تحولت ملامح كريم للغضب وقال بعصبيه:
. نعم يا بابا عروسه ؟ ازاي يعني مش فاهم
. عمك عايز يجوزك بنته فاطمه لانه مش هيلاقيلها احسن منك
. عمي ده ملوش دعوه بحياتي ولا حد لي اي تدخل في حياتي خالص مين قاله اني عايز اتجوز اصلا
. طب يا بني هتعيش كده من غير جواز
. اه يا بابا هعيش من غير جواز انا مرتاح كده دي حياتي وانا حر فيها
. طيب يابني انت حر ابقي اتفاهم انت بقا مع عمك
. انا مش هتفاهم ولا الموضوع يعنيني باي شئ وياريت الموضوع ده محدش يفتحه تاني عشان بتخنق من السيره دي ونهض متوجها الي غرفته
. ربنا يهديك يابني وينور بصيرتك
........................ ......................
فاطمه بتبكي فكالعاده ستنجبر ع شئ لا تريده كالعاده أمر الاب وانتهي الأمر ...
جميله في اي يا بطه هو بابا عملك اي
فاطمه بتبكي ومش بترد
ساره .. يابنتي في اي متقلقناش ارجوكي انطقي
فاطمه برعشه ودموع:بابا عايزيني اتجوز كريم ابن عمي
جميله. كده مره واحده طب وكريم هو الي طلب ايدك ولا اي
ساره.. يطلب ايد مين هو ده بيطقنا اصلا ده مبيبصش حتي في وشنا
فاطمه .. مطلبش ايدي ولا نيله دي اوامر ابوكي وبالعافيه وبالغصب وبالافتري
جميله.. طب اهدي بس يابطه وروقي وان شاء الله كل حاجه وليها حل
فاطمه.. حل اي بس ده بيقولي هتتجوزي ورجلك فوق رقبتك
جميله.. لا حول ولا قوه الا بالله انا مش عارفه هو بيعمل معانا كده ليه
ساره.. ده لا يمكن يكون اب ده احنا ولا الجواري ياشيخه
فاطمه .. يارب انقذني من الي انا في يارب انا هقوم اصلي ركعتين وادعي ربنا يخلصني ع خير
................................................
نام كريم واستيقظ في الصباح وتوجه الي مقر عمله بالشركه وتوجه الي مكتب حسين بعد ان علم انه يريده لشئ ما ....
كريم: خير ياعمي في ايه
. اعد ياكريم هو ابراهيم مكلمكش في حاجه
. كلمني
. طب واي رايك
. في ايه
. اي ياكريم هتستهبل
. انا برد ع كلامك هستهبل ليه
. في بنتي فاطمه الجواز يعني
. مش موافق
. نعم!!
. هقول تاني ياعمي يمكن مسمعتش كويس م ش م و ا ف ق
. وليه بقا هي بنتي وحشه
. مليش دعوه حلوه وحشه لنفسها مش ليا انا مطلبتش منك تجوزني
. يعني اي ياكريم هتتحداني
. العفو انا متربي بس مفيش حد يقدر يجبرني ع حاجه انا مش عايزها
. من امتي ياكريم وانتي بتعصي اوامري
. ومن امتي وفي حد بيامرني
. تعجب حسين من اسلوبه واتنرفز كرييييم اوعي تنسي نفسك
. انا منستش نفسي ولحد دلوقتي انا بكلم حضرتك بكل احترم وهفضل اكلمك باحترام وهقولهالك تاني لاني م ت ر ب ي
. يعني افهم من كلامك انك بترفض تجوز بنت عمك الي لحم كتافك من خيره
. انا لحم كتافي من خير ربنا ثم خير ابويا ثم مجهودي ومش هنكر برضو انك ساعدتني لكن انا ردتلك كل المساعدات دي واكتر كمان وارجوك كفايه لحد كده وخلينا اهل احسن بدل ما تربي عداوه بينا ةمش كل حاجه حضرتك هتقولها هتتنفذ كله الا انك تتدخل في حياتي دي الي مش هسمحلك بيها ابدا .... ..
ونهض من مقعده متوجها للخارج بعد ان صفع الباب بقوه خلفه....
حسين: ماشي يا كريم انت بتتحداني لما نشوف مين فينا الي كلامه هيمشي 😡 انا لا عندي عزيز ولا غالي وهتتجوز بنتي غصب عنك
...............................................
جميله: فاطمه
فاطمه.. نعم
جميله.. اقولك ع حاجه ومتزعليش
فاطمه.. قولي
جميله.. اتجوزي كريم
فاطمه.. انتي بتقولي اي ياجميله