Sinadyang kong agahan ang pagpasok sa university, dumaan ako sa library nagbabakasakaling may mga past year books akong makikita na magiging daan upang makilala ko si Kristen at yung Kayzer Hwang. Halos hindi kasi ako nakatulog kakaisip sa kanila.
At hindi naman ako nabigo, nakita ko naman kaagad ang hinahanap ko.
Grade school alumni pala sa MVH si Kayzer at magkaklase sila ni Kristen. Napako ang paningin ko sa mga pictures nila. Lumakas lalo ang pakiramdam ko na nakita ko na silang dalawa nuon, hindi ko lamang maalala kung saan at kailan.
Malelate na ako kaya hiniram ko na lamang yung year book sa librarian.
On my way papuntang classroom, nakita ko si Ms. Cute Tour Guide kausap si Kristen sungit.
Kamakailan ko lamang nalaman na ex-girlfriend pala ni Eid si si Ms. Cute Tour Guide.
"Tin, sige na please...." pakiusap nya kay sungit.
"Sorry, I really can't. Maybe next time."
"Okay," disappointed na sagot nung ex ni Eid. Hirap nang hindi alam ang pangalan, ayaw kasi sabihin nung 3 bugoy.
Sabado, alas-syete ng gabi natapos ang practice ng grupo. Minabuti naming tumambay muna sa mall. Maaga pa kasi para umuwi.
"Bugoy napapansin namin, nadadalas yata ang pagiging late mo sa practice natin ah." sita sa akin ni Dave habang nakatambay kami sa isang coffee shop.
"Oo nga, nadadalas tuloy ang sermon sa'yo ni Reverend Eid. Haha." hirit naman ni Alex na nagpaangat sa ulo ni Eid bagama't busy sa paglalaro sa i-Pad nya.
"Gusto mong hindi lang sermon abutin mo?" kunot noong sagot ni Eid.
"Haha. Chill bro." sabi ni Stan sabay pat sa balikat ni Eid at binaling na ulit nila atensyon nila sa akin. "Oo nga bugoy, saan ka ba nagpupupunta at madalas kang late ha?"
"Ganito kasi yun..." panimula ko pero may nahagip yung mga mata na pamilyar na tao. Parang si Kristen yun ah. "Sandali lang, may titingan lang ako."
Iniwan ko muna sina bugoy at sinundan ang babae. Tama ako, si Kristen nga. Nakasimpleng t-shirt, skinny jeans at sneakers lamang sya at naka-ponytail ang buhok ngunit lutang na lutang pa din ang ganda nya, lalo na siguro kung hindi sya palasimangot. Ni minsan ay hindi ko pa sya nakitang ngumiti.
Stalker na yata nya ako.
Buong linggo ko na syang sinusundan sa pagpunta dun sa bahay ni Kayzer at paglalagay ng mga envelopes. Pati dito sa mall sinusundan ko pa sya.
Teka, hindi ko sya sinundan noh, nauna pa nga ako dito sa mall, nagkataon lang na nakita ko sya.
Pumasok sya sa isang music store at dumiretso sa sulok na puro Kpop albums ang nakadisplay.
May kinuha syang dalawang albums, one with a pink case and the other one's blue tapos binayadan na nya sa counter at umalis na.
Nilapitan ko yung pinagkuhanan nya, girl group's AMETHYST & boy group's SPADE albums pala. Fan ba sya nun? I know those two groups; they are popular groups from South Korea.
But my connection with those groups doesn't stop there, my ex-girlfriend is a member of Amethyst and that bastard who stole her from me is a SPADE member. What a coincidence right?! Tss.
"Bugoy, tagal mong bumalik ah. Uwi na tayo." biglang akbay sakin ni Alex. Sinundan na pala nila ako.
"Woah! Ano yan?" inagaw ni Eid ang mga albums na hawak ko. "AMETHYST at SPADE?!"
"Don't tell us?????" si Stan. May pang-aasar sa tono nya. Batid nilang lahat ang koneksyon ko sa dalawang grupong iyon,
"Wala ako balak bilhin yan," sinamaan ko ng tingin si Stan at nagwalk-out na ako.
BADTRIP!
Lunes ng umaga, sabay-sabay kami pumasok ng mga bugoy. Tulad pa din ng dati may mga babaeng nakaabang sa hallway na naghihintay sa pagdating namin.
Ang gwapo talaga nila noh?!
Sinabi mo pa, hayyy..
May mga gfs na kaya sila?
Sana ako na lang ang gf ni Eid.
Ako kay Alex.
Sakin si Dave.
Stan's mine.
"Akin ka na lang ZAC!!!!!," narinig kong sigaw ng isa sa kanila. Ngumiti na lamang ako na lalo naman nagpakilig sa mga girls.
"Partida na yan ha, di pa tayo nagdedebut binabaha na tayo ng mga fans." sabi ni Stan.
"Siguradong patataubin natin ang SPADE kapag nagdebut na tayo, di ba Zac?" biro ni Alex.
"Shut up! Ang aga-aga sinisira nyo mood ko." marinig ko lang ang pangalang SPADE, umiinit na ang ulo ko.
"Contagious talaga si Eid, nakakahawa ang kasungitan."
"Shut up! Para kayong mga manok, putak nang putak." inis na sagot ni Eid.
Nagtawanan na lamang kami. Nasanay na kasi kami sa sungit nya.
Eksaktong pagdaan ko sa tapat ng pinto ng isang classroom, may lumabas na babae. Nagkabanggaan kami at nalaglag sa sahig ang mga librong dala nya. Tinulungan ko syang pulutin ang mga ito. Pagtingin ko kung sino sya, si Ms. Cute Tour Guide a.k.a. Eid's ex-gf pala.
"Kamsamhamnida." pasalamat nya sakin pagkaabot ko ng libro sa kanya. Nagbow pa sya nang bahagya.
"Korean ka?" tanong ko sa kanya.
"Half-Korean Mr. Jung." she answered. Mr. Jung pa din? Ganun nya ako tawagin nung campus tour.
"Cool! Call me Zac." I offered her a handshake.
"Sure Zac. I'm Kareeshma Seo." she accepted it with a smile.
Maganda din itong ex ni Eid, matangkad, mabait kahit may pagka-ice princess ang aura at mukhang matalino. Pwede syang Kpop Idol.
"Ah.. sige mauna na ako. Nice meeting you again." nagpaalam na ako kasi baka ma-late pa eh.
"Same here."
"Bye." tatalikod na sana ako nang may bigla akong naalala. "Ahhh.. Kareeshma."
"Reesh na lang."
"Ah Reesh, are you friends with Kristen Yang?"
"Si Tin?" tumango ako sa kanya. Tin yung tawag nya kay Kristen nun nakita ko sila magkausap eh. "Yeah, why?"
"Fan ba sya ng Kpop?"
"Huh?"
"Nakita ko kasi sya sa mall, bumili sya ng albums ng SPADE at AMETHYST."
"Baka dahil kay Kayzer." pabulong nyang sinabi pero kahit papaano'y narinig ko.
"Kayzer? Sinong Kayzer?"
"Ah..Eh..W-wala..Wala.. Wag mo na lang pansinin yung sinabi ko. Sige mauna na ako. Bye." bigla sya naging hesitant. Sa hitsura nya'y para syang may di sinasadyang nasabing sikreto. Lalo tuloy akong nacurios. Mukhang kelangan kong bumili ng album ng SPADE.