#لعل الله- يحدث بعد ذلك امرا
الجزء4
مريم السعدي
كلي ب4نروح للزوراء وراح للمطبخ يسوي الجاي كتله اني اسوي قبل وراح كعد على مثل الكرسي كوجود بالمطبخ من اول اباوع عليه بالمرايه يباوع عليه صورته معكوسه نور دتكتب بالهول سويت الجاي وصبيت من داصبه طك بايدي الاستكان انجرحت وانصمطت صحت اخ والدم ضل ينكط جاني ركض اشو يمعوده مو كتلج اني اسوي هسه زين مسحت الدم واباوع عليها خطيه دتتاذه لفيتلها الجرح
عمر- لزمت ايدها ضمدت الجزح وعقمته بالسبرتو الجان عالثلاجه من اول ولفيت اصبعها وهي دتتاذه لان فوك الجرح جويه نفخت عليها كتلها هسه تطيب بس طي مجال هاي حسدوها لايدج جيف اكلج طيب
رقيه- ردت ابجي اله شويه وكلي حسدوج ضحكت وهو هم صحك
عمر- لعد منروح للملاعيب عدنا اصابه نور- لا عمو هسه تطيب رقيه حبابه كوليله مبيه شي رقيه/لا عمر لتسوي هيج
عمر- دنشاقه يابه ضحكتلها وعيوني تحاجي عيونها بديت احبها لهالبنيه مصار شهر
رقيه- نضراته تنسيني كل همي ويتمي وذلي بيت اختي
طلعنا واني سويت لفات كباب عروك واخذناها ومن دنمشي اشتره ببسي 3قواطي ووصلنا للملاعيب كعدنا منتزه وهاي الملاعيب كال جهال لعبت بيها نور وصادقتلها كم بنيه وهناك وين ميمشي يباعوله اله ويبتسمن البنات وهو هم يبتسم بس ميباوع الهم شكو تتمضحك
عمر- كعدت يمها شو هاي ضايجه شبيج سالتها احد ضايقج من داجيب مي
رقيه- لا كلشي ماكو ردت اكوم املخه كاعد ويبتسم الهن زين اني ليش داضوج قابل صدك هو رجلي
عمر- على ضرجتها اني هم صجت مااعرف ليش كتلها يله نروح
رقيه- باوعت لنور دتلعب كتله لا خطيه نور عدك شغل انت
عمر- لا خليت الولداذا طفت يشغل على راحتي ماعدي شي لل9
رقيه- خوش
عمر- منو وياج ليش ضجتي
رقيه- عفته وكمت رحت للمرجوحه صارت فارغه كعدت بيها باوعت ملكيته بمكاننا الجنا كاعدين بي هذا وين راح على غفله واحد دفعني وهزني فزيت ضحكت ضل يفرني قوي ونور تباوعلنا وتضحك وتلعب الزحليكه وضل يفرني واني احس الكاع مشايلتني من الفرحه خربانه ضحك حسيت روحي طفله اصغر حتى من نور
عمر- احلى شي من تضحك تحس ضحكت الدنيا مضلومه ويتيمه ومحد راحم بحالها وتضحكها شتحس بعد اكثر من هالاحساس كملو لعب تعبنا جيت اشتري شاميه كلتلي لا نشتري ذره اني اسوي
عمر- وانتي ماكو شي متعرفيله
رقيه- الدنياخلتني هيج باوعلي بابتسامه حلوه يله امشي
عمر - رجعنا كلش متونسين وفرحانين نور بس طبينا بدلت وحضرت الجدول وهدومها ونامت
رقيه- فتحت كتبي كعدت اقره وهو جان عده ماطور جان ديصلحه بالمطبخ اجيت اسوي الغده مال باجر وهو كاعد ديصلح سويتله جاي وصبيت هالمره منجويت رفع راسه عاشت ايدج
واخذه
رقيه- بالعافيه سويت الغده باميه مجمده وتمن وصارت تخبل وكملت طفيتها ورحت حضرت جدورلي وهدومي ورجعت لكتابي اراجع كمل شغله وكعد عالجربايه يقره ماعرف شنو هالكتاب
وبدينا نسمع الاصوات مال عالم البصفنا يمكن غرفه النوم فوك الحديقه الي اصواتهم هيج قريبه حتى صوت البوس نسمعه رفعت راسي ميته ضحك
