وصلت داليا الى منزلهم ثم دخلت والقت نظرة ع والدتها فوجدتها تبكى
داليا بخضة : ماما مالك ؟
امل : مفيش يا داليا
داليا : ازاى مفيش حاجة وانت بتعيطى كددة قوليلى مالك ؟؟
امل : صاحب العمارة جة وطلب منى فلوس الايجار ولما قولتلة استنى علينا شوية قالى قدامك شهرين ولو مجبتش الفلوس هيرمينا بحاجاتنا ف الشارع
داليا : اهدى بس يا ماما الحمدلله قدامنا شهرين هنتصرف فيهم
امل : نتصرف اية يا داليا بس هى رؤى لايقة شغل وبعدين دة مبلغ كبير اوى مش هنعرف ندبرة ف شهرين وفين الشغلانة اصلا اللى هتدينا المبلغ دة ف خلال شهرين
داليا : لية يا ماما هو المبلغ اد اية ؟؟
امل : 10 الاف جنية
شهقت داليا وهى تبحلق واضعة يديها ع فمها
امل ببكاء : شوفتى بقا هنترمى ف الشارع يا داليا .. معندناش راجل يقف معانا ويدافع عننا .. من ساعة ماابوكى مات واحنا معندناش ضهر يسندنا وبيقنا عريانين :(
داليا : اهدى يا ماما ان شاء الله ربنا هيقف معانا بلاش دموعك دى والنبى
واحتضنت والدتها
........
كانت تقف امام مطعم فاخر كبير بمظهرة وسمعتة واسلوب التعامل الرائع وضعت احدى رجليها ع السلم كى تدخل المطعم وفتحت الباب ودخلت
رؤى : لو سمحت .. مش عايزين حد يشتغل معاكو ؟؟ حد يساعدكوا اى حاجة ؟
الرجل : لا والله مش محتاجين حد
رؤى بحزن : ماشى .. شكرا
ثم خرجت بحزن
رؤى ف نفسها : ياااارب دة 4 مطعم ادخلة ومفيش شغل ياارب ساعدنى
ثم اتجهت نحو طريق منزلها
.......
ف السيارة
جمال : بقولك اية يا بشير
اياد : ارغى
جمال : ماتيجى نولعلنا سجارتين حشيش ؟
اياد : لا ابوس ايد امك .. اخر مرة كنا هنعمل حادثة خلينا بليل زى كل يوم
جمال : خرمان يا بشير
اياد بتفكير : طب ببقولك اية ؟؟ وديناا ع بيت ايهاب
جمال : لا ياعم انا متخانق معاه
اياد : لية كدة ؟
جمال : اصل بصراحة انا شقتت البت ريهام منة
اياد : لا ياعم اسمع منى بس ايهاب مش هموا ريهام ولا مش عارف مين ؟
جمال : طب افرض طردنى يا بشير ؟
اياد : ساعتها انا هتصرف .. يختااااى امى بتتصل
جمال : ما ترد
اياد : لا يا جيمى هتتفضل تقولى اية اللى انت عملتة دة وازاى تككلم ابوك بالطريقة دى والمحاضرة بتاعة كل يوم بص فوكك احسن يلا طير بينا ع بيت ايهاب
جمال : اماااااان
........
لم تذهب الى منزلها ففضلت الجلوس بمفردها وطلبت فنجان من القهوة
فشعرت بالضيق امسكت هاتفها واتصلت بــ
ياسمين : الو
ايهاب : ايوة يا حبيبتى
ياسمين : ايهاب اانا مخنوقة اوى ومتسالنيش لية !!
ايهاب : لية يا قلبى طب انت فين ناو
ياسمين : كالعادة ف النادى
ايهاب : طب انا جايلك ناو متمشيش
ياسمين : اوكية متتاخرش
........
وصل كلا من اياد وجمال واقفين امام باب منزل ايهاب نظر اياد الى جمال بابتسامة ففهم جمال تلك النظرة واشار براسة بنعم وفجاة
اخذ جمال يضغط ع زر الجرس واياد يدق الباب بسرعة فائقة
جمال واياد : افتح افتح افتاااااااااااااااااااااااح
فتح بسرعة وقال
ايهاب بخضة : فييييييييي اييييييييية ؟؟
اياد وجمال : ههههههههه هههههههههه
ودخلوا المنزل
ايهاب : علية الطلاق انتو عيال رخمة
اياد : يخربيت تقل دمك
جمال : بقولك اية مفيش اكل هناا
ايهاب : هتلاقى موجود ف التلاجة
ركض ايهاب الى المطبخ وفتح الثلاجة واخذ صحن من الموجودين وخرج الى المكان الذين يجلسون فية
ايهاب : هروح مشوار كدة وراجع تانى
اياد : رايح فين يا بيبو .. عند جوليت برضو هههههههه
ايهاب بعصبية : بقولك اية يا بشير فوكك منى
وخرج سريعا ورزع الباب خلفة
اياد : مالة دة ؟
جمال وهو ياكل : سيبك منة
اياد : انا بقول كدة بردو .. بتاكل اي ؟؟
جمال : بسبوسة باللحمة المفرومة .. تاخد حتة ؟؟
اياد باشمئزاز : ياخى الله يقرفك !!
