انتي حبيبتي

Part 2

-خالد
في الكافتيريا:
خالد: راح أكوم اجيب قهوة لان راسي ديوجعني
ذهبت لأخذ القهوة... رايتها انها هي... هي.. حبيبتي هناك... تبارك هناك
لكنها كانت سعيدة كأنه لم يحص اي شئ. هل من المعقول انها نستني، ها هو الحقير بجانبها... مالذي حصل هل نستني بهذه السهول و أحبته، مستحيل.

العودة في الزمن (قبل شهر)
-خالد
رِن هاتفي كان المتصل (حبيبتي تبارك)
تعرفت على تبارك في الجامعة معي هي اصغر مني بسنة انها تدرس في المرحلة الثالثة في الهندسة
خالد: هلا بمرتي
تبارك: .....💔😭
خالد: شنو؟ شكو؟..... ولج احجي شبيج لشلعين كلبي
تبارك: اليو.. اليوم إجى صديق بابا وابنه و ... و خطبوني و بابا وافق
خالد: شنووو؟!؟ شتحجين انتي؟ تشاقين مو؟ زين وإنتي ليش ماكلتيله ما اريد
تبارك: خالد انت متعرف أبوية من يريد شي يسوي وميسمع كلمة احد، يكلي أني الي اعرف مصلحتج. ويسد الموضوع
خالد: بأجر اجيب اهلي و اخطبج، مستحيل أصيرين الغيري
تبارك: خالد خلص، كافي كلشي انتهى أني الي راح أتأذى بعدين أبوية و أعرفه مستحيل يقبل، وخاصة انو اليخطبني ابن صديقه المقرب يعني مستحيل يوافق عليك.
خالد: شنو يعني كلشي انتهى!؟ تخليتي عني بهل سهولة؟ تخليتي عن حبنا؟ زين و وعودنا؟ و احلامنا ؟
تبارك: كلشي انتهى؟ و لازم ننسى! مع السلامة خالد.... احبك
خالد:.......💔💔
قفلت الهاتف و أنهت كل شئ، هدمت حبنا و كل شئ حلمنا به.. حتى لم ترضى بإن تحارب من اجلنا...
بعد عدة ايام بعثت لي رسالة (اليوم خطوبتي)
رأيت الرسالة لكني لم اجب و قفلت هاتفي
كنت احاول ان أنساها دائما، احاول ان ابتعد عن ذكرياتنا و كل شئ متعلق بها.
لنقول انني اعتدتُ على فراقها لكن لا اعلم أما زال قلبي متعلق بها او لا
العودة بالزمن..
لا لقد أيقنتُ ان قلبي مازال متعلق بها لكن قلبها نساني تماماً كيف للإنسان ان ينسى شخص احبه بهذه السهولة؟
منذ ذلك اليوم الى اللحظة عندما اذكرها اعتبُ عليها وعلى موقفها وكيف انها استسلمت بسهولة ولكن أحياناً أعود لأعذرها ربما انها حقاً ليست ذات كلمةٍ مسموعة من قبل والدها .. لا اعلم لكن ما أعلمه حقاً إنني يجب ان اتابع حياتي بعيدا عن التفكير بها...
أخذت القهوة وعدت
خالد: أني راح اطلع برة أتمشى شوية
عرفوا أني رأيتها و تعكر مزاجي بسبب رؤيتها، لم يقولوا شيء فقد عرفوا أني اريد البقاء بمفردي قليلا
عمر: اوكي نشوفك بالمحاضرة مو تتأخر
خالد: تمام
.
-ريم
ريم: اوووف اكلج امشي خل نطلع نروح ندور نشوف وينها هاي المحاضرة أحسن من كعدتنا هنا
مها: اوكي يلة
خرجنا من الكافتيريا و ذهبنا لنرى أين ستكون محاضرتنا
مها: اكلج تعالي خل نسأل هاي المجموعة أكيد يعرفون
ريم: لا ما اروح استحي انتي روحي
مها: شو بالله كافي خجل وتعالي وياية
ريم: هففف يلة امري لله
ذهبنا معا
مها: العفو ممكن اسأل سؤال
احدا البنات: اي حبيبتي تفضلي
مها: أني وصديقتي جدد بالكلية و عدنا محاضرة مال حاسوب بس مندري وين صايرة؟
البنت: اوكي ماكو مشكلة إبقو ويانا احنا أصلا راح نفوت من هناك
مها: تسلمين حبيبتي
البنت: العفو، أني زينة، وهاي شلتنا التعبانة 😂 هاي هالة، وزينب، وهذا عمر، و عادل، ومحمد، و بعد اكو واحد أسمة خالد بس طلع من الكافتيريا قبلنا
مها: تشرفت بمعرفتكم كلكم، أني مها و هاي صديقتي ريم
ريم: ☺️ هاي
زينب: قسم هندسة انتو مو؟
ريم: اي هندسة سنة رابعة
محمد: اها حلو احنا هم بس سنة خامسة
زينة: يلة خل نروح وبعدين نكمل سوالف
عندما اوصلونا الى مكان قاعة المحاضرة
عادل: هاي القاعة
هالة: ان شاء الله عود نشوفكم ورة المحاضرة
مها: اوكي ان شاء الله وشكرا ع المساعدة
زينة: تدللون حبيبتي انتو صرتو من مجموعتنا بعد 😅
ريم ومها: ايي شكرا، باي
عمر: نشوفكم بالكافتيريا عود ورا المحاضرة، لو عدكم محاضرة
مها: لا ماعدنة
عمر: اوكي تمام
دخلنا الى القاعة وجلسنا
ريم: ترا كلللش حبايبن هذولة
مها: ايي أني هم كلللش حبيتهم
بعد انتهاء المحاضرة ذهبنا الى الكافتيريا
.
-خالد
كنت جالس في القاعة و جاءوا كانوا يتكلمون و كنت احاول ان أنساها و ان لا أتذكرها مثلما فعلت هي تماما
