#لعل الله -يحدث بعد ذلك اكرا
الجزء2
مريم السعدي
يحجي وميباوع عليه ياصف انتي رقيه- صف خامس علمي
الولد - هسه شون تنقلين شون حته تكملين حرامات حتى تداومين وي نور
رقيه- اني جايبه مستمسكاتي ويايه الاوراق
الولد- خوش دنطينياها وباجر اسويلج نقل لهنا اشوف شون تدبر صارلج شكد من جيتي من الموصل
رقيه- صار شهر
الولد- ماشي خويه باجر اشوف
رقيه- مشكور شيلتك همي
الولد- لاخويه اني خليتج تحيرين بالبنيه جان اني اليوم المقاول طاردني لوماتضلين يمها احنا واحد يساعد الثاني والله يستر على امه محمد
رقيه- ماشي وعافني وراح نام
يم الباب انسان غريب من يحاجيني ميباوع عليه وتحسه بشر ميت خطيه من القهر نمت يم نور واني هنا مرتاحه ومامنه اكثر من بيت اختي سوتني خدامه وترزل بيه والنوبه رجلها يتحرش وراد يغتصبني الحمد لله الله يدري اني مضلومه
نمت وكعدت الصبح هم فزيت على الصلاه بصف الكابينه جامع لكيته ديصلي كمت اني هم صليت وراه جان والدي يكول اثوب هيج كمل صلاته واني هم كملت وراح سواله ريوك من ديطلع صاح علي خويه وينج كتله نعم كالي جيبي اوراقج بلكن ترهم رحت جبتهن ونطيتهيا وراح وكالي دير بالج عالبنيه انتو ثنينكم يتامى كتله لا يضل بالك وطلع وقفل الباب علينا وراح يجاجيني ومايرفع نضره بعيني اشرف من نسيبي النكس كمت اتريكت وباوعت العلاليك الجايبهن لكيت بتيته شوي وشوي معجون فل وتمن جايب خلاه عالميز وجايب خبز فكرت انه لازم اخلي يفرق عده اني صرت نفر ثالث كلت اخلي يجيب طحين واني احبز هواي يفرقله كعدت نور تريكنا وكتلها عمج اخذ اجازه الج وكال خلي تقره كالت شون حقره وحدي
رقيه-اني اقريج نور- شكرا كملت الشغل وركبت بتيته وتمن وكعدنا ندرس اني وياها وعلمتها وهي شاطره بسع تاخذ تغدينا وضلت تسولفلي شون ماتو اهلها واعمومتها وخوالها بالقصف وتبجي وابجي وياها حاجيتها وكتلها نياله هسه هم بالجنه مرتاحين واحنا هم يجي يوم نروح يمهم تبسمت البنيه وصار الليل واني اكثر وقتي اكشي لو اقري نور لو اقره قراان
صار الليل نامت نور واني هم توني دا اغفه وفات الولد التفت وصاحلي وينج خويه جاوبته نعم جيت كلي هاي تكدرين تداومين سبوع اليجي وهاي كتبج انتي خامس علمي مو رقيه- اي الولد- خويه بقت الملابس بهالفتره اجيبلج انشا ء الله ماقصر وياج رقيه اني اريد اروح للباله هناك رخيصات الولد_اي خوش اجيبلج مناك
رقيه - خويه اصبلك
الولد- لا اني اعرف اخذي راحتج انتي
رقيه - بس ردت اكولك جيب كيلو طحين وانه اخبز عالطباخ وعلى جعب الطاوه اعرف لا ن الست خبزات بالف واني اطلع بكيلو الطحين 25 خبزه بالف
الولد- خويه ماريد اكلفج
رقيه- ماعدي شي واني اخب الطبخ
الولد- رحمه الله والديج وعافني وفات للحمام حت نمت يم نور وهو طلع من الحمام وكعد ياكل مبين عجبه الاكل كمل وغسل الجدوره وخله العلاليك بالثلاجه وفرش ونام واني غفيت والسجين جوه راسي كعدت هم على صلاه الصبح صليت وراه وكملنا وشفته ديحضر الريوك واكل وقبل ليروح التفت عليه مدنك خويه باجر نفتح جبس نور انشاء الله ووراها باسبوع تداوم يعني وياج وياج مثل اخيتج اعتبريها رقيه- لتخاف عليها اخليها بعيني