عمر- اسمع واتخيل روحي وياها ولاول مره هيج احس باوعتلها هي تضحك اني مضحكت باوعتلها نضرات محاس بنفسي
رقيه- اني ضحكت مثل كل مره بس هو لا نضراته ماعرف شونها
عمر- كمت سديت الشباك سالتها ليش ضجتي بالزوراء تذكرتي شي
رقيه- لا هيج
عمر- ماشي براحتج
تمددت ردت انام كامت طفت الضوه وهي هم نامت مباوعت عليه انتضرت نضرتها قبل لانام مباوعتلي شو اني شوي شوي كمت احبها يمكن لان غيرت بيه هواي شغلات شالت عني هم نور وهي كلش حلوه ومضلومه لوًجيف صارت مرتي ماعرف ليش
سالتها رقيه تخافين مني لا اسويلج شي مثل نسيبج دتنامين مامنه يعني
رقيه- اي دانام مامنه وواثقه بيك
عمر -الحمد لله
رقيه - غفيت ونمت بس احلامي مخربطه احلم مره من مات ابويه ومره من نسيبي النكس ديتهجم عليه حلمت انه ديتعده عليه ومدا اكدر اوخره ومحد تلحكلي وكمت اصيح
عمر- حسيت عليه تهذي بنومها تقربت منها كعدت على ركبي يم جربايتها طخيتها بايدها اريد اكعدها اخاف تفز تقربت منها ضليت اقره ايات هي بس ترجف وتعرك مسحت العرك خوفتني هاي شبيها رقيه رقيه محد يكدر ياذيج اني يمج انتي هنا رقيه فزت بارعت بعينها هاي شبيج
رقيه- همزين حلم الحمد لله حلم
عمر- دمعت عيني متحملت احنا النازحين شفنا ضيم وقهر وجننا معززين مكرمين واهل خير وهسه صرنا هيج تقربت منها ردتها تأمن لتخافين واني موجود ما اخلي احد يتقربلج
رقيه- كمت ابجي مو بوعيي موبيدي اريد اسكت مااكدر خاضنه المخده واعصابي تلفت
عمر- ردت اسجب المخده لان ضلت عاصره روحها ردتها ترخي اعصابها ضلت ترجف كعدت عالجربايه يمها مغمضه عينها وتبجي وعاصره المخده خليت ايدي على راسها كافي اني يمج كافي احس بجسمها يرجف غطيتها وهي كاعده مخليه ركبها بحضنها وترجف غطيتها فوك غطاها خليت ايدي خليتها جوه كتفي اشش اشش محد يتقرب اني يمج ضليت امسد على راسها هدات شوي شوي باوعتلي عمر تكدر تدافع عني اذا احد راد يتعده عليه
عمر- تره اني كلش قوي وعدي سلاح وجنت قبل بالجيش حاربت داعش وبعدين نزحت عمود نور يعني اخو خيتي لتخافين وانتي ويايه محد يكدرلي
رقيه- والله مخايفه بس اضل قلقه اني يجي يوم ابقى بالشارع والناس تاكلني
عمر- اني ماطرد مرتي بالشارع لتخافين
رقيه- باوعتله مصدك اني مرته وحيخليني اصدك باوعلي نضرات معناها انتي مالتي ردت انام ضل يمسد على راسي وكلي اقري ايه الكرسي هسه ترتاحين
رقيه- هزيت راسي اي ميخالف
عمر- تصبحين على خير
رقيه- وانت من اهله ضليت افكر بالصار بينا من جننا بالموصل لحد مجينا لبغداد نمت وحمدت الله وشكرته على كل حال كعدت الصبح بدلت النور مابيه اداوم ومشطتلها وراحت نور كعدت عمها عمو كوم وصلني
عمر- تمعصرت وكمت باوعت رقيه ممبدله شو ممبدله
رقيه- ماروح مالي خلك
عمر- سلامتج يوجعج شي
رقيه- لالا موهيج بس محتصره وماريد اداوم وماعدنا شي اليوم
عمر - براحتج تريكتي لو لا
رقيه - لا متريكت ما اشتهي تتريك انت
عمر ~ خل اودي نور واجي نتريك اني وياج يه مع السلامه
وقيه حضرت الريوك وخبزت كم خبزه لحد ما اجه جان الخبز صاير وريحته تخبل