كأنو يتحدثون عن فتاتين التقو بهم وكم هُن لطيفات بعد انتهاء المحاضرة ذهبنا الى الكافتيريا و جائت الفتاتان، ماكان اسمهما؟ ها ريم و مها على ما اعتقد
مها: مرحبا 
عمر: هلا
ريم: هلاو
اجميع: هلا
زينة: تفضلو كعدو
عمر: هذا خالد، خالد هاي ريم و مها
خالد: اهلا وسهلا
ريم: اهلًا بيك
مها : هلو بيك
محمد: اي شلونها الكلية حبيتوها؟
مها: اي يعني زينة
هالة: شنو رأيكم نلعب صراحة و تحدي علمود نتعرف عليكم اكثر و انتو تتعرفون علينا
وافق الجميع
محمد: اوكييي. يلة راح أفر البطل... عادل انت تسال وزينب تجاوب
عادل: تحدي لو صراحة
زينب: صراحة
عادل: امممم يلة راح نبدي بشي سهل علمود نتعرف على بعض احجيلنا عن نفسج
زينب: امم اوك أني زينب خامس هندسة عندي أخت أكبر مني بسنة ماعندي اخوان، اممم بعد هاهية ماعرف شنو بعد😂
عادل: اوك اوك.. راح أفر البطل.... عمر و مها
عمر: نفس السؤال
مها: اوك أني مها رابع هندسة صديقتي المقربة ريم من احنا و صغا سوة مثل الخوات، عندي اخ اصغر مني. اممم جريئة اكثر من ريم 😂
ريم: وتحب تطلع وتآكل أربعة وعشرين ساعة 😂😅
اجميع: ههههههههه
لا اعلم لماذا احسست بشئ غريب اتجاه ريم انها هادئة لكنها مرحة بعض الشيء وجميلة و ضحكتها تجعلك تبتسم لا إراديا، في هذهِ الأثناء رِن هاتف كان هاتف ريم
.
-ريم
كنّا جالسين نتكلم ونضحك و بعدها رِن هاتفي كانت والدتي نهضت لأتكلم معها
والدة ريم: هلو حبيبتي، شلونج
ريم: هلو ماما حبيبتي زينة الحمد الله ، خير
والدة ريم: حبيبتي ابوك يكول ريم شوكت تخلص دوام أجيبها لو هية ترجع
ريم: بعد شوية وتبدي المحاضرة الثانية و اخلص ورآها يعني تقريبا بِعد ساعة ونص، بس ما ادري خل اسأل مها... مها
مها: لحضة جاية... هاا شنو
ريم: نرجع وحدنا لو يجي بابا يأخذنا
مها: لا خطية ليش يتعب نفسة احنا نرجع
ريم: اوك.. ماما احنا نرجع عادي
والدة ريم: اوكي حبيبتي هو لكالكم خط و بأجر يبدي يوديكم ويجيبكم اسهل
ريم: اوكي ماما حبيبتي يلة باي
عدنا اليهم، بقينا نتكلم، كل منا تكلم عن نفسه، لكني لاحظت ان خالد هادئ أكثر من جميعهم، ويسرح بين كل حين. لكن ملامح وجهه و ابتسامته جميلة جدا، ما هذا الهذيان يا ريم الغبية، ما شإنك انتي ان كانت جميلة او لا
بعد عدة دقائق ذهب كلٌ منا الى محاضرته و بعد المحاضرة عدنا أنا و مها آلى البيت كنّا نتحدث عن يومنا
مها: ايي كلللش حلو اليوم جان
ريم: اي مع انو مجنت متفائلة بالبداية بس الحمد الله كلشي جان زين اليوم
مها: اممم، و جماعتنا هم ترة حبابين كلش جانو
ريم: ايي وخاصةً عمر مو؟ 😂😂
اعلم انها أُعجبت بعمر😜😂
مها: 😍😍 اييي.. شنووو!!! شنو قصدج لج
ريم:ههههههههههه
مها: لج بومة بلا ضحك احجي شنو قصدج
ريم: عجبج مو؟
مها: اجنبي لج شعجبني وبعدين أني اول مرة اشوفة اليوم
ريم: اها اي اي
مها: ليش مصدكيني عوبة 😡
ريم: لان انتي ممصدكة روحج😂
وصلنا المنزل ذهبت مها الى منزلهم وذهبت أنا الى منزلي
مر اليوم بشكل عادي، كنت جالسة في غرفتي في الساعة الثامنة مساءً، جائتني رسالة على التليكرام
مها: ريوم، ريوم، ولج ريم حمارة
ريم: ها خير يا ستار
مها: راح أضيفج بالكروب على التلي مال جماعتنا بالكلية ضافتني عليه هالة
ريم: 😳😳 شبسرعة اخذتي رقمها و ضافتج
مها: ضافتني على الفيس و ضلينا نحجي و أخذت رقمي وضافتني على التلي، بلا لغوة يلا حضيفج
ريم: اوك
ضافتني، دخلت الى الكروب كأنو يتحدثون جميعهم
زينب: هلو ريم حبيبتي
هالة: نورتي رورو
عمر: هلا بيج ريم
محمد: هلاو
ريم: هلو، يسلمو هذا نوركم
عادل: آي شلونكم اخباركم
مها: الحمد الله تمام
زينة: ريم ومها شنو عدكم محاضرات بأجر علمود هم نكعد سوة
ريم: مثل اليوم بس بعد محاضرة لخ هم
هالة: اوكي تمام نكدر نشاوف يعني
بقينا نتكلم لمدة ساعة لكن خالد لم يتحدث اي شي، لا اعلم ان كان هكذا دائما او ان هنالك شيء يزعجه
دخلت الى الى صفحة الفيس بوك لا اعلم لماذا لكني بحثت عن خالد وصرت اتصفح بمنشوراته، كنت انضر الى صوره والى شعره وعيناه وذقنه الخفيف. وشيئا اخر جذب انتباهي منشوراته عن الحب والفراق و الحزن، والنسيان كلامه كان مؤثر جدا.
ريم: اووف كافي سخافة شعليج بي انتي كبر😒