.......
وصلت الى منزلها وفتحت باب منزلها ودخلت
رؤى : ماما انت فييييين ؟
ظهرت داليا بحزن
داليا بلهفة : لقيتى شغل ؟
رؤى : لا ملقتش كل مااروح مكان مش محتاجين حد بجد انا زهقت وقرفت
داليا بضيق : بصى احنا لازم نتصرف لازم نلاقى شغل اليومين دول باى طريقة وانا هحاول الاقى شغلانة بعد كليتى
رؤى : لية ودة من امتى ؟؟ حصل حاجة وانا موجودة
داليا : بصراحة اه .. صاحب العمارة جة وقال لماما لو مدفعناش المبلغ هيطردنا بحاجتنا ف الشارع وعايز الفلوس ف خلال شهرين
رؤى : ياااااارب انا كنت حاسة والله .. ماما مقلتش المبلغ كام ؟
داليا : قالت
رؤى : كااااام ؟؟
داليا بخوف : 10 الاف جنية
شهقت رؤى وهى تضع يديها ع فمها
داليا : انا عملت كدة لما سمعت رقم المبلغ
رؤى بتفكيير : طب واحنا هنتصرف اازاى ؟
داليا : مش عارفة انا هحاول ادور ع شغل وانت كمان
ف نفس اللحظة وقعت حقيبة رؤى من يديها ووقع منها ورقة متوسطة الحجم
فنزلت رؤى الى مستوى الارض واخذت شنطتها ووجدت ع الارض ورقة , اخذت الورقة وقراءت ما بها
رؤى باستغراب : ايييييية دة ؟؟ ازاى دخلت شنطتى ؟
داليا بتساؤل : هى اية دى ؟
رؤى : لا ولا حاجة
ثم دخلت غرفتها وبدلت ملابسها وجلست ع سريرها وتمسك تلك الورقة باديها ثم فكرت لدقائق
وامسكت هاتفها واتصلت بالرقم الموجود ف الورقة
وبعد ثوان معدودة رد الشخص
رؤى : الو .. استاذ اياد معايا
اياد : ايوة مين معايا ؟
رؤى : اناا البنت اللى قابلتها ف النادى وادتها الكارت بتاع حضرتك
فابتسم اياد : ايوة يا انسة فى حاجة اساعدك فيها ؟
رؤى : اه حضرتك قولتلى انك هتساعدنى وتجبلى شغل
ايااد : ااااه طبعا طبعاا .. بس احنا مينفعش نتكلم ف الموبايل كدة لازم نتقابل ونتفق ع كل حاجة
رؤى : خلاص ماشى نتقابل امتى حضرتك ؟
اياد : بكرة الصبح ف نفس الوقت ف النادى
رؤى : تمام متشكرة اوى
اياد : سلام يا قمر
........
وصل ايهاب الى النادى
ووقف بعيدا واخذ يبحث عنها بعينه حتى وجدها جالسة بمفردها بضيق وصل اليها ووضع يدية ع عيناها برومانسية
ايهاب : انا ميين ؟
ياسمين بابتسامة : انت حبيبى
فضحك ايهاب وازال يدية من ع عيناها ووضع مقعد بجوارها ثم امسك يديها وقبلها
ايهاب : مالك بقا يا حبيبتى
ياسمين : وحشتنى اوى يا حبيبى
ايهاب : وانت كمان يا عيون حبيبك
ياسمين : هنفضل نتقابل كدة ف الخفا مش هتيجى تتقدملى بقا
ايهاب : حاااضر يا حبيبتى والله هتكلم مع بابا واجيلكوا
ياسمين : ماانت كل مرة تقول نفس البوقين دول ومش بتيجى برضو
ايهاب : وبعدين بقا يا ياسو ابوس ايدك بلاش تضيعى اللحظة دى
ياسمين : خلالاص خلاص يا حبيبى
ايهاب : ها اي بقى الل مدايقك ؟؟
ياسمين بضجر : مش عارفة .. بس انا بقيت كويسة لما شوفتك
ايهاب : ربنا يخليكى ليا يا حبيبة قلب بيبو
ياسمين : ويخليك ليا يا عمرى
........