عمر- دخلت وريحت الخبز تخبل عاشت ايدج كتلها وكعدت وجابت الصينيه بدينا ناكل وهي بالكوه تاكل سويتلها لكمه ونطيتهيا خجلت واكلتها ليش ضايجه رقيه شبيج
رقيه- مابيه بس شوي تذكرت اهلي
عمر ~هسه صارو كرايب وي اهلي بالجنه كامت تضحك ومسكتت وتعدل مزاجها ضلينا نسولف على كلشي حته عالتصليح حجيتلها اريدها تغير جو وهي تضحك وتاخذ وتنطي ويايه كملنا كمنا ثنيناتنا عالمواعين واحد يغسل واللاخ يرجع كلشي لمكانه لحد ما كملنا رتبت البيت وخلت الهدوم الوصخه بالغساله ورتبت وكعدت على سريرها تقره رياضيات عدها مساله يمكن صار ميت مره اشوفها تقراها وترجع عليها
عمر- شو مجلبه بهاي الورقه
رقيه- ماكو هيج هاي المساله غثيثه مدا افهمها
عمر _جريت الكتاب وكعدت اقراها كتلها اصلا تافهه تعاي افهمج
رقيه- ضل يفهمني افتهمت بس محلها من افتهمت حليتها اني كيف وكلي سبعه
ضحكت مكيفه لان فهمتها ضل ينطيني مسائل وافتهمها واحل كلش كيفت
عمر- اشوف تضحك ضحكتها تخبل حلكها من النوع اللي عدها شفايف ضليت اباوعلها استغفرت ربي اني من جنت بالموصل عدي علاقات العفو ببنات ليل يعني عدي سوابق شاب وعدي هالسوالف بس عيج شي اني مشايفً بعدها صغيره وحلوه ومرتي
بالشرع من حسيت هالاحساس ردت اتقرب منها مرتي واريد اجرب وياها واشوف شون حتتفاعل وشحتسوي واي رفض منها بعد ما كررها شفتها دتحل وكالت كملت شوف صح
عمر- صح كلتها بهمس واني ذايب من وره خيالي باوعتلها وهي بصفي كاعده ضليت اباوع بعينها وهي تباوعلي باوعت على شفايفها تقربت منها مكدرت ردت اضوكها واريد اشوف شحتسوي تقربت اكثر خليت شفايفي على شفايفها على كيفي حسيت بدفوًمو طبيعي بستها متحملت بعد وشفتها مرفضت وغمضت عينها بستها برقه ومسكت وجهه تلمسته مدفعتني ابد رخت روحها ضليت مستمر وميهلي اعوفها خلص نفسي بعدت عنها فتحت عيني تنفسي سريع وكلبي يدك سريع اباوع عليها ذبلت ملامحها وخدودها البيضه صارت دم ضلت تباوعلي بعيون ذبلانه وتنفسها سريع اني خجلت من نفسي دنكت من عيونها كمت من فراشها ورحت للمولده امشي بثقل ذايب ومختل توازني
رقيه- ماعرف شحسيت بس حسيت اني بغير عالم عايشه نسيت المي كله واهلي واختي كلشي دفو شفايفه ورقته كلش حلوه البوسه رقيق كلش ويخاف ياذيني وراهها طلع خجلان مني بس لا حس انه استغلني لو اني حخاف منه وبعد ما اوثق بي شون راح اقنعه نص ساعه ذايبه ونايمه على الفراش متمدده وره شوي سمعت صوت القفاله صاحني رقيه وينج
نعم كتله باعي كومي اجوي تفتيش مال جيش كومي تعاي اوكفي يمي هنا حتى يكملون ويرحون باوعلي ابتسمتله اوكي وكفت وره ضهره دخلو الجيش سالو عدك سلاح مكذب عليهم كلهم اي وعدي تصريح طلعلهم السلاح والتصريح رجعو اله ضلو يفتشون الفرش الملابس وصلو للقريولات كلبو المندر وكعت السجين من جوه راسي ضلو الجيش صافنين هاي شنو عمر راح يشوف شنو انتبه سجين جوه فراشي كللهم اني اخليها جوه فراش الجهال خاف يفزون ووجهه انكلب باوعلي نضرات عتب مصدوم واني دنكت مااعرف شبرر شكوله مواثقه بيك خاف تهجم عليه بقيت مدنكه وهو يباوعلي بعتب طلعو الجيش وطلع وراهم جلبت بي بس اوكف خل افهمك
