اني وسن مواليد 85----خريجة سادس اشتغل سكرتيره يم دكتوره نسائيه ...عايشه ويه اهلي مثل اي عائله عراقيه بمنطقه شعبيه بنص السوك ...
جنت احب شخص من جنت زغيره بمنطقتنه بس طلع كذاب
اوهمني بالحب وفلت ...سمعت تزوج بنت عمه وعنده 2اطفال
واني ع حالي ....لا تزوجت ولا شي ....
وحتى اليجون يدكون بابي يرحون متصير القسمه رغم ما اني حلوه ونادره وشايله البيت ع راسي طبخ وتنظيف وخبز ومسواك يعني مكمله وللكمال لله ...
بس كمت اضوج من حالي واحس روحي عنست واشوف الاصغر مني تزوجن واني كاظيتها اودي واجب الهن واباركلهن
مره من المرات بالعياده جانن نسوان قريبات عليه يسولفن
عن بنيه جانت بيها تابعه ومتتزوج ...
وراحت للسحاره وكالتلها بيج تابعه ونطتها حاجات سوتهن وتزوجت
اني ظل الكلام ابالي ... .لعد اكيد اني هم بيه تابعه لو مربوطه قسمتي بسبب وحده مسويتلي سحور ....
اريد اروح للسحارات واخاف ..لان اصلي وخاف صلاتي متنقبل 40 يوم
بس اني اذا رحت بس اكشف قابل راح اسوي سحر ...
وظليت اتابع هاي الامور...
واشوف حل القسمتي الواكفه عسى ولعل تجيني قسمه وتصير
مره من المرات سمعت بمنطقتنه سحاره هسه نازلين جديد
ويمدحون بيها ويكولون فاتحه قسمة
دلال بنت ابو رائد جيرانه وهي عجوز دلال ومو حلوه وتزوجت ع ايدها
اكيد اني راح اتزوج بسرعه وتوخر مني التابعه بسرعه لان اصغر واحلى
رحت للتابعه
دكيت الباب طلعلي ولد اسمر طويل لحيته خفيفه يخبل
تفضلي اختي
عفيه هذا بيت السحاره
ههههههههههه يا سحاره هاي
اني خجلت ودنكت بسرعه....بله اكو وحده تكول سحاره غير بيت ام فلان ...بس حتى حتى ما اعرفها ام منو
اوووي يلا عادي شسويله
....
اكيد دتسوين سحر الزوجج
لا ممتزوجه اني ،،،هي موجوده لو لا
لا عيوني ام خضير الباب اليمنه مو احنه
من كلي الولد البيت اليمنه خجلت حيييل وظليت بنص هدومي واني الغبيه شلون اكول بيت السحاره
اوووي يلا لعد شكول
،،،،،،،،،،،
،،،،،،،،،،
ساعه 12 الظهر اندكت الباب وطلعت للباب لكيت بنيه حلوه ومستوره لابسه عبا ع الراس بس مرتبه حيل ومبينه نظيفه من وجها ...
دكت الباب وفاجئتني وظحكتني بسؤالها
بيت السحاره
مبينه فطيره من سوالها ومو مال هيج امور سحر وشعوذه ...
والفاجئني اكثر انو هي ما متزوجه ،،سبحان الله كل هالجمال والنظافه وبعدها بنيه ...،،،،،،،،،،،،،،،،،
،،،،،،،،،
دكيت الباب ع بيت ام خضير طلعتلي بنيه زغيره
ها خاله شتردين
ام خضير
اي فوتي كبل بذيج الباب
فتت ...وحشاكم اشوف نعل النسوان يم الباب كومه
عزززه هاي لعد شكد نسوان يمها شوكت يوصلني السره ورايه غده وخاف يجون اخوتي وميلكوني ويسوولي سالفه ...
طبيت والكه النسوان كومه وام خظير بنصهن فاتحه القرآن وتسولف
وعلى كولة المصريين ،،على عينك يا تاجر ،،
تحجين مشكلتج كدام الكل
وهي تنطيج حل كدامهن ....
هاي التريد تتزوج مثل حالي وهاي الرجلها متزوج عليها وهاي الراح يبطلون رجلها من الشغل .حتى التريد ابنها ينجح هم سمعتها
مشاكل وامور كووومه وتشيب الراس
وصل السره اليه
هلا بنيتي اسمج واسم امج
وسن بنت سعاد
وبدت تكلب بالقران
جان تكلي بيج تابعه
يا عزه العزاني
فدوه شلون تروح
كالتلي سهله ماما سهله ذبي بياضج
حطيت الف بالعلاكه اليمها
جان تخزرني ...اني خفت حطيت فوك الالف 5
كالتلي سمعي
راح اكلج ع شغلات تجيبيهن وتجيني
حاظر
كالتلي جيبي قفل صغير وبطل مي ورد...
.جيبي وياهن من العطار فلان شغله وفلان شغله
وجيبيلي انظف دشداشه عندج وكون تخظيها وتسمين عليها وتعاليلي
اني ما جذبت خبر رحت للسوك جبت المواد الرادتهن ورجعت للبيت
وكلت باجر اروح لان ما ظل وكت بعد واخوتي حيطبون وفعلا ...ورايه بشويه طبو ...
