قصص رومانسيه

فوضى الحب للكاتبه ملاك الاحمد

لُلُگآتٌبْةّ ملُآگ آلُآحٍـمدِ

القصة تتحدث عن مجموعة قصص حب مترابطة فيما بينها .في عشق ننتظره وفي عشق هو ينتظرنا وكل هالمشاعر تتوه بفوضى الحب

بداية تعريف بسيط عن ابطال الحكاية
@ سيرين العمر 22 كلية فنون جميلة بغداد قسم فنون عام - اداب- شعر . المواصفات طول 170 الوزن 66 حنطاوية عيون اسود شعر اسود بشكل عام جميلة وفاتنة بكلشي
@ هيفاء العمر 22 كلية فنون جميلة قسم فنون عام - مسرح وتمثيل . المواصفات الطول 167 الوزن 64 . بيضاء البشرة لون عيونها اصفر شعر جوزي فاتح بشكل عام حلوة وبيها رقة ودلع
@ اركان العمر 24 .كلية فنون جميلة قسم ديكور المواصفات الطول 180 الوزن 82 حنطاوي والجسم معضل وشعره اسود بشكل عام انيق وجذاب وشوية غرور
@ مصطفى كلية فنون جميلة قسم تصوير فوتوغرافي العمر 25 الطول 188 الوزن 90 ابيض عيون زرقاء بشكل عام جميل جدا ومعضل وضخم وصفة خاصة غني جدا
@ انور العمر 23 كلية فنون جميلة قسم النحت الطول178 الوزن 77 اسمراني بشكل عام بسيط ومحبوب وطيب
الاستاذ -- مصطفى مو كافي يعني اذا يومية ماتنطرد من المخاضرة ماترتاح ...
مصطفى-- هههههه بكيفك استاذ
--- اني حجيت ويه العميد الي ينطرد من محاضرتي يتعاقب مو يتفرفر بالكافتريات يله كوم اطلع بره استاذ ابراهيم راح يوديك للحجز
-- حجز شنوووو
-- مو ماعاجبتك المحاضرة روح للحجز بالمكتبة يم ست نجوى شوف شعدها شغل اتشغلك
-- لا كلشي ولا ست نجوى
-- يله كوم اطلع بره
كام مصطفى وطلع برا اخذا استاذ ابراهيم للمكتبة -- ست نجوى هذا اول طالب معاقب استاذ حيدر يكول لاتقصرين وياه
-- يدلل حيدر 😈😈😈😈
طبعا مصطفى جان لان حلو وغني والبنات اكثريتها معجبات بيه جان عنده غرور ومامنطي اهمية لاي محاضرة لان بنهاية السنة هو ناجح ناجح شلون محد يعرف💲💲💲💵💰