عمر- عوفيني عوفيني كلشي مبين تره هواي واثقه بيه
رقيه- دتعال بس دافهمكً فوتته وسديت الباب ووكفت وراها كتله ماخليك تطلع
عمر- صحت بيها خل اطلع اختنككككت وخري من الباب
رقيه- كعدت كمت ابجي ما اعرف شسوي ماريد يزعل
عمر \هسه شبيج تبجين
رقيه- لان ما اعرف شون ابررلك والله موقصدي مواثقه شبيك بس اني صارت بيه عقده
عمر- مني العقده اني
رقيه- لا والنبي مو منك تعرف كلش زين احاجي وابجي
عمر- مردت كلبي هسه انتي شكو دتبجين همست كافي يله مسحت دموعها من تبجين احس روحي تطلع مني
رقيه- جبت السجينه وشمرتها بالسنك والله بعد ماخاف منك بس لتضوج مني واني لوما مامنه بيك انتحر وما ابقى ببيتك وما اقبل يصير العقد
عمر- دنكت حاير شنو اسوي كوليلي اني هم دا ارغب بيج ودا احب---مااعرف شكولج بس انتي مواثقه بيه
رقيه- لا والله واثقه بيك وثقتي عميه بس هاي مال سجينه صارت عدي عاده
عمر- انتي لو صدك واثقه جان حته الحجاب نزعتي من عقدت عليج اني شداخربط خليج على راحتج معليج مني خليني اطلع حخربط بالحجي واسمعج حجي ميعجبج تسمعي تره
رقيه- تقربت منه انت ضايج من الحجاب هسه انزعه خليت ايدي على راسي مكدرت انزعه خجلانه منه
عمر- رفعت راسي لا رقيه خليج على راحتج معليج مني يجوز تكومين تعجبيني اكثر ويعجبني اسوي اكثر من السويته قبل ساعه وما اكدر الزم نفسي
رقيه - لا انت مسويها وها جانت غلطه وبعد متغلطها باوعتله خجلانه مدا اكدر انزع الحجاب واني اريد انزعه
عمر- كتلج عوفي خليج براحتج
رقيه- اني اريد انزعه بس استحي دنكت بجيت ما اعرف شبيه
عمر- تقربت منها مسحت دموعها خليت كصتي على كصتها منصيه نضرها خليت ايدي على راسها ونزعته شوي شوي ووخرته عن راسها نزت كدلتها على وجهه شعرها مي وجوزي يخبل خليت كدلتها وره اذنها حمره تخبل صغيرونه باوعت بعينها شون حصبر روحي عنج
رقيه- انت تكدر لانك رجال
عمر- الله يصبرني رقيه بس اليوم وبعد ما كيسج باوعتها متوسل
رقيه- شتريد
عمر- نفس السويته ذيج الساعه بعدها كصتها على كصتي اباوع على شفايفها المنفوخه
رقيه - غمضت عيني تقرب مني ورجع باسني علكيفه وقرب جسمي لجسمه حضنني ضل يبوس بيهً لحد مكمل نفسه رجع ليوره بلع ريك اني مدنكه وخدرانه رفعت راسي كوه فاتحه عيني باوعلي عادي احضنج وبعد ما اتقرب منج بعد رقيه- دنكت وهزيت واسي موافقه
عمر- تقربت بسرعه وحضنتها وشلت مشبك الشعر من شعرها الطويل السرح نزل مثل المي ضليت اتلمس بيدواني حاضنها تنفسي صار مسموع بدون ماحس
رقيه- ذبت بحضنه وردت ابادله خليته ايدي على ضهر وقدمته الي اكثر صاح اه حضنيني بعد احبج رقيه والله احبج اني ذبت كلش باسني من ركبتي وعلى غفله ابتعد عني باوعلي بلع ريك ثاني باوع بعيني عيونه صارت حمره
عمر- رقيه اني حطلع محتاجه شي صوته تغير
رقيه- همست سلامتك
وره مطلع رحت نمت مكدرت بعد واني ماعدي شي باجر تغطيت ونمت والغده كان جاهز
عمر _بعد مستحيل اتقرب منها لان طالما اتقرب اريد بعد ولوًهي مرتي بس مترهم