11
I never really imagine that people will still support this story though reposted na, in fact, mas marami pa siyang reads ngayon kesa dun sa pinagsamang reads ng BOOK 1 and BOOK 2, salamat sa lahat ng nagbabasa, pero ganun talaga, all stories end...so it will end soon..
******
Everybody was happy for them, sina Kathryn at Loise, Owa na asawa nito, si Ruel tinawagan na rin nila since di ito napasama sa outing. Si Elvin siyempre na kilig na kilig pero di pwdeng mabisto ng lahat, sikreto pa rin nila yun dahil sa harap ng marami, lalaking-lalake pa rin siya. Sina Aron Miguel at Candice lang ang nakakaalam na isa siyang kauri ni Candice.
Pauwi na sila ng Davao City, babalik na rin kasi ng Canada si Elvin, kailangan siyempre nila itong ihatid ni Aron Miguel. Kailangan rin nilang umuwi ng Kidapawan City, gusto raw makausap ni Aron Miguel ang Papa at si Kuya Carlos niya.
Nung sabihin nila na sila na ulit, na okay na sila ay natuwa ang Kuya Carlos at ang Papa niya, pero may pahabol pa rin ito.
“Hangga’t di mo ako natatalo sa chess, Aron, walang kasalang magaganap.” Seryosong-seryoso ang Papa niya. Napalunok si Aron Miguel, ilang taon na ba niyang kinakalaban ang Papa ni Candice, ni minsan ay di niya ito natalo. Ang galing naman kasi, nalilingat lang siya, talo na.
“Pa naman! Baka tumandang dalaga ang prinsesa ng bahay na to, kayo rin, wala kayonng magiging apo.” Asar ng Kuya Carlos niya. “Sandali, paano nga pala ang Baby Elvin mo? Ganun na lang ba niya kadaling tinanggap yun?”
“Naintindihan naman ni Elvin, Kuya. Mabait na tao yun.”
“Sabagay. Umayos-ayos ka na Aron, pag naulit pa to, ni animo mo di na makakatuntong sa lupa namin.”
“Kuya naman!” Nagmamaktol na si Candice, wala pa ring pagbabago, masyado pa ring bully.
“Kahit naman kailan, wala akong balak lokohin ang kapatid mo Carlos, siguro naman napatunayan ko na yan sayo.” Seryoso rin nitong sagot. Bigla ay na tense siya. Ano ba tong dalawang importanteng tao sa buhay niya.
“Ok, cut!” Nagpeace sign pa si Candice. “Enough na yan. Kuya, I lab you talaga. Mag-uusap muna kami ng boyfriend ko ha, alam mo Kuya, di mo pa nakukuha yung pasalubong mo sa akin.”
“Tigilan mo na nga ako Candice, sige, maiiwan ko na kayo ng IROG mo.”
“Whew!”
Ginulo ni Aron Miguel ang buhok niya na parang bata. “Makulit ka kasi, saka, namomroblema na tuloy ako, Irog.”
“Bakit?”
“Paano kita mapapakasalan kung di ko matatalo ang Papa?” Lukot ang mukha nito. Halatang seryoso sa pinagsasasabi.
“Kasal agad?” Pero deep inside ay kinikilig siyang talaga.
“Bakit ayaw mo?” Nanlaki ang mga mata nito. Hinihintay ang sagot ng dalaga.
“ke bago-bago lang natin…ulit..gusto mo kasal agad?”
“Siyempre! Yung two years enough na, saka paano pag may baby na pala tayo? Di ba may nang..”
Tinakpan niya ang bibig ng binata. “Ano ka ba! Marinig ka ng Papa at Kuya.” Namumula na naman siya, bakit kasi kailangan pa ng nobyo na ipaalala yun?
“Why?” Nguguluhan siya, wala lang ba sa nobya ang nangyari sa kanila? “Ayaw mong pakasalan ako?” Nagtatampo na ang boses nito.
“Gusto!”
Biglang ang laki ng ngiti ni Aron Miguel. Parang teenager lang? “Yun naman pala eh!”
“Are you proposing now?”