-خالد
كنت جالس بغرفتي أفكر بها وقررت نسيانها تماما و مسحها من حياتي، فتحت هاتفي رأيت الكثير من الرسائل على التلي انها من المجموعة خاصتنا لقد اضافو ريم ومها أيضا، قرأت الرسائل و بعدها دخلت على الفيس كنت اتصفح و رأيت احد أصدقائي على الفيس بوك قدنشر أغنية وائل جسار

عمري ما نسيتك
عايزه اطمن عليك وانسي روحي بين ايديك
وافضل اجري واجري بيك وابقي مش عارف مكاني
نفسي اكمل عمري جنمبك نفسي اعيش عمرين معاك
وانسى حضني جوا حضنك نفسي اتنفس هواك

عمري مانسيتك ولا اقدر اعيش حياتي الا بيك
ليل نهار بسرح وافكر غصب عني حبيبي فيك

عمري مانسيتك ولا اقدر اعيش حياتي الا بيك
ليل نهار بسرح وافكر غصب عني حبيبي فيك

قولي عمري يساوي ايه لو ماكونتش جنمبي فيه
لو ماعشتش عمري جنمبك قولي بس هعيشه ليه
مهما تبعد قلبي شايفك مهما غبت بحس بيك
مهما طال البعد عنك بعدي بيقربني ليك

قولي عمري يساوي ايه لو ماكونتش جنمبي فيه
لو ماعتشتش عمري جنمبك قولي بس هعيشه ليه
مهما تبعد قلبي شايفك مهما غبت بحس بيك
مهما طال البعد عنك بعدي بيقربني ليك

عمري مانسيتك ولا اقدر اعيش حياتي الا بيك
ليل نهار بسرح وافكر غصب عني حبيبي فيك
....
بعد انتهاء الاغنية أقفلت هاتفي و ذهبت لأجلس مع ابي وامي و اخي.
‏لماذا تأتي وانا قد نسيتك لا تقلب المواجع وتثير بداخلي الإحساس مكتفي انا بك بذكرياتك، بكلامك وحتى ابتسامتك،لكن بعد اليوم كل شيء انتهى و لم تعد تعني لي أي شيء 💔

رأيكم بالجزء الثاني؟
لايك و تعليق اذا عجبكم❤️😍😘
@rewayat_sarah5بقلمي
--سارة عبد الامير