خالد هل من المعقول ان يكون هو صاحب الخطوبة. نشرت الى مها و هي أيضا نضرت الي بصدمة
والد خالد: هاي اجة العريس 😀
التفت لأراه لكني صدمت عندما رئيته 😳 هو وعمر مع بعض، تقدموا نحونا، بدو مصدومين هم أيضاً
خالد: ريم!!!
عمر: مها!!!
نضرنا انا و مها الى بَعضُنَا بصدمة بعدها نضرنا لهم من جديد
والد خالد: تعرفون بعض؟
خالد: ههه اي بالكلية سوة
ريم: بس مجنا نعرف انو ابن صديقك هو نفسة خالد الي بكليتنا😳
بعدها ذهبنا و جلسنا، كانيجلس بعيد جدا عنا لكنه كان يبدو وسيم
نضرت الى مها و همست لها بصوت منخفض جدا كي لا يسمعنا احد
ريم: لج شنو هالصدفة التعبانة😒
مها: لا بلعكس ما فاتتنة الحفلة مال خالد😂
ريم: انتي علمود الحفلة لو علمود عمر
مها: أنجبي راح تفضحينا، بس لو اعرف انتي هسة ليش منزعجة؟
ريم: ما اريد اشوف وجه البومة خطيبته، احسها كلش متكبرة ما حبيتها
مها: كأنو غرتي؟
ريم: انطمي،،،، باعي منو اجة الشلة مالتنا 😍😃 كومي نسلم عليهم القينا التحية عليهم و جلسنا، وبعد دقّائق أتت مريم وبدء الجميع بالتصفيق و الرقص. بعد عدة دقائق جلسو وبدءو باحضار الطعام في هذه الأثناء نضرت الى خالد كان ينضر الي ابتسم و بادلته الابتسامة.
.
.
- خالد
عندما دخلت صدمت عندما رئيت ريم انها هي أبنت صديق أبي، كانت تبدو جميلة جدا، لقد سحرني جمالها، وابتسامتها التي دائما ما تجعلني سعيد و ابتسم.
عندما كان الجميع يتناول العشاء كنت انضر اليها بين الحين و الاخر و الى حركاتها العفوية، انها حقا جميلة، اه مالذي تقوله يا خالد اليوم هو يوم خطوبتك من ريم و انت تفكر في فتاة اخرى... قاطع صوت مريم تفكيري.
مريم: مو على أساس ريم مدري منية متجي شجابهة😒
خالد: شعليج بيها، وبعدين ابوها صديق أبوية هسة عرفنا
مريم: ليش كل شوية تباوع عليك.
رمقتها بنضرة حادة، رئيت الانزعاج على وجهها، بعدها ناداني عمر الى الداخل
عمر: لك نيشان البنية و الحلقات وين مخليهن ديدورون عليهن
خالد: فوك بغرفتي بأول مجر الي يم السرير
عمر: اوك
ذهب عمر، التفت لأعود لكني رئيت ريم تأتي ابتسمت و شعرت بسعادة عند رؤيتها
خالد: ريم!
ابتسمت و قالت: خالد ممكن ادليني على الحمامات اريد اغسل
خالد: اي تعالي
اخذتها الى مكان الحمامات
ريم: شكراً، و الف مبروك على خطوبتك
خالد: شكرا، اممم .... طالعة حلوة
احمر وجهها من الخجل و قبل ان تقول شيئا سمعت صوت مريم و هي تناديني
مريم: خالد!!!
كان يبدو عليها الغضب، تقدمت نحونا و قالت...
.
.
.
اعترفت بحبك نعم فحبك تغلل في كل كياني
اعترفت بحبك نعم فحبك املي وجلّ آمــالي
اخترقت مملكتي ودخلت معتقدي فملكت كياني
اسرتني وقيدتني بحبك فأعلنت له استسلامـي
بحبك بحبك بحبك بحبك بحبك بحبك
اعترف بحبك الابدي
لـــــــــــــــــك. . . . . . ؟
بقول أحبـــــــــــــــــــــك ،،،،
.
.
.
.
.
بقلمي-- سارة عبد الامير
حسابي على الانستاجرام👇
@rewayat_sarah5
رائيكم؟
لايك و تعليق اذا اعجبكم😙😙