الولد- رحمه الله والديج وقفل الباب وراح ونفس الحاله كمت كملت الشغل وشفت بالعلاليك بيتنجان و3بيضات تريكت اني ونور وكمت سويت الغده بيتنجان وغدين نور وبدينا مقره واني هم قريت خلصت فصل من كل ماده ردت الحك عالمدرسه وقريت نور هم ب9 رجع
عمر اسم البطل مال قصتنا عمره 27سنه مكمل هندسه كهرباء و مكدر يشتغل ببغداد لان ماكو شغل قرر يشتغل عماله والمقاول ينطي باليوم 10
وكت الغده ابو البيت الديبنوًيجيب غده الهم صاح يولد تعالو وكض عمر يساعده كاله ابني نزل الغده ويايه دخل عمر لسيارته دينزل الغده لكه محبس ذهب عالكشن مال سياره شاله نطاه لابو البيت كله خال هاي لكيته بالسياره من دانزل الغده وعافه وراح ابو البيت تعجب بي ساله انت وين كاعد عمر- كاعد يم الجسر عدي كابينه وعدي خوات2 ابو البيت كاله مامكمل دراسه عمر- مكمل كليه مهندس كهرباء اني
ابو البيت كاله بيها الخير باجر عدي شغله وياك عمر كيف وكال بلكن شوي الوكت يضحك على وجه هالبنيه اليوم رجعت من وكت لان امام الجامع البصفنا راد مني ارممله الرصيف مال جامع دتطلع من المجاري ريحه وحشرات زحمه يم الجامع هيج ريحه كتله صاررجعت من وكت دخلت للبيت وخليت علاليك المسواك وجبت كيلو الطحين وشوي مخضر هالقاسمه الله
رقيه- سمعت صوت القفاله ركضت لبست حجابي وكعدت بالزويه يم نور نور شافته كالت هلاوو عمو جاوبها هلو حبيبتي يله ساعه واجيج حته نفك الجبس ضحكت نور وهو ابد مباوعلي محسيني انه مموجوده حتى اخذ واحتي واني كلش مرتاحه فات سبح ركضت حميت ااكل وصبيت بالصينيه خليته يم الباب ورجعت لمكاني طلع باوع عالصينيه يمي ضلمه وبس بالمطبخ ضوه صغير ومفتوح الهول والغرفه فد غرفه بس المطبخ بصف الباب مال بيت الكابينه باوع عالصينيه ابتسم وكعد اكل وكام خله المواعين عالسنك وغسلهن وطلع ورجع ب10اجه يمنا بس ميباوعلي كالنا تره حيجي المضمد يفك جبس نور شوي واندك باب الكابينه فتحها اله ودخل المضمد يفك الجبس وضل كلسا يباوعلي ويبتسم اني كمت فتت للحمام بعد مطلعت لحد ما سمعته طلع طلعت صرت بوجه الولد عم نور دنك ابد ميباوعلي رحت لنور كتلها سالتها اذا دتتوجع وكالت لا زينه دهنتها الها والحمد لله مبينه زينه نامت نور وغطيتها والولد كاعد يم الضوه مدري شنو بيده ديصلحه بعدين فحصه جاب ضوه قوي طلع وداه ورجع يمكن بلجكتر الجامع من رجع جنت كاعده بالمطبخ اقره يم الضوه وجان شايل بيده بطانيات وملابس دخل صرت بوجهه دار وجهه وكالي شوفي ذني تفيدج متفيد دننطيها لعالم تفيدهم جاوبته ماشي
كعدت اشوف الهدوم وهو كعددبالهول كبالي وشغل ضوه الهولزجان مشتري كلوب ماكو هيج ارتاحيت من شغله كاعد كبالي بس بعيد اني كعدت ادور بالملابس اكو بيهن مال بيت واكو مال مدارس قيلسي وقسىياس نور كمت بالحمام قستها كيفت قياسي بقت نور باجر اكدرها عليخا بس اكيد على كدها واخذت بطانيه وغطيت نور فوك غطاها الولد سالني عمي انتي عدج احد بالموصل جاوبت اي بس زلم