فات اليوم بما فية من حلوة ومرة , حتى جاء اليوم التالى
استيقظوا ابطالنا جميعا ولكن لنبداء باياد
بعد ان استيقظ واخذ حمامة المنعش كعادتة وارتدى ملابسة ونزل لاسفل وجد والدة ووالدتة وشقيقتة جالسين ع الطاولة منتظرينةة
اياد بمرح : صباح الخير يا عائلتى الجميلة
ادهم : صباح الخير ايية ؟؟ قول مساء الخير لسة فاكر يا استاذ مجتش الشركة لية امبارح
اياد : مكنتش فاضى
ادهم بزعيق : ايييييية ؟؟ سمعنى كدة تانى لية ان شاء الله وراك اييية يا سيادة المستشار ؟؟
فاطمة : خلاص يا ادهم مش وقتة .. تعالى يا اياد اقعد افطر
اياد : لا يا ماما انا عندى مشوار حالا مش هينفع اتاخر
نرمين : مشوار اية يا بشير ها ها ها
اياد بصوت منخفض : يابنت الرخمة
نرمين : هاااا انت بتشتمنى ماااااااااشى .. يا باباااا
ذهب سريعا ووضع يدية ع فهمما قبل ان تتحدث
ادهم : ف ايية ؟؟ يااض حاطط ايدك ع بوق اختك كدة لية ؟ هتكتم نفسها
اياد : هههههههههه بهزر يا بابا بهزر
ادهم : طيب هتسناك انهاردة تيجى الشركة عارف لو مجتش يا اياد وشوفت شغلك زى بقيت البنى ادمين هعمل فيك اية ؟
ايااااد : لالالا والمصحف عيب يا حاج جاى طيارة .. يلا سلالالامو عليكو
وذهب قبل ان يسمع كلمة اخرى
ادهم : انت هتجننى معاك يا اياد .. مش عارف اعمل معاك اي ؟
.......
ف الجامعة
كانت جالسة تنتظر صديقتها نرمين فوجدت كريم اتى من بعيد ثم جلس امامها بعد ان استاذن منها
كريم : عاملة اية ؟؟
داليا : كويسة
كريم : هو انا ممكن اسالك سؤال ؟
داليا : اسال
كريم : هو انت لية بتعاملينى كدة ؟
داليا : عشان انا كدة
كريم : لا يا داليا لا انت معامتلك مع كل الناس حاجة ومعايا انا حاجة تانية خالص قوليلى انا عملتلك اية عشان استاهل المعاملة دى ؟
داليا : ف اية يا كريم انا بعاملكوا كلكو نفس المعاملة
كريم : وبنفس بمعاملة سيف برضو
نظرت لة داليا بغيظ وقالت
داليا : انت مجنون سيف اية اللى انت بتقول علية ؟
كريم بدمعة محبوسة : متحاوليش تخبى يا داليا .. انا بشوف لمعة عنيكى بتبقى عاملة ازاى وانت بتبصيلة .. بشوف ارتباكك وانت بتكلمية .. بسمع دقات قلبك وانت معاة .. بسمع الكلام قبل ما تقولية بحس بيكى وقلبى بيوجعنى اوى لما بشوف معاة .. وهو حيوان مش حاسس بيكى .. صدقينى سيف دة اوطى مخلوق خلقة ربنا .. انا اللى بحبك يا داليا وانت مش مديانى فرصة اتكلم معاكى ولو لدقيقة واحدة بتعاملينى معاملة واحد شحات بيحاول يشحت منك كلمة حب واحدة او نظرة جميلة لية يا داليا لية ؟
داليا باسى : عايز تعرف لية ؟؟ بص لنفسك ف المراية وانت تعرف
ووقفت ولملمت اشيائها وذهبت
اما هو فكان مصدوماا من جملتها الاخيرة ووقعت من عينة دمعة حارة فجففها سريعا ونظر الى ملابسة المكونة من بنطال من الموضة القديمة وقميصة المتادخل ف البنطال والحملات التى واضعها ع القميص ولنظراتة كعب كوباية
ففوجئ بصديقة وهو يضع كف يدية ع كتفة
مصطفى بحزن ع صديقة : ولا تزعل ولا تدايق نفسك
نظر لة ثم صمت بحزن
مصطفى : بص بقا انا بكرة البنات دول يا اخى وعشان انا بكرههم انا لازم انتقم منهم هما شايفين نفسهم اوى كدة لية
ثم وقف وامسكة من ايدة
كريم : هتعمل اية يامصطفى ؟؟
مصطفى : سيبلى نفسك خااااااااالص
.......
وصل الى المكان المتفق علية فوجدها جالسة فابتسم بثقة وذهب اليها
اياد : اهلا وسهلا
رؤى : اهلا بحضرتك .. بجد انا مش عارفة اشكرك ازاى يارب تبقى شغلانة كويسة
اياد : هو انت اسمك ايية ؟
رؤى : اسمى رؤى
اياد بتفكير : رؤى مممممممم
رؤى : هو انا هشتغل اية ؟
وضع اياد رجلا ع الاخرى
اياد : بصى الشغل اللى هعرضة عليكى دة هيبقى غريب شوية بس بلاش استغراب
رؤى : تمام
اياد : انت عارفة بقا الفلانتين قرب وكدة
رؤى : فلانتين ؟!
اياد : ايوة
رؤى : بقولك اية ماتجيب من الاخر
اياد : بصى انا عايز نتصاحب و..
رؤى مقاطعا : نعم ي خويااا نتصاحب
رؤى مع انها فتاه رقيقة وبسيطة وجميلة الا انها تتعامل مع ذوى الاحتياجات الخاصة مثل اياد بمعاملة اخرى
........