بس هذا الكلام بعلم امي وامي كالتلي روحي لان مره جبيره وتؤمن بهيج امور....
خظيت الدشداشه وعليتها وتشاهدت عليها 3مرات ....
وكلت من يصير الصبح اروح من وكت لان النسوان يلتمن واتاخر صارت ساعه 8كعدت ورحت البيت ام خضير ركض
لكيت الولد بالباب واكف ...شافني وابتسم ابتسامه جبيره مال واحد بكلبه ميت ضحك
اني خجلت وفتت بسرعه وهم لكيت شكم وحده قبلي
يا دهر دهرجن من شوكت كاعدات يمكن مصليات الفجر. ولازمات الباب 😁😁
طبيتلها خاله ام خضير هاي المواد الكلتيلي عليهن اي لحظه خليج هنا وانتظريني
غابت علينه مدة ربع ساعه والنسوان بدت تتجمع واني مغطيه وجهي بعباتي خاف وحده تشوفني من المنطقه وانفضح ....
اجت ام خظير وياها بطل المي بس لونه متغير عبالك صاير طين ...
وياها دشداشتي ...
(طبعا بنات هاي شغله مجربه للي تريد تفتح قسمتها من صدك بعيدا عن ام خضير )
بنتي ...هذا المي اقري عليه سوره يس جان قريتلج اني بس ازدحام واطول
تسبحين وتكلين وكون انتي نظيفه مو مريضه
وبعدين تجيبين طشت وتخلينه جواج وتذبين هذا البطل مال مي عليج ...
والمي تذبينه جوه احلى شجره ببيتكم كون حلوه وخظره وزاهيه
وتلبسين الدشداشه قبل صلاة المغرب هذا الحجي
وتوكفين يم باب الجامع لو الحسينيه وتاخذين وحده وياج متحجين انتي وتخلين أول واحد يطلع من الجامع يفتح القفل الموجود بذيالج ويوخره وينطيجيا
مو تقفلينه لا دير بالج
توخرين القفل وحد والمفتاح وحد وترحين تذبيهن بالشط ..كلمن بجها
اني سويت مثل مكالتلي ...
واخذت مرت اخويه ورحت الغروب وفهمتها
مرت اخويه حبابه وعلى كلبي تحبني اني وياها صديقات....
وصارت صلاة المغرب
وطلع اول واحد من الصلاة
رحت اني ومرت اخويه وظلينه واكفين ننتظر وطلع اول واحد من المصلين
وجلبت بي مرت اخويه
فدوه يا ولد
كولي خيتي
حماتي مريضه وكللولنه لازم نفتح القفل يلا تصير زينه
اي ومتفتحو الله يشافيها
لا مو لازم اول واحد يطلع من المسجد يفتحه
اها
فدوه اروحلك اعتبرها اختك
وينها
هاي
شفت من بعيد ولد اجه ويه مرت اخويه
بسرعه غطيت روحي و وجهي وطلعت ذيالي لان بي قفل ....
اتقررب الولد وطلع جيران ام خظير
الولد كال بسم الله الرحمن آلرحيم
وفتح القفل
من فتح القفل ..الولد جان مدنك من كام داخ لان مدنك وهو ضخم وطويل خطيه الولد مثل الداخ ورجع ليوره ..اني بلا شعور لزمته ليوكع
كال خيتي ما بيه شي توكلو حيطلعون المصلين و ولد وانتن نسوان هنا ...
باوع عليه وركز ...
كلي هاي انتي ههههههههههه ههههههههههه
وضل يضحك ...حتى بالمركه راح تطلعيلي
اني اريد اتعارك دمي فار بس المصلين كامو يطلعون فمرت اخويه تشكرت ورحنه الخظر الياس زرنه وشعلنه شموع ....
وذبينه القفل والمفتاح بالشط ورجعنه
هاني،،،
شفت اللبنيه مره لخ من طلعت الصلاة هاي منو وشنو فلمها وبشنو مريضه بس ظلت ابالي يا الله اريدها تروح من بالي بس شلون
اكوم ابالي اكعد ابالي انام تطلعلي بالسكف
وجها الملائكي ميروح من عندي يا الله خاف هاي سوتلي سحر
استغفر الله عود هاي اني المؤمن هيج افكر شخليت للجهله
نزلت الامي ...يوم البارحه صار ويايه سالفه
كول يمه
بنات اثنين من طلعت من الصلاة وبديت احجي الامي ....
لا يمه هاي مو مريضه ...هاي قسمتها مسدوده لو عدها تابعه وانت فتحتلهيا
ههههههههههه والله انتن النسوان عدجن سوالف ...