ورجع سال عن اسمي وكتله رقيه وكالي سلام الله عالسيده رقيه واني محسوبج عمر اعتبريني اخوج واي شي تحتاجي كولي رقيه ممحتاجه شي الحمد لله ممقصر وجبت الطحين وعجنت وخمرته للصبح حته الصبح اخبزه ضل يراقبني ساكت وميباوع بوجهي احسن شي يسوي كملت وفرشت شفته راح نام يم الباب بعيد ونطاني ضهره طفيت الضوايات ونمت يم نور والسجين جوه مخدتي
عمر- ربي قويني وبعد الشيطان عني البنيه حلوه وجسمها جسم مره واني شاب
لازم ماباوع بوجها حتى متاثر بيه ولا يضل وجهه ببالي
باجر جمعه لازم اكضي الوكت بالجامع حته ما ابقه بالكابينه
رقيه - حسيت الصبح وي الاذان وصليت كالعاده وراه وكمت هالخبز لان العجين اختمر
عمر- كملت قران وضليت اتفرج عليها شون تخبز خاف تحرك الكابينه لان تخبز الجعب مال جدريه والله الخبزه انفخت صارت مثل الطوبه جنها عيش كمت اشوف الخبز
رحت يمها لزمت الخبزه اخذت منها شوي متعجب هاي شنو تخبل انداريت عليها من دون قصد باوعتلها مبتسمه اول مره اشوف وجهها ابتسمت عاشت ايدج اروح اجيب جبن وخضره وارجع هاي ويا تصير طيبه طلعت وصورتها ببالي كلش حلوه بيضه حيل وعيونها ناعسه وعيونها سود وحاجبها ثخين مشمور ورموشها سوده مكحله من الله ربي طلع الشيطان من كلبي رقيه- هاي اول مره يباوع بوجهي جاب الجبن ورجع تعاي خويه انتي هم تريكي رقيه- اجيت سويت الخضره وخليتها بصينيته وسويت لفه ورحت يم نور اكلتها عمر- اكل واباوع عليها استغفر الله خلصت اكل وطلعت يم امام الجامع
كعدت وسولفت وياه وحجيتله عليها كلي ابني هاي لازم تعقد عليها يله تيقى ببيتك ميصير الشيطان شاطر كتله شون اكولها هسه تكول يستغلني واني اتخبل ولا تفكر هيج الامام- كلي لعد بات بالجامع الجامع قريب عالكابينه وروح بدل واكل وارجع اقتنعت بكلامه ورجعت للبيت تغديت وكملت خويه وينج صحتها رقيه- نعم جيت تقربت من المطبخ نعم خويه
عمر- اني منا وهيج واح ابات بالجامع احاجيها مدنك
رقيه- ليش خويه خوماضايقتك
عمر- لا والله خويه نور يمج مكيفه والحمد اله ددرسيها انتي والحمام والهاي ااني محاس بيها والغدا تسوي ممخليتلي شي بس امام الجامع كال ميصير تبات بالكابينه وبيها بنيه تحل عليك
رقيه- خويه اني بليل اخاف وحدي وي نور من تجي يله اامن ماكو غير حل الا تبات بالجامع
عمر- الجامع براس فرع الكابينه
رقيه - اذا احد دفع الباب قوي وطب الكابينه وانت نايم بالجامع متدري ومتحس ولا تسمع خويه اني اخاف لو مخليني اشمر روحي واخلص
عمر- خويه الموت اولى من دخول العار والعار اولى من دخول النار يعني شي اولى من شي
رقيه- خويه اني مامنه بيك وواثقه لتبات بره الكابينه اخاف اني ونور ببحدنا ماكو غير حل دبرنا
عمر- اكو غير حل بس اني مارايده
رقيه - شنهوه وليش خلينا نفكر بلكن تقتنع
عمر- الامام مال جامع يكول للزم تعقد عليها يله تكدر تبات وتفوت وتطلع براحتك
رقيه- يعني شنو تعقد عليه تتزوجني