“Yes!”
“No! Wala ka man lang ka effort effort! Umuwi ka na nga!” Nainis siyang bigla. Ang bilis din naman ng pangyayari, una umuwi siya, wala pang isang Linggo naging sila? Tapos..tapos may nangyari pa, then magpopropose ito? Nang ganito lang? Walang effort? Ay naku! Di na nga siya nagpakipot ng husto.
“Irog naman. Nasasaktan na ako.”
“Naiinis ako sayo. Umuwi ka na nga at mag-isip! Talunin mo na lang muna si Papa. Kung hindi, eh di walang kasal kasal na yan. Masyado ka ng sinusuwerte!”
“Irog.” Pagsusumamo nito. Bago na nga silang sila nagkaayos, magtatampuhan agad. Ni hindi pa nga sila nakakapag formal date.
“Uwi! Magpaturo ka nga paano magpropose sa akin.” Galit na sabi ni Candice.
Napakamot ng ulo si Aron Miguel, ano bang sinabi niya? Niyaya lang naman niyang magpakasal ang nobya, di pa naman ito ang formal na proposal, initial lang kung baga. Bakit bigla itong nagalit? Ang hirap espilengin ng mga babae.
“Uwi raw, Aron!” Biglang sulpot ni Carlos na nakapamaywang pa. “Mag youtube ka muna, pare, maraming marriage proposal suggestions dun.” Asar pa nito.
Badtrip sya na umuwi ng mansion. Naabutan niya sina Marcus at Alexie na naglalambingan. Mas lalo siyang nainis.
“Kuya! Kumustang panliligaw?”
“Kami na ulit.” Nakasimangot na sagot niya.
“Talaga?! Wow! Bilis ah, eh bakit ganyan yang pagmumukha mo?”
“Gusto ko ng magpakasal.” Reklamo niya sa dalawa.
“E di pakasalan mo, pare.” Nagtataka man ay nasabi ni Marcus. Anong problema ng lalaking ito.
“Bumalik na lang raw ako pag marunong na akong magpropose.” Sumalampak ito ng upo sa harap ng mag-asawa.
“Paano ka ba nagpropose?” Natatawa na si Alexie.
“E di sinabi ko na magpakasal kami.”
“Ganun lang? Kaya naman pala. Marcus, turuan mo nga si Kuya. Iwanan ko na muna kayo. Ang hina mo naman Aron Miguel!” Asar pa ng kapatid.
Nag-usap naman ang dalawa.
****
Samantala, kahit naman epic fail ang pagpropose ni Aron Miguel na di man lang nag effort ay kinilig pa rin si Candice, totoo na talaga, magiging sila na at balak pa siyang pakasalan! Subukan niya lang na hindi siya yayayain at siya ang gagawa nito. Nakakainis naman din kasi ang nobyo, dapat may pa sweet effect. Kailangan niya rin siyempreng magpakipot no!
Umuwi na si Elvin sa Canada, ngayon na okay na sila ni Aron Miguel, nag-iisip na siyang hindi bumalik, nakiki usap rin ang Papa niya na tulungan na lang ang Kuya niya sa mga negosyo nila. KEsyo ang nirarason nito ay wala na siyang lovelife dahil puro papeles na ang nakikita niya. Tama ba naman nag gawing rason yun?
Nagpaalam naman si Aron Miguel na mag-oout of town ng isang Linggo, may importante raw itong gagawin. “Saan ka pupunta?”
“May imemeet akong client sa Luzon, Irog. Nakasalalay rito yung kinabukasan at kaligayahan ko.”
“Ha? What do you mean? Business?”
“Sort of. Pag balik ko, dito agad didiretcho.”
Puro text at tawag lang ang ginawa ng nobyo ng mga sumunod na araw. Minsan di pa ito nagrereply sa mga text messages niya. Pag naman tinatawagan niya, parang ang lalim ng iniisip nito. May problema ba? Kinakabahan na naman siya, ayaw niya ng maulit ang nangyari noon. Ayaw niya ng may epal pa sa relasyon nila. She cannot wait for a week!
-*******
-Xian-