نرجع لقسم النحت جان انور متأخر عالمحاضرة الاستاذ ماخلاه يدخل ودزه للحجز ولو هو شاطر ومايحب يغيب عالمحاضرات بس تأخيره بسبب المواصلات خلاه ياخذ عقاب راح للمكتبة وهم انطته ست نجوى كم شغلة
اما بلنسبة لقسم الديكور جان اركان هواية يناقش الاساتذة بالمحاضرة فه بعضهم مايحبون هالشي فه دائما يوكع بالمشاكل وشاءت الصدف هم اتعاقب وراح للحجز يم ست نجوى 😡😡😡
نروح لقسم التمثيل والمسرح جانت صايرة عركة بين هيفاء وزميلتها بسبب دور البطولة لمسرحية راح يسوها والاستاذ عصب منهم وهم راحت هيفاء للحجز 🎭🎭🎭🎭
واخيرا قسم الادب والشعر
جان عدهم امتحان فجائي ووحدة من الطالبات جانت تغش فه من الاستاذ دار شمرت الورقة لسيرين المسكينة واكلت العقاب وهي خطية مامسوية شي 😢😢😢😢😢
القدر لعب لعبته وجمعهم بمكان واحد تحت رحمة ست نجوى 🔫🔫🔫🔕🔕
وزعت نجوى لكل واحد شغلة وكالت ممنوع احد يسوي صوت وراحت كعدت بالمكتب والمساكين بدو يرتبون بالكتب 📚📖📑📚📚
بعد ساعة
سيرين - ست نجوى اني خلصت شغلي ممكن اطلع والحك على محاضراتي
اجه انور -- اي والله ست نجوى اني هم اريد اطلع خلصت شغلي
نجوى -- 😠😠😠😠 لا عيني اليوم لنهاية الدوام تبقون هنا يله على شغلكم فاتحة كوفي بابا هذا حجز يله بدون صوووت
راحت سيرين والدمعة بعينها تفكر كم قصيدة فاتتها وشكد شرح راح عليها اجه انور يمها وراد يخفف عنها
-- لاتضوجين باجر اخذي المحاضرة من صديقاتج
--اي لازم اوووف شنو هالعقاب
-- اي والله ..... العفو نسيت اعرفج اني انور
-- اهلا اني سيرين
- اهلا وسهلا
اجه مصطفى وروحه طالعة يفكر كم بنت فاتته وكم سباق ويه االشباب بسياراتهم الفاخرة فاته
-- اكووول شباب ماعدكم شي ينأكل جوووعان
سيرين-- لاوالله اخوية ماشايله شي
اجت هيفاء وطلعت من جنطتها سنيكرز -- يفيدك سنيكرز
مصطفى-- ايييي والله شكرا يفيد يفيد 🍫🍫🍫
-- بالعافية ....
-- شكراااا
-- اني هيفاء
-- اهلا بيج واني سيرين
-- اني انور
-- واني مصطفى
مصطفى صاح على اركان -- ابووو الشباب يمعود عوف الشغل وتعال نجوى غافية تعال نتعرف عليك ... اجه اركان وماعاجبه العجب -- شوكت يخلص هذا الزفت
-- شنوو ؟؟
-- الحجز الي طلعو جديد هواية اتعصبت
انور -- هدي يمعود كلنا ضايجين تعال اكعد يمنا
-- اي اجيت ..
-- الاسم بالخير
-- اركان 😏😏😏
اهلا بيك ...وعرفه عالباقين وكعدو يتعارفون من اي قسم ويامرحلة وهيج سوالف لحد مانكضت ساعة وهم مشغولين بالحجي وماحاسين بالوقت الا ان صاحت بيهم نجوى فززتهم وكامو يضحكون واقترح مصطفى يعزمهم ثاني يوم بالاستراحة حتى يكملون تعارفهم كال حلوة الصدفة انجمعنا من كل قسم واحنا اول طلاب انطبق قانون الحجز بلبداية البنات ماقبلو بعدين وافقو
صار ثاني يوم واجتمعو بالنادي الطلابي وحجو وتعارفو اكثر
مصطفى -- اكول اذا بيوم صرنا كروب نسمي كروب الحجز
هيفاء- اي والله ههههه
انور -- بس لازم نجيب ست نجوى هم
اركان -- لالالا يمعود هههههه
سيرين - هيفاء يعني هسه انتي تمثيلج حلو
-- ايي طبعا .. صدك شباب باجر عدنا بروفه عالمسرح تعالو هم نتشاوف وهم تشوفون موهبتي
مصطفى - بلنسبة الي جاي
سيرين - اني هم
اركان- انور بقت علينه يابه احنه هم جاين .... وبقو يحجون كل واحد على قسمه وكذا سوالف تجر سوالف بعدين راحو كل واحد لمحاضرته
هيفاء وسيرين رجعو سوا جان قسمهم قريب على بعض واخذو تلفونات بعض