عمر- اني ماراح اتقربلج بس لازم اعقد واني ماريد استغل وضعيتج انتي براحتج والله لو مابارده ابات بباب الكابينه
رقيه -لاخويه ميهم يعني بس عالورق
عمر- حته عالورق ماكو بس مال سيد كدام الله بس حته محكمه ماكو داعي بس العقد كدام الله حتى موحرام طبتي وطلعتي ومن تردين ترحين لاهلج بكلمتين وشهود 2اطلكج وتنتهي السالفه
رقيه- ماشي خويه اني قابله
عمر- شنوو قابله يعني موافقه
وقبه- اي خويه مدام مابيها شي واني واثقه بيك وانت خوش زلمه مامنه بيك بس مال تبات بره لا هاي لاتفكر بيها
عمر- ماشي خويه رايح اصيح الامام و2شهود واوكفي انتي وره الباب
رقيه ماشي خويه
عمر -رحت لامام الجامع وكتله كلي هاي هي حته اذا عجبتك صارت بيناتكم مشاعر انت زوجها واخذ ويا 2رياجيل وكفت وره باب الكابينه
والسيد عقد والمهر جان ختمه قران وحجه مكه كملنا والسيد راح والولد راحو
دخلت واخجل اباوع بوجهه وهي هم
رقيه_ بالرغم من انه العقد بس كدام العالم بس ماعرف ليش من دخل كلبي نبض حسيته صار الي
عمر- احساس عمري محاسه وره العقد من دخلت اخجل اباوع عليها واحسها صارت مني وبيه شي راجع الي رحت يم نور شلتها وحاولت امشيها وهي تتوجع صاحت عليها رقيه تعالي ساعديني جتها تركض ولزمتها من كتفها وكامت تحاول تمشيها باوعتلها مستغرب شون تعلمت عليها بهالسرعه مصار اسبوع ضلينا نمشيها لان الدكتور كال لازم تتحرك وتحاول تدوس عليها
تعبت نور وكعدناها وهي جابت الفراش وغطتها تعشينا معكرونه وجانت طيبه كلش
عمر- سالتها من دون ماباوع بوجهها اكو خبز لو اجيب
رقيه - لا سويت صارت 24خبزه
عمر_ هو شون خبز عاشت ايدج والله
رقيه- ابتسمت بالعافيه ورحت نمت يم رقيه والسجين جوه مخدتي ونمت شفته اخذ فراشه ونام بالمطبخ وتغطى وضهره علينه
غفيت وحسيت على الصلاه صليت وراه ورجعت للفراش ردت انام بعدني نعسانه اباوع عليه تريك وقفل الباب وطلع غفيت وكعدت الضهريه كمت سويت الغده كعدت نور ريكتها وحاولت امشيها هوايه صارت تمشي وحدها بس شوي تتالم بقت تروح وتجي حته اسبوع اليجي تداوم سويت اليوم مركه تبسي من البقه البيتنجان والبتيته والتمن وعدنا خبز خير وبركه وعدنا خضره الحمد لله المهم مرتاحه ومحد يذلني ويتعدى عليه
كعدت اقره اني ونور لتالي الليل وكلتها العشا ونامت وبقيت اقره راجعت كلشي كملت فصلين من كل ماده وضليت اراجع بيهن سمعت صوت القفاله لبست حجابي دخل وصاح يا الله شغل الضوه باوعلي السلام عليكم ودخل للحمام
عمر- دخلت للحمام لكيتها محضرتلي ملابس داخليه وهدومي النضيفه مصفطه ومعدله ومحطوطه وياها خاولي غسلت وطلعت لكيت الاكل مصبوب وجاهز اكلت والطعم يخبل جان رفعت مضري لكيتها تقره ك
عمر- عاشت ايدج اني مضايك هيج طبخ كبل
رقيه- بالعافيه
عمر- كملت اكلي وكمت غسلت المواعين ورديتهن لمكانهن وفرشت ونمت يم باب الكابينه وضهري عليهم ماريد اضل اباوعها وتضل صورتها ببالي وتذكرت ابو البيت كاللي الاحد ارد احاجيك اريد اشوف الباجر شيريد بلكن شغله بيها خير وين الله