رجعت للبيت ولكيت امي منتظرتنه ع نار
يمه شو تاخرتن
يمه مو انتظرنه وفتحه القفل وذبينا ورجعنه
انشالله تنفتح قسمتج يمه ربي يستر عليج ويريح بالج
طبيت للغرفه ولحكتني مرة اخويه
ولج هذا منو الولد الحلو عبالك يعرفج
هذا قصته قصه تعالي اسولفلج
واني اسولف ومرة اخويه خربانه ضحك
يا عزه بعينج فضحتينه
ولج شبيج زغيره
لعد شكول ما اعرف اسمها وجنت مستحيه اكلج
يلا ميخالف ....
بس تدرين الولد من شافج لمعن عيونه،،واني نظرتي متخيب
يعني شنو،،
يعني معجب بيج وكيف من شافج ...
اوووف
ها ولج شو كمتي تذبين حسرات
مو اني هم انعجبت بي بس شسوي يلا كلمن تاخذ قسمتها
قابل المثله يكلبني
ليش شبيج جنج العافيه
لا قصدي اذا ما متزوج ليهسه راح يدور الفينات مو يدورني ..
بابا تره الالفينات صغار ويشلعن الكلب ،،مو كل واحد يرغبهن
طلعت مرة اخويه وظليت افكر بالولد
ما راح من بالي يا ربي شوداني هسه اني مالح هاي السوالف ....
هاني
باجر نزولي ..صارلي 10ايام هنا..راح ارجع التحق بس هاي المره غير اول مره اضوج هيج من التحق ...تعلقت بوحده
لا اعرف اسمها لا اعرف بيتها وين
استغفر الله العظيم،،،،
النوب بعد اسبوعين لو 3
يلا ارجع ...
خل اروح الجماعتي اسلم عليهم يا عالم ارجعلهم برجليني لو ع تابوت...
مشيت للسوك وشفت صاحبي حسين ظلينه نسولف ونحجي..
وفجئه شفت البنيه ...لك حسين لك
هايه
شبيك هاني شنو عليه
لك البنيه لك واخيرا لكيتها موتتني
منيه
هاي الحلوه البيضه الجنها شمس
هاي ام العبايه
اي
لا يا ساقط يا ادب سز،،لك صدك متستحي
شبيك حسين
هاي اختي يا عار عمه بعينك
وسن وسن
ها
ارجعي للبيت بسرعه
وسن..
جنت رايحه الشغلي،،واخويه صاحني التفتت لكيته هو والولد شنو القصه،،،
وعيون اخويه تجدح شرار
رحت للبيت وعيوني مدمعه رحت ركض الغرفتي قفلت الباب واسمع اخويه يكول بعد متطلع
وامي تكله شكو ويتعايطون هو وامي،،،
وامي تكله اختك شريفه و مستوره شتسوي للعالم البره،،
واني متت بجي طكيت
هاني ،
اخابر ع حسين ميشيله ادك الباب يكلولي مموجود وادري بي موجود
صار الفجر والتحقت واني كلبي شاب نار
صار هجوم عنيف علينه ،،
واني افكر استشهد واكو احد كلبه شايل عليه
وصرت سبب بحبسة البنيه
صارت الايام ثكال عبالك سنين متمشي ،،
يا ربي شوكت ارجع..
انفتحت قسمة وسن وكامو يجوها خطابه
وهي كامت ترفض لان خلت ابالها هاني
وعسى ولعل يجي يوم تشوفه ....
لو تلكه قسمه زينه احسن من الي تقدمولها
هاني،،
اليوم نزولي وما اكللكم بالفرح اريد ارجع لحسين وافهمه موقفي
واول ما وصلت البيت سبحت وركضت ع بيت حسين لكيته واكف بالباب هو والولد
سلمت عليهم هو انحرج سلم عليه،،
صحتله ع جها وتعذرت منه..
ورحت الامي
يمه خطبيلي
ها
يمه شنو ها عجبتني بنيه يمكن تعرفيها بنت ام حسين وسن
اي يمه حبابين خوش ناس بس مو جبيره عليك...
لا يمه بعمري واتعلقت بيها فدوه يمه لتكليلي فلانه وعلانه اريدهاااا
يا شبيك تخبلت تعيط اريدها
العصر نروح ويصير خير
وسن،،
اندكت الباب العصر طلع اخويه ..وصاح امي يمه نسوان
طبو وامي اجتي للغرفه بدلي ولبسي حلو وطلعي
اني بدلت وطلعت سلمت ع النسوان باوسني وظلن يباوعن ويسئلن رحت الغرفه وهنه راحن
وناطيات امي صوره ...
امي صاحتني وكالتلي اجوج خطابه وهاي صورته
شفته الولد نفسه....ومتتصورون فرحتي اي يمه اي موافقه
يا وشعرفتي عنه
جان مرت اخويه تكول خاله اني افهمج السالفه بعدين ...
و وافقت واخويه حسين وافق
وصارت المشيه وعقدنه سيد وطبلي وره ما عقدنه وظل ماكلني بعيونه وفرحان
وهسه منتظرته يرجع بالسلامه ونتزوج
واذا اراد للشي ان يقول له كن فيكون
النهايه.
اتمنى نالت اعجابكم حبيباتي
تسلمون على سعة صدركم واعتذر ع التاخير😘😘