ثاني يوم جانت هيفاء دتسوي بروفه ويه زملائها عالمسرح اجت سيرين وكعدت وبعدين اجو الشباب اشرتلهم سيرين واجو يمها سلمو وكعدو يتفرجون وجانت كلش حلو تمثل وحركاتها ودلعها خبلتهم خاصة اركان حيل انعجب بيها خلصت نزلت عليهم وسلمت ومدحوها وتشكرتهم وعزمتهم عالنادي وراحو
هيفاء-- يله اليوم شفتو قسمي باجر العزيمة على منو ههههه
انور -- تعالو يمي داانحت ابو الهول هههه عدنا درس عالاهرامات تعالو شوفو شغلي
هيفاء -- خوش فكرة . بس بشرط من اصير مشهورة اريدك تسويلي تمثال هههه
-- تدللين هههههه
سيرين - اني بعد يومين عدنا مسابقة شعرية بالقسم تعالو شجعوني خوش فكرة مو
انور -- اني اول واحد اجي
هيفاء-- اوكي كلنا نجي
وفعلا ثاني يوم من خلصت محاضراتهم راحو يم انور وشافو شغله واتونسو هواية وبعدها راحو لقسم سيرين وجان الكل يلقي شعر طبعا مصطفى حيل مل وضاج مايحب الشعر بس انور جان صافن على سيرين وهي تلقي شعر انعجب بيها وباسلوبها
طبعا مصطفى مااخذهم لقسمه كال هو تصوير وضحك عليهم بعزيمة واركان هم كال راح تملون احنا ماعدنا فعاليات او شي فه هم بس عزمهم
وصارو فد كروب كلش حلو يوميه يلتقون وبلبيت يتواصلون بالفيس ومر شهر على كروبهم وجانت صداقتهم كلش حلوة واذا مرات يصير عليهم لود بالمحاضرات جانو يتفقون حتى يتعاقبون ويروحون للحجز وهناك يخبلون ست نجوى بمشاغباتهم ....
وجانت هيفاء وسيرين اكثر الوقت مع بعض حتى اجرو سيارة وحدة للبيت وصارو صديقات مقربات حيل
هيفاء-- اكولج اني هواية حبيت كروبنا اتمنى لو كلنا سوا بنفس القسم
سيرين-- اي والله اتعودنا عليهم هواية
-- اكولج ترى انور معجب بيج انتي هم تلاحظين
-- ماعرف لا بس اني اشوفه مثل اخوية
-- اي اني هم كلش حباب .. بس الكلب الكلب يمه فديته
-- ولللج منووو ... ايا مكروهه ياهيفاء معحبة بواحد بيهم ومادكولين
-- اي مصطفى اكو غيره هواية عاجبني وحلو ومرتب ووووو حالته المادية توووب
-- اهوو هفو شنو هالحجي ماعرفتج ادورين مظاهر
-- لا سوسو بس والله هذا الي يفيد هسه ماعدا شكله هم يخبل يمه فديته اكولج بس هو ملعب وابو بنات منو يكول ينعجب بيه
-- لا ليش بلعكس هفو انتي تخبلين اكيد معجب بس يستحي يكول
-- اميييين ...وانتي هفووو منو
-- محد ابالي
-- لا تكذبين عيونج تفضحج من اركان يحجي لاعبالج ماكاشفتج
-- عزززة صدك ولي خرب بحضي عيب لايحس الولد
-- واذا يحس ههههه احسن ... بس سوسو احنه مانخطي خطوة الا اذا هم بدو
-- اي طبعا بس باقي احنه نكول
-- راح اخابر مصطفى
-- ولج ليش
-- لا عادي اكول وينكم حتى نلتقي ولج اشتاقيتله
اتصلت وجان مصطفى واكف ويه اركان
--الووو ها ولج هفو وينكم ... ها اي جاين اركان ويايه ..باي ... اركان هاي هفو تعال نروح يمهم
-- ماشي (اركان حيل ضاج ليش هيفاء تتصل بمصطفى وماتتصل بيه ضاج وحس بغيرة راحو وشافوهم وجان بس يراقب ب هيفاء ويغار من تتشاقه ويه مصطفى وبعدين مايتحمل ويروح كل مرة على نفس الشغلة يضوج ويغار ويروح يعوفهم)وجانت سيرين تراقب بيه بس ماعبالها معجب بصديقتها عبالها هو هيج رزن وثكيل جانت بس تفكر بيه وتحس هو فارس احلامها وهو باله يم هيفاء وشاغله كل تفكيره ويغار من تصرفاتها وكلامها الاكثر ويه مصطفى كل ما يريد يصارحها باعجابه يتردد ويأجل الموضوع وهيفاء ولا مهتمة باركان لان بالها كله ويه مصطفى منعجبة بشكله وبفلوسه اكثر شي وبالنسبة لانور المسكين جان يحب سيرين هواية بس مايبينلها لان خجول فه دائما موجود بحانبها ويساعدها بكلشي بس هي تعتبره اخ وفقط 💔💔💔💔💔💔💔💔💔💔💔💔